The College Crusader, Justice Ramon, R. Jabson Street, Malinao, Pasig (2026)

28/07/2026

𝗕𝗔𝗟𝗜𝗞𝗔𝗡 | SA SONA ANG TINGIN

Bawat sulok, nakatutok. Nagsagawa ng SONA 2026 Watch Party ang mga mag-aaral ng BACJ noong ika-27 ng Hulyo, sa speech lab (Room 57), sa pangunguna ng PCC Communication Arts and Journalism Student Council upang palawakin ang kamalayan ng mga mag-aaral sa mahahalagang usaping panlipunan at pambansa.

Matapos ang watch party, sinundan ito ng mga talakayan hingil sa ikalimang SONA ng pangulo na kung saan nagbahagi ang ilang mga estudyante at propesor ng kani-kanilang mga saloobin at opinyon.

Larawan ni Benjamine John Santos, Managing Editor

28/07/2026

𝗣𝗔𝗡𝗢𝗢𝗥𝗜𝗡: Nagsagawa ng Watch Party ang BACJ Program bilang pakikiisa sa ikalimang State of the Nation Address ni Pangulong Ferdinand “Bongbong” Marcos Jr.

Layunin ng gawaing ito na hasain ang kritikal na pagiisip ng mga future journalist at communicators upang makapaglahad ng opinyon sa mga isyung kinakaharap ng ating bansa.

Para sa karagdagang impormasyon, panoorin ang ulat ni Jelycka Gawayen.
‎
‎
‎

27/07/2026

𝗢𝗣𝗜𝗡𝗬𝗢𝗡 | 𝗦𝗮𝗮𝗻 𝗡𝗮𝘀𝘂𝘀𝘂𝗸𝗮𝘁 𝗮𝗻𝗴 𝗧𝗮𝗴𝘂𝗺𝗽𝗮𝘆?

Sa malamang, ngayon pa lang ay inihahanda na ang plenaryo sa Batasang Pambansa bilang pagsalubong sa payak at nakatuong State of the Nation Address ni Pangulong Ferdinand “Bongbong” Marcos Jr. na gaganapin ngayong araw sa ganap na alas kuwatro ng hapon. Ngunit sa kabila ng ipinagmamalaking “simpleng” pagtitipon ng mga politiko at awtoridad, mabigat at masalimuot ang mga isyung pambansa na patuloy na naghihintay ng malinaw na tugon.

Habang ang Senado ay nakagayak ng judicial robes, at ang bulwagan ay nagmimistulang korte ng paglilitis para sa kasong impeachment ni Bise Presidente Sara Duterte, may isa pang isyu ang dapat bigyan ng pansin ng mga manlilitis at ng gobyerno. Habang importante ang talakayan patungkol sa transparensiya at pananagutan, marapat pa ring bigyang-puwang sa bulwagan ng Senado ang suliranin at realidad ng mga ordinaryong mamamayan: ang patuloy na pagtaas ng presyo ng kuryente at bilihin sa kabila ng kakarampot na sahod.

Tiyak ring ipinagmamalaki ng administrasyon ang mga kasunduang gaya ng Pax Silica—ang unang hakbang ng Pilipinas sa global stage pagdating sa larangan ng ekonomiya at teknolohiya. Ngunit sa likod ng mga pangako ng progreso, trabaho, at modernisasyon, ay ang tumitinding demand sa ating mga likas na yaman at kapaligiran, kung saan nagiging artikulo ng transaksyon ang ating bansa kapalit ng progresong pangako ng mga dayuhan.

Ang agwat na ito ay malubhang ramdam ng ating mga kababayang katutubo. Sa kabila ng mga grandyosong proyekto sa infrastructure, nananatiling nanganganib ang mga ancestral lands dahil sa banta ng pagtatambak ng basura mula mismo sa gobyernong dapat nagsisilbing sandata laban sa mga balang nagtatangkang kumitil sa kapaligiran. Para kanino ba talaga ang “Build Better More” na reporma ng administrasyon kung hindi nito tutugunan ang isyung kagaya nito?

Mamaya, tiyak na maririnig natin ang mga kuwento ng tagumpay ng administrasyon, kasama na ang lumalagong bilang ng mga positibong proyekto at inisyatiba, ngunit ito ba talaga ang hinihingi ng mga mamamayan? Ito ba talaga ang kailangan ng Pilipinas?

