Laban Kapamilya

19/08/2026

Get well soon po, Kabayan!

KABAYAN NOLI DE CASTRO, NANANATILING NASA MEDICAL LEAVE; BABALIK SA "TV PATROL" KAPAG FULLY RECOVERED NA

Sa ginanap na annual stockholders meeting ng ating ABS-CBN nitong Miyerkules, Agosto 19, inihayag ni ABS-CBN News chief Francis Toral na nakatakdang bumalik ang beteranong brodkaster at anchor na si Kabayan Noli de Castro sa Kapamilya flagship newscast na TV Patrol sa oras na siya ay fully recovered na.

Ayon kay Toral, nananatiling nasa medical leave si Kabayan Noli kasunod ng kanyang surgery noong isang taon, ngunit looking forward siya sa pagbabalik niya kapag siya ay tuluyan nang nakarecover.

Huling nasilayan si Kabayan sa TV Patrol noong Nobyembre 2025 at nakasama pa sa "Love Joy Hope" Christmas ID music video at mula noon, siya ay nasa medical leave na.

Tuloy pa rin ang pagpapatrol kasama sina Alvin Elchico, Karen Davila at Bernadette Sembrano sa TV Patrol gabi-gabi, habang nakaatas sa iba pang senior journalists ng Kapamilya Network sa ibat ibang mga news program at mga espesyal na coverage.

Ang amin pong patuloy na panalangin at hiling para sa inyo, Kabayan Noli de Castro, ay ang tuluyan pong panunumbalik ng inyong lakas at kalusugan upang maipagpatuloy na po ninyo ang bagay na pinakaminamahal ninyo, ang paghahatid ng mga balita na mas kailangan at sinusubaybayan ng marami.

Get well soon po, Kabayan! 🙏🏻❤️💚💙

ℹ️ © ABS-CBN News / LionhearTV

15/08/2026

Kung hindi sana dahil sa inutil na lider na nagpasara sa ABS-CBN, hindi sana ito nangyari, ngunit kailangan nating tanggapin ito bilang pagbabago sa takbo ng buhay ng ating Kapamilya Network.

Simula Linggo, Agosto 16, isasarado na po ang Esguerra Gate, kung saan po madalas na pumapasok ang mga empleyado, talents at artista noon ng Kapamilya Network, bunsod na rin na nasa kamay na ng Ayala Land ang parte ng ABS-CBN Compound, kasama na ang old headquarters/maon building, tower at ang mga unang studio roon.

Reminder po na magsasara man ang nasabing gate, tuloy pa rin ang operasyon ng network at makapasok pa rin ang employees sa main building.

Mahigpit na yakap po, Kapamilya... ❤️‍🩹💚💙

03/08/2026

PAMUNUAN NG ABS-CBN, PINABULAANAN ANG MGA NAGLABASANG ULAT UKOL SA UMANO'Y 'PAGBABAGO' SA PAMAMAHALA SA KUMPANYA

Naglabas ng opisyal na pahayag ang pamunuan ng ABS-CBN kaugnay ng ilang naglabasang mga ulat ng umano ay may malaking pagbabago sa pamamahala sa kumpanya.

Ang tinutukoy sa pahayag ay ang umano'y balita na mapupunta na ang pamamahala ng Kapamilya Network sa grupo ng business tycoon at may-ari ng TV5 Network na si Manny V. Pangilinan.

Pinabulaanan ng ABS-CBN ang ganitong klaseng balita, at wala silang anumang pag-uusap ng isa pang business tycoon na si Ramon S. Ang o kay MVP sa sinasabing pagpapalit ng pamamahala ng ABS-CBN sa MediaQuest o sa Kapatid Network. Nilinaw din ng pamunuan ng Kapamilya Network na ang kanilang relasyon kay MVP ay limitado lamang sa kanilang umiiral na content partnership sa TV5.

Pinabulaanan rin ng kumpanya ang ulat na may nagpasok ng higit Php10 bilyon sa media giant mula noong 2020. Anilq, ang Lopez Inc. ay nakapag-invest ng mas mababa sa Php1 bilyon sa ABS-CBN sa ngayon.

