21/08/2026
๐๐๐๐๐๐๐๐๐ | ๐๐๐๐ฆ ๐๐ง๐จ๐ฐ๐ฌ ๐๐๐ฅ๐ฅ
1, 2, 3 go! Kanya-kanya na 'to!
Kung minsan ay hindi nagtutugma ang kanilang mga galaw. Mga hakbang na nahuhuli sa paghabol ng bola, mga sandaling nagkakalituhan sa kung sino ang sunod na sasalo, at mga pagkakataong natatabunan ng ingay ang boses ng isa't isa.
Ilan lamang ito sa mga hindi maiiwasang tagpo sa bawat ensayo. Nakadidismaya, nakapanghihina ng loob, at para sa mga manlalaro, malinaw na hindi pa ito sapat.
Ngunit para sa koponang ito, ang mga pagkakamali ay hindi sukatan ng kanilang galing. Sa halip, ito ay nagmumula sa kanilang disiplina, determinasyon, at pagkakaisa. Mga katangiang nagbibigay-lakas na harapin ang anumang laban, sa loob o labas man ng court.
Kung makatalon ay parang ibong lumilipad, kung makahampas ay parang kidlat, at kung makalaro ay kasama ang buong puso.
๐๐๐ป๐ด ๐ฃ๐ฎ๐ฎ๐ป๐ผ ๐ก๐ฎ๐ด๐๐ถ๐บ๐๐น๐ฎ
Kilalanin ang Volleyball Junior boys ng GSCS. Ang mga manlalarong hindi lamang bola ang dala-dala, kundi ang buong pangalan ng paaralan.
Ang koponan ay pinamumunuan ni Coach Avy Gaye Go kasama ang mga estudyanteng atletang sina Agato, Aton, De Guzman, Hidalgo, Ocampo, Roque, Sudayon, Taclob, Vicente, at Vidania.
Nabuo ang pangkat noong nakaraang season nang taong 2025. Ang ilan ay nagkakilala sa pamamagitan ng tryouts, habang ang iba naman ay matagal nang magkakaibigan na sumubok na pumasok sa varsity upang pagbutihin ang kanilang mga kakayahan pagdating sa sports.
Ngayon, sa bagong season ng RCBNES 21st Fraternal-Friendly Sports Tournament ay nagbabalik muli ang mga dating miyembro ng varsity at nadagdagan pa ng mga bagong manlalaro ang koponan. Isang team na may iisang layunin, ang manalo sa pamamagitan ng isports na kanilang kinahihiliganโang volleyball.
๐๐ป๐ด ๐๐ฎ๐ป๐ถ๐น๐ฎ๐ป๐ด ๐๐ผ๐ป๐๐ฟ๐ถ๐ฏ๐๐๐๐ผ๐ป ๐๐ฎ ๐๐ผ๐๐ฟ๐
Sa varsity, si Coach Avy ay itinuturing na โCoach Nanay" ng court sapagkat pinahahalagahan niya ang pangkalahatang kondisyon ng kaniyang mga manlalaro. Matalas ang kaniyang mga mata sa pagtuklas ng potensyal ng kabataan sa isports. At sa tuwing siya ay may nakikitaang talento, pinagkakatiwalaan niya nang buo ang kakayahan ng kaniyang mga atleta.
Hindi nakasalalay sa iisang paa ang paggalaw ng team. Ang bawat player nito ay may naiaambag sa laro mula sa pagdepensa, pag-atake, at pagsuporta sa mga kapwa-atleta.
Pagdating sa paghagis ng bola, kilala si Roque sa kaniyang mga saktong set sa tagapalo ng koponan na si De Guzman.
Mula sa pangunahing pangalan ni De Guzman, "Skye," abot-langit ang kaniyang mga talon sa tuwing nasisilayan niya ang bola sa itaas ng net.
Kung utak ang pag-uusapan, si Sudayon ay kilala bilang "Brain of the Game" dahil sa kaniyang mga kalkuladong kilos na nagpapalito sa kanilang mga kalaban.
Mahirap ding lampasan ang pader nina Agato at Vicente sa kanilang matataas na block. Hindi magalaw-galaw ng mga bolang inihahampas ang kanilang mga brasong bakal dahil sa katatagan ng kanilang katawan.
At sa tuwing kailangang makatawid ng bola sa kabilang panig ng court, sina Aton at Vidania ang mga inaasahan sa kanilang mga service, habang si Taclob ay ang tagasalo ng mga bolang nahuhulog sa sahig.
Sa wakas, mga maituturing na "All-Rounder" sina Hidalgo at Ocampo dahil sa kanilang galing sa bawat aspekto ng volleyball. Maging service, receive, set, o spike man, naipapakita nila ang halaga ng pagkakaroon ng versatility bilang mga manlalaro.
