https://www.facebook.com/101372566095704/

Ang Aksyon: Ang Opisyal na Publikasyon ng FAYHS sa Filipino, Malakas Street Pinyahan, Quezon City (2025)

30/11/2025

𝗕𝗔𝗟𝗜𝗧𝗔 | Pagtatapos ng English Month, Pinasinayaan sa FAYHS

Idinaos ang English Month Culminating Program nitong ika-25 ng Nobyembre 2025, sa tulong ng mga opisyales ng English Club at ng buong English Department na ginanap sa Audio Visual Room (AVR) ng Paaralang Sekondarya ng Flora A. Ylagan.

Sinimulan ang nasabing programa sa pamamagitan ng pag-awit ng Nationalistic Song, sinundan ng panalangin at pambungad na pananalita ni Gng. Rina V. Balaba, Head Teaher III ng English Department.

Kasunod nito ay ang pagbabalik-tanaw sa iba’t ibang aktibidad na isinagawa sa buong buwan ng selebrasyon. Ipinagkaloob din ang mga parangal sa mga nagwagi sa iba’t ibang kompetisyong pinangasiwaan ng English Club at Voices and Visions Club (VAV), kung saan masiglang tinanggap ng mga mag-aaral ang pagkilala sa kanilang husay at pagsisikap.

Lubos na nagpapasalamat ang English Club sa lahat ng mga lumahok, tumulong at sumuporta para maging matagumpay ang taunang pagdiriwang.

𝗜𝘀𝗶𝗻𝘂𝗹𝗮𝘁 𝗻𝗶: Allana Cañas
𝗞𝘂𝗵𝗮𝗻𝗴 𝗹𝗮𝗿𝗮𝘄𝗮𝗻 𝗻𝗴 𝗺𝗴𝗮 𝗼𝗽𝗶𝘀𝘆𝗮𝗹𝗲𝘀 𝗻𝗴 𝗘𝗻𝗴𝗹𝗶𝘀𝗵 𝗖𝗹𝘂𝗯

30/11/2025

𝗕𝗔𝗟𝗜𝗧𝗔 | FAYHS Seminar: Paglinang sa kaalaman ng mga mag-aaral

Matagumpay na isinagawa nitong ika-24 ng Nobyembre, sa Audio Visual Room (AVR) ng Paaralang Sekondarya ng Flora A. Ylagan ang seminar na pinangasiwaan ng English at Voices and Vision (VAV) Club.

Sa ginanap na seminar, naimbitahan ang dalawang tagapagsalita na sina G. Justine Paul Alvaro at G. Escelsis Angel Ilagan, mga dating mag-aaral ng paaralan.

Unang nagbahagi si G. Alvaro, nagbahagi siya tungkol sa paksang pinamagatang “Finding your voice from stage to screen”. Matapos ito ay nagbahagi naman si G. Ilagan tungkol sa “The power of connections: How good communication inspires people to action".

Dumalo sa nasabing seminar ang ilang mag-aaral mula sa ika-9 at ika-10 baitang.

Ayon sa mga mag-aaral, lubos na nakatulong ang seminar na ito upang magkaroon pa sila ng dagdag na kaalaman.

𝗜𝘀𝗶𝗻𝘂𝗹𝗮𝘁 𝗻𝗶 : Sophia Gregorio
𝗞𝘂𝗵𝗮𝗻𝗴 𝗹𝗮𝗿𝗮𝘄𝗮𝗻 𝗻𝗶 : Xofiya Nakayama

30/11/2025

Ngayong Araw, ika-30 ng Nobyembre, ay ipinagdiriwang natin ang ika-162 anibersaryo ng kapanganakan ni Andres Bonifacio y de Castro.

Siya ay kinikilala bilang "Ama ng Himagsikan" na buong tapang na lumaban para sa kalayaan ng bansang Pilipinas laban sa kolonisasyon ng mga Espanyol. Siya rin ang namuno ng Katipunan (Kataas-taasan, Kagalang-galangang Katipunan ng mga Anak ng Bayan) taong 1982 upang labanan ang pang-aabuso sa kaniyang kapwa Pilipino.

