https://www.facebook.com/494868567051208/

PNHS Ang Biyaya, Evangelista Street, Pavia (2026)

06/06/2026

𝗧𝗜𝗡𝗚𝗡𝗔𝗡 | Nakiisa sa Bayanihang Bulilit 2026 ng Tigum Child Development Center ang mga piling mag-aaral ng Special Program in Journalism (SPJ) ng Pavia National High School (PNHS) kasama ang kanilang program head na si Cheno Pollan noong Hunyo 4.

Katuwang ni G. Pollan ang mga mag-aaral na sina Max Joules Villaruel, Mary Cheerful Himatay, Makayla Cabrera, at Ninya Marie Hisanan, gayundin ang dating patnugot ng Ang Biyaya na si Edizza Legada, sa pagsasagawa ng mga gawaing boluntaryo tulad ng paglilinis ng center at pag-aayos ng mga kagamitang pampaaralan bilang paghahanda sa pagbubukas ng School Year 2026–2027.

PHOTOS | Makayla Cabrera

05/06/2026

[ BALITA ] 𝗣𝗔𝗙𝗦𝗠𝗣𝗖, 𝗻𝗮𝗴𝗯𝗶𝗴𝗮𝘆 𝗻𝗴 𝗺𝗲𝗱𝗶𝗰𝗮𝗹 𝘀𝘂𝗽𝗽𝗹𝗶𝗲𝘀 𝘀𝗮 𝗣𝗡𝗛𝗦 𝗯𝗶𝗹𝗮𝗻𝗴 𝘀𝘂𝗽𝗼𝗿𝘁𝗮 𝘀𝗮 𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 ‘𝟮𝟲

Namahagi ng mga kagamitang medikal at mga gamot ang Pavia Administrator, Faculty and Staff Multipurpose Cooperative (PAFSMPC) sa Pavia National High School (PNHS) bilang suporta sa pagsasagawa ng Brigada Eskwela 2026 at paghahanda ng paaralan para sa pagbubukas ng School Year 2026–2027.

Kabilang sa mga ipinagkaloob ng kooperatiba ang sampung (10) kahon ng medicine kits na naglalaman ng mga karaniwang gamot tulad ng paracetamol, Symdex, Cetirizine, at Diatabs. Kasama rin sa donasyon ang pulse oximeter, thermometer, gauze pads, surgical tape, cotton balls, triangular bandage, Betadine, at band-aids para sa agarang pagtugon sa mga simpleng emerhensiyang medikal.

Nagbigay rin ang PAFSMPC ng labindalawang (12) bote ng alcohol sprayer at anim (6) na galon ng alcohol na gagamitin sa lahat ng biometrics sites ng paaralan upang mapanatili ang kalinisan at makatulong sa pag-iwas sa pagkalat ng sakit.

Bukod dito, kabilang din sa mga ipinamahagi ang isang tray para sa mga salamin at isang organizer tray para sa wound care supplies at heating pads upang maging mas maayos ang pag-iimbak at paggamit ng mga kagamitang pangkalusugan.

Ayon sa pamunuan ng paaralan, malaking tulong ang donasyon sa kaligtasan at kapakanan ng lahat at patunay ng patuloy na pakikiisa ng PAFSMPC sa PNHS para sa ligtas na pagbubukas ng klase.

PHOTO | Elaine Grace Hilaos

04/06/2026

[REEL TALK] 𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔, 𝗔𝗡𝗢 𝗧𝗔𝗥𝗔?

Sa pagbubukas ng bagong taong panuruan, sabay-sabay tayong makibahagi sa Brigada Eskwela bilang pagpapakita ng bayanihan at malasakit para sa ating paaralan. Sa simpleng paglilinis, pag-aayos, at pagtutulungan ng mga magulang, g**o, mag-aaral, at komunidad, hinahanda natin ang isang ligtas, maayos, at masayang kapaligiran para sa pagkatuto.

