https://www.facebook.com/1669268286630029/

Kolektibo, College of Social Work and Community Development, Quezon City (2025)

Q: What is the address?

College Of Social Work And Community Development

17/05/2025

MGA LARAWAN: Naganap ang Miting de Avance (MDA) ng College of Social Work and Community Development (CSWCD) noong Mayo 14 sa 3rd floor seminar room ng UP CSWCD.

Ipinahayag ng mga kandidato na sina Justine Paul Garcia (BSS Representative), John Larosa (Graduate Representative), at Jose Basco, Allysa Dulay, at Maxene Lati (Representative to the USC) ang kanilang mga plataporma at tindig sa harap ng mga estudyante ng CSWCD.

📷 Alexis Ngo

14/05/2025

TINGNAN: Kasalukuyang nagbigay ng closing remarks ang UP CSWCD Chairperson na si Jona Serafarica, na binigyang-diin ang kahalagahan ng student participation sa kolehiyo. Aniya, kahit mabigat ang naging MDA, mahalagang ipagpatuloy ang mga nasimulan ng kasalukuyang konseho.

Binigyang-pansin din niya ang isyu ng safe spaces sa loob ng kolehiyo, at ipinahayag ang paninindigan ng konseho para sa victim-centered approaches at ang pagbubuo ng mekanismo para sa mas ligtas na espasyo para sa lahat.

Sa huli, inanyayahan niya ang Organisador ng Bayan na makiisa at bumoto sa darating na Mayo 15–16 para sa halalan.

14/05/2025

Live Audience, tanong para kay John Paul: May mga inconsistencies at lapses bilang FSTC. Paano mo irarate ang sarili mo bilang kasapi nito?

John Paul: 1.75. Dahil hindi pa namin lubos na na-eexercise ang aming mga karapatan bilang hindi pa rin kami nare-recognize bilang isang opisyal na organisasyon. Gayunpaman, nananatili kaming aktibo sa pagpapalabas ng mga pahayag at paninindigan. Sana ay mas maipagpatuloy at mapalalim pa ito.

14/05/2025

Tanong mula sa Live Audience, para kay Dulay: May sexual harassment cases umano na kaakibat sa Laban Kabataan Coalition. Paano mo ito ia-address bilang tumatakbong kasama sila?

Allysa Dulay: Kailangan nating labanan ang anumang anyo ng abuso. Dapat magsilbing daluyan ang NNRA Youth para magsagawa ng imbestigasyon at magbigay ng suporta sa mga biktima. Mahalaga ang pagtulong sa kanila sa pagsasampa ng kaso at pagharap sa mga legal na proseso. Ang panig ng biktima ang dapat unahin, at kailangang tiyakin ang mga victim-centered approaches sa bawat hakbang.

14/05/2025

Tanong: "Bobotante" daw ang mamamayan, lalo na't lumabas ang resulta ng Midterm Elections. Ano ang inyong pagtingin dito?

Jose Basco: Wala talagang bobotante. Ang bawat boto ay desisyon na pinagiisipan. May iba-ibang hinuhugutan kung bakit iyon ang pinili ng tao. Ang mahalaga ay kilalanin natin na ang mga bumoboto ay may sariling pag-unawa at paghusga sa kanilang boto.

Allysa Dulay: Sumasang-ayon ako na walang bobotante. Isa itong paninira mula sa estado. Hindi ang estudyante ang dapat singilin — ang mismong estado ang nagra-redtag at gumagawa ng anomalya gaya ng sa mga voting machines. Panawagan ko: pumunta tayo sa masa at tayo ang mag-organisa kasama sila.

John Paul: Sa karanasan ng IP community, sila mismo ang nagsabing iniidolo nila ang pulitiko dahil sa tulong na natatanggap nila. Bilang mga development worker, tungkulin natin na pakinggan sila — bakit iyon ang binoboto nila? Walang bobotante. May mga botanteng bumoboto dahil sa konkretong benepisyo.

Maxene Lati: Hindi dapat ibunton ang sisi sa masa. Mayroong mga structural inequalities — may mga pulitikong may bilyong campaign funds, may machinery. Dapat nating igiit na hindi rito natatapos ang laban — kailangan nating buwagin ang sistemang US-Marcos at magpatuloy sa pagkilos.

John Larosa: Kailangan nating unawain kung saan sila nanggagaling. May mga bitak na sa sistema — may progresibong tumatakbo, at may mga political dynasties na nabubuwag. Bilang mga organisador ng bayan, tungkulin nating magpaliwanag at tumindig kasama ang mamamayan.

14/05/2025

Tanong: Ano ang grado na ibibigay ninyo sa kasalukuyang UP CSWCD Student Council?

