Grabe, National Highway, Puerto Princesa (2026)

23/01/2026

P1.94 BILYONG PISONG PROYEKTO NG DPWH SA 3RD DISTRICT NG PALAWAN, ISINIWALAT SA "CABRAL FILES" NI CONGRESSMAN LEVISTE

Inilabas ni Congressman Leviste ang listahan ng mga sinasabing proyekto ng Department of Public Works and Highways (DPWH) sa 3rd District ng Palawan para sa nakaraang taon, na may kabuuang halagang ₱1,942,446,000, sa ilalim ng pamumuno ni Congressman Gil "KabarangayJr" Acosta. Ang datos ay bahagi ng tinaguriang “Cabral Files” na nakuha at isiniwalat ni Leviste.

Ayon kay Leviste, ang kabuuang Allocable Budget sa 2025 National Expenditure Program (NEP) ay tinatayang ₱401 bilyon, na maaaring i-amend ng mga District Congressman. Itinakda umano ng DPWH ang halaga ng allocable budget ng bawat distrito simula 2022, at taun-taon itong nagsisilbing basehan ng pondong maaaring galawin o i-amend ng mga mambabatas sa kani-kanilang distrito.

Narito ang listahan ng mga proyektong pinaglaanan ng P4.84 Bilyong piso na para lamang sa 3rdDistrict ng Palawan.

23/01/2026

P4.84 BILYONG PISONG PROYEKTO NG DPWH SA 2ND DISTRICT NG PALAWAN, ISINIWALAT SA "CABRAL FILES" NI CONGRESSMAN LEVISTE

Inilabas ni Congressman Leviste ang listahan ng mga sinasabing proyekto ng Department of Public Works and Highways (DPWH) sa 2nd District ng Palawan para sa nakaraang taon, na may kabuuang halagang ₱4,844,533,000, sa ilalim ng pamumuno ni Congressman Jose C Alvarez. Ang datos ay bahagi ng tinaguriang “Cabral Files” na nakuha at isiniwalat ni Leviste.

Ayon kay Leviste, ang kabuuang Allocable Budget sa 2025 National Expenditure Program (NEP) ay tinatayang ₱401 bilyon, na maaaring i-amend ng mga District Congressman. Itinakda umano ng DPWH ang halaga ng allocable budget ng bawat distrito simula 2022, at taun-taon itong nagsisilbing basehan ng pondong maaaring galawin o i-amend ng mga mambabatas sa kani-kanilang distrito.

Narito ang listahan ng mga proyektong pinaglaanan ng P4.84 Bilyong piso na para lamang sa 2nd District ng Palawan.

22/01/2026

P2.31 BILYONG PISONG PROYEKTO NG DPWH SA 1ST DISTRICT NG PALAWAN, ISINIWALAT SA "CABRAL FILES" NI CONGRESSMAN LEVISTE

Inilabas ni Congressman Leviste ang listahan ng mga sinasabing proyekto ng Department of Public Works and Highways (DPWH) sa 1st District ng Palawan para sa nakaraang taon, na may kabuuang halagang ₱2,311,218,000, sa ilalim ng pamumuno ni Congresswoman Rosalie Ang Salvame. Ang datos ay bahagi ng tinaguriang “Cabral Files” na nakuha at isiniwalat ni Leviste.

Ayon kay Leviste, ang kabuuang Allocable Budget sa 2025 National Expenditure Program (NEP) ay tinatayang ₱401 bilyon, na maaaring i-amend ng mga District Congressman. Itinakda umano ng DPWH ang halaga ng allocable budget ng bawat distrito simula 2022, at taun-taon itong nagsisilbing basehan ng pondong maaaring galawin o i-amend ng mga mambabatas sa kani-kanilang distrito.

Narito ang listahan ng mga proyektong pinaglaanan ng 2.31 Bilyong piso na para lamang sa 1st District ng Palawan.

20/01/2026

CONG. JOSE ALVAREZ: TURISMO SA SOUTHERN PALAWAN LUMAKAS DAHIL SA KANYA

Ayon kay Congressman Jose Chaves Alvarez, kapansin-pansing dumami ang mga turista sa southern Palawan mula nang siya ay maging kinatawan ng ikalawang distrito. Ibinahagi ng mambabatas na noong 2022 ay kakaunti pa lamang ang bumibisita sa lugar, ngunit unti-unting tumaas ang daloy ng mga turista kasabay ng pagdami ng mga sasakyang van at bangkang nagseserbisyo sa mga pantalan. “Nagsimula ‘yan sa 10 van isang araw, naging 20, 30, 40—ngayon umaabot na sa 60 araw-araw,” ani Alvarez.