Hindi lamang ito tungkol sa paglilinis ng silid-aralan, kundi paghahanda rin ng mas magandang simula para sa bawat mag-aaral. Sa bawat tulong at oras na inilalaan, binubuo natin ang isang paaralang handa para sa mas maliwanag na kinabukasan.

🎙️ Nichole Sapio, Jeff Matricular
📷 Cris Erlano

PAALALA: Ang musikang ginamit sa bidyong ito ay hindi pagmamay-ari ng gumawa. Ito ay para lamang sa layuning impormasyon, dokumentasyon, at pagbabahagi ng balita. Walang intensyon na lumabag sa anumang karapatang-ari (copyright infringement).

03/06/2026

𝗚𝗢𝗢𝗗𝗡𝗘𝗦𝗦 𝗚𝗥𝗔𝗖𝗜𝗢𝗨𝗦! May pasok na next week. Bakit parang kahapon lang nagsimula ang bakasyon? 😭

See you, Pavianhons! Sama-sama nating salubungin ang School Year 2026–2027 na may sigla, pag-asa, at determinasyong matuto, maglingkod, at magtagumpay. Kita-kits sa June 8!

VIDEO CLIP | Star Cinema, ABSCBN

03/06/2026

𝗧𝗜𝗡𝗚𝗡𝗔𝗡 | Tumanggap ng donasyon na mga audio equipment ang MAPEH Department ng Pavia National High School (PNHS) nitong Hunyo 1 sa pagsisimula ng Brigada Eskwela 2026 mula sa Special Science Class at Regular Class Alumni bilang suporta sa pagpapabuti ng pagtuturo at iba’t ibang gawaing pampaaralan.

Kabilang sa mga ipinagkaloob na kagamitan ang isang (1) lavalier microphone, isang (1) handheld microphone, at walong speakers na inaasahang makatutulong sa mas epektibong paghahatid ng mga aralin, lalo na sa mga malalaking klase, gayundin sa mga presentasyon, pagtatanghal, at iba pang aktibidad ng paaralan.

Ang mga nagbigay ng donasyon ay sina Fairylyn Guillem-Plameras, Phoebe Jusa, Novie de la Cruz, Michael Zamora, Ellen Solis, Ma. Luz Bernaldez, Ian Jimenea, Silvestre Diones, Cherryl Diones, at Catherine Lim.

PHOTOS | Nyghela Jover

03/06/2026

[BALITA] 𝗔𝗹𝘂𝗺𝗻𝗶, 𝗻𝗮𝗴-𝗮𝗺𝗯𝗮𝗴 𝗻𝗴 𝗮𝘂𝗱𝗶𝗼 𝗲𝗾𝘂𝗶𝗽𝗺𝗲𝗻𝘁
𝗽𝗮𝗿𝗮 𝗽𝗮𝗹𝗮𝗸𝗮𝘀𝗶𝗻 𝗮𝗻𝗴 𝗽𝗮𝗴𝘁𝘂𝘁𝘂𝗿𝗼 𝘀𝗮 𝗣𝗡𝗛𝗦

Tumanggap ng donasyon na mga audio equipment ang MAPEH Department ng Pavia National High School (PNHS) nitong Hunyo 1 sa pagsisimula ng Brigada Eskwela 2026 mula sa Special Science Class at Regular Class Alumni bilang suporta sa pagpapabuti ng pagtuturo at iba’t ibang gawaing pampaaralan.

Kabilang sa mga ipinagkaloob na kagamitan ang isang (1) lavalier microphone, isang (1) handheld microphone, at walong speakers na inaasahang makatutulong sa mas epektibong paghahatid ng mga aralin, lalo na sa mga malalaking klase, gayundin sa mga presentasyon, pagtatanghal, at iba pang aktibidad ng paaralan.

Ang mga nagbigay ng donasyon ay sina Fairylyn Guillem-Plameras, Phoebe Jusa, Novie de la Cruz, Michael Zamora, Ellen Solis, Ma. Luz Bernaldez, Ian Jimenea, Silvestre Diones, Cherryl Diones, at Catherine Lim.

