Kolektibo

23/05/2026

Heads up!

Narito ang CSWCD Student Council Elections 2026 Official Results!

21/05/2026

ICYMI: The new set of officers for the University Student Council has been proclaimed!

19/05/2026

HAPPENING NOW: CSWCD Dean Justin Francis Nicolas gives the opening remarks for this year's Miting de Avance.

19/05/2026

[𝗨𝗣 𝗖𝗦𝗪𝗖𝗗 𝗦𝗖 𝗠𝗜𝗧𝗜𝗡𝗚 𝗗𝗘 𝗔𝗩𝗔𝗡𝗖𝗘]

Kilalanin ang mga CSWCD Student Council candidates, ano tara?

Mula sa College Student Electoral Board (CSEB), iniimbitahan ang lahat ng mga mag-aaral ng CSWCD para kilatisin, kilalanin, at makipag-ugnayan sa mga susunod na kinatawan ng mga mag-aaral sa konseho para sa susunod na akademikong taon sa Miting De Avance ng CSWCD.

📅 When: MAY 19, 2026 | 5:00–8:00 PM
📍 Where: CSWCD Walkway

Para sa mga katanungan para sa mga kandidato, sagutan lamang ang kalakip na Google Form:
https://forms.gle/ncgcQz18jhNT2DxC9
https://forms.gle/ncgcQz18jhNT2DxC9
https://forms.gle/ncgcQz18jhNT2DxC9

Maaari ring makipag-ugnayan kina OIC Pau Garcia, Karl Cabilen, o sa Student Members ng College Student Electoral Board na sina Dindin Tandog at Rein Capalongan.

Salamat at kita-kits!

28/04/2026

Pahayag ng Kolehiyo ng Gawaing Panlipunan at Pagpapaunlad ng Pamayanan (CSWCD), Unibersidad ng Pilipinas Diliman Hinggil sa Pamamaslang sa Toboso, Negros Occidental

Mariing kinokondena ng Kolehiyo ng Gawaing Panlipunan at Pagpapaunlad ng Pamayanan (CSWCD), UP Diliman ang pagpaslang sa mga biktima ng madugong operasyong militar sa Toboso, Negros Occidental. Kasama rito ang mga mag-aaral ng UP na sina Alyssa Alano at Maureen Keil Santuyo, gayundin ang iba pang sibilyang sina Errol Wendel, RJ Ledesma, Roel Sabillo, Jemina Gumadlas, Lyle Prijoles, Kai Sorem, at Dexter Patajo. Ang pagpatay sa kanila ay dumidiin sa malalim na sugat dulot ng dahas ng militarisasyon at paglabag sa karapatang pantao.

Taos-pusong nakikiramay ang pamayanang CSWCD sa pagdadalamhati ng mga naulila ng mga pinatay. Sa sandali ng pighati, igalang natin ang halaga ng buhay—walang lugar sa makatao at mapagkalingang lipunan ang pang-aalipusta sa mga biktima. Dagdag na karahasan ang ganitong pagyurak sa kanilang dignidad. Hinihiling namin na bigyang puwang ang pagluluksa at paghilom ng kanilang mga kaibigan, kapamilya, at mahal sa buhay.

Kaakibat ng paghilom ang katarungan. Kaya sinusuportahan namin ang isinasagawang imbestigasyon ng Komisyon ng Karapatang Pantao ukol sa pamamaslang na ito. Umaasa kaming ito’y magiging bukas, patas, at maglalantad ng katotohanan para mapanagot ang mga responsable.

Ilan sa mga biktima ay nasa Toboso para sa gawaing pananaliksik at fieldwork. Binibigyang diin ng Kolehiyo na ang gawaing fieldwork sa mga komunidad ay pundasyon nang malalim na pag-unawa sa mga suliranin ng ating bayan at pakikinig sa mga isinasantabi ng lipunan. Sandigan ito ng pagkilos at matalas na paglilinang ng kaalaman sa maraming Pamantasan sa buong daigdig. Matibay ang aming paniniwala na dapat ay ligtas ang sinuman habang nagsasagawa ng mga gawaing pangkomunidad. Para sa mga iskolar at mag-aaral, bahagi ito ng kalayaang akademiko (academic freedom) sa loob at labas ng UP.

Sa panahon ng pagdadalamhati, sumasalig kami sa mga pundamental na pagpapahalaga ng Kolehiyo: Paglilingkod, Dangal, at Husay—hindi bilang abstraktong retorika, kundi mga paninindigang nakaugat sa pakikipagkapwa at pakikipag-aralan sa sambayanang Pilipino. Naninindigan kami na ang pagkatuto ay nakaugat sa araw-araw na danas, hamon, pangarap, at pagkilos ng mga pamayanan. Ang edukasyon ay hindi maaaring ihiwalay sa pagsusulong ng katarungan at pagtatanggol sa karapatan at dignidad ng mga mamamayan.

Hustisya para sa mga biktima sa Toboso, Negros Occidental!
Proteksyon para sa mga mag-aaral at komunidad!
Wakasan ang karahasan at impunidad!

https://cswcd.upd.edu.ph/pahayag-ng-kolehiyo-ng-gawaing-panlipunan-at-pagpapaunlad-ng-pamayanan-cswcd-unibersidad-ng-pilipinas-diliman-hinggil-sa-pamamaslang-sa-tobosa-negros-occidental/

26/04/2026