https://www.facebook.com/108774071398213/

Lagro PAHATID, Misa de Gallo, Quezon City (2025)

05/10/2025

Isang pagpupugay sa ating mga huwarang tagapagturo. Maligayang Araw ng mga G**o! 👩‍🏫👨‍🏫✨

- - -
Digital Journalist: Nheajoy Sedayon

22/09/2025

𝑳𝑨𝑻𝑯𝑨𝑳𝑨𝑰𝑵 | 𝐊𝐀𝐈𝐍𝐀𝐍𝐆 𝐏𝐀𝐌𝐈𝐋𝐘𝐀, 𝐌𝐀𝐇𝐀𝐋𝐀𝐆𝐀
Ni: Marnie Iahhel Bolante

𝐴𝑘𝑜 𝑎𝑛𝑔 ℎ𝑎𝑝𝑎𝑔 𝑠𝑎 𝑔𝑖𝑡𝑛𝑎 𝑛𝑔 𝑡𝑎ℎ𝑎𝑛𝑎𝑛,
𝐿𝑎𝑔𝑖𝑛𝑔 𝑠𝑎𝑘𝑠𝑖 𝑠𝑎 𝑖𝑛𝑦𝑜𝑛𝑔 𝑠𝑎𝑚𝑎ℎ𝑎𝑛.
𝑆𝑖𝑚𝑝𝑙𝑒𝑛𝑔 𝑢𝑙𝑎𝑚, 𝑛𝑎𝑔𝑖𝑔𝑖𝑛𝑔 𝑒𝑠𝑝𝑒𝑠𝑦𝑎𝑙,
𝐾𝑎𝑝𝑎𝑔 𝑝𝑎𝑔𝑠𝑎𝑠𝑎𝑚𝑎’𝑦 𝑠𝑎𝑏𝑎𝑦 𝑛𝑎 𝑛𝑎𝑔𝑑𝑎𝑟𝑎𝑠𝑎𝑙.

𝑆𝑎 𝑏𝑎𝑤𝑎𝑡 𝑡𝑎𝑤𝑎’𝑡 𝑘𝑤𝑒𝑛𝑡𝑜 𝑛𝑔 𝑏𝑢ℎ𝑎𝑦,
𝐴𝑘𝑜’𝑦 𝑡𝑎𝑔𝑝𝑢𝑎𝑛 𝑛𝑔 𝑎𝑟𝑎𝑙 𝑎𝑡 𝑔𝑎𝑏𝑎𝑦.
𝐷𝑖𝑡𝑜 𝑛𝑎𝑔𝑚𝑢𝑚𝑢𝑙𝑎 𝑎𝑛𝑔 𝑠𝑖𝑔𝑙𝑎 𝑛𝑔 𝑏𝑎𝑡𝑎,
𝐴𝑡 𝑙𝑎𝑘𝑎𝑠 𝑛𝑔 𝑚𝑎𝑔𝑢𝑙𝑎𝑛𝑔 𝑎𝑦 𝑚𝑢𝑙𝑖𝑛𝑔 𝑛𝑎𝑑𝑎𝑟𝑎𝑚𝑎.

𝐻𝑖𝑛𝑑𝑖 𝑙𝑎𝑛𝑔 𝑡𝑖𝑦𝑎𝑛 𝑎𝑛𝑔 𝑛𝑎𝑏𝑢𝑏𝑢𝑠𝑜𝑔,
𝐾𝑢𝑛𝑑𝑖 𝑝𝑎𝑔𝑚𝑎𝑚𝑎ℎ𝑎𝑙𝑎𝑛 𝑛𝑎 ℎ𝑖𝑔𝑖𝑡 𝑠𝑎 𝑙𝑢𝑔𝑜𝑑.
𝐾𝑎𝑖𝑛𝑎𝑛𝑔 𝑃𝑎𝑚𝑖𝑙𝑦𝑎, 𝑡𝑢𝑛𝑎𝑦 𝑛𝑎 𝑚𝑎ℎ𝑎𝑙𝑎𝑔𝑎,
𝑃𝑎𝑔𝑘𝑎𝑘𝑎𝑖𝑠𝑎’𝑡 𝑠𝑎𝑦𝑎, 𝑠𝑎 ℎ𝑎𝑝𝑎𝑔 𝑛𝑎𝑔𝑠𝑖𝑚𝑢𝑙𝑎.