Nawa ay patuloy nating alalahanin at isabuhay ang katapangan, kabayanihan, at pagmamahal na kaniyang ipinamalas sa ating bayan.

29/11/2025

𝗕𝗔𝗟𝗜𝗧𝗔 | Patimpalak ng Speech Choir, matagumpay na isinagawa sa FAYHS

Matagumpay na isinagawa ang patimpalak ng Speech Choir nitong ika-21 ng Nobyembre, sa Paaralang Sekondarya ng Flora A. Ylagan, bilang pagdiriwang ng English month.

Naganap ang patimpalak matapos ang oras ng klase, kaisa sa patimpalak na ito ang iba't ibang pangkat mula sa ikasiyam na baitang.

Sa naganap na kompetisyon ay isa-isang nagpakitang gilas ang mga mag-aaral mula sa baitang 9, kanilang binigkas ang piyesang 'Still I Rise' ni Maya Angelou.

Dumalo naman bilang mga hurado sina Gng. Gracie Buebo, mula sa English Department, Gng. Ananalee DC, mula sa Math Department, at Gng. Maricris Ruiz Chua, mula sa ESP Department.

Nakamit ng 9-Genesis ang unang puwesto, ikalawang puwesto ay nakamit naman ng 9-Chronicles, at 9-Corinthians naman ang nagkamit ng ikatlong puwesto.

𝗜𝘀𝗶𝗻𝘂𝗹𝗮𝘁 𝗻𝗶: Therese De Guzman
𝗞𝘂𝗵𝗮𝗻𝗴 𝗹𝗮𝗿𝗮𝘄𝗮𝗻 𝗻𝗶𝗻𝗮: Samantha Lagonoy, Riza Mejia, Rhynoa Cyla Raña, at English Club Officers

29/11/2025

𝗕𝗔𝗟𝗜𝗧𝗔 | Gawad Karangalan sa Ikalawang Markahan

Isinagawa nitong ika-21 ng Nobyembre 2025, sa Audio Visual Room (AVR) ng Paaralang Sekondarya ng Flora A. Ylagan, ang FAYHS Gawad Karangalan o FAYHSrangal ng mga mag-aaral sa ika-10 baitang para sa Ikalawang Markahan.

Layunin ng naturang programa na bigyang pagkilala ang sakripisyo at husay ng mga mag-aaral.

Binuksan ang programa sa isang masiglang introduksyon sa pangunguna ni G. Albert Abella, tagapagdaloy ng programa. Pormal itong sinimulan sa pamamagitan ng isang Audio Visual Presentation (AVP) ng panalangin at Nationalistic Song.

Matapos ito, bilang panimulang pananalita, nagpahayag ng mensahe si Gng. Jasthyne Cates Salazar, Principal II. Sa kaniyang mensahe, ipinabatid niya ang pagbati sa mga mag-aaral na nagsumikap para sa Ikalawang Markahan.

Sa naturang programa, tinanggap ng mga piling mag-aaral ang kani-kanilang mga sertipiko ng pagkilala. Nagbigay rin dito ng mga Special Awards tulad ng "Perfect Attendance" at "Best in a Specific Subject".

Bilang panapos, nagpahayag ng mensahe si Gng. Annaliza Belizar, Grade 10 Chairman, na nagpaalala sa lahat na ipagpatuloy ang pagpapagal at pagpupursigi sa pag-aaral.

𝗜𝘀𝗶𝗻𝘂𝗹𝗮𝘁 𝗻𝗶: Andrea Cezar
𝗞𝘂𝗵𝗮𝗻𝗴 𝗹𝗮𝗿𝗮𝘄𝗮𝗻 𝗻𝗶𝗻𝗮: Xofiya Nakayama at Samantha Lagonoy

29/11/2025

𝗣𝗮𝗴𝗯𝗮𝘁𝗶, 𝗙𝗹𝗼𝗿𝗮𝗻𝗶𝗮𝗻𝘀!