Dagdag pa niya, hindi lamang transportasyon sa lupa ang dumami kundi pati ang mga bangkang naghihintay sa pier, indikasyon umano ng paglakas ng aktibidad sa turismo sa timog ng lalawigan. Para kay Alvarez, malinaw na may pag-usad sa southern Palawan pagdating sa pagbisita ng mga turista.

Gayunman, nagpahayag ng pagkalungkot ang kongresista sa kalagayan ng turismo sa Lungsod ng Puerto Princesa, na aniya’y tila naiwan sa mga itineraryo ng mga bisita. “Nakakalungkot dahil yung Puerto (naiiwan)… after Underground River, diretso na sa south o north,” pahayag niya, na nagpapahiwatig na hindi na natatagal ang mga turista sa lungsod matapos bisitahin ang pangunahing atraksyon.

Sinabi rin ni Alvarez na kanya ang Puerto Princesa Underground River (PPUR). “Undeground River… alam ba ninyo (ang) underground? Sa akin ‘yan… may concession (logging) d’yan sa Underground River, binili ko ‘yun. Sa loob ng concession… hindi naman sa akin na may pagaangkin na meron akong titulo, hindi… sa loob na kontrata ko.”

20/01/2026

CITY GOV’T, WALANG PLANO SA SARILING OSPITAL; BAYRON UMAMIN!

Sa kabila ng pagbubukas at pagiging operational ng bagong City Health Medical Complex, inamin ni Mayor Lucilo Bayron na wala pa sa kasalukuyang plano ng Pamahalaang Lungsod ang pagpapatayo ng sariling ospital, isang pahayag na agad umani ng pangamba mula sa ilang sektor na umaasang mas palawakang serbisyong pangkalusugan para sa mga taga-Puerto Princesa.

Ayon kay Bayron sa panayam nitong Enero 19, kailangan munang pag-aralang mabuti ang pagtatayo ng ospital, lalo’t inabot umano ng apat na taon bago matapos ang medical complex. Iginiit din ng alkalde na hindi basta-basta ang pagpapatakbo ng ospital dahil bukod sa gusali at kagamitan, kinakailangan ng malaking pondo para sa sahod ng mga doktor, nurse, at espesyalista.

Gayunman, para sa ilang residente, malinaw ang tanong: kung walang malinaw na plano para sa sariling ospital, paano masisiguro ang pangmatagalang kaligtasan at kalusugan ng mga taga-lungsod? Umaasa na lamang ang city government sa tulong ng Department of Health para sa dialysis at physical therapy center—habang nananatiling bukas ang usapin kung sapat ba ito para sa lumalaking pangangailangang medikal ng Puerto Princesa.

20/01/2026

FLYING VOTERS SA NARRA, IPINAPAIIMBESTIGAHAN NI MAYOR GERANDY DANAO

Ipinaiimbestigahan ni Mayor Gerandy Danao ang ulat hinggil sa umano’y pagpaparehistro ng mga flying voters sa bayan ng Narra, partikular sa mga barangay ng Bato-bato at Panacan, kahit hindi naman residente ang mga ito ng nasabing bayan.

Ibinunyag ni Danao ang impormasyon sa harap ng mga empleyado ng lokal na pamahalaan sa flag-raising ceremony noong Lunes, Enero 19, kung saan sinabi niyang may mga indibidwal na nagmumula pa umano sa Bukidnon at iba pang lugar ngunit nagpaparehistro sa COMELEC-Narra. Ayon sa alkalde, kailangang siyasatin kung may hanapbuhay ang mga ito sa Narra at kung tunay ngang doon naninirahan.

Dagdag pa ni Danao, malinaw umanong ginagamit ang mga naturang rehistradong botante para sa pansariling interes ng ilang indibidwal sa nalalapit na halalan. “Nirehistro lang ito para pagdating ng eleksyon, meron silang botante,” ani ng alkalde. Patuloy pang kinukuhanan ng pahayag ang COMELEC kaugnay ng isyung ito.