โIsa siguro sa mga greatest achievement namin ay yung pagbuo talaga ng team mismo. Hindi lang dahil sa strength ng bawat isa, nagki-click din kasi talaga kami dahil malakas ang bond namin. At tuwing training, masaya kami.โ Ika ni Vicente.
Isa itong patunay na pinahahalagahan ng mga players ang kanilang samahan. Bumagsak man ang isa, siyaโy tutulungan ng lahat. Walang maiiwan na manlalaro sa sulok ng court sapagkat nais nilang umangat nang sama-sama patungo sa tagumpay.
Maging sa mga mahihirap na laban ay ipinapaalala nila sa kanilang mga sarili na huwag magpaapekto sa pagkalamang ng kabilang panig, sa halip ay magpokus sa tamang pagkilos at angkop na komunikasyon sa court.
๐ฆ๐ฎ ๐ ๐ฎ๐๐ฎ ๐ป๐ด ๐๐๐ฎ๐ป๐ด ๐๐ผ๐ฎ๐ฐ๐ต
Pinupuri ng kanilang coach ang pagtutulungan ng mga manlalaro, ngunit naniniwala siyang malaki pa rin ang puwang para sa pagpapabuti.
โNakikita kong nakikinig sila. Tina-try talaga nilang maging magaling na player. Binubuhos nila ang best nila sa training para lalo pa silang mag-improve.โ Ani ni Coach Avy.
โDisiplina talaga ang value na dapat nilang i-emphasize. As a player, kailangan may respeto ka sa kalaro mo. And as a student, dapat disiplinado ka rin sa acads. Proud ako kasi nakikita ko talaga ang mga โyan sa mga boys.โ Dagdag niya.
Layunin nilang bawasan ang kaba, tanggalin ang takot, patibayin ang tiwala sa isaโt isa, at panatilihin ang disiplina sa ensayo at akademiya.
Para kay coach, dapat pagbalansehin ang pag-aaral at sports. Bilang mga estudyanteng atleta, hindi dapat balewalain ang alinman sa mga ito dahil hindi lamang sila hinuhubog bilang mga mahuhusay na player, kundi bilang mga responsableng mag-aaral din para sa kanilang kinabukasan.
๐๐ถ๐ด๐ถ๐ ๐ฝ๐ฎ ๐๐ฎ ๐จ๐ป๐ฎ๐ป๐ด ๐๐ฎ๐ฏ๐ฎ๐ป
Sa ngayon, kasalukuyang nagaganap ang tournament ng bagong akademikong taon 2026-2027. Sa kasamaang-palad, dikit ang puntos sa una nilang laban, na sa kalaunan ay humantong muli sa pagkatalo.
โAlam ko na ang bawat player sa team ay may kaniya-kaniyang lakas at potensyal. Hindi pa huli ang lahat. Babawi at babawi kami!โ Isinaad ni Agato.
Hindi binabase sa pagkatalo ang kanilang talento at kakayahan, ito ay binabatay sa kanilang dedikasyon na magsumikap pa lalo na sa mga susunod pang laban.
๐๐ป๐ด ๐๐ฎ๐ต๐๐น๐๐ด๐ฎ๐ป ๐ป๐ด ๐๐๐ฎ๐ป๐ด ๐๐๐น๐ฒ๐๐ฎ
Sa mundo ng isports, hindi mahuhulaan ang magiging kalalabasan ng mga laro. Maaaring kumiling ang resulta sa tagumpay, o pumanig naman sa pagkabigo.
Kung matalo man, ang tunay na manlalaro ay bumabangon, nagpapakita ng sportsmanship, at naniniwala sa sariling kakayahan.
Ang โTrue Ball Knowledgeโ para sa isang atleta ay hindi ang kahusayan sa mismong bola, kundi ang aplikasyon ng disiplina sa loob at labas ng court, at katatagan ng loob bilang isang indibidwal.
Bilang pasasalamat sa mga patuloy na sumusuporta sa kanila, nais ipaabot ng koponan ang mensaheng ito.
โSa lahat ng mga sumusuporta sa amin, maraming-maraming salamat po! Manalo o matalo man, sana ay ma-realize ninyo na we gave our best sa lahat ng games namin. Dala-dala namin palagi ang energy ng Shepherds. See you guys on the court! GSCS, WIN!โ Pagbabahagi ng mga manlalaro.
Sama-samang aangat, sabay-sabay lalakas, at araw-araw babangon manalo man o matalo.
1, 2, 3 go! Tuloy-tuloy na โto!
โKeira Nicolas
๐ฉโ๐ปKathleen Oblea