Isang maaksyong pagbati kina Ryanna Kate J. Futol ng 10-Makabansa, Xylier Miel Seballos ng 9-Genesis, Jennica Kirsten Tabor ng 8-Wisdom, at Stacy Coleen Sion ng 7-Rizal sa kanilang pagkapanalo ng ika-4 na puwesto sa 51 na mga paaralang lumahok sa School Division Office of Quezon City (SDO QC). Ipinaaabot din namin ang maalab na pagbati sa kanilang nakamit na karangalan bilang isa sa Top 10 Best Performing Schools for Quiz Bee sa Division Contest.

Ang nasabing kompetisyon ay naganap sa Don Alejandro Roces Senior Science and Technology High School nitong ika-21 ng Nobyembre, taong kasalukuyan.

Lubos naming kinikilala ang mahalagang papel ng kanilang mga g**ong tagapagsanay na sina Ms. Christine Banzuela, Mr. Romeo Bulosan, Mrs. Clarissa A. Herrera at Mrs. Rina V. Balaba, Head Teacher ng Kagawaran ng English, at sa buong Kagawaran ng English, sa kanilang pagbibigay ng walang-sawang paggabay. Nais din namin pasalamatan si Gng. Jasthyne Cates B. Salazar, Principal II, sa kaniyang buong-pusong pagsuporta at pagbibigay inspirasyon sa mga mag-aaral.

𝗠𝘂𝗹𝗶, 𝗶𝘀𝗮𝗻𝗴 𝗺𝗮𝘀𝗶𝗴𝗮𝗯𝗼𝗻𝗴 𝗽𝗮𝗹𝗮𝗸𝗽𝗮𝗸𝗮𝗻 𝗽𝗮𝗿𝗮 𝘀𝗮 𝘁𝗮𝗴𝘂𝗺𝗽𝗮𝘆 𝗻𝗮 '𝗱𝗶 𝗺𝗮𝗹𝗶𝗹𝗶𝗺𝘂𝘁𝗮𝗻.

29/11/2025

𝗣𝗮𝗴𝗯𝗮𝘁𝗶, 𝗙𝗹𝗼𝗿𝗮𝗻𝗶𝗮𝗻𝘀!

Gintong Tagumpay: FAYHS, Umangat sa Pencak Silat Division Meet

Mula sa ginanap na Pencak Silat Division Meet ngayong araw, ika-29 ng Nobyembre sa Paaralang Sekondarya ng Ernesto Rondon, muling nagningning ang galing ng Paaralang Sekondarya ng Flora A. Ylagan o FAYHS Pencak Silat Team nang sila’y lumahok upang ipaglaban ang karangalan ng paaralan.

Nag-uwi ng Ginto:
Venus Anne Comptente (9-Chronicles) —NCR BOUND.
Isang pambihirang pagtatanghal na nag-uwi ng gintong medalya at nagbigay daan patungo sa NCR Meet.

Samantala, hindi rin nagpahuli ang iba pang mandirigmang atleta ng FAYHS.

Mga nag-uwi ng Pilak:
Georlan Salayog Peralta (9-Chronicles)
Miguel Silvallana (10-Mahinahon)
Kriztin Memita (10-Mahinahon)

Nag-uwi ng Tanso:
Ma. Elizabeth B. Bulala (10-Mahinahon)

Lubos na pasasalamat sa kanilang tagapagsanay na si G. Reagan Mandinguiado na walang sawang gumabay, nagturo, at nagbigay-inspirasyon sa buong koponan upang maabot ang tagumpay na ito. Nais din naming ipaabot ang pasasalamat kay Gng. Armida O. Anota, Head Teacher ng MAPEH Department, at sa buong Kagawaran ng MAPEH sa pagsuporta sa buong koponan at sa lahat ng manlalaro o atleta ng paaralan.