Naging posible ang naturang donasyon sa pangunguna ni Bb. Mary Joy Callanga ng MAPEH Department, na nagsilbing tulay upang maabot ang mga alumni na patuloy na nagpapakita ng suporta at pagmamahal sa PNHS.

Ayon kay Bb. Callanga, ang donasyon ay bahagi ng kanyang hangaring mag-iwan ng makabuluhang ambag sa paaralan habang siya ay naghahanda sa pagreretiro.

“This is my last gift before ko mag-retire para may mabilin nga gamit for the good of the teachers and students,” ani Callanga.

Dagdag pa niya, ang kanyang pagmamahal sa edukasyon at paglilingkod ang naging inspirasyon upang hikayatin ang mga alumni na magbahagi ng kanilang biyaya para sa kapakinabangan ng mga g**o at mag-aaral ng PNHS.

ARTIKULO & LARAWAN | Nyghela Jover

01/06/2026

𝗧𝗜𝗡𝗚𝗡𝗔𝗡 | Sa diwa ng bayanihan, opisyal na sinimulan ng Pavia National High School ang Brigada Eskwela 2026 ngayong Hunyo 1 sa pamamagitan ng isang pambungad na palatuntunan, kasabay ng sama-samang pagkilos ng mga g**o, magulang, mag-aaral, alumni, at iba’t ibang katuwang sa komunidad upang ihanda ang paaralan para sa pagbubukas ng SY 2026-2027.

Alinsunod sa DepEd Memorandum No. 027, s. 2026, isinasagawa ngayong taon ang Brigada Eskwela sa temang “Bayanihan sa Paaralan: Nagkakaisa para sa Kaayusan at Kaalaman.”

Photos | Cian Mars Sampelo, Auie Jann Abogadil & Paulo Arabia

01/06/2026

𝗧𝗜𝗡𝗚𝗡𝗔𝗡 | Sa diwa ng bayanihan, opisyal na sinimulan ng Pavia National High School ang Brigada Eskwela 2026 ngayong Hunyo 1 sa pamamagitan ng isang pambungad na palatuntunan, kasabay ng sama-samang pagkilos ng mga g**o, magulang, mag-aaral, alumni, at iba’t ibang katuwang sa komunidad upang ihanda ang paaralan para sa pagbubukas ng SY 2026-2027.

Alinsunod sa DepEd Memorandum No. 027, s. 2026, isinasagawa ngayong taon ang Brigada Eskwela sa temang “Bayanihan sa Paaralan: Nagkakaisa para sa Kaayusan at Kaalaman.”

Photos | Cian Mars Sampelo, Auie Jann Abogadil & Paulo Arabia

31/05/2026

𝗣𝗔𝗡𝗚𝗜𝗡𝗕𝗨𝗟𝗔𝗛𝗔𝗡! Nagdagdag ng panibagong karangalan sa hanay ng mga atletang Pavianhon si Reu “El Terrible” Tubongbanua nang maiuwi niya ang Silver Medal sa Boxing Secondary Boys Bantamweight category ng Palarong Pambansa 2026 sa Agusan del Sur.

Photo | Revel Camp Martial Arts Gym

29/05/2026

𝗣𝗔𝗡𝗚𝗜𝗡𝗕𝗨𝗟𝗔𝗛𝗔𝗡! Pinatunayan ni Julia Sohlen Orada ang kaniyang husay at determinasyon sa nagpapatuloy na Palarong Pambansa 2026 sa Agusan del Sur matapos magwagi ng isang Silver Medal sa 4x50M Freestyle Relay at dalawang Bronze Medal sa 100M Freestyle at 4x100M Freestyle Relay sa Secondary Girls Swimming events.

Photo | Julia Sohlen Orada & Maam Anne Novillas

PNHS Ang Biyaya

06/06/2026

05/06/2026

04/06/2026

03/06/2026

03/06/2026

03/06/2026

01/06/2026

01/06/2026

31/05/2026

29/05/2026

Address

Website

Alerts

Shortcuts

Share

Category