03/08/2026
Most wanted person sa banwa sang La Castellana dakop sa 14 ka kaso sang cybercrime prevention act of 2012
Nadakpan sang mga kapulisan si Elven Dela Fuente,39 anyos, anay pumuluyo sang La Castellana apang subong didto na nagaestar sa Las Piñas city, Metro Manila.
Si Dela Fuente ang ginakapig nga most wanted person sa banwa sang La Castellana Negros Occidental matapos ginpasakaan ini sang kaso nga 14 counts sang paglapas sang Cybercrime Prevension Act of 2012.
Nadakpan ini pinaagi sa gintingob nga pwersa sang RID4A-RIT Batangas,RSOU4A , Lemery MPS , Tanyan CPS , La castellana MPS, Tanuan CPS , Negros Occidental PPO kag Las Pinas CPS.
Natabo ang pag dakop kay Dela Fuente 1:56 sang hapon Agosto 3,2026 , sa iya gina estaran nga balay nga nahamtang sa Diamond st., Jade Compound, sa Brgy. Talon Uno, Las Piñas City, Metro Manila.
And suspetsado gindakop paagi sa mando ni PNP Regional Director, PBGEN Dominic Baccay may kaangtanan sa gin pa bakod nga kampanya batok sa ginakabig Most Wanted Person sa Rehiyon sa idalum sang gin hugpong nga pwersa sang RID4A-RIT Batangas nga amo ang nagpanguna sang operasyon sa pagpamuno ni PMAJ Mark Allan Dungca, CISS, RID4A, kag PCPT Mharechel Rosana, Deputy C, RSOU 4A, sa idalum ni PCOL Vicente Cabatingan, Chief, RID 4A, upod sa mga katapo sang RSOU4A, Lemery MPS, Tanauan CPS, La Castellana MPS, Negros Occidental PPO kag Las Pin̈as CPS.
Si Dela Fuente nadakpan paagi sa Warrant of Arrest sa kaso nga pag lapas sang Cybercrime Prevention Act of 2012(Sec. 4(C)(4), Chapter 2 of RA10175 nga may cc number 25-62564 tobtob 25-62577.
Ang warrant of arrest ang gin papanaog ni Hon. Judge Phoebe A. Gargantiel-Balbin sang Sixth Judicial Region, RTC BR. 45, sang Bacolod City, Negros Occidental kag napetsahan Octobre 21,2025.
Si Dela Fuente ang yara karun nahunong sa kostudiya sang Las Pinas city police station kag ang iya kaso ang my pyansa nga tag P10,000 pesos kada isa ukon naga balor sa P140,000 tanan sa katorse (14) ka mga kaso nga iya ginaatubang.
