08/06/2024
NIKKO NATIVIDAD ON VICE GANDA: "Tatapikin ka kapag alam mong sumosobra o medyo nagkakamali na. Kung ikekwento ko ba pinagdaanan ko sa kanila magbabago ba tingin nyo sa akin?"
For the last time na magsasalita ako tungkol sa nakaraan kong post. Unang una sa lahat hindi ako nagsisisi na nagsalita ako ng sarili kong saloobin. Hindi ako nagsisisi na ipagtanggol ang ibang tao. Nababasa ko mga komento nyo saken at ang gusto nyo mawalan ako ng trabaho dahil lang sa naglabas ako ng sarili kong saloobin. (Na alam ko na posibleng mangyari)
Kung ikekwento ko ba pinagdaanan at iniyak ko sa kanila magbabago ba tingin nyo sa akin? Pero hindi naman yun ang intensyon ko na kumuha ng simpatiya o makisali lang sa gulo. Naglabas ako ng saloobin ko dahil baka sakaling makatulong na may maayos o mabago sa sitwasyon. Kasi ganun naman ang pamilya at kaibigan. Tatapikin ka kapag alam mong sumosobra o medyo nagkakamali na. Hindi po ako naghahanap ng kaaway, ang pagkakabura po ng post ko ay management decision, tunay at bukas sa isip at puso ko ang sinabi ko, payapa ang aking kalooban.