Palagi po nating pinapaalala sa publiko na maging mapanuri at mag-ingat sa mga naglalabasang balita o impormasyon sa social media, at hangga't maari ay kilatisin mabuti ang nilalaman o abangan ang opisyal na pahayag o legit news upang maiwasan nating mabulag ng maling impormasyon o "fake news". ! 💫❤️💚💙

03/07/2026

Tuluyan nang kinalabit ng KARMA ang isa sa mga tinaguriang "franchise killers" ng ABS-CBN na si Rodante Marcoleta, at tila hindi umepekto ang mga isinagawang mga protesta ng kanyang mga ka-relihiyon sa Iglesia ni Cristo upang pigilan ang pag-aresto para sa kanila ay isang "malinis" at "mabuting ehemplo" ng kanilang hanay.

Nagsampa na ng isang non-bailable plunder case ang Office of the Ombudsman laban sa naturang indibidwal, na nakaupong senador, sa Sandiganbayan nitong Biyernes, Hulyo 3, 2026.

Nag-ugat ang pagsampang ito ng kaso mula sa P75 milyong halaga ng campaign donations na ibinigay kay Marcoleta noong 2025 na hindi niya idineklara sa kanyang Statement of Assets, Liabilities and Net Worth o SALN.

Ayon po sa ating Saligang Batas, sa pagkakasalin sa ating wika, WALANG SINUMAN SA PANIG NG GOBYERNO ANG TATANGGAP NG DONASYON NA HIGIT SA 50 MILYONG PISO. Ang natanggap po ni Marcoleta na donasyon noong kanyang kampanya ay nasa higit 75 MILYONG PISO. Diyan pa lang po, MALINAW na PAGLABAG IYAN SA BATAS, bukod po sa iyan ay HINDI ISINAAD sa kanyang SALN.

Gaya po ng alam nating lahat, lantaran na ang pagiging SINUNGALING ni Marcoleta sa taumbayan, mula nang nagbida-bida ito sa Kongreso noong kasagsagan ng ABS-CBN franchise hearings, nang akusahan nito na ang kumpanya na hindi raw nagbabayad ng kaukulang buwis at baon raw sa malaking halaga ng utang, sa kabila ng paglilinaw at pagpapatunay ng ilang ahensya ng gobyerno, gaya ng Bureau of Internal Revenue o BIR na walang nilabag sa batas ang Kapamilya Network. Nagtuloy ang tila-MOCKERY ng naturang indibidwal sa kanyang mga kampanya noong 2022 (kung saan ay siya ay umatras) nang ipagmalaki niya na "napasara" niya ang ABS-CBN.

Sari-sari din ang kanyang pagkakalat mula noong iniluklok siya ng mga bumoto sa kanya bilang senador noong 2025, at alam po natin kung ano ang mga isyung iyon, na naging katawa-tawa lang para sa naturang matanda.

Nitong linggong ito, nagsagawa ng kilos-protesta ang mga ka-relihiyon niya sa Iglesia ni Cristo sa EDSA upang "IPAGTANGGOL" ang kanilang kabaro sa umano ay pambabaluktot ng gobyerno sa batas. Tila mas maraming mamamayan ang NADISMAYA, NATAWA at NAINIS sa kanilang ginawa, dahil malinaw po na sa kabila ng pakikiisa sa ating lahat na magalit sa mga taong TIWALI at GAHAMAN sa SALAPI at KAPANGYARIHAN, ay sila itong tila "KINUKUNSINITI" ang kanilang ka-relihiyon na nabahiran na kanyang pagka"Iglesia" dahil sa pagiging KORAP nito at NAGKAMAL NG SALAPI.

Di po ba, maraming beses na napapakinggan iyan sa mga pagsamba na masama ang pagiging MAIBIGIN SA SALAPI, pagiging DALAWANG-DILA at HINDI ISINASABUHAY ang mga nakasaad sa BIBLIA?! At alam po ba ninyo kung ano ang ginagawa sa mga taong ganun ang ginagawa? Hindi po ba ITINITIWALAG?! Isipin po natin iyan!

At ngayong siya ay nakatakdang arestuhin at makulong dahil sa pagkakasala sa batas, ito na nga po at kumakagat na ang KARMA na ginawa niya, hindi lamang sa mga "Kapatid" ng kanyang relihiyon, kundi pati na rin po sa harap ng taumbayan na TUNAY ang NGITNGIT at GALIT sa KORAPSYON at LANTARANG PANLOLOKO sa TAUMBAYAN!

Ang BATAS po, saan mang bansa iyan, ay WALANG EXEMPTION, WAANG SINISINO, WALANG LIGTAS, basta po nagkasala, dapat PINAPARUSAHAN! Tama po ba iyon?!