𝐾𝑎𝑦𝑎’𝑡 ℎ𝑎𝑙𝑖𝑛𝑎, 𝑚𝑎𝑔𝑠𝑎𝑙𝑜 𝑛𝑔 𝑠𝑎𝑦𝑎,
𝑆𝑎 𝑏𝑎𝑤𝑎𝑡 𝑝𝑖𝑛𝑔𝑔𝑎𝑛 𝑚𝑎𝑦 𝑝𝑎𝑔-𝑎𝑠𝑎.
𝑃𝑎𝑔𝑘𝑎𝑖𝑛 𝑚𝑎𝑛 𝑎𝑦 𝑝𝑎𝑦𝑎𝑘 𝑜 𝑚𝑎𝑟𝑎𝑚𝑖,
𝐵𝑎𝑠𝑡𝑎’𝑡 𝑚𝑎𝑔𝑘𝑎𝑘𝑎𝑠𝑎𝑚𝑎—𝑚𝑎𝑠𝑎𝑟𝑎𝑝 𝑎𝑛𝑔 𝑏𝑢ℎ𝑎𝑦 𝑙𝑎𝑔𝑖.

Dibuho ni: Arexa Jikka Acol

-----

21/09/2025

Ngayong ika-21 ng Setyembre, muling magtitipon ang taumbayan para sa malawakang kilos protesta upang ipahayag ang kanilang boses patungkol sa patuloy na paglaganap ng korapsyon at kontrobersiya sa flood control project sa ating bansa na gaganapin sa Rizal Park, Manila na may temang “Baha sa Luneta: Aksyon na Laban sa Korapsyon” at ang Trillion Peso March sa EDSA People Power Monument.

Karamihan sa makikiisa ay mga estudyante na nagsisilbing patunay na ang kabataan ay hindi manhid, kundi mulat at handang maging katuwang sa pagbabago.

Ang pondong dapat sana’y nakalaan para sa edukasyon, kalusugan, at iba pang mas importanteng bagay, ay napupunta lamang sa bulsa ng iilan.

Nawa’y marinig ang panawagan na itigil ang pagnanakaw at isaayos ang mga proyektong hindi lamang patungkol sa mga pader na magpapatigil sa baha — ito rin ay tungkol sa pagpigil sa pag-apaw ng kasakiman at katiwalian sa ating pamahalaan.

✒️ Ines Levinne Eco

--------
Inianyo nina: Alyana Ombrog at Juderay Jamena

17/09/2025

𝑶𝑷𝑰𝑵𝒀𝑶𝑵 | 𝐇𝐢𝐧𝐝𝐢 𝐏𝐚𝐧𝐚𝐤𝐢𝐩 𝐚𝐧𝐠 𝐒𝐮𝐬𝐩𝐞𝐧𝐬𝐲𝐨𝐧 𝐬𝐚 𝐁𝐮𝐭𝐚𝐬 𝐧𝐠 𝐄𝐝𝐮𝐤𝐚𝐬𝐲𝐨𝐧
Ni: Majhelen Mae R. Tañare

Kapag bumuhos ang ulan, ano agad ang unang bukambibig ng marami? “Sana suspendido na ang klase.” Parang reflex na. Pero teka, ganun na lang ba palagi ang magiging solusyon? Kaya’t hindi kataka-takang ipinaalala ni DepEd Secretary Sonny Angara na huwag magdesisyon nang padalos-dalos. Dahil ang bawat anunsyo ng suspensyon ay hindi lang simpleng pahinga o iwas-abala, kundi ito ay pagkitil sa isang araw ng pagkatuto. At kung palagi na lang ganito, hindi ba’t lalong lumalalim ang sugat ng tinatawag na learning loss na hanggang ngayon ay hindi pa tuluyang naghihilom matapos ang pandemya?

Isipin natin, ambon lang, mahinang ulan lang at agad kanselado. Pero ang bawat araw na nawawala, may kaakibat na puwang sa kaalaman. Kaya nga’t tama ang punto ni Angara: kung talagang kailangan ang suspensyon, dapat may kapalit — make-up classes man tuwing Sabado o pagkatapos ng regular na pasok. Hindi ito parusa, kundi malinaw na pahayag na ang edukasyon ay may halaga at hindi pwedeng basta-basta isuko sa harap ng kaunting buhos ng ulan.

