17/09/2025
Gatosan ka mga indibiduwal ang nakabenepisyo sa mga nagkadaiyang libreng serbisyo atol sa gipahigayon nga USAD Site Visitation and Government on Wheels karong adlawa September 17, 2025 didto sa Barangay Sabud, Loreto, Agusan del Sur.
Ang maong aktibidad gipartisiparan sa nagkadaiyang opisina sa probinsiya ug munisipyo ug mga piniling ahensiya sa nasyonal nga panggamhanan kinsa naghatod sa mga nagkalain-laing serbisyo.
Anaa sa maong aktibidad sila Vice Governor Patricia Anne (Ate Pat) Plaza, mga miyembro sa Sangguniang Panlalawigan, mga hepe sa nagkadaiyang opisina sa probinsiyal nga panggamhanan, Mayor Alvin Otaza, Vice Mayor Randolph Plaza, Sangguniang Bayan Members ug Chief of Staff Lorife Magadan sa LGU-Loreto.
Gibisita usab sa grupo ang luna sa usa ka USAD farmer enrollees nga si Jimeer Daguylaan nga dunay gidak-ong tunga sa ektarya nga dunay tanom 200 ka punoan nga cacao ug 100 ka saging.
Lakip sa maong aktibidad ang pagbisita sa 74 ka mga USAD Farmers Enrollees diin miyembro usab sa USAD Sabod farmers Association (USAFA) sa maong barangay nga dunay mga nagkadaiyang pananom sama sa cacao, saging, rubber ug dunay mga binuhing baka ug kanding.
Ang Barangay Sabud usa ka hilit nga lugar sa lungsod sa Loreto diin kasagaran mga molupyo ang atong mga igsuong tribu.
.7
