Boss J tv

14/08/2026

«“Tumingin kayo sa Panginoon at sa kanyang lakas; hanapin ninyo siya palagi.”

— 1 Cronica 16:11»

12/08/2026

PAUNAWA | Ang simbahan ng Quiapo Church , sa pamamagitan ng Hijos Del Nazareno - Affairs, ay naglabas ng memorandum ukol sa mga prusisyong isasagawa sa mga lungsod ng Valenzuela at Malabon ay hindi pinahihintulutang gumamit ng Lubid o pagpasan ng Imahen ng Mahal na Poong Hesus Nazareno.

Ito ay nagpagdesisyunan ng ating simbahan dahil sa mga di inaasahang mga pangyayaring nagdulot ng sakitan na nagdulot ng mga hindi inaasahang pangyayaring hindi nilalayon ng ating pamamanata bilang deboto. Ito rin ay upang siguruhin ang kaligtasan, kapayapaan, at kabanalan ng mga prusisyong ating isininasagawa.

Tayo po ay inaanyayahan na sumunod sa mandatong ito ng ating simbahan. Bilang deboto, tayo nawa ang maging taga-dala ng liwanag, kapayapaan at kabanalan sa bawat isa. Tuwirin natin ang daraanan ng ating Panginoon.

11/08/2026

🙏 PANALANGIN PARA SA AGARANG PAGGALING NI CHAIRMAN TAWENG

Mahal na Poong Hesus Nazareno,

Sa oras na ito, buong pagpapakumbaba kaming lumalapit sa Iyong banal na presensya. Bitbit namin ang isang panalangin na nagmumula sa kaibuturan ng aming mga puso—ang aming pagsusumamo para sa agarang paggaling ni Chairman Taweng.

Panginoon, nakikiusap kami, hawakan Mo siya ng Iyong mapagpagaling na kamay.
Sa bawat sandali ng kanyang panghihina, palitan Mo ito ng lakas.
Sa bawat sakit na kanyang nararamdaman, bigyan Mo siya ng ginhawa.
Sa bawat takot at pangamba, iparamdam Mo sa kanya na hindi Mo siya kailanman iiwan.

Panginoon, huwag Mo muna siyang kunin sa amin.

Marami pa siyang misyon na kailangang tapusin.
Marami pa siyang pangarap na kailangang maisakatuparan.
Marami pa siyang kabutihang nais gawin at mga taong nais niyang paglingkuran.

Marami pang Balangay ang naghihintay at umaasa sa kanyang paggaling. Marami pang mga taong tumitingala sa kanya, umaasa sa kanyang paggabay, at nangangailangan ng kanyang presensya.

Kaya, Panginoon, buong puso kaming nakikiusap:

Bigyan Mo pa siya ng pagkakataon.
Bigyan Mo pa siya ng lakas.
Bigyan Mo pa siya ng panahon upang ipagpatuloy ang kanyang misyon.

Kung siya man ay nanghihina ngayon, Panginoon, Ikaw ang maging kanyang lakas.
Kung siya man ay natatakot, Ikaw ang kanyang maging sandigan.
Kung siya man ay nawawalan ng pag-asa, Ikaw ang magpaalala sa kanya na may mga taong patuloy na nagmamahal, nagdarasal at naghihintay sa kanyang paggaling.

At sa lahat ng mga taong nagmamahal kay Chairman Taweng, bigyan Mo rin kami ng matibay na pananampalataya. Turuan Mo kaming huwag sumuko sa panalangin.

Poong Hesus Nazareno,
kung maaari lamang, ipagkaloob Mo sa kanya ang himalang matagal na naming hinihintay.

Patuloy naming itataas ang aming mga kamay.
Patuloy naming luluhuran ang Iyong harapan.
Patuloy kaming mananalangin hanggang sa dumating ang araw na muli naming makita si Chairman Taweng na malakas, nakangiti, at muling naglilingkod sa mga taong kanyang minamahal.

Panginoon, naririnig Mo ang aming panalangin.
Nakikita Mo ang aming mga luha.
Alam Mo kung gaano namin siya kamahal at kung gaano karami ang umaasa sa kanyang pagbabalik.

Kaya sa Iyong banal na awa,
pagalingin Mo po si Chairman Taweng.

Huwag Mo siyang pabayaan, Panginoon.
Samahan Mo siya sa bawat tibok ng kanyang puso, sa bawat paghinga niya, at sa bawat sandali ng kanyang pakikipaglaban.

At kapag dumating ang araw ng kanyang paggaling,
hayaan Mong maging patotoo ito sa Iyong dakilang kapangyarihan at walang hanggang pagmamahal.