Kaugnay nito, hindi lang ito natatapos sa pagbabalik sa silid-aralan. May ARAL Program o Academic Recovery and Accessible Learning na nakatuon sa pagbibigay ng tulong sa mga mag-aaral na nahuhuli, lalo na sa pagbasa at matematika, oo. Ngunit sapat ba iyon kung wala tayong sistematikong pagpupuno sa mga araw na nawala? Ang problema sa literacy at numeracy sa bansa ay hindi biro, at kung patuloy tayong kampante, lalo lamang itong lulubha.

Ngayon, itanong natin sa ating sarili: hanggang kailan natin hahayaan na ang panahon ang magdikta ng kalidad ng edukasyon? Sa bawat suspensyon ng klase, tiyak bang kaligtasan ang dahilan, o baka naman kaginhawaan lang ng ilang opisyal? Mas pinahahalagahan ba natin ang pansamantalang ginhawa kaysa sa pangmatagalang pagkatuto? At higit sa lahat, gaano kabigat ang epekto ng isang araw na nawala kung paulit-ulit itong mangyayari sa loob ng isang taon?

Klaro ang punto. Oo, uunahin lagi ang kaligtasan. Ngunit hindi dapat gawing panakip ang edukasyon sa pansamantalang ginhawa. Kung ligtas pang pumasok, tuloy ang klase. Kung kailangan talagang tumigil, dapat siguraduhin na may malinaw na plano para makabawi ang mga estudyante.

Hindi natin hawak ang ulan. Totoo iyan. Pero hawak natin ang desisyon kung paano natin mapoprotektahan ang kinabukasan ng kabataan. At tandaan, sa bawat araw na nawawala, hindi lang aralin sa aklat ang natatangay, kundi mismong pagkakataon nilang hubugin ang bukas. 𝐀𝐭 𝐚𝐧𝐠 𝐩𝐚𝐠𝐤𝐚𝐤𝐚𝐭𝐚𝐨𝐧𝐠 𝐢𝐲𝐚𝐧 𝐚𝐲 𝐢𝐬𝐚𝐧𝐠 𝐛𝐚𝐠𝐚𝐲 𝐧𝐚 𝐡𝐢𝐧𝐝𝐢 𝐧𝐚 𝐧𝐚𝐭𝐢𝐧 𝐦𝐚𝐢𝐛𝐚𝐛𝐚𝐥𝐢𝐤 𝐤𝐚𝐢𝐥𝐚𝐧𝐦𝐚𝐧.

Kaya naman hamon ito, hindi lang sa mga opisyal na pagdedeklara ng suspensyon, kundi pati sa mga magulang at g**o: 𝐡𝐮𝐰𝐚𝐠 𝐭𝐚𝐲𝐨𝐧𝐠 𝐦𝐚𝐠𝐢𝐧𝐠 𝐤𝐚𝐦𝐩𝐚𝐧𝐭𝐞. Panahon na para ituring ang bawat araw ng klase bilang mahalagang puhunan, hindi basta oras na maaaring palitan. 𝑫𝒂𝒉𝒊𝒍 𝒔𝒂 𝒉𝒖𝒍𝒊, 𝒌𝒖𝒏𝒈 𝒕𝒂𝒚𝒐 𝒎𝒊𝒔𝒎𝒐 𝒂𝒏𝒈 𝒑𝒂𝒑𝒂𝒚𝒂𝒈 𝒏𝒂 𝒔𝒂𝒚𝒂𝒏𝒈𝒊𝒏 𝒂𝒏𝒈 𝒐𝒓𝒂𝒔 𝒏𝒈 𝒌𝒂𝒃𝒂𝒕𝒂𝒂𝒏, 𝒕𝒂𝒚𝒐 𝒓𝒊𝒏 𝒂𝒏𝒈 𝒎𝒂𝒏𝒂𝒏𝒂𝒈𝒐𝒕 𝒔𝒂 𝒌𝒂𝒏𝒊𝒍𝒂𝒏𝒈 𝒌𝒊𝒏𝒂𝒃𝒖𝒌𝒂𝒔𝒂𝒏.

