San Bartolome High School Campus Journalism

17/09/2025

17/09/2025

Kami ang Samahan ng Ehemplo, kasalukuyang naghahanap ng marunong gumamit ng InDesign.

Kung ikaw ay marunong, maaari kang mag bigay ng mensahe sa page ng 'Ang Ehemplo' at magpakilala na ikaw ay marunong sa paggamit ng Indesign.

Maraming Salamat! 🩵

16/09/2025

Lubos na nagpapasalamat ang Pamahayagang Ang Ehemplo sa aming mahal na Punongg**o na si Dr. Louie Pebres sa pagbibigay ng isang silid-aralan para sa aming mga gawain sa Pamamahayag. Ang inyong suporta at pagtitiwala ay nagbigay daan upang maisagawa ang aming mga adhikaing matuto sa mas maayos at organisadong paraan.

Ang pagkakaloob po ninyo ng angkop na lugar ay hindi lamang nakatulong sa pag-unlad ng aming kasanayan, kundi nagbigay rin ng inspirasyon upang lalo naming paghusayan ang aming mga gawain. Kaisa po kami sa layunin ng paaralan na higit pang paunlarin ang kalidad ng edukasyon at pagsasanay para sa kapakinabangan ng mga mag-aaral.

Muli, taos-puso po ang aming pasasalamat at pagpapahalaga sa inyong walang sawang suporta.

11/09/2025

Dear SBHS Parents and Guardians,
We warmly invite you to our Parents-Teachers Conference on Friday, September 12, 2025.

This is a great opportunity to strengthen the partnership between home and school in guiding our learners towards success.

For details, see the picture below.
Your presence and support truly make a difference.

10/09/2025

Ngayong Setyembre 10, taunang ginugunita ang World Su***de Prevention Day upang pukawin ang kamalayan sa isyung pagkitil ng buhay at kung paano ito maiiwasan sa paraan ng pagbibigay kaalaman sa publiko patungkol sa mga senyales ng panganib, paraan ng pagtulong, at mga suporta para sa kalusugang pangkaisipan

Layunin ng World Su***de Prevention Day na magbigay linaw na may pag-asa at tulong na makukuha para sa mga taong dumaraan sa matinding pagsubok at magpakita ng pakikiisa at pag-asa sa mga nakaligtas, sa mga nagdadalamhati, at sa lahat ng may pinagdaraanang suliranin sa pag-iisip.

Hindi pa dito nagtatapos ang kwento mo. Patuloy lang lumaban. 💛

✍️: Andrea Rasonabe
🖼️: Josephane Fajutrao

07/09/2025

TINGNAN | Kasalukuyang nagaganap ngayong umaga, ika-8 ng Setyembre 2025, ang panunumpa ng mga mag-aaral ng Paaralang Sekondarya ng San Bartolome sa pangunguna ni G. Eulogio B. Pebres, Punongg**o ng Paaralan at Kapitana Rizza Pascual ng Barangay San Bartolome bilang bahagi ng panlusod at Pampaaralang pagpapatupad ng Speak-Up Campaign for Anti-Bullying and Discrimination.

Binigyang diin sa panunumpa ang pagiging bahagi ng solusyon upang maiwasan ang Bullying at Diskriminasyon (B.A.D) at paggalang sa karapatan ng bawat isa.

Samantala, ang panunumpa naman para sa mga panghapong mag-aaral ay gaganapin mamayang ala-1 ng hapon na pangangasiwaan ni Kapitan Richard Ambita.

06/09/2025

“Ang mga g**o ay ang ating mga pangalawang magulang—Gumagabay, nag-aaruga, at walang sawang nagmamahal.” 🍎📚

Isang mainit na pagbati at pagpupugay sa lahat ng g**o sa pagdiriwang ng Buwan ng mga G**o! Kayo ang nagsisilbing pangalawa naming magulang sa loob ng paaralan, nag-aakay sa amin hindi lamang sa kaalaman kundi pati sa tamang asal at mabuting ugali.

Maraming salamat sa inyong walang sawang paggabay at malasakit! Sa bawat aral, inspirasyon, at payo na ibinibigay niyo araw-araw. Kayo ang nagpapatunay na ang pagtuturo ay hindi lamang isang propesyon kundi isang bokasyon ng puso. 💗

Nawa’y patuloy naming maipadama ang aming pasasalamat at pagpapahalaga sa inyo. Mabuhay kayo, aming mga pangalawang magulang! 🙌

✍️: Joreen Jacinto

06/09/2025

Isinagawa kahapon, Setyembre 5, 2025, ang Banal na Misa sa pangunguna ni Reb. Pd. Rob Ibarola na dinaluhan ng mga pinuno ng paaralan, mga g**o at mag-aaral bilang pormal na pagsisimula sa pagdiriwang ng Buwan ng Agham at Teknolohiya.