Ang gustong marinig ng mga Pilipino ay konkretong solusyon: sa hapag-kainan, sa lansangan, sa bulwagan ng politika, at sa lipunan.

Sa huli, ang sukatan ng tagumpay ng isang State of the Nation Address ay wala sa linaw ng mikropono, sa gara ng dekorasyon, o sa dami ng pangako. Ang tunay na sukatan ng tagumpay ay kung ramdam ba ng mga tao ang progresong ito sa kanilang pang-araw-araw na buhay.

𝗦𝗮 𝗴𝗶𝘁𝗻𝗮 𝗻𝗴 𝗹𝗮𝗵𝗮𝘁 𝗻𝗴 𝗶𝘁𝗼—𝗶𝗸𝗮𝘄, 𝗮𝗻𝗼 𝘀𝗮 𝘁𝗶𝗻𝗴𝗶𝗻 𝗺𝗼 𝗮𝗻𝗴 𝗶𝗽𝗮𝗽𝗮𝗻𝗴𝗮𝗸𝗼 𝗻𝗶𝘆𝗮 𝘀𝗮 𝗦𝗢𝗡𝗔 𝗺𝗮𝗺𝗮𝘆𝗮? 𝗔𝘁 𝗮𝗹𝗶𝗻 𝘀𝗮 𝗺𝗴𝗮 𝗶𝘁𝗼 𝗮𝗻𝗴 𝗽𝗮𝗻𝗶𝗻𝗶𝘄𝗮𝗹𝗮𝗮𝗻 𝗺𝗼 𝗽𝗮?

Isinulat ni Immanuelle Gift Ison, Associate English Editor
Publikasyong Materyal ni Stefanie Cabrera, Layout Artist

26/07/2026

𝗔𝗚-𝗧𝗘𝗞 | 𝗣𝗔𝗫 𝗚𝗔𝗡𝗘𝗥𝗡!?
𝗠𝗴𝗮 𝗙𝗮𝗰𝘁𝘀 𝘀𝗮 𝗟𝗶𝗸𝗼𝗱 𝗻𝗴 𝗣𝗮𝘅 𝗦𝗶𝗹𝗶𝗰𝗮

Sa mabilis na pag-usbong ng artificial intelligence (AI) sa ating ekonomiya, isang alyansa na tinatawag na Pax Silica mula sa United States (US) ang nangangakong magbibigay pag-asa sa bansa na pataasin at patibayin ang economic security, infrastructure development, employment rate, at technology advancement. Ayon sa Bases Conversion and Development Authority (BCDA), kamakailan pinag-aaralan ng Pilipinas at US ang isang framework agreement na maaaring lagdaan sa Nobyembre para sa pagtatayo ng AI hub sa New Clark City, na sasaklaw sa humigit-kumulang 1,619 ektarya ng lupain o may lawak na higit kalahati ng kabuuang sukat ng Pasig City.

Hindi lingid sa kaalaman ng marami na mayaman ang Pilipinas sa mga critical minerals. Isa tayo sa pangunahing prodyuser ng nickel sa buong mundo, habang malaki rin ang ating reserba ng copper at cobalt na ginagamit sa paggawa ng semiconductors, electric vehicles, at Al hardware. Ang masaklap dito, hindi kumikita nang tama ang bansa sa tunay na presyo ng mga batong ito. Ayon sa Pax Silica, makatutulong daw ang pagpapatayo ng industrial hub na pabilisin at patatagin ang produksyon ng supply chain tulad ng mga critical minerals na kung saan dito na rin ito mapoproseso.

Ang industrial hub ay planong itatayo sa Luzon Economic Corridor (LEC) na trilateral partnership sa pagitan ng Pilipinas, US, at Japan. Inaasahan na makapagbubukas pinto ito ng mga oportunidad para sa mga Pilipinong walang trabaho.

Subalit gaya ng bawat pangakong pag-unlad, may kaakibat din itong mga tanong na hindi basta maaaring isantabi.

Sa laki ng lupang kailangang pagtayuan ng AI hub o data centers—ayon sa International Energy Agency (IEA), ang malalaking Al data centers ay nangangailangan ng napakalaking konsumo ng kuryente at tubig araw-araw upang mapalamig ang libo-libong server na nagpapatakbo ng mga artificial intelligence systems—isang bagay na maaaring makapagdulot ng krisis at kawalan ng akses sa malinis na tubig. Maging ang labis na pagmimina na nagdudulot ng malawakang pagkasira ng kalikasan at pagkawala ng mga tirahan.