Dibuho ni: Isabelle Quinto

------
Inianyo ni: Juderay Jamena

12/09/2025

𝑳𝑨𝑻𝑯𝑨𝑳𝑨𝑰𝑵 | 𝐊𝐀𝐇𝐈𝐓 𝐈𝐒𝐀𝐍𝐆 𝐓𝐈𝐍𝐈𝐆
Mga salita ni Marnie Iahhel B. Bolante

𝐴𝑛𝑑𝑎𝑚𝑖𝑛𝑔 𝑠𝑎𝑙𝑖𝑡𝑎. 𝐴𝑛𝑑𝑎𝑚𝑖𝑛𝑔 𝑏𝑜𝑠𝑒𝑠. 𝐴𝑛𝑑𝑎𝑚𝑖𝑛𝑔 ℎ𝑢𝑠𝑔𝑎.

Buong akala ko’y maiintindihan ako ng mundo pero mali pala.

Paulit-ulit. Ang daming sinasabi ng tao, at sa bawat salitang iyon, pakiramdam ko lalo akong lumiliit. Para bang ang bigat ng dinadala ko ay wala talagang halaga. Para bang ako lang ang nakakaramdam ng ganito dahil “bata lang ako,” hindi raw dapat seryosohin.

Ang sabi nila, ang sama ng loob ay dapat ipinapasa-Diyos. Totoo iyon, pero hindi ba’t may dahilan din kung bakit tayo binigyan ng mga kamay upang kumapit at ng mga tainga upang makinig sa hinaing ng isa’t isa? Hindi lahat ng sugat ay kita sa balat; may mga hiwang nakaukit sa kaluluwa na hindi basta nagagamot ng sermon o dasal na hindi naman sinasabayan ng malasakit.

Minsan naiisip ko, kung hindi na kaya ako gumising bukas? May makakaalala pa kaya kung gaano ako napagod? O baka sabihin na naman nila, “Hindi kasi nagdasal, kaya nanghina”.

Hindi ako nag-iisa sa ganitong pakiramdam. Marami ring kabataan ang dumadaan sa parehong bigat, pero kadalasan, nananatiling tahimik ang kanilang mga tinig. At dito ko napagtanto — hindi lang pala ako ang may laban na hindi nakikita.

Ayon sa tala ng World Health Organization (WHO), tinatayang 720, 000 katao ang namamatay dahil sa su***de bawat taon. Ikatlong sanhi ng pagkamatay ng mga may edad 15-29.

Pero bakit hanggang ngayon, kapag may batang nakakaramdam ng lungkot o depresyon, sinasabihan pa rin ng, “Arte lang yan.”

Hindi ito “uso-uso.” Hindi rin ito “arte.” Isa itong seryosong krisis sa kalusugan ng isip na dapat harapin. Kaya nga ipinagdiriwang tuwing Setyembre 7-13 ang World Su***de Prevention Week upang paalalahanan tayong lahat na ang bawat buhay ay mahalaga at ang bawat tinig ay dapat pakinggan.

Ngunit kung may kamay na puwedeng kumapit, bakit mas pinipiling itulak ito palayo?

Kung may tainga na puwedeng makinig, bakit mas inuuna ang boses ng paghatol?

Kung may sugat na naghihintay lamang ng paghilom, bakit dinadagdagan pa ng latay ng pangungutya?

Hindi lahat ng laban ay nakikita sa mata, minsan, nasa loob ang digmaan. Ang pinakamahalagang tanong ngayon ay hindi “Bakit siya sumuko?” kundi, “Bakit wala tayong ginawa?”

Su***de is not attention-seeking. It is a cry for help.

Kaya ngayong Su***de Prevention Week, sana matutunan nating maging mas makatao sa isa’t isa, sapagkat minsan, ang pinakamalaking milagro ay hindi nakikita sa dasal, kundi sa isang kamay na handang kumapit, at sa isang tainga na marunong makinig.

Andaming salita. Andaming boses. Andaming husga.

Pero kung pipili ka man ng isa, sana iyon ay maging tinig ng pagdamay, hindi ng paghatol.