John Larossa: 1.75 – Nakikita ko ang kanilang pagtaguyod sa konseho, pero para sa akin, kailangan pa ng mas nagkakaisang kolehiyo. Para sa susunod na konseho, dapat mas i-engage ang mga hindi pa naaabot, lalo na’t mababa ang student participation.
Justine Paul: 1.5 – Bilang FSTC, personal kong nakikita na ine-exhaust talaga nila ang effort para sa mga estudyante. Ngunit mababa pa rin ang student participation. Kapag may general assembly, onti lang ang dumadalo. Kailangan itong tugunan ng susunod na council.
Jose Basco: 1.5 – Kahit hindi sila kumpleto sa simula, nakapag-appoint sila ng mga kailangang opisyal para sa mga proyekto. Gumawa sila ng paraan upang magampanan ang kanilang tungkulin.
Allysa Dulay: INC – Kulang ang mga posisyon sa kasalukuyang konseho, na naging balakid sa student functioning. Kailangan ng konkretong aksiyon upang palakasin ang student representation at mabuo nang buo ang konseho.
Maxene Lati: 1.25 – Karapat-dapat silang pagpugayan dahil hinawakan nila ang accountability, gaya ng pag-uulat ng kampanya at pagpapakita ng plano. Ngunit may mga puwang pa para sa pagbuti, at malaking hamon ang haharapin ng mga susunod na uupo.

14/05/2025

Tanong mula sa Live Audience: Paano praktikal na pondohan ang FIP Student Fund?

John Paul: Sa pamamagitan ng alumni support.
Jose Basco: Sa pamamagitan ng One CSWCD Mixer, isang proyekto o event na makikipag-ugnayan sa alumni para sa suporta.
Allysa Dulay: Kailangan muna ng sapat na datos, pagbubuo ng proposal, at koordinasyon sa OVCCSA ng UP. Layunin ding ma-institutionalize ang FIP sa lahat ng field activities sa mga unibersidad. Agad ding titingnan ang posibilidad ng alumni support at IGP ng mga konseho.
Maxene Lati: Mahalaga ang alumni support at IGP. Sumasang-ayon kay AJ na dapat ma-institutionalize ang FIP programs sa OVCCSA at maiakyat ang laban sa UP Admin. Mahalaga rin ang konsultasyon sa FIP students upang maisulong ang kanilang agenda.

14/05/2025

TINGNAN: Sinagot ni John Larossa na kailangang magkaroon ng group page para sa mga graduate students upang mapadali ang daloy ng impormasyon at makapagsagawa ng konsultasyon.

Tungkol naman sa aktibismo ng MCD students, nais niya silang organisahin upang mas mapalakas ang kanilang kolektibong tinig at pagkilos sa loob ng kolehiyo.

14/05/2025

TINGNAN: Inilahad ni Justine Paul ang kahalagahan ng pangungumusta sa mga estudyante at pagtatayo ng mga feedback mechanism upang mas maayos na matugunan ang kanilang mga pangangailangan bilang BSS Representative.

Ibinahagi rin niya na dahil sa tagumpay ng FSTC Council—kabilang na ang pagbuo ng mga unity statement at paglahok sa mga mobilisasyon—mas nailalapit sa mga estudyante ang mga isyung kinakaharap ng komunidad. Aniya, aktibo at nananatiling buo ang Social Work community noong termino niya.

14/05/2025

TINGNAN: Sinagot ni Maxene Lati ang tanong ukol sa mga umanong bully at harassers sa kanyang campaign team. Mariin niyang kinokondena ang lahat ng anyo ng abuso at binigyang diin ang pangangailangan ng due process at naratibo ng biktima. Ipinahayag niya na ang pinaka-angkop na hakbang ay ang pag-forward ng victim-centered approaches.

Ipinunto rin ni Maxene ang kanyang karanasan sa pag-oorganisa sa Marikina at ang pagiging research head ng Stand NCPAG. Ayon sa kanya, mahalaga ang paggamit ng lahat ng posibleng paraan upang magmulat at mag-organisa, na nakikita niyang isang militante at epektibong hakbang upang mapalakas ang mga kalakasan ng kanilang sektor.

14/05/2025

TINGNAN: Sinagot ni Allysa Dulay ang tanong ukol sa pagkonsolidasyon ng laban ng mga magsasaka at estudyante, pati na rin ang pag-uugnay ng mga karanasan ng mga estudyante sa mga magsasaka. Ipinahayag niya na mahalaga ang pag-unawa sa mga sistemang kinakaharap ng mamamayan at estudyante upang mas mapalakas ang kolektibong laban ng dalawang sektor dahil hindi ito hiwalay sa isa't isa.

Patungkol naman sa pagiging freshie, sinabi ni Allysa na hindi hadlang ang pagiging freshie dahil noong Senior High School pa lamang ay kasapi na siya ng mass organizations. Sa kanyang mga panawagan sa pagtakbo, ipagpapatuloy niya ang mga isyung itinaguyod niya noon pa man, kabilang ang pagsusulong ng mga consultations at pagtatanong sa mga pangangailangan ng mga estudyante. Dahil sa kanyang karanasan sa pag-oorganisa, ipapamalas niya ang mga natutunan sa organisasyon at ilalapat ito sa konseho.

Kolektibo

17/05/2025

14/05/2025

14/05/2025

14/05/2025

14/05/2025

14/05/2025

14/05/2025

14/05/2025

14/05/2025

14/05/2025

14/05/2025

Address

Website

Alerts

Contact The Business

Shortcuts

Share

Category