25/06/2025
๐ฃ๐ฎ๐ด๐ฏ๐ถ๐๐ถ๐๐ฎ ๐ป๐ด ๐ฆ๐ฎ๐ป๐ด๐ด๐๐ป๐ถ๐ฎ๐ป๐ด ๐๐ฎ๐๐ฎ๐ป ๐ป๐ด ๐๐ฎ๐ฎ๐ป๐ฏ๐ฎ๐ป๐๐ฎ๐๐ฎ๐ป, ๐๐ฒ๐ฏ๐ ๐๐ฎ ๐๐ฎ๐ฟ๐ฎ๐ป๐ด๐ฎ๐ ๐ฃ๐ถ๐ป๐ฎ๐ด๐ฏ๐๐ต๐ฎ๐๐ฎ๐ป
Malugod na sinalubong ng Sangguniang Barangay ng Pinagbuhatan ang mga miyembro ng Sangguniang Bayan mula sa Daanbantayan, Lalawigan ng Cebu sa Barangay Hall ng Pinagbuhatan noong Hunyo 23, 2025, bilang bahagi ng kanilang isinagawang benchmarking visit.
Sa programang inihanda para sa mga panauhin, naipresenta ang kasaysayan ng Parian Creekโisang mahalagang bahagi ng pinagmulan at pagkakakilanlan ng Barangay Pinagbuhatan. Tinalakay rin ang kahulugan ng lumang logo ng barangay na sumisimbolo sa kasaysayan at tradisyon, maging ang kasalukuyang sagisag na kumakatawan naman sa makabagong paglilingkod at pagsulong ng komunidad. Pinangunahan ang pagbabahagi ni Punong Barangay Robin Salandanan, kasama sina Kagawad Ramil Lontoc, Kagawad Rodolfo Bugnot, Kagawad Rose Umali at Kagawad Toni Belo.
Ibinahagi ni Kagawad Arcie ang mga kinikilalang best practices ng barangay sa larangan ng Peace and Order, kabilang ang maayos na koordinasyon sa mga barangay tanod, regular na patrol, at pakikipag-ugnayan sa PNP para sa mabilisang tugon sa mga insidente. Sa Eco-Waste Management, ipinaliwanag ang sistematikong segregated collection, information campaigns, at community clean-up drives na isinasagawa sa tulong ng mga residente at ng Pamahalaang Lungsod ng Pasig. Sa ilalim naman ng Barangay Anti-Drug Abuse Council (BADAC), ibinahagi ang aktibong partisipasyon ng barangay sa Pasig City Anti-Drug Abuse Council, pagsasagawa ng mga seminar, house visitation, at pagbuo ng mga intervention programs para sa mga drug surrenderers bilang bahagi ng kanilang rehabilitasyon at reintegration sa komunidad.
Samantala, nagpresenta si Kagawad Jess ng mga programa sa ilalim ng Barangay Disaster Risk Reduction and Management Office (BDRRMO). Ibinahagi niya ang mga pagsasanay para sa emergency response teams at ang pagsasagawa ng pre-disaster risk assessments. Tinalakay rin niya ang proseso sa Appropriations, kung saan tiniyak ang maayos at planadong paglalaan ng pondo ng barangay para sa iba't ibang serbisyo. Para naman sa Infrastructure, ipinakita ang ilan sa mga pangunahing proyekto ng barangay tulad ng paglalagay ng streetlights at pagpapaayos ng mga pasilidad.
Isa sa mga bahagi ng presentasyon ay ang pagpapakilala sa itatayong New Pasig City Hall Campus na idinisenyo upang maging mas bukas, moderno, at accessible na sentro ng pampublikong serbisyo sa lungsod kung saan ibinahagi ni Punong Barangay Salandanan na ang arkitekto ng proyekto ay si Architect Royal Pineda, na mula mismo sa Barangay Pinagbuhatan.
Bilang bahagi ng pagbisita, inilibot ang mga panauhin sa kahabaan ng Parian Creek upang makita ang rehabilitasyon at mga flood mitigation measures na isinagawa sa lugar. Binisita rin ang pumping station at mga tanggapan ng barangay gaya ng Barangay Anti-Drug Abuse Council (BADAC), Violence Against Women and Children (VAWC), na nagbibigay ng support services at legal aid para sa mga biktima ng karahasan; Barangay Council for the Protection of Children (BCPC), na nagsusulong ng child-friendly interventions; at Pinagbuhatan Action Center (PAC), na tumutugon sa mga agarang pangangailangan at concerns ng mga residente sa loob ng komunidad.
Ang ganitong pagbisita at palitan ng kaalaman ay mahalaga sa pagpapalakas ng kakayahan ng mga lokal na pamahalaan. Sa pamamagitan ng pagtutulungan at pagbabahagi ng mabubuting karanasan, mas napagtitibay ang maayos at tapat na paglilingkod sa bawat komunidad.