OPO... SIYA NGA PO!

Ngayong KARMA na ang nagdikta ng kapalaran ng mga taong gumagawa ng kalokohan sa harap ng mga mamamayan at sa mga taong PINERWISYO nito, WALA NA PONG MAKAKAPIGIL DOON. Tama po ba iyon?!

OPO... SIYA NGA PO!

07/05/2026

So True. Realtalk ito.

06/05/2026

Lahat ng nanggipit, galit sa ABS-CBN siningil ng karma perfect example sina Marcos Sr at Digong. Who's next?

06/05/2026

Sa mga drivers na nag rarally at makaka kita ng post na ito.. Regular kayo sa Agency nyo na TGSI, tama? Bakit gusto nyo pa ma regular sa ABS-CBN? Swapang ang tawag dun. Deserving ba kayo na iabsorb? Hindi kayo tinanggal ng ABS-CBN sa kabila ng ginawa nyo. Sabi nyo binubully kayo sa abs-cbn tapos gusto nyo pa ring ma regular? Maayos ba trabaho nyo? Taas ang kamay ng mga nandadaya sa oras!.

06/05/2026

Sa mga nagsasabi pong bayaran kami, pls show proof. Ang prinsipyo namin ay hindi kayang bayaran ninoman. Walang presyo ang paninindigan sa katotohanan, kung may legit proof kayo na may anomalya ang ABS-CBN isend nyo sa amin at makikipaglaban kmi kasama nyo. Ito pa ang isang klaro. Hindi kami pro Marcos. Pro good governance kmi. Anti kawatan at anti kriminal. Kaya kung Duterte ang ibabash libre ang serbisyo namin.

05/05/2026

ON THIS DAY | 05 MAY 2020

Anim (6) na taon na ang nakaraan nang ipatigil ng National Telecommunications Commission o NTC ang pagsasahimpapawid ng ABS-CBN o ang DWWX-TV Channel 2, radio stations nito na DZMM 630 KHz, MOR (DWRR) 101.9 MHz, mga sister station nito gaya ng S&A Channel 23, ilan sa mga digital channels nito at mga provincial TV at radio stations nito, bunsod ng pagkakapaso ng broadcast franchise nito na inisyu noong Marso 1995 ng administrasyon ni yumaong dating Pangulong Fidel V. Ramos.

Hapon ng araw na iyon nang naghain ang NTC ng cease-and-desist order laban sa Kapamilya Network upang itigil ang anumang brodkast nito sa telebisyon at radyo.

Alas-7:52 ng gabi nang opisyal na nagpaalam sa ere ang dating Channel 2 matapos ang mga pahayag nina ABS-CBN Chairman Martin Lopez at ABS-CBN President at CEO Carlo Katigbak at ang TV Patrol ang huling programang napanood sa dating channel ng ABS-CBN.

Kasagsagan pa rin iyon ng pagdinig ng Kongreso sa prangkisa ng ABS-CBN nang mangyari ang "shutdown" nito, "lumipat" ang ABS-CBN sa cable at digital sa pamamagitan ng Kapamilya Channel noong Hunyo 2020 at Kapamilya Online Live sa Facebook at YouTube noong Agosto 2020.

Pansamantala mang nagbalik ang ilang programa gamit ang digital channels ng ABS-CBN, ipinatigil rin iyon noong Hulyo 2020 sa bisa ng "alias cease-and-desist order" laban sa mga nasabing channel, pati na ang Sky Direct.

Sa kabila nito, patuloy na naghanap ng paraan ang ABS-CBN upang patuloy na masubaybayan ng loyal viewers ang mga programa nito, hanggang sa nakatagpo sila ng mga tahanang nagpatuloy at ipinasilong ang kanilang mga kwento, gaya ng A2Z, TV5 (hanggang Enero 1, 2026), GMA Network para sa ilang programa at kinalaunan ay ang ALLTV.

Sa kasalukuyan, wala sa prayoridad ng kumpanya ang isang panibagong prangkisa. Nasa ibang direksyon na nakatuon ang ABS-CBN. Hindi man sila ang dating pinakamalaking TV station sa bansa ngayon, ang Kapamilya Network na ang itinuturing na nangungunang CONTENT CREATOR sa bansa, dahil sa patuloy na paghahatid ng mga kwento sa mga Kapamilya at sa lahat ng mga Pilipino saan man sa mundo.