“𝐴𝑟𝑡𝑒 𝑙𝑎𝑛𝑔 ‘𝑦𝑎𝑛!”
𝐻𝑖𝑛𝑑𝑖.
𝐵𝑢ℎ𝑎𝑦 𝑖𝑡𝑜. 𝐵𝑢ℎ𝑎𝑦 𝑛𝑎 𝑠𝑖𝑛𝑢𝑠𝑢𝑏𝑢𝑘𝑎𝑛𝑔 𝑖𝑙𝑖𝑔𝑡𝑎𝑠.

Dibuho ni: Elize Vite

------
Inianyo ni: Juderay Jamena

08/09/2025

𝑷𝑨𝑲𝑰𝑵𝑮𝑮𝑨𝑵 | Lagronians, samahan niyo kaming pakinggan at alamin ang ilan sa mga makabagong kaganapan sa Lagro High School na ihahatid sa atin ng Radyo Pahatid. 🎙✨️

---
🎙️ Radyo PAHATID
✒️Ines Levinne Eco

07/09/2025

𝑩𝑨𝑳𝑰𝑻𝑨 | 𝐋𝐇𝐒 𝐑𝐞𝐬𝐞𝐚𝐫𝐜𝐡𝐞𝐫𝐬, 𝐰𝐚𝐠𝐢 𝐬𝐚 𝐃𝟓𝐒𝐓𝐅 𝟐𝟎𝟐𝟓
Ni: Christine Garganta

Humakot ng parangal mga mag-aaral mula sa Lagro High School (LHS) mula sa iba’t ibang kategorya ng District 5 Science and Technology Fair 2025 nitong Setyembre 5 na ginanap sa Nagkaisang Nayon Senior High School (NNSHS).

Nasungkit ni Matthew Enriquez para sa indibidwal na kategorya ng Mathematics and Computational Sciences (MCS) ang unang pwesto, Ikalawang pwesto naman kay Jonabelle A. Jumaquio para sa Physical Science, at Fatima Jodi E. Peralta bilang ikatlong pwesto sa Robotics and Intelligent Machines (RIM).

Nakamit din ng mga mag-aaral ang mga parangal para sa team category na sina Christine Abbygael Garganta, Anthony Carmelo I. Di**le, at Matt Brevin D. Julian bilang unang pwesto sa MCS, sina Adrian L. Borquel, Levin R. Kondeth, at John Saimon Gabriel P. Novenario bilang unang pwesto sa Science Innovation Expo (SIE), sina Jiro Michael D. Sales, Kriz Jharylle L. Ople, at Joaquin Mikhael E. De Mesa bilang Ikalawang pwesto sa Life Science, Andi Yoana DS. Amba, Yukina D. Asaka, at Nerry Grace Gayle V. Carreon bilang ikatlong pwesto sa Physical Science, at sina Sarah A. Sapon, Micha Ella M. Bagtas, at Jasmine R. Barrientos bilang ikaapat na pwesto sa RIM.

Samantala, nagsilbing mga g**ong tagapagsanay sina G. Jose M. Manga Jr. para sa kategoryang MCS, G. Elviristo K. Reyes para sa SIE, Bb. Angelica Irish P. Matira para sa Life Science-Team, Gng. Shariza D. Rubio para sa Life Science- Individual at Physical Science, at G. Raymond Solomon para sa RIM.

Katuwang at kasama rin nila sa patimpalak ang mga puno ng kagawaran ng Science at Mathematics na sina Gng. Irene C. Gallardo at Gng. Maria Gina Paz M. Acosta.

--------
Inianyo ni: Alyana Ombrog

!

01/09/2025

𝑶𝑷𝑰𝑵𝒀𝑶𝑵 | 𝐁𝐀𝐇𝐀 𝐍𝐆 𝐊𝐎𝐑𝐀𝐏𝐒𝐘𝐎𝐍
Ni: Vebirna Chesca Dela Peña

Habang nilalamon ng baha ng korapsyon ang Pilipinas, kasabay nitong nilulunod ang kinabukasan ng kabataang Pilipino. Bawat pisong nakalaan sana sa edukasyon, kalusugan, at serbisyong panlipunan, nauuwi sa bulsa ng iilan, mga pondong dapat nagpapaunlad sa bayan, tinatabunan ng katiwalian.

