https://www.facebook.com/2102178583169253/

Rock Music World, Quezon City (2026)

23/08/2026

"Hail to the King” အယ်လ်ဘမ် ၁၃ နှစ်ပြည့် အထိိမ်းအမှတ်

"Hail to the King” ဟာ Avenged Sevenfold ရဲ့ ၆ ချပ်မြောက် အယ်လ်ဘမ်ဖြစ်ပြီး ၂၀၁၃ ခုနှစ်မှာ Warner Bros. Records ကနေ ထုတ်ဝေခဲ့ပါတယ်။ ဒီအယ်လ်ဘမ်ကို Mike Elizondo က ပရိုဂျူဆာအဖြစ် တာဝန်ယူခဲ့ပြီး၊ A7X ရဲ့ အယ်လ်ဘမ်တွေမှာ Arin Ilejay က ဒရမ်မာအဖြစ် ပါဝင်ခဲ့တဲ့ တစ်ချပ်တည်းသော အယ်လ်ဘမ်လည်း ဖြစ်တယ်။ Arin Ilejay ကတော့ ၂၀၁၅ ခုနှစ်မှာ အဖွဲ့ကနေ ထွက်ခွာခဲ့ပါတယ်။

The Rev ကွယ်လွန်ပြီး ပထမဆုံး ထွက်လာတဲ့ အယ်လ်ဘမ်ပါ။ The Rev မရှိတော့တဲ့အတွက် အဖွဲ့အနေနဲ့ နောက်အယ်လ်ဘမ်ကို ဘယ်လိုပုံစံနဲ့ ဆက်လုပ်ကြမလဲဆိုတာ တိုင်ပင်ကြရင်း သူတို့နဲ့ အံ့ဝင်ခွင်ကျမယ့် ဒရမ်မာ ခက်ခက်ခဲခဲ လိုက်ရှာခဲ့ရတဲ့ အခွေပေါ့။

Nightmare မှာတော့ ဒရမ်ကို Dream Theater ရဲ့ ဒရမ်မာ Mike Portnoy က ကူညီတီးပေးခဲ့တာပါ။ Hail to the King” အခွေဟာ စီးပွားရေးအရ အတော်အောင်မြင်ခဲ့ပြီး Billboard 200 Chart မှာ နံပါတ် ၁ အထိ ရောက်ခဲ့ပါတယ်။

ဒါဟာ Avenged Sevenfold တို့ "Nightmare” အယ်လ်ဘမ်ပြီးနောက် Billboard 200 မှာ နံပါတ် ၁ ရခဲ့တဲ့ ဒုတိယမြောက်အယ်လ်ဘမ် ဖြစ်ပါတယ်။ ဒါ့အပြင် နိုင်ငံအများအပြားရဲ့ Music Chart တွေမှာလည်း နံပါတ် ၁ ရခဲ့ပါတယ်။

"Hail to the King” ဟာ သူတို့ရဲ့ အရင်အယ်လ်ဘမ်တွေထက် ပိုရိုးရှင်းပြီး Classic Rock / Heavy Metal ဘက်ကို သွားထားတာပါ။ ဒါကြောင့်လည်း Black Sabbath, Led Zeppelin, Metallica တို့ရဲ့ လွှမ်းမိုးမှုတွေကို အယ်လ်ဘမ်ထဲမှာ သိသိသာသာ ကြားရပါတယ်။

အယ်လ်ဘမ်ရဲ့ Deluxe Version မှာ "St. James” ဆိုတဲ့ သီချင်းတစ်ပုဒ် ပါလာပါတယ်။ ဒီသီချင်းဟာ The Rev ကို ရည်စူးထားတဲ့ သီချင်းဖြစ်ပြီး သူကွယ်လွန်ပြီးနောက် A7X အဖွဲ့ဝင်တွေရဲ့ ခံစားချက်တွေကို ရေးဖွဲ့ထားတဲ့ သီချင်းတစ်ပုဒ်ပါ။