Mananatiling totoo ang ABS-CBN aa sinumpaan nitong tungkulin mula noon hanggang ngayon, hanggang sa susunod na mga salin-lahi, na pagsilbihan tayo, mga mamamayang Pilipino, sa pamamagitan ng pagbibigay ng aliw at serbisyo-publiko.

ABS-CBN is then, now, and always be "in the service of the Filipino". ✨❤️💚💙

05/05/2026

Pakitandaan po ang pagmumukha ng dalawang taong ito na sa halip na gampanan ang kanilang tungkulin bilang mambabatas at kinatawan ng kanilang pinanghahawakang sektor ay nais pang ituon ang atensyon ng publiko at Kongreso sa ABS-CBN.

Ang isa, bagamat tama naman ang pinaghahawakan nito, mali naman ang kanyang ginagawang aksyon para lamang pumapel at masabing may nagagawa siya. Ang ginawa, sumawsaw sa mga nagprotestang "driver" na hindi naman empleyado ng Kapamilya Network at nasa ilalim pala ng isang "ahensya". Pinapaimbestiga pa ng utaw na yun ang umano ay "labor issues" sa kumpanya, na kilala ng marami sa magandang track record pagdating sa pamamahala at pag-aalaga sa mga trabahador nito.

Ang isa naman, saklaw ang murang kuryente para sana sa kapakanan ng mga mamamayan, pero tila KURYENTE ang kanyang ginagawang taktika laban sa ABS. Pinapasilip umano nito ang blocktime agreements nito sa A2Z, GMA Network at maging sa... ALLTV, na ang totoo po ay hind blocktime agreement ang napagkasunduan, kundi LICENSING AGREEMENT, kung saan, ang estasyon na iyon ang magbabayad sa producer, which is ABS-CBN. Ganyan ang ginagawa noon ng ilang producers at content companies gaya ng Solar sa ilang TV stations gaya ng SBN, RJTV, Beam at maging ang RPN (na ngayon ay RPTV na joint venture naman nila ng TV5). Para sa utaw na yun, pasimplemg pagbabalik daw iyon ng ABS kahit wala itong prangkisa. Mali po ata ang pagkakaintindi ng indibidwal na yun sa kasunduan ng ABS at ng himpilan na may-hawak ngayon sa kanilang dating channel at frequency.

Mukhang sa wari natin ay panibagong estilo ito ng panggigipit sa minsan nang binansagang "Philippines' largest network". Tila taktika rin ng dalawang ito na ilihis ang landas ng publiko sa mga isyu dapat ay mas pinagtutuunan nila ng pansin, lalo pa at mainit ang isyu ng impeachment laban sa pulitiko na mahilig mag-world tour at manglimas ng limpak-limpak na pondo mula sa kaban ng bayan at buwis na ibinabayad ng mga propesyunal, na "malamang" ay kakampi ng dalawamg taong ito. Tila sinasamantala din ng mga taong ito ang pagkakataon upang siraan ang reputasyon ng ABS, lalo pa at patuloy itong binabatbat ng pagsubok sa kanilang katatagan bilang kumpanya at himpilang pinagkakatiwalaan ng mas nakararami. Eksaktong anim na taon pa naman ngayon matapos tanggalan ng karapatan ang ABSna makapagbrodkast dahil napaso ang prangkisa, ginipit pa pinagsasampal pa ng mga mali at balikong paratang ng mga mapagsamantalang pulitiko at mga indibidwal na nagmamarunong at feeling "entitled".

Eto rin kayang ginagawa ng dalawang ito ay paraan upang magpakitang-gilas para sa kanilang ambisyon?!

Teka lang... Malayo pa ang 2028, Mr. Eli San Fernando at Mr. Presley de Jesus! Baka naman po pwede, TRABAHO MUNA?! Yung TUNAY ninyong TRABAHO, ang gumawa ng batas at paglingkuran ang nasasakupan ninyo, hindi puro PULITIKA, hindi puro PANGGIGIPIT at pairalin ang inyong... kaTANGAhan bilang tao! Kung kayo man po ay nagnanais na tumakbo, kung kayo rin lang ay pasimple rin na "nangangampanya", kami rin po, "mangangampanya"... HUWAG PO NINYO SILANG IBOTO! Ganun lang yun!