02/11/2025
Mga kagreat water mag imbak na ng maraming tubig
⚠️ PUBLIC ADVISORY – TY “TINO” PREPAREDNESS
Dahil sa pagpasok ng Bagyong “Tino” sa Philippine Area of Responsibility (PAR) at tatama sa bahagi ng Palawan, pinapaalalahanan ng PPCWD ang lahat ng konsyumer na mag-imbak ng sapat na malinis na tubig sa mga darating na araw bilang paghahanda sa posibleng epekto ng bagyo.
💧 Kahandaan ng PPCWD
Ang PPCWD ay nakahanda sa posibleng epekto ng bagyo.
✅ Mayroon tayong 7-day stock supply ng fuel at chemical treatment ang ating mga pangunahing pasilidad at pinagkukunan ng tubig.
✅ Nakaantabay ang ating mga tauhan upang matiyak ang tuloy-tuloy na operasyon ng mga water treatment facilities, pumping stations, at reservoir.
✅ Naka-alerto ang mga maintenance teams para sa anumang emergency response sakaling magkaroon ng pinsala sa linya ng tubig o pagkawala ng kuryente.
🏠 Paalaala sa mga Konsyumer
Upang makasiguro ng tuloy-tuloy na paggamit ng tubig sa inyong tahanan:
1️⃣ Mag-imbak ng sapat na tubig para sa inumin, pagluluto, at iba pang pang-araw-araw na gamit (2–3 araw na konsumo).
2️⃣ Siguraduhing malinis ang mga lalagyan ng tubig at nakatakip upang maiwasan ang kontaminasyon.
3️⃣ I-secure ang inyong mga gripo, hose, at tangke upang hindi masira o tumagas sa lakas ng hangin.
4️⃣ Maging matipid sa paggamit ng tubig lalo na habang may bagyo. Iwasan muna ang mga gawaing may malaking konsumo ng tubig.
5️⃣ Pagkatapos ng bagyo, palipasin muna ng ilang minuto ang tubig sa gripo bago gamitin sa inumin upang masigurong malinaw at malinis.
⚙️Maaaring magkaroon ng pansamantalang pagkaantala ng suplay ng tubig kung sakaling:
1️⃣ Magkaroon ng pinsala sa mga water facilities, linya o pumping stations,
2️⃣ Pagkabara sa ating mga water sources dulot ng matinding paglabo at mga debris sa ating mga pangunahing water sources,
3️⃣ Pagkawala ng kuryente sa ating water facilities na mayroong transition time sa backup generators.
Sa ganitong pagkakataon, agad na maglalabas ng opisyal na anunsyo ang PPCWD sa ating social media page.
📞 Para sa mga Ulat o Katanungan
Maaaring makipag-ugnayan sa amin sa mga sumusunod:
Hotline: (048) 433-2408
Mobile: 0917-310-5282 / 0961-586-7294
page: Puerto Princesa City Water District
🤝 Paalaala
Ang inyong kooperasyon at maagap na paghahanda ay susi sa kaligtasan ng ating pamilya at komunidad.
Sama-sama nating paghandaan ang paparating na bagyo.
Maging alerto. Maging handa. Mag-imbak ng tubig.