Gayundin, taos-pusong pasasalamat kay Gng. Jasthyne Cates Salazar, Principal II, sa patuloy na suporta at paggabay sa lahat ng atletang kumakatawan sa FAYHS.

Isang masigabong palakpakan para sa buong koponan. Patuloy na pinapatunayan ng FAYHS na hindi lang talino ang puhunan, kundi puso at determinasyon sa bawat laban. Mabuhay ang mga kampeon!

28/11/2025

𝗜𝗦𝗣𝗢𝗥𝗧𝗦 | Grade 7 Team D, Wagi sa Huling Segundo

Puno ng sigla ang Paaralang Sekondarya ng Flora A. Ylagan (FAYHS) nitong ika-27 ng Nobyembre 2025, habang naglalaban ang mga mag-aaral ng Grade 7 sa Sports Festival 2025. Ang pinakatampok na laro ay ang laban ng basketball sa pagitan ng Grade 7 Team B at Grade 7 Team D.

Kapana-panabik ang laro mula sa simula, kung saan nagpalitan ng puntos ang dalawang koponan. Sa simula ng laban, nakapuntos ang Team B ng 11 puntos, habang ang Team D ay 4 na puntos lamang.

Ngunit, hindi nagpahuli ang Team D at sunod-sunod na nakapuntos, kanilang nahabol ang puntos ng Team B sa iskor na 15 – 15. Dahil dito, mas lalong lumakas ang tensyon ng laro.

Sa kanilang huling sagupaan, hindi nagpatalo ang Team B at agad na nilamangan ang Team D sa unang tira na nagbigay ng iskor na 18 – 15, ngunit matibay talaga ang determinasyon ng Team D at humabol sa iskor na 18 – 18.

Mas lalong lumakas ang tensyon ng magtapos ang laban sa tie at kinailangang mag-overtime, dito ay patuloy na nagdarasal ang mga manlalaro sa kanilang mga free throw na nakuha. Dahil sa lakas ng determinasyon at matibay na pagtutulungan, na-comeback ng Team D ang laban sa pagtatala ng iskor na 18 – 19.

Komento ng Team D, "Kahit na nahuli kami at nalugi sa unang laban, nagtiwala lang kami sa'ming mga sarili at patuloy pa ring lumaban."
Dagdag pa nila, "'Wag mawawalan ng pag-asa kung hindi pa naman tapos ang laban."

Sa huli, ang Sports Fest 2025 ng FAYHS ay nagpakita ng tunay na diwa ng sportsmanship at determinasyon. Ang Grade 7 Team D—sa kanilang hindi matitinag na pag-asa at pagtutulungan—ay nagbigay inspirasyon sa lahat ng naroroon. Sila ay nagpatunay na sa sports at sa buhay, hindi pa huli ang lahat hangga't may pagkakataon pang bumawi at lumaban. Ang kanilang tagumpay ay isang testamento sa kahalagahan ng tiwala sa sarili at hindi pagsuko sa harap ng mga pagsubok.

𝗜𝘀𝗶𝗻𝘂𝗹𝗮𝘁 𝗻𝗶 : Tricks Dan Macasiray
𝗞𝘂𝗵𝗮𝗻𝗴 𝗹𝗮𝗿𝗮𝘄𝗮𝗻 𝗻𝗶𝗻𝗮 : Samantha Lagonoy at Xofiya Nakayama

26/11/2025

𝗕𝗔𝗟𝗜𝗧𝗔 | Seminar para sa Kapakanan ng Kabataan, Idinaos sa Barangay Pinyahan

Matagumpay na isinagawa ngayong Miyerkules, ika-26 ng Nobyembre, sa Barangay Pinyahan ang State of Children Address (SOCA) bilang bahagi ng pagdiriwang ng National Children’s Month na may temang “Wakasan: Kaligtasan at Karapatan ng Bata Ipaglaban.”

Pinangunahan ang programa sa tulong ni Punong Barangay at ABC President of District IV, Hon. Ricardo A. Villaflor.