15/01/2026

PCIJ DATA: P7.51 BILYONG "PORK BARREL" NG MGA KONGRESISTA SA PALAWAN, NAKATAGO SA DPWH

Isiniwalat ng Philippine Center for Investigative Journalism (PCIJ) na umaabot sa ₱7,514,446,000 ang pondong nakapaloob sa Department of Public Works and Highways (DPWH) na iniuugnay sa congressional allocations o tinaguriang “pork barrel” para sa Lalawigan ng Palawan ngayong taon—tahasang sumasalungat sa matagal nang pahayag na wala na umanong Pork Barrel o PDAF ang mga mambabatas.

Batay sa inilabas na datos, ₱2.53 bilyon ang inilaan para sa 1st District sa ilalim ni Congresswoman Rosalie Ang Salvame, habang ang pinakamalaking bahagi—₱2.885 bilyon—ay napunta sa 2nd District na kinakatawan ni Congressman Jose C. Alvarez. Para naman sa 3rd District, may ₱2.099 bilyon na budget si Congressman Gil Acosta. Lahat ng pondong ito ay nakapaloob sa DPWH projects, isang ahensyang madalas gamiting daluyan ng congressional insertions.

Ayon sa PCIJ, hindi totoo ang pahayag na tuluyang nawala ang Pork Barrel. Noong panahon ni dating Pangulong Benigno “Noynoy” Aquino III, humigit-kumulang ₱70 milyon kada taon lamang ang PDAF ng bawat kongresista. Sa kasalukuyan, hindi man diretsong tinatawag na PDAF, ang pondo ay nakatago na umano sa iba’t ibang ahensya—at sa kaso ng DPWH pa lamang, umaabot na agad sa bilyon-bilyon.

Dahil dito, muling umuusbong ang panawagan para sa transparency at masusing pagbabantay: paano pinipili ang mga proyekto, sino ang nagdidikta ng alokasyon, at paano masisiguro na ang bilyong pisong pondo ng bayan ay hindi nagiging instrumento ng pulitika kundi tunay na napupunta sa kapakinabangan ng mga taga-Palawan.

14/01/2026

CABRAL FILES NI CONGRESSMAN LEVISTE: BILYON-BILYONG ALLOCATION SA PALAWAN, TANGING ISANG DISTRITO ANG UMANO'Y GUMAMIT

Lalong umiinit ang usapin sa inilabas na Cabral Files ni Congressman Leviste matapos isiwalat na umaabot umano sa ₱6,483,032,000 ang pondong ginamit ni Congressman Jose C. Alvarez ng 2nd District ng Palawan mula 2023 hanggang 2025, na inilalarawan sa ulat bilang bahagi ng tinatawag na “pork barrel” ng mga kongresista.

Ayon sa mga dokumentong isiniwalat, may bilyon-bilyong congressional allocations na inilaan para sa tatlong distrito ng Palawan. Gayunman, tanging ang 2nd District lamang umano ang aktwal na gumamit ng pondo. Ang allocations para sa 1st at 3rd District ay nanatiling hindi nagamit matapos pumanaw ang mga kinatawan ng mga distritong ito, na nagbukas ng seryosong tanong sa pamamahala at mekanismo ng paggamit ng pondo kapag nawalan ng nakaupong kongresista.

Habang umiinit ang usapin, nananawagan ang ilang sektor ng masusing imbestigasyon at full disclosure sa status ng lahat ng district allocations sa Palawan—kung alin ang nagamit, alin ang na-freeze, at paano pinrotektahan ang pondo ng taumbayan laban sa posibleng iregularidad.

31/12/2025

COA KINUWESTIYON ANG P2.5M AYUDA PARA SA SENIORS - KARAMIHAN SA BENEPISYARYO AY MATAGAL NANG PATAY

Matindi ang panggigisa ngayon ng Commission on Audit (COA) sa Pamahalaang Lungsod ng Puerto Princesa matapos matuklasan na ang bahagi ng P2.5 milyong pisong ayuda para sa senior citizens, na ipinamahagi bago ang eleksyon, ay napunta umano sa mga taong matagal nang pumanaw. Ayon sa ulat ng COA, ilang ulit nilang binusisi ang listahan ng benepisyaryo at natuklasang malaking porsyento rito ay "deceased" base sa opisyal na record.