Sa mga paaralan, lalo na sa pampubliko at probinsya, litaw ang mapait na realidad—siksikan sa silid-aralan, kulang ang upuan, luma ang mga aklat, kapos ang pasilidad at mga g**o't estudyanteng patuloy nagtitiis sa hindi maayos na sistema.

Base sa datos ng Department of Budget and Management, taon-taon bilyon-bilyong piso ang inilalaan para sa edukasyon. Ngayong 2025, umabot sa ₱1.055 trilyon ang pondo at sa 2026 tataas pa ito sa ₱1.224 trilyon, ang pinakamalaking bahagi ng pambansang badyet. Ngunit sa kabila ng dambuhalang halagang ito, nananatiling bagsak ang sistema ng edukasyon.

Kamakailan, umani ng matinding batikos ang isyu tungkol sa flood control projects na sa mata ng taumbayan, tila hindi naman nararamdaman. Tulad na lang ng nangyari San Roque Elementary School sa Hagonoy, Bulacan, halos lahat ng silid-aralan nito'y nalunod ng high-tide flood na umabot sa 3.38 talampakan. Marami pang lugar at paaralan ang nakararanas din ng pagbaha. Wala na ngang matitirhan, wala pang alternatibong pasilidad.

Sa totoo lang, hindi kakulangan ng pondo ang ugat ng problema, kundi maling paggamit at kawalan ng pananagutan. May pera, galing pa nga sa buwis ng mamamayan, ngunit hindi malinaw kung saan ito napupunta.

Nawa'y mapagtanto ng bawat isa sa atin na konektado ang lahat. Kapag ang gobyerno'y hindi tapat, hindi lamang edukasyon ang apektado, pati kaligtasan, kalusugan, at mismong kabuhayan ng bawat Pilipino.

Panahon nang managot ang mga nasa kapangyarihan. Hindi dapat maging tahimik ang taumbayan sa harap ng katiwalian at kapabayaan. Mahalaga na tayo'y maging mapanuri at matalino, lalo na sa pagpili at pagluklok ng mga lider. Maging mulat tayo sa politika! Kung nais natin ng pagbabago, kailangan magsimula ito sa ating kamalayan.

Huwag natin hayaang lamunin tayo ng baha ng korapsyon. Kapag lunod ang edukasyon, kasama ring nalulunod ang buong nasyon. Pero kung kikilos tayo ngayon, kaya nating magtayo ng pader laban sa baha nito at iligtas ang kinabukasan ng susunod na henerasyon.

----------
Dibuho ni: John Kyle Roman Cabral
Inianyo ni: Juderay Jamena

31/08/2025

𝑻𝑰𝑵𝑮𝑵𝑨𝑵 | Pagbati para sa ating mamamahayag na si Edrian Cadaydayon matapos nitong magkamit ng hindi lamang isa, kundi dalawang gantimpala sa tulong ng kaniyang tagapagsanay na si G. Joeffrey Sacristan sa patimpalak ng DAMLAY - Polytechnic University of the Philippines (PUP) bilang bahagi ng kanilang pagdiriwang sa Buwan ng Wikang Pambansa 2025.

Nasungkit ni Cadaydayon ang kampeonato sa patimpalak na Digital Book Cover na may temang "ObraKoVer: Kuwento ng Aklat, Bagong Pabalat" at Ikalawang Gantimpala naman para sa Traditional Poster Making Contest na may temang "Batik ng Bayan: Tradisyunal na Pagguhit ng Sining."