Binuksan ang pagtitipon sa pamamagitan ng isang panalangin at pag-awit ng Lupang Hinirang sa pamamagitan ng audio presentation, bilang paggalang at pormal na pagbubukas ng programa.

Naging maaksyong tagapagdaloy ng buong programa si Elvie C. Laurito, Kalihim at Focal Person ng BSPC.

Ipinahayag ni Hon. Anna Marie Aspe, Kagawad ng Barangay Pinyahan at BCPC Co-Chairperson, sa kaniyang pambungad na pananalita ang kahalagahan ng pagiging mabuting lider ng kabataan at ang papel nila sa pagtataguyod ng karapatan at kaligtasan ng kabataan.

Nagbigay naman ng inspirasyonal na mensahe si Hon. Marites T. Fajardo, Vice Chairperson ng BCPC at Barangay Kagawad, kung saan binigyang-diin niya ang sama-samang responsibilidad ng komunidad sa pagtataguyod ng isang ligtas na kapaligiran para sa mga kabataan.

Naglahad ng mahahalagang pahayag si Ms. Mara Forte, Children and Youth Empowerment Program Coordinator ng ECPAT Philippines, bilang isa sa mga tagapagsalita.

Aniya, “Layunin nitong pag-form ng BCA sa Barangay ay para mapakinggan ang boses ng mga bata sa usapin ng karapatan at proteksyon nila.”

Tinapos ang programa sa pangwakas na pananalita ni Hon. Marites T. Fajardo, na muling nagpatibay sa pangako ng barangay na ipaglaban at pangalagaan ang karapatan ng lahat ng kabataan sa komunidad.

Pagkatapos ng gawain ay ipinamahagi ang mga sertipiko ng partisipasyon, pagkain, at mini fans sa mga dumalo. Kumuha rin ng mga larawan ang mga staff, kagawad, at iba pang kalahok bilang bahagi ng dokumentasyon at paggunita sa makabuluhang selebrasyon.

Sa kabuuan, naging matagumpay ang programa at nag-iwan ng mahalagang mensahe tungkol sa patuloy na pangangalaga sa karapatan, kaligtasan, at kapakanan ng mga bata.

𝗜𝘀𝗶𝗻𝘂𝗹𝗮𝘁 𝗻𝗶 : Mark Jiuan Mallari
𝗞𝘂𝗵𝗮𝗻𝗴 𝗹𝗮𝗿𝗮𝘄𝗮𝗻 𝗻𝗶𝗻𝗮 : Mark Jiuan Mallari at Riza Mae Mejia

26/11/2025

𝗜𝗦𝗣𝗢𝗥𝗧𝗦 | Grade 7 Team A, Wagi Sa Mixed Volleyball Game 1 Kontra Grade 7 Team D

Mainit ang naging bakbakan sa Game 1 ng Mixed Volleyball ng Grade 7 kung saan nagharap ang Team D at Team A. Puno ng energy at sigawan ang bawat rally, lalo na sa mga clutch moments ng laro.

Dikit ang laban sa unang set. Halos salitan lang ang puntos at parehong hindi nagpapatalo ang dalawang koponan. Ngunit sa huling bahagi, mas naging composed ang Team A kaya nila na-closedown ang set, 13–15.

Sa second set, mabilis na lumayo ang Team A at nagkaroon sila ng malaking kalamangan. Mukhang mananalo na agad sila, pero hindi nagpaawat ang Team D. Nagpakita sila ng matinding habol na nagpahirap sa depensa ng Team A at unti-unting nakatabla ang momentum. Pero sa huli, mas matibay pa rin ang Team A at naitala nila ang panalo sa set na 20–25, sabay kuha ng Game 1.

Isang laban na nagpakita ng determinasyon ng Team D at solidong teamwork ng Team A, patunay na wala pang sigurado sa volleyball hangga’t hindi pa natatapos ang laban.

