22/08/2025
‘YUNG NASUMBATAN KA NG ASAWA MO PERO WALA KANG MAGAWA DAHIL ISA KA LANG HAMAK NA HOUSEWIFE. WALANG SARILING PERA AT ASA LANG DAW SA KANYA.’
Hindi nakikita ng iba na yung pagiging housewife, trabaho din ‘yan. Walang sweldo pero 24/7 kang naka-duty sa bahay, sa mga bata, at sa asawa. Kung wala ka, sino mag-aasikaso ng lahat?
Masakit kapag yung effort mo hindi napapansin. Akala ng iba, kasi hindi ka kumikita, wala ka nang ambag. Pero hindi nila alam, kung wala kang sakripisyo, hindi rin magiging maayos ang pamilya.
Minsan gusto mo ring magkaroon ng sariling pera para hindi ka masumbatan. Pero dahil inuuna mo ang anak at pamilya, naiisantabi mo ang sarili mong pangarap. Sakripisyo na tahimik pero mabigat.
Kaya huwag mong iisipin na wala kang halaga. Hindi man pera ang hawak mo, hawak mo naman ang buong pamilya para manatiling buo at maayos. Hindi lahat ng yaman nasusukat sa sahod, minsan nasa pagmamahal at alaga.
Sa mga nakaka-relate, tandaan n’yo na hindi kayo nag-iisa. Ang bawat housewife may kwento ng pagtitiis at pagmamahal. At kahit anong sabihin ng iba, malaking ambag ang ginagawa n’yo sa buhay ng pamilya.
