Pinagbuhatan Public Information Office

07/06/2026

𝐔𝐏𝐃𝐀𝐓𝐄𝐃
𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎 | 𝐉𝐮𝐧𝐞 𝟕, 𝟐𝟎𝟐𝟔

Ipinapaalam po sa lahat na magkakaroon muli ng PhilSys Registration Center sa Satellite II, simula bukas, Hunyo 8, 2026 at magpapatuloy ang operasyon nito hanggang Hunyo 30, 2026.

Para po sa mga nais magparehistro para sa National ID, maaari po kayong magtungo mula Lunes hanggang Sabado, 8:00 AM hanggang 5:00 PM

Paalala: Wala na pong Philsys Registration sa Damayan Multipurpose Hall.

Maraming salamat po sa inyong pakikiisa.

07/06/2026

07/06/2026

𝐂𝐎𝐌𝐌𝐔𝐍𝐈𝐓𝐘 𝐄𝐕𝐀𝐂𝐔𝐀𝐓𝐈𝐎𝐍 𝐃𝐑𝐈𝐋𝐋

Matagumpay na naisagawa ngayong Hunyo 7, 2026 ang Community Drill sa Barangay Pinagbuhatan Nagpayong Multi-Purpose Hall sa pangunguna ng CSWDO, CDRRMO, CRIO at BDRRM.

Taos-pusong pasasalamat sa mga residente ng Ilugin Sibol na aktibong nakiisa at lumahok sa isinagawang drill. Ang inyong pakikilahok ay patunay ng ating sama-samang hangarin na maging handa at ligtas sa anumang sakuna.

Gamit ang FACED Card (Family Assistance Card in Emergencies and Disasters), mabilis na naiproseso ang mga evacuees, na nakatulong upang maging mas maayos, organisado, at episyente ang pagtugon sa pangangailangan ng bawat pamilya sa loob ng evacuation area.

Sa pamamagitan ng mga ganitong programa, mas napapalakas natin ang kaalaman, kahandaan, at pagtutulungan ng komunidad tungo sa isang mas matatag at mas ligtas na pamayanan.

Ang kahandaan ngayon ay kaligtasan bukas!

06/06/2026

𝐈𝐍 𝐏𝐇𝐎𝐓𝐎𝐒 | 𝐂𝐨𝐨𝐫𝐝𝐢𝐧𝐚𝐭𝐢𝐨𝐧 𝐌𝐞𝐞𝐭𝐢𝐧𝐠

Our Punong Barangay, Robin Rin Salandanan, with representatives of the Pasig City Fire Station led by FSUPT Leo A. Andiso, DSC, City Fire Marshal, together with SFO4 Raymond P. Cruz, Acting Station Commander of 428P, and SFO4 Rei Kristian B. Cuevas, Chief, CRU.

The meeting focused on strengthening coordination and collaboration in promoting community safety, disaster preparedness, and effective public service for the residents of Barangay Pinagbuhatan.

04/06/2026

Bilang bahagi ng patuloy na pagpapanatili ng kaayusan, kalinisan, at kaligtasan sa komunidad, matagumpay na naisagawa ng Engineering Department ang iba't ibang maintenance at clearing operations sa Pinagbuhatan mula Hunyo 1 hanggang Hunyo 4.

Kabilang sa mga isinagawang gawain ang declogging ng mga manhole, paglilinis at pag-aayos ng mga manhole cover, tree trimming para sa pag-iwas sa mga posibleng panganib, at hauling ng mga nakolektang debris at iba pang basura.

Ang mga gawaing ito ay bahagi ng patuloy na pagsisikap ng lokal na pamahalaan na mapanatili ang maayos na kondisyon ng mga pampublikong pasilidad at masig**o ang kaligtasan at kapakanan ng mga mamamayan.

Patuloy na naglilingkod ang Engineering Department para sa mas maayos, malinis, at ligtas na komunidad.

03/06/2026

𝐌𝐆𝐀 𝐌𝐀𝐆𝐔𝐋𝐀𝐍𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐏𝐈𝐍𝐀𝐆𝐁𝐔𝐇𝐀𝐓𝐀𝐍! 𝐌𝐀𝐊𝐈𝐈𝐒𝐀 𝐒𝐀 𝐊𝐀𝐌𝐏𝐀𝐍𝐘𝐀 𝐋𝐀𝐁𝐀𝐍 𝐒𝐀 𝐓𝐈𝐆𝐃𝐀𝐒!
𝐇𝐮𝐧𝐲𝐨 𝟒, 𝟐𝟎𝟐𝟔 (𝐇𝐮𝐰𝐞𝐛𝐞𝐬) | 𝟖:𝟎𝟎 𝐀𝐌 – 𝟓:𝟎𝟎 𝐏𝐌

Inaanyayahan ang lahat ng magulang at tagapag-alaga na dalhin ang mga batang 6–59 months sa mga nakatalagang Temporary Fixed Post Sites para sa libreng bakuna kontra tigdas.