Nightmare လို The Rev ရဲ့ အရိပ်အယောင်ကို အလေးအနက်ထားတဲ့ အခွေ မဟုတ်ပေမယ့် St. James ကတော့ သူ့ကို မမေ့ကြောင်း ပြတဲ့ သီချင်းတစ်ပုဒ် ဖြစ်ပါတယ်။

ဂစ်တာအပိုင်းမှာတော့ အရင် အယ်လ်ဘမ်တွေလို Technical Guitar တွေကို ရှုပ်ရှုပ်ထွေးထွေး မသုံးတော့ဘဲ မှတ်မိလွယ်တဲ့ Melody တွေကို ပိုဦးစားပေးခဲ့ပါတယ်။

အယ်လ်ဘမ်မှာ သီချင်း (၁၁) ပုဒ်ပါပါတယ်-

1. Shepherd of Fire
2. Hail to the King
3. Doing Time
4. This Means War
5. Requiem
6. Crimson Day
7. Heretic
8. Coming Home
9. Planets
10. Acid Rain
11. St. James (bonus track)

Avenged Sevenfold ကို Mainstream ကမ္ဘာ့ Metal ပရိသတ်တွေဆီ အရောက် တွန်းပို့ပေးခဲ့တဲ့ အယ်လ်ဘမ်တစ်ချပ်ဆိုလည်း မမှားဘူး။

23/08/2026

Reason ရဲ့ ပင်တိုင် အဆိုတော်ကြီး အောင်လတို့ရဲ့ စုံတွဲ..

2026 Photo 💕

23/08/2026

"ဆူး" MV ရိုက်တုန်းက Velocity! 🖤

23/08/2026

Iron Cross တို့ရဲ့ ဂစ်တာသမားကြီး ချစ်စမ်းမောင်တယောက် သူအနုပညာကို စိတ်ဝင်စားလာဖို့ တွန်းအားပို့ပေးခဲ့တဲ့ သူတွေထဲမှာ လွှမ်းမိုးနဲ့ ကိုကိုင်ဇာလည်းပါတယ်လို့ ပြောလာပါတယ်။ သူတို့သီချင်းတွေကနေတဆင့် ဆရာစောဘွဲ့မှူးလေးကို သိကျွမ်းခဲ့ရတာပါ။

ဆရာစောဘွဲ့မှူးနဲ့ တွေ့ဆုံပြီးနောက် ကိုလွှမ်းမိုးကပါ ဆရာချစ်ကို ဂီတလမ်းကြောင်းထဲ ဆွဲခေါ်ပေးခဲ့တယ်။ ကိုကိုင်ဇာက အမေရိကန်ကနေ သီချင်းခွေသွင်းတဲ့အချိန် သူ့သီချင်းတွေကို တီးပေးခွင့်ရခဲ့တာကို ဆရာချစ်က အရမ်းဂုဏ်ယူရတယ်လို့ ဆိုပါတယ်။

စိတ်ထဲမှာ ဆရာစောဘွဲ့မှူး၊ ကိုလွှမ်းမိုး၊ ကိုကိုင်ဇာ တို့ဟာ ဆရာ တပည့်၊ ညီအစ်ကိုလို ဆက်နွယ်မှုရှိကြတာကြောင့် ကိုယ်တိုင်လည်း မိသားစုရင်းတွေလို ခံစားခဲ့ရတယ်တဲ့။ ဆရာချစ် ငယ်ငယ်ကတည်းက ဆရာစောဘွဲ့မှူးလက်ရာကို သူတို့သီချင်းတွေကြောင့် သိခဲ့ရပါတယ်။

"ဆရာချစ် အထူးပတ်သက်ခဲ့တဲ့ ဆရာစောဘွဲ့မှူး၊ ကိုလွှမ်းမိုး၊ ကိုညီတို့ဟာ အခုတော့ သုံးဦးစလုံး မရှိတော့ပါဘူး။ ဒါပေမယ့် ရင်ထဲအမြဲအမှတ်ရနေမှာပါ"။

ဆရာချစ်ဘဝမှာ သူလေးစားအားကျခဲ့ရတဲ့ ဂီတသမား သုံးဦးစလုံး ဆုံးပါးသွားပြီးဆိုတဲ့ ဝမ်းနည်းမှုကို ဆရာချစ်ရဲ့ လူမှုကွန်ရက်မှာ ရေးခဲ့တဲ့စာပါ။

