104.7 XFM Palawan

07/06/2026

𝐖𝐀𝐓𝐂𝐇 | 𝐋𝐈𝐕𝐄: TINIG NG REPOMASYON | JUNE 07, 2026

07/06/2026

MGA MALALAKING PANGALAN NA PULITIKO IPINATAWAG SA BLUE RIBBON HEARING SA ISYU NG FLOOD CONTROL

NANGUNGUNA si dating House Speaker Martin Romualdez sa listahan ng mga inimbitahang resource person para sa pagdinig ng Senate Blue Ribbon Committee sa Lunes June 8, 2026 kaugnay ng kontrobersiya sa mga proyektong flood control.

Kabilang din sa mga ipinatawag sina DPWH Secretary Vince Dizon at si 2nd District Palawan Rep. Jose Ch. Alvarez at iba pa.

Inaasahan ding haharap sa komite ang mga tinaguriang “maleta” witnesses na magbibigay ng testimonya.

Pangungunahan ni Senador Erwin Tulfo ang pagdinig.
|AizyPacaldo

07/06/2026

UPDATE| NAIBALIK NA SA MAY-ARI ANG CELLPHONE

Ang mga cellphone na nasa larawan ay kasalukuyang nasa pangangalaga ng Coron Municipal Police Station.

Ang sinumang tunay na may-ari ng mga nasabing cellphone ay hinihikayat na makipag-ugnayan sa Coron MPS at magpakita ng sapat na patunay ng pagmamay-ari upang maibalik ang kanilang gamit.

Maraming salamat katropa!

Courtesy: Coron Municipal Police Station

07/06/2026

Lumubog ang isang bangka na papunta sana sa Isla ng Caponayan mula sa mainland ng Cuyo, Palawan ngayong araw. Patuloy na inaalam ng ang sanhi ng insidente at ang kalagayan ng mga sakay.

Abangan ang mga susunod na update sa XFM Palawan.

Video Courtesy: Jake Paguia

07/06/2026

ISANG BARANGAY OPISYAL SA QUEZON NAGBIGAY NG BABALA MATAPOS MA-HACK ANG KANYANG FACEBOOK ACCOUNT

Nagbigay ng babala sa publiko ang Punong Barangay ng Alfonso XIII, Quezon, Palawan na si Kapitana Blandina Aborot matapos ma-hack ang kanyang dating Facebook account.

Ayon kay Aborot, wala na siyang kontrol sa account na may pangalang “Aborot Blandina.” Dahil dito, pinayuhan niya ang publiko na huwag magpapaniwala sa anumang mensahe na magmumula sa naturang account, lalo na kung ito ay humihingi ng pabor o pera.

Kinumpirma rin ng kapitana na hindi na siya ang gumagamit ng nasabing account at maaaring ginagamit ito ng ibang tao para sa panlilinlang o panloloko.

Samantala, sinabi ni Aborot na sisikapin niyang matukoy ang lokasyon ng hacker upang mapanagot ito sa paggamit ng kanyang pangalan at account sa mga posibleng gawaing panloloko o scam.
|Rey Elgaran

07/06/2026

07/06/2026

PALAWEÑO KAUNA-UNAHANG FILIPINO NA NANALO SA MAN OF THE WORLD 2026

NAGBIGAY ng karangalan sa bansa ang isang Palaweño matapos koronahang kauna-unahang Filipino na nagwagi sa Man of the World 2026.

Kinilala ang bagong titulo holder na si Oliver Eugen Kretz, 25-anyos na Filipino-German model mula sa Puerto Princesa. Kilala rin siya bilang Eguen Kret at nagtapos ng Financial Management sa Palawan State University.

Bago ang kanyang international title, nagwagi si Kretz sa National Misters of Filipinas 2025 at kinatawan ang bansa sa kompetisyong dinaluhan ng 28 delegado mula sa iba't ibang bansa.

Video Courtesy: Male Pageants Fanatic
|AizyPacaldo

07/06/2026

HIGIT 55,000 PULIS IPINAKALAT PARA SA PAGBUBUKAS NG KLASE-PNP

NAG-DEPLOY ang Philippine National Police (PNP) ng mahigit 55,000 tauhan para sa seguridad sa pagbubukas ng klase sa June 8 sa ilalim ng Oplan Balik-Eskwela.

Ayon kay PNP Chief Police General Jose Melencio Nartatez Jr., kabilang sa deployment ang 28,751 regular na pulis, 4,079 mula sa iba pang unit at 22,677 force multipliers mula sa partner agencies at community groups.

Nakapagtayo rin ang PNP ng 9,319 Police Assistance Desks sa mga paaralan sa buong bansa para sa seguridad, traffic management, at tulong sa mga mag-aaral at magulang.
|AizyPacaldo

07/06/2026

SUNOD-SUNOD NA POWER INTERRUPTIONS PAIIMBESTIGAHAN SA SENADO

NAGPASA si Sen. Sherwin Gatchalian ng Senate Resolution No. 425 upang imbestigahan ang serye ng red at yellow alerts ng National Grid Corporation of the Philippines (NGCP) kasunod ng malawakang pagkawala ng kuryente sa Luzon at Visayas.

Ito upang alamin ang estado ng suplay ng kuryente, suriin ang pagiging maaasahan ng power grid at tukuyin kung may pananagutan ang mga sektor na sangkot sa mga power interruption.

Ayon kay Gatchalian, dapat ding masuri kung sumusunod ang mga power generation companies sa mga itinakdang pamantayan at kung sapat ang mga hakbang ng pamahalaan upang maiwasan ang pag-ulit ng mga blackout.
|AizyPacaldo

07/06/2026

26–28 MILYONG ESTUDYANTE, INAABANGAN SA PAGBUBUKAS NG KLASE-DEPED

TINATAYANG nasa 26 milyon hanggang 28 milyong mag-aaral sa pampubliko at pribadong paaralan ang inaasahang papasok sa pagbubukas ng klase sa Lunes June 8, 2026.

Ayon sa Department of Education (DepEd),noong nakaraang school year, umabot sa 25,935,863 ang kabuuang enrollment.

Ayon sa DepEd, 47,972 pampublikong paaralan ang magbubukas para sa School Year 2026–2027 na susuportahan ng 899,653 g**o sa buong bansa.
|AizyPacaldo