Mahal na Poong Hesus Nazareno,
maawa Ka sa amin.
Pagalingin Mo si Chairman Wenglon Neri .
At ibalik Mo siya sa amin na malakas at may panibagong lakas upang ipagpatuloy ang kanyang mga misyon.

Amen. 🙏

08/08/2026

Mahal na Poong Hesus Nazareno,
lumalapit po kami sa Iyo nang may buong pananampalataya at pag-asa.

Hinihiling po namin ang Iyong awa at pagpapala para kay Chairman taweng. Hipuin Mo po siya ng Iyong mapaghimalang kamay at pagkalooban ng lakas ang kanyang katawan. Nawa’y mawala ang anumang karamdaman at maibalik sa kanya ang mabuting kalusugan.

Panginoon, bigyan Mo rin siya ng tibay ng loob, kapayapaan ng isip, at pag-asang hindi nawawala. Gabayan Mo ang lahat ng nag-aalaga sa kanya at gawin Mong daan ang kanilang mga kamay tungo sa kanyang mabilis na paggaling.

Mahal na Poong Hesus Nazareno, sa Iyo po namin ipinagkakatiwala si Chairman Taweng. Nawa’y maramdaman niya ang Iyong presensya, pag-ibig, at awa sa bawat sandali ng kanyang pagpapagaling.

Patuloy kaming mananalig at mananalangin na sa Iyong biyaya ay muli siyang lalakas at makakabalik sa piling ng kanyang pamilya, mga kaibigan, at mga kapatid sa pananampalataya.

Poong Hesus Nazareno, maawa Ka po kay Chairman Wenglon Neri at ipagkaloob Mo sa kanya ang agarang paggaling.

Amen. 🙏

07/08/2026

Agosto 7, 2026 | DALAW NAZARENO SA ANGONO RIZAL

Ang sa Diocesan Shrine & Parish of Saint Clement, Poblacion Ibaba, Angono, Rizal. Pinamununan ni Reb. Padre Egai Doroteo, MMSJ, ang Banal na Misa sa ganap na ika-11:00 ng umaga. Mananatili ang Imahe sa Parokya hanggang Agosto 7-9, 2026

Ang Imahe ay bumibisita sa mga Parokya na nais makita, makapagdasal at mahawakan ang Poong Hesus Nazareno. Ang nais na mabisita ang kanilang Parokya, makipagugnayan lamang sa opisina ng Quiapo Church.

31/07/2026

🙏🖤 Mapagpalang Biyernes sa ating mga Deboto ng Mahal na Poong Hesus Nazareno.

Sa pagsisimula ng panibagong araw, idulog natin sa ating Panginoon ang ating mga alalahanin, pangarap, at pasasalamat. Nawa'y patuloy Niya tayong gabayan, palakasin ang ating pananampalataya, at ingatan ang ating mga pamilya sa bawat hakbang ng ating buhay.

Anuman ang ating pinagdaraanan, manatili tayong nagtitiwala sa Kanyang banal na kalooban. Sapagkat sa Kanya, walang panalanging hindi dinirinig at walang pusong lumalapit na Kanyang tinatalikuran.

"Lumapit kayo sa akin, kayong lahat na napapagal at nabibigatan sa inyong pasanin, at kayo'y aking papagpapahingahin."

— Mateo 11:28

🙏 Mahal na Poong Hesus Nazareno, maawa Ka sa amin.

28/07/2026

27/07/2026

🙏💚 Malugod naming ipinagpapasalamat ang mapagpalang pagdating ni Señor Mapagbigay sa Sta. Maria, Bulacan.

Isang karangalan para sa Batang Berde na maging bahagi ng paglalakbay ng pananampalataya at debosyon sa Mahal na Poong Hesus Nazareno. Nawa'y ang pagdalaw na ito ay maging daan upang higit pang mapalalim ang ating pananampalataya, magbuklod ng mga deboto, at maghatid ng pag-asa at kapayapaan sa bawat pamilyang Kanyang dinadalaw.

«"Magalak kayo sa pag-asa, maging matiisin sa kapighatian, at maging matapat sa pananalangin."
— Roma 12:12»

Maraming salamat sa mainit na pagtanggap at pakikiisa ng mga deboto ng Sta. Maria, Bulacan.

Sr. Mapagbigay - Batang Berde

26/07/2026

🙏💚 SEÑOR MAPAGBIGAY 💚🙏
Sr. Mapagbigay - Batang Berde

Patuloy nating ialay ang ating puso, oras, at paglilingkod sa Mahal na Poong Hesus Nazareno.
Lahat ng papuri at pasasalamat ay sa Kanya lamang.