28/07/2025
|| DIGIPLUS AT BINGOPLUS FOUNDATION, NAGHATID NG AGARANG TULONG SA MGA SINALANTA NG BAGYO SA CAVITE
Naghatid ng tulong ang BingoPlus Foundation, ang social development arm ng DigiPlus Interactive Corp., sa mga pamilyang nasalanta ng bagyo sa Cavite, habang naghahanda rin ng donasyong bigas para sa Department of Social Welfare and Development (DSWD) sa susunod na linggo.
Kasunod ng deklarasyon ng state of calamity sa lalawigan ng Cavite, nagsagawa ng relief operations ang Foundation noong July 26 sa pakikipagtulungan kina Imus Councilor Mark Villanueva at mga opisyal ng barangay.
Namahagi sila ng 400 food relief packs sa mga residente ng Barangays Poblacion 4A, Poblacion 4B, Malagasang 2B, at Anabu F. Nagdagdag din ang lokal na pamahalaan ng 55 packs, kaya’t umabot sa 455 pamilya ang nabigyan ng tulong.
Kasama ito sa ₱5 milyon relief commitment ng DigiPlus at BingoPlus Foundation bilang tugon sa pinsalang dulot ng Bagyong Crising. Nagbigay rin sila ng 1,000 relief packs sa mga pamilya sa Kawit na may kabuuang halagang ₱450,000, sa ilalim ng hiwalay na ₱2 milyon partnership sa ABS-CBN Sagip Kapamilya na nagsimula noong 2024 at nagpapatuloy ngayong 2025.
“In moments like these, what families need most is the reassurance that help is on the way,” ayon kay Angela Camins-Wieneke, executive director ng BingoPlus Foundation.
“At BingoPlus Foundation, we do our very best to act fast, to help put food on tables, lighten the burden, and remind them that they are not facing this alone.”
Inaasahang maghahatid ang Foundation ng 100 kaban ng bigas sa DSWD National Resource Operations Center sa Pasay City sa susunod na linggo, na sasapat sa mahigit 800 pamilya. Mahigit 50 empleyado ng DigiPlus ang boluntaryong sasama sa repacking efforts bilang bahagi ng relief mission sa Metro Manila, CALABARZON, at mga probinsya sa Hilagang Luzon.
“We know that rebuilding doesn’t happen overnight,” sabi pa ni Camins-Wieneke.
“That’s why we’re staying the course, not just responding to emergencies, but standing by communities as they rise again, stronger," dagdag pa niya. — via NEWS DESK