“Kung patay na, paano nakuha ang tulong?” — ito ang tanong na diretsong ibinabato ngayon ng COA, kasabay ng pagdududa kung sino ang tunay na tumanggap ng pera at kung totoong may aktwal na distribusyon. Mariing pinagpapaliwanag ng COA ang City Government at si Mayor Lucilo Bayron, na inutusang magsumite ng mga dokumento, justipikasyon, at malinaw na detalye kung bakit nagkaroon ng ganitong anomalya at kung sino ang dapat managot.

Habang hinihintay ang opisyal na tugon ng LGU, nag-aalburuto na ang ilang sektor ng komunidad, nananawagang papanagutin ang mga posibleng nagbulsa ng pondo—lalo’t ang tulong na dapat ay napunta sa mga senior na nangangailangan, ay tila napakinabangan ng iba.

30/12/2025

COA, PINAPASOLI ANG P433.5 MILYONG PISONG PONDONG GINASTOS NG PAMAHALAANG LUNGSOD SA ILALIM NI MAYOR LUCILO R. BAYRON

Naglabas ng ulat ang Commission on Audit (COA) na umuungkat sa umano’y iregular na paggastos sa ilalim ng pamahalaang lungsod ng Puerto Princesa sa pamumuno ni Mayor Lucilo R. Bayron — umaabot sa kabuuang ₱433.5 milyon ang kailangan umanong isauli dahil sa mga disallowances o paggastos na itinuring na ilegal o labag sa batas at patakaran.

Bagama’t hindi detalyado ang buong breakdown ng nasabing halaga, ilan sa mga nabanggit ng COA ay ₱2.5 milyon na ibinigay bilang ayuda sa mga senior citizen na pumanaw na, ₱725,000 na na-release nang walang sapat na liquidation documents, at ₱82,000 na sobra-sobrang bayad dahil sa duplicate na pangalan ng mga benepisyaryo. Ilan sa mga iregularidad na ito, ayon sa COA, ay matagal nang hindi nareresolba at ilang taon nang nakabinbin, na tila nagpapakita ng pagpapabaya at kawalan ng aksyon mula sa lokal na pamahalaan.

Sa exit conference noong June 10, 2025, sinabi umano ng mga opisyal ng lungsod na naaksyunan na nila ang report, ayon sa City Information Officer na si Atty. Glaiza Kaye Vicente-Moncatar. Ngunit nang tanungin kung naisauli na ba ang mga pondong pinababalik ng COA — hindi ito masagot nang diretso, at walang malinaw na pahayag kung ang sinasabing aksyon ay may kinalaman sa aktwal na pagbalik ng pera.

Mas lumalala ang isyu dahil binanggit din ng COA na paulit-ulit nang nabigong habulin ng pamahalaang lungsod ang ₱81,925,063.67 na advance payments sa mga contractor na binigyan ng kontrata ngunit kalaunan ay tinerminate dahil sa paglabag at hindi pag-deliver ng proyekto. Kabilang dito ang ₱29,487,863.13 na nauna nang ibinayad sa GSMAXX Construction para sa San Jose Market Project — isang proyekto na mahigit limang taon nang delayed at hanggang ngayon ay hindi pa rin natatapos, ngunit wala umanong konkretong hakbang para panagutin ang contractor o bawiin ang pondo.

Sa kabuuan, tinukoy ng COA na ang pamahalaang lungsod ay nabigong tapusin ang 95 na proyektong pang-imprastraktura na nagkakahalaga ng higit ₱2.2 bilyon noong 2024 dahil sa kakulangan sa maayos at planadong pamamahala. Sa madaling salita — pera ng taumbayan ang nakatengga, proyekto ang hindi nagawa, at responsibilidad na tila ipinag-kibit-balikat.

Sa harap ng mga numerong ito, hindi maiwasang itanong ng mga taga-Puerto Princesa:
Sino ang mananagot? May babalik bang pera? At hanggang kailan mananatiling nakalugmok sa maling paggamit ng pondo ang ating lungsod?

13/12/2025

AFTERMATH NG SUNOG SA BRGY. MILAGROSA, PUERTO PRINCESA CITY

Matinding pinsala ang iniwan ng sunog na sumiklab kaninang madaling araw, Disyembre 12, sa Barangay Milagrosa, Puerto Princesa City. Ilang pamilya ang nawalan ng tirahan at kasalukuyang pansamantalang nanunuluyan sa Gregorio Oquendo Memorial Elementary School sa naturang barangay habang umaapela ng agarang tulong.