𝗜𝘀𝗶𝗻𝘂𝗹𝗮𝘁 at 𝗞𝘂𝗵𝗮𝗻𝗴 𝗹𝗮𝗿𝗮𝘄𝗮𝗻 𝗻𝗶 : Warren Resare

22/11/2025

𝗜𝗦𝗣𝗢𝗥𝗧𝗦 | Masiglang Sack Race, Bumida sa FAYHS

Sa naganap na Sports Fest sa Paaralang Sekondarya ng Flora A. Ylagan nitong Lunes, ika-17 ng Nobyembre 2025, tampok ang masigla at puno ng tawanan na Sack Race na nilahukan ng mga mag-aaral mula sa ika-9 at ika-10 baitang. Sa kabila ng hamon ng balanse at bilis, hindi nagpahuli ang bawat koponan sa pagpapakita ng liksi at teamwork.

Buong sigla na tumalon at nag-unahan ang mga kalahok habang todo ang hiyawan ng kanilang mga kaklase at g**o. Naging makulay ang kaganapan dahil sa masayang enerhiya ng mga Floranians na nagbigay-buhay sa kompetisyon.

Opisyal na Resulta:

GRADE 9 Team E vs Grade 10 Team C
🥇 Nagwagi: Grade 10 -Team C

GRADE 9 Team D vs Grade 10 Team B
🥇 Nagwagi: Grade 10 - Team B

Muling ipinamalas ng mga mag-aaral ng FAYHS ang diwa ng sportsmanship at aktibong partisipasyon—patunay na ang Sports Fest ay hindi lang kasiyahan, kundi pagkakataon din upang mahasa ang kanilang kakayahan sa isports at pagtutulungan.

𝗜𝘀𝗶𝗻𝘂𝗹𝗮𝘁 𝗻𝗶 : Sophia Tan
𝗞𝘂𝗵𝗮𝗻𝗴 𝗹𝗮𝗿𝗮𝘄𝗮𝗻 𝗻𝗶 : Ella Surdilla

20/11/2025

𝗜𝗦𝗣𝗢𝗥𝗧𝗦 | TEAM C, WAGI SA VOLLEYBALL: Peña, MVP matapos ang sunod-sunod na service aces

Matinding laban ang naganap ngayong araw, ika-20 ng Nobyembre, sa Sports Fest Volleyball Game, kung saan Team C ang nagwagi sa iskor na 11–25. Mula umpisa hanggang dulo, kontrolado nila ang laro dahil sa maayos na depensa at tuloy-tuloy na opensa.

Pinaka-nagningning sa laban si Dericel Jhay Peña na tinanghal na Most Valuable Player o MVP matapos magtala ng sunod-sunod na service aces na nagpatapos sa laro. Hindi na nakasagot ang kalaban sa lakas at linis ng kaniyang mga serve.

Ngunit ayon kay Peña, hindi niya kinukuha mag-isa ang papuri. “Hindi kami mananalo kung ako lang mag-isa. Siyempre ma-de-default kami. Hindi lang ako ang susi sa pagkapanalo namin, kundi lahat kami.” Ani niya.

Ipinakita ng Team C kung gaano kahalaga ang pagtutulungan. Bawat pasa, bawat depensa, at bawat puntos ay galing sa sama-samang effort ng buong koponan.

𝗜𝘀𝗶𝗻𝘂𝗹𝗮𝘁 𝗻𝗶 : Warren Resare
𝗞𝘂𝗵𝗮𝗻𝗴 𝗹𝗮𝗿𝗮𝘄𝗮𝗻 𝗻𝗶 : Richbert Lipon

Ang Aksyon: Ang Opisyal na Publikasyon ng FAYHS sa Filipino

30/11/2025

30/11/2025

30/11/2025

29/11/2025

29/11/2025

29/11/2025

29/11/2025

28/11/2025

26/11/2025

26/11/2025

22/11/2025

20/11/2025

Address

Website

Alerts

Shortcuts

Share

Category