Larawang kuha mula sa: DAMLAY PUP Sta.Mesa

-----
✒️Ines Levinne Eco
Ctto: DAMLAY PUP Sta. Mesa

30/08/2025

𝑵𝑨𝑻𝑰𝑶𝑵𝑨𝑳 𝑷𝑹𝑬𝑺𝑺 𝑭𝑹𝑬𝑬𝑫𝑶𝑴 𝑫𝑨𝒀 𝟐𝟎𝟐𝟓 | Gaano pa man kahirap ang pamamahayag, isa itong karangalan na dapat sa lahat ay ating ihayag. Ngayong Agosto 30, ginugunita natin ang 'National Press Freedom Day' kung saan, binibigyang pagpugay ang mga sakripisyo't katapatang ipinamamalas ng mga mamamahayag, saan mang panig ng daigdig. Maihahalintulad ang katapangang taglay ng mga mamamahayag sa iba't ibang isyu ng ating lipunan gaya ng matunog na usapin ngayon patungkol sa mga di umano'y kinurakot na pondo na para sana'y sa 'flood control projects' ng ating bansa na kanilang pilit na isinisiwalat sa mata ng bawat mamamayan. Isa itong patunay na ang mga mamamahayg ng ating henerasyon ay susi sa pagpapabatid ng mga katotohanang sinisid at opinyong di makitid. Padayon, mga mamamahayag!

----
✒️ Christine Garganta
Inianyo ni: Alyana Ombrog

26/08/2025

Tatlong tinig ng karunungan, tatlong ilaw ng inspirasyon, ngayo’y nagpaalam na. Mananatili ang inyong alaala at aral sa bawat pusong inyong minahal.

Paalam at Maraming Salamat po, Ma'am!
Gng. Merlyn Becauco
Bb. Tina Camposano
Gng. Mildred Vicentillo

- - -
Bidyo mula kay Gng. Teresita Sacurom

25/08/2025

𝑩𝑼𝑾𝑨𝑵 𝑵𝑮 𝑾𝑰𝑲𝑨 𝟐𝟎𝟐𝟓 | 𝐌𝐀𝐊𝐀𝐓𝐀𝐍𝐆 𝐋𝐀𝐆𝐑𝐎𝐍𝐈𝐀𝐍
𝐒𝐩𝐨𝐤𝐞𝐧 𝐖𝐨𝐫𝐝 𝐏𝐨𝐞𝐭𝐫𝐲: 𝐓𝐚𝐦𝐩𝐨𝐤 𝐬𝐚 𝐏𝐚𝐠𝐩𝐮𝐩𝐮𝐠𝐚𝐲 𝐬𝐚 𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨, 𝐊𝐚𝐭𝐮𝐭𝐮𝐛𝐨𝐧𝐠 𝐖𝐢𝐤𝐚
Ni: Juderay Jamena at Nheajoy Sedayon

Nagpakitang-gilas ang mga mag-aaral mula sa ika-12 baitang sa deleberasyon ng kanilang tula sa ginanap na Spoken Word Poetry nitong Miyerkules, ikalima ng Agosto na may temang “Paglinang sa Filipino at Katutubong Wika: Makasaysayan sa Pagkakaisa ng Bansa.”

Layunin ng patimpalak na ipakita ang pagpapahalaga sa Wikang Filipino at Katutubong Wika sa pamamagitan ng masining na pagsasalita at malikhaing pag-iisip.

Binibigyang-diin nito ang kahalagahan ng wika bilang pundasyon ng pagkakaisa at pagkakakilanlan ng isang bansa, habang nagbibigay rin ito ng oportunidad sa mga mag-aaral upang maipahayag ang kanilang mga saloobin at damdamin sa malikhaing paraan sa pamamagitan ng spoken poetry.

Samantala, nasungkit ni Justine Barbas mula sa Humanities and Social Sciences (HUMMS) 12 - Socrates ang unang pwesto, ikalawang pwesto naman si Nheajoy Sedayon, at ikatlong pwesto si Edrian Cadaydayon mula sa Science, Technology, Engineering, and Mathematics (STEM) 12- Zara.

Kaugnay nito, sumabak si Barbas at ang iba pang kalahok sa ginanap na Pandistritong Patimpalak para sa Buwan ng Wika nitong ika-14 ng Agosto sa Jose Maria Panganiban Senior High School.

Sa kabilang dako, abangan ang magiging pangwakas na seremonya para sa Buwan ng Wika upang kilalanin ang mag-aaral na nakiisa at nagwagi sa patimpalak ng paaralan at pang distrito.

--------
Inianyo ni: Juderay Jamena

Lagro PAHATID

05/10/2025

22/09/2025

21/09/2025

17/09/2025

12/09/2025

08/09/2025

07/09/2025

01/09/2025

31/08/2025

30/08/2025

26/08/2025

25/08/2025

Address

Website

Alerts

Shortcuts

Share

Category