04/08/2025
K5 LOKAL | ARMY RESERVIST, PATAY MATAPOS GINLUTHANG SA BANWA SANG PANAY
By Jolito Valles Borda | August 4, 2025
Patay ang ginapahayag isa ka 'army reservist' matapos ginluthang sa National Highway sa Barangay Poblacion, Panay, Capiz, Agosto 4, 2025.
Ginkilala ang biktima nga si alyas Totong Delos Santos, yara sa husto nga edad, taga banwa sang Pontevedra apang temporaryo nga nagapuyo sa housing unit sang nasambit nga lugar.
Nahibaluan nga nagbakal pa sa isa ka tindahan ang biktima apang sang naghana na ini nga magsakay sa iya motorsiklo, hinali ini ginluthang sang madamo nga beses sang suspek.
Madasig nga ginrespondihan sang rescue team sang banwa ang biktima kag ginpadangat sa ospital apang ini ang gindeklarar nga dead on arrival sang doktor.
Samtang, nagpalagyo naman ang suspek padulong sa banwa sang Pontevedra sakay sa isa ka motorsiklo.
Narekober sang kapulisan ang indi magnubo sa lima ka basiyo sang ginaalegar caliber 45 pistol nga armas-luthang.
Padayon pa sa karon ang imbestigasyon snag otoridad sa nasambit nga insidente.