Ayon sa mga apektadong residente, hanggang sa oras na ito ay wala pa silang natatanggap na tulong mula kay Mayor Lucilo Bayron at sa Pamahalaang Lungsod ng Puerto Princesa, dahilan upang lalo pang mahirapan ang mga pamilyang nawalan ng kabuhayan at ari-arian.

Patuloy ang panawagan ng mga nasunugan para sa agarang ayuda, kabilang ang pagkain, damit, at pansamantalang matutuluyan, habang hinihintay ang tugon ng lokal na pamahalaan.

Ang mga larawan ay kuha nina John Michael Constantino, Edgard Espinol Gaite, at Jimmy Gabo.

13/12/2025

SAHOD NA ANIM NA BUWANG HINDI NABABAYARAN: SINO ANG UMAABANDONA SA MGA KAWANI NG PALAWAN?

Mga taga-Palawan, panahon na para marinig ang kwento ng mga taong hindi naririnig—ang mga ordinaryong kawani ng Kapitolyo na anim na buwan nang walang sweldo. Oo, anim na buwan. Mga empleyadong nagbigay ng oras, lakas, at tapat na serbisyo mula Enero 2025 hanggang Hunyo 30, 2025, ngunit hanggang ngayon ay wala pa ring natatanggap na kabayaran para sa kanilang pinaghirapan.

Masakit isipin, pero mas masakit tanggapin kung bakit nangyari ito. Sa ilalim ni dating Governor Dennis Socrates, hindi naayos ang napakasimpleng obligasyon: siguraduhin na ang kanyang mga kawani ay mababayaran bago siya bumaba ng puwesto. Iniwan niyang nakabuyangyang ang responsibilidad—walang malinaw na turnover, walang maayos na pagsasaayos, at tila walang konsiderasyon sa mga pamilyang umaasa sa suweldo ng mga empleyadong ito. Kung totoong pinahalagahan niya ang mga taong naglingkod sa kanya, bakit niya hinayaang lumubog sila sa anim na buwang paghihintay at pagdurusa? Hindi ba niya kayang tingnan ang mga taong tumulong sa pagpapatakbo ng Kapitolyo noong siya pa ang gobernador?

Ngunit ang mas nakakabigla, mga kababayan, ay nang pumasok ang bagong administrasyon ni Governor Amy Alvarez. Sa halip na ayusin ang gusot, tila binalewala ang problema. Ang mga empleyado raw na ito ay “hindi naman niya tauhan,” kaya wala umanong obligasyong tulungan sila. Pero hindi ba’t pera ng lalawigan ang pinag-uusapan? Hindi ba’t Kapitolyo pa rin ang institusyon na may pananagutan, kahit sino pa ang nakaupo? Kung ganito ang pagtrato sa maliliit na tao—kung may administrasyong umaalis na hindi tinatapos ang trabaho, at may administrasyong pumapasok na hindi man lang nag-aabala na itama ang mali—saan pa lulugar ang mga ordinaryong empleyado?

Mga taga-Palawan, ganito na ba talaga ang klase ng pamumunong mayroon tayo? Yung kapag tapos na ang termino, bahala na sa mga naiwan; at kapag bago sa puwesto, dedma sa mga problemang hindi niya “personal” na tao? Ganyan ba talaga ang pamahalaan natin ngayon—walang puso, walang malasakit, at walang pakialam sa dignidad ng maliliit na kawani? Kung ang parehong liderato ay kayang ipasa-pasa at iwasan ang pananagutan, ano pa kaya ang ibang problemang hindi natin nakikita?

Ito ang tanong na dapat tanungin ng bawat taga-Palawan: Kung hindi maipaglaban ng ating pamahalaan ang karapatan ng sarili nitong mga empleyado, kaya ba nitong protektahan ang karapatan ng ordinaryong mamamayan?

Grabe

23/01/2026

23/01/2026

22/01/2026

20/01/2026

20/01/2026

20/01/2026

15/01/2026

14/01/2026

31/12/2025

30/12/2025

13/12/2025

13/12/2025

Address

Website

Alerts

Shortcuts

Share

Category