Kasunod nito ang isang seremonya na pinangunahan ni G. Albert Briongos bilabg tagapagdaloy. Sa pambungad na pananalita, binigyang saysay ng ating butihing punongg**o na si G. Eulogio B. Pebres ang tema ng Buwan ng Agham na “Towards a Shared Vision: Exploring the Future for a Better Tomorrow.”

Binigyang-diin ng programa ang iba‘t ibang aktibidad na isasagawa para sa buwang ito bilang pagpapahusay pa sa kakayahan ng mga mag-aaral sa Agham para sa hinaharap. Katulad ng winika ni Edward Teller, “The Science of today is the technology of tomorrow.”

📸: Daniella Diaz, Ezra Timan, Nhaomi Dianela, at Tiffany Alama

05/09/2025

Matagumpay na idinaos ang pampinid na seremonya para sa Buwan ng Wika sa Paaralang Sekondarya ng San Bartolome na pinangunahan ng Filipino Club (Ang Tanglaw), nitong ika-3 ng Setyembre 2025.

Sa nasabing programa ay natunghayan natin ang mga natatanging mag-aaral na nagwagi sa iba’t ibang inihandang paligsahan bilang bahagi ng Buwan ng Wika.

Kasabay nito ay ang pagkilala rin sa mga batang mamamahayag na nagwagi sa pampaaralang komperensya na ginanap noong Hulyo 30-31, 2025.

Ang pagdiriwang na ito ay nagbigay-pugay sa kahalagahan ng paglinang sa Wikang Pambansa at mga katutubong wika na identididad at patuloy na nagbubuklod sa bawat isa.

📸: Nhaomi Dianela, Ezra Timan, at Daniella Diaz

05/09/2025

Isinagawa na ang pagpupulong para sa Pampaaralang Pagpapatupad ng Bullying and Diskriminasyon o 'B.A.D. Yan' Anti-Bullying Campaign, noong ika-3 ng Setyembre 2025.

Nakiisa ang lahat ng samahan at organisasyon, pati na ang Supreme Student Leader Government (SSLG) sa miting na pinangunahan ng Punongg**o ng paaralan na si Dr. Eulogio B. Pebres.

Itinatag ng Lokal na Pamahalaan ng Lungsod Quezon ang programa na ito upang maiwasan ang paglaganap ng bullying at diskriminasyon lalo na sa paaralan, at magkaroon ng kamalayan tungkol sa masamang epekto nito.

📸: Nhaomi Dianela at Daniella Diaz

01/09/2025

Nagwagi ang mga mamamahayag ng 'Ang Ehemplo' na sina Marikit Capistrano at Samuel Jireh Cajayon sa nakaraang Patimpalak ng DAMLAY PUP Sta. Mesa bilang bahagi ng pagdiriwang ng Buwan ng Wikang Pambansa.

Itinanghal na KAMPEON si Marikit Capistrano sa Spoken Poetry, habang nasungkit naman ng Patnugot sa Kartuning na si Samuel Jireh Cajayon ang UNANG GANTIMPALA at People's Choice Award sa Tradisyunal na Paggawa ng Poster.

Malugod na binabati ng buong pamahayagan ang dalawang mahuhusay at masisipag na mamamahayag ng Ang Ehemplo. Ang parangal na inyong natanggap ay ikinalulugod ng buong paaralan ng San Bartolome.

31/08/2025

"𝙹𝚘𝚜𝚎 𝚖𝚊𝚛𝚒 𝚌𝚑𝚊𝚗 𝚙𝚊𝚜𝚘𝚔𝚔𝚔!!"

Naririto na siya, kumakatok sa ating mga puso upang magpaalala sa kung ano ang papalapit. Ramdam niyo na ba ang diwa ng Pasko? Ito na... ang unang araw ng Setyembre 🎉, sabay-sabay nating salubungin ang pagsisimula ng Ber Months!🎄🎉

Munting kaalaman, kilala tayong mga Pilipino sa pagdiriwang ng Pasko—Setyembre pa lamang. Sa dahilang malalim na pagpapahalaga nating mga Pilipino sa ating pananampalataya sapagkat ang ating populasyon din ay binubuo ng 80% - 85% na katoliko. Karagdagan, hindi sa Disyembre nagtatapos ang selebrasyon ng Pasko sa Pilipinas, nagtatagal ito hanggang unang linggo ng Enero o ang Feast of the Three Kings, at karamihan naman sa ibang lugar ay nagtatagal hanggang ika-9 ng Enero, ang araw ng Santo Niño.

Nasasabik na ba kayo, Bartolomeans? 🥰 Alam naming hindi matatagong saya ang dala ng bawat isa sa pagsisimula ng Ber Months. Apat na buwan pa ngunit dahil Pilipino ka, simulan na agad ang Pasko! 🥳

✍️: Mike Velasco
🖼️: Kielle Lingahan