Hindi rin maikakaila ang usaping geopolitikal. Layunin ng Pax Silica na palakasin ang supply chain ng AI, semiconductors, at critical minerals upang mabawasan ang pagdepende sa bansang China. Noong Abril, lumagda ang Pilipinas bilang ika-13 bansang kasama sa inisyatibong ito, kasama ang 24 bansa tulad ng Australia, Japan, Singapore, South Korea, Taiwan, at iba pang bansa.

𝗦𝗮 𝗸𝗮𝗯𝗶𝗹𝗮 𝗻𝗴 𝗺𝗴𝗮 𝗽𝗮𝗻𝗴𝗮𝗸𝗼𝗻𝗴 𝗽𝗮𝗴-𝘂𝗻𝗹𝗮𝗱 𝗻𝗴 𝗣𝗮𝘅 𝗦𝗶𝗹𝗶𝗰𝗮, 𝗶𝘀𝗮𝗻𝗴 𝗺𝗮𝗹𝗮𝗸𝗶𝗻𝗴 𝗽𝗮𝗹𝗮𝗶𝘀𝗶𝗽𝗮𝗻 𝗽𝗮𝗿𝗮 𝘀𝗮 𝗺𝗴𝗮 𝗣𝗶𝗹𝗶𝗽𝗶𝗻𝗼 𝗸𝘂𝗻𝗴 𝘀𝗶𝗻𝗼 𝗻𝗴𝗮 𝗯𝗮 𝘁𝗮𝗹𝗮𝗴𝗮 𝗮𝗻𝗴 𝗺𝗮𝗸𝗶𝗸𝗶𝗻𝗮𝗯𝗮𝗻𝗴? 𝗔𝘁 𝗸𝘂𝗻𝗴 𝘀𝗶𝗻𝗼 𝗻𝗮 𝗻𝗮𝗺𝗮𝗻 𝗮𝗻𝗴 𝗺𝗮𝗸𝗮𝗸𝗮𝘄𝗮𝘄𝗮?

𝗣𝗮𝘁𝘂𝗻𝗴𝗼𝗻𝗴 𝗽𝗮𝗴-𝘂𝗻𝗹𝗮𝗱, 𝗵𝗮𝗻𝗱𝗮 𝗸𝗮 𝗻𝗮 𝗯𝗮?

Isinulat ni Jurist Jaztyne Navarro, Associate Filipino Editor
Dibuho ni Janice Franco, Kartunista

25/07/2026

𝗟𝗮𝘆𝗮𝗴 𝗣𝗮𝗺𝗮𝗺𝗮𝗵𝗮𝘆𝗮𝗴!
𝗡𝗮𝘁𝗶𝗼𝗻𝗮𝗹 𝗖𝗮𝗺𝗽𝘂𝘀 𝗣𝗿𝗲𝘀𝘀 𝗙𝗿𝗲𝗲𝗱𝗼𝗺 𝗗𝗮𝘆

Sa bawat pahina ng pahayagang pangkampus, hindi lamang mga salita at larawan ang nakalimbag—nakatala rito ang boses, damdamin, at ipinaglalabang katotohanan ng mga mag-aaral. Tuwing ika-25 ng Hulyo, ipinagdiriwang sa buong bansa ang National Campus Press Freedom Day, isang mahalagang paalala sa kritikal na papel ng mga mamamahayag sa kampus sa pagtataguyod ng katotohanan at pananagutan.

Ang pahayagang pangkampus ay madalas na tinuturing na unang paaralan ng malayang kaisipan. Dito natututuhan ng mga mag-aaral ang disiplina sa pagsasaliksik, ang tapang sa pagtatanong sa mga may kapangyarihan, at ang pag-uulat nang may integridad at paninindigan.

Subalit, ang malayang pamamahayag sa kampus ay nananatiling isang tuloy-tuloy na pakikipaglaban. Sa kabila ng probisyon ng Campus Journalism Act of 1991 (RA 7079), marami pa ring pahayagang pangkampus ang humaharap sa matitinding pagsubok—banta ng pagkontrol sa mga isyung pwedeng ilathala, kawalan o pagkaantala ng sapat na pondo at suporta para sa paglilimbag, at ang sikolohikal at digital na banta sa mga mag-aaral na naglalabas ng mga kritikal na ulat.