Paalala:
Huwag kalimutang dalhin ang vaccination card kung mayroon.

03/06/2026

As of 8:00 PM today, 03 June 2026, the Low Pressure Area (LPA 06a) is being monitored outside the Philippine Area of Responsibility (PAR) and has a "LOW" chance of development into a tropical depression within the next 24 hours.

All are advised to monitor updates from DOST-PAGASA.

03/06/2026

𝐃𝐞𝐩𝐮𝐭𝐚𝐭𝐢𝐨𝐧 𝐒𝐞𝐦𝐢𝐧𝐚𝐫 𝐨𝐧 𝐂𝐢𝐭𝐲 𝐎𝐫𝐝𝐢𝐧𝐚𝐧𝐜𝐞𝐬 𝐩𝐚𝐫𝐚 𝐬𝐚 𝐌𝐨𝐭𝐨𝐫𝐜𝐲𝐜𝐥𝐞 𝐔𝐧𝐢𝐭 𝐚𝐭 𝐁𝐚𝐫𝐚𝐧𝐠𝐚𝐲 𝐒𝐞𝐜𝐮𝐫𝐢𝐭𝐲 𝐅𝐨𝐫𝐜𝐞 𝐧𝐠 𝐁𝐚𝐫𝐚𝐧𝐠𝐚𝐲 𝐏𝐢𝐧𝐚𝐠𝐛𝐮𝐡𝐚𝐭𝐚𝐧 | 𝐉𝐮𝐧𝐞 𝟑, 𝟐𝟎𝟐𝟔

Upang higit na mapalakas ang kakayahan ng ating mga deputized officers sa pagpapatupad ng mga umiiral na ordinansa ng lungsod, isinagawa ngayong Hunyo 3, 2026 ang Deputation Seminar on City Ordinances na nakatuon sa tamang paggamit at pagproseso ng Official Violation Receipt sa Session Hall ng Barangay Pinagbuhatan.

Naging resource speaker ng seminar si PMAJ Cesario M. Tubog (Ret.), Chief ng Bantay Pasig Division, na nagbahagi ng mahahalagang kaalaman at gabay sa wastong pagpapatupad ng mga ordinansa, kabilang ang tamang proseso sa pag-isyu ng Official Violation Receipt (OVR) at tamang paghawak ng violations.

Dinaluhan ang seminar ng mga miyembro ng Motorcycle Unit at Barangay Security Force, na patuloy na nagsisilbi bilang katuwang ng barangay sa pagpapanatili ng kaayusan at kaligtasan sa komunidad.

Naghatid naman ng mensahe ng suporta at paghihikayat sina Punong Barangay Robin Salandanan, Kagawad Arcie Lucas, Kagawad Toni Bello, Kagawad Rose Umalis, at Kagawad Jess Santos, na nagbigay-diin sa kahalagahan ng kaalaman, disiplina, at propesyonalismo sa epektibong pagpapatupad ng mga ordinansa para sa kapakanan ng mamamayan.

Sa pamamagitan ng seminar na ito, mas napalawak ang kaalaman at pag-unawa ng mga kalahok sa kanilang mga tungkulin at responsibilidad bilang deputized officers. Patunay ito ng patuloy na pagsisikap ng Barangay Pinagbuhatan na mapalakas ang pagpapatupad ng mga ordinansa tungo sa isang mas ligtas, maayos, at disiplinadong Pinagbuhatan.

03/06/2026

𝐁𝐫𝐢𝐠𝐚𝐝𝐚 𝐄𝐬𝐤𝐰𝐞𝐥𝐚 𝟐𝟎𝟐𝟔 𝐬𝐚 𝐏𝐢𝐧𝐚𝐠𝐛𝐮𝐡𝐚𝐭𝐚𝐧 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥 | 𝐇𝐮𝐧𝐲𝐨 𝟑, 𝟐𝟎𝟐𝟔

Nakiisa at nagbigay ng suporta ang ating Barangay Council sa pangunguna ni Punong Barangay Robin Salandanan sa isinagawang Brigada Eskwela 2026 sa Pinagbuhatan Elementary School ngayong Hunyo 3, 2026.

Sa temang "𝑰𝒔𝒂𝒏𝒈 𝑩𝒂𝒚𝒂𝒏𝒊𝒉𝒂𝒏 𝒑𝒂𝒓𝒂 𝒔𝒂 𝑷𝒂𝒂𝒓𝒂𝒍𝒂𝒏: 𝑵𝒂𝒈𝒌𝒂𝒌𝒂𝒊𝒔𝒂 𝒑𝒂𝒓𝒂 𝒔𝒂 𝑲𝒂𝒂𝒚𝒖𝒔𝒂𝒏 𝒂𝒕 𝑲𝒂𝒂𝒍𝒂𝒎𝒂𝒏,” sama-samang nagtulungan ang mga g**o, magulang, kawani ng barangay at paaralan, at iba pang mga volunteer upang ihanda ang paaralan para sa nalalapit na pagbubukas ng klase sa darating na Hunyo 8, 2026.

01/06/2026