Dahil dito, ang National Campus Press Freedom Day ay hindi lamang isang araw ng pag-alala, kundi isang pambansang panawagan. Ipinaalala nito sa mga pamunuan ng paaralan at sa lipunan na ang kritikal na pahayagan ay hindi kaaway ng institusyon, kundi isang katuwang sa pagbuo ng mas maayos, bukas, at makatarungang pamayanan.

Sa kasalukuyang panahon kung saan mabilis lumaganap ang maling impormasyon at fake news, mas lalong nagiging mahalaga ang matalas at walang kinakatakutang panulat ng kabataan. Ang pagsasanay sa malayang pag-iisip at pamamahayag sa loob ng paaralan ang naghuhubog sa mga susunod na pinuno at mamamahayag ng bansa.

Sa bawat paghawak ng bolpen, pagkuha ng litrato gamit ang camera, at paglalabas ng bagong isyu ng pahayagan, bitbit ng mga mamamahayag sa kampus ang isang mahalagang panata—ang mag-ulat nang walang kinatatakutan, maglingkod nang may katapatan, at manatiling gising para sa katotohanan.

Isinulat ni Benjamine John Santos, Managing Editor
Publikasyong Materyal ni Erica Reign Ombao, Head Layout Artist

19/07/2026

Dear Community Members,

In our continuous commitment to safeguarding our campus family, Pasig Catholic College is taking proactive, precautionary measures regarding unverified security information circulating online.

To prioritize everyone's safety and well-being, ALL CLASSES will temporarily shift to an ASYNCHRONOUS MODALITY effective immediately, until further notice.

We ask for everyone's calm cooperation and vigilance during this period. Thank you for your patience and shared commitment to keeping our community secure.

Stay safe and take care.

- PCC Administration

19/07/2026

𝗕𝗔𝗟𝗜𝗞𝗔𝗡 | Sa pangunguna ng College Guidance Office, College Peer Facilitators, kasama ang Men Opposed to VAW Everywhere (MOVE) Pasig Chapter, nagkaroon ng Youth Orientation kahapon, Hulyo 18, sa San Pedro Calungsod Hall, patungkol sa mga kabataang lalaki laban sa pang-aapi at karahasan.

Tinalakay sa programa ang misyon ng organisasyong MOVE, kasama ang mga progresibong hakbang para sa isang inklusibo at ligtas na komunidad.

Balikan ang mga kaganapan sa mga litratong kuha ni Benjamine Santos, Managing Editor.

18/07/2026

𝗣𝗔𝗡𝗢𝗢𝗥𝗜𝗡: Nagdaraos ang College Guidance Office kasama ang College Peer Facilitators ng Men Opposed to Violence Against Women Everywhere (MOVE) Youth Orientation ngayong araw, Hulyo 18, sa pangunguna ng MOVE Pasig Chapter.

Ang programa ay naglalayong palakihin ang kamalayan sa pag-iwas sa karahasan batay sa kasarian, at hikayatin ang respeto at pagkakapantay-pantay ng bawat mag-aaral para sa isang ligtas at inklusibong komunidad.

Para sa karagdagang impormasyon, panoorin ang buong ulat ni Kim Rei Morales, Official News Reporter.

‎
‎

18/07/2026

𝗕𝗔𝗟𝗜𝗞𝗔𝗡 | Ginanap kahapon, Hulyo 17, ang Orientation Recollection ng mga 2nd Year College students ng Pasig Catholic College.

Matapos ang diskusyon patungkol sa Spiritual Warfare at Spiritual Wellbeing ng mga magaaral, tinalakay rin ang mga detalye ng kanilang recollection para sa taong panuruan 2026-2027.

Balikan ang mga kaganapan sa mga larawang kuha ni Niah Deiparine, Deputy Chief Photojournalist

18/07/2026

𝗣𝗔𝗡𝗢𝗢𝗥𝗜𝗡: Isinagawa kahapon, Hulyo 17, ang Recollection Orientation ng mga 2nd Year students ng Pasig Catholic College.

Naging punto ng diskusyon sa isinagawang orientation ang spiritual warfare at spiritual well-being, kasabay ng mga detalye sa magiging recollection ng mga mag-aaral.

Para sa karagdagang impormasyon, panoorin ang buong ulat:

‎
‎

The College Crusader

28/07/2026

28/07/2026

27/07/2026

26/07/2026

25/07/2026

19/07/2026

19/07/2026

18/07/2026

18/07/2026

18/07/2026

Address

Website

Alerts

Contact The Business

Shortcuts

Share

Category

Listing takedown request