22/08/2026

"ရေမွန် (idiots) ကွယ်လွန်ခြင်း (၅) နှစ်နဲ့ ၂ လပြည့်အမှတ်တရ"
(Idiots တို့ရဲ့ အင်တာဗျူးအဟောင်းလေးကို ပြန်လည်ဖတ်ရှူကြရအောင်)

Idiot ဆိုတဲ့ ဒီစကားလုံးလေးဟာ ဂရိဘာသာက ဆင်းသက်လာတာပါတဲ့။ Idiot ရဲ့အဓိပ္ပါယ်ကတော့ လူထုံ-လူအ-ကျပ်မပြည့်တဲ့သူ -ဝမ်းတွင်းရူး (မွေးရာပါစိတ်ရောဂါသည်) ဖြစ်ပါတယ်။ Idiots ဆိုတော့ လူထုံများ - လူ 'အ'များ - ဝမ်းတွင်းရူးများပေါ့နော်။

မြန်မာရော့ခ်ဝိုင်း Idiots music band *အကြောင်း ပြန်လည်ဖော်ပြပေးလိုက်ပါတယ်။ Idiots band ကို၂၀၀၅ ဇန်နဝါရီလမှာ member ၅ယောက်နဲ့စတင်ဖွဲ့စည်းခဲ့ပြီး unplugged show လေးတစ်ခုမှာစတင်ဖျော်ဖြေခွင့်ရခဲ့ပါတယ်။ မူရင်းအဖွဲ့ဝင်တွေကတော့………
Vocalist - Raymond (ဝေမွန်ဦး)
Drum - Japan (လှမျိုးဦး)
Guitar - 4 Lone (မျိုးမင်းဆွေ)တို့ဖြစ်ပါတယ်။

သူတို့ရဲ့ အင်တာဗျုးတချို့ကိုလည်း အပြည့်အစုံ ဖော်ပြပေးပါမယ်။

V: အကိုတို့က အရင်တုန်း က ၅ ယောက်လို ပဲနော်။ အခုမှ ဘာလို့ ၃ ယောက်ဖြစ်သွားတာလဲ။

Raymond: ကျွန်တော်တို့ ဒီ band လုပ်လာတဲ့ ၅ နှစ်တာအတွင်းမှာ အပြောင်းအလဲတော့ရှိပါတယ် band စစလုပ်ချင်းတုန်းကတော့ ကျွန်တော်တို့ အခုဒီ member တွေနဲ့ မဟုတ်ဘူး..ကျွန်တော်နဲ့ တခြားmember တွေ ပေါ့့နော်။ နောက်ဆုံးဖြစ်သွားတာက 2009 နှစ်အစလောက်က စပြီး ကျွန်တော်တို့ဒီ member ၃ယောက် က permanent ဖြစ်သွားတာပေါ့နော်။

V: ဟုတ်ကဲ့ အစ်ကိုတို့ရဲ့ဝါသနာချက်လောက်တော့ပြောပြပေးပါဦး။

Raymond: ကျွန်တော်က ဖိုးလုံးနဲ့ တူတူပဲ။ game ဆော့တာ ဝါသနာပါတယ်။အင်း ပြီးတော့လျှောက်သွားရတာ ဝါဿနာပါတယ် ပြီးတော့သောက်ရတာ ဝါသနာပါတယ်။

Japan: အတူတူပဲ။

PhoeLone: ကျွန်တော်ကတော့ ဂိမ်းဆော့တာပဲဝါသနာပါတယ်။ လျှောက်သွားရတာတော့ ဒီကောင်ဝါသနာပါတာနဲ့ ပါသလိုလို ဖြစ်သွားတယ် အမှန်က မပါပါဘူး။

V: ဟုတ်ကဲ့ interview တိုင်းမှာမေးကြသလိုပေါ့နော် ပရိတ်သတ်ကြီးလည်း ပိုပြီးသိအောင်လို့ Idiots band က ဘယ်ခုနှစ်မှာ ဘယ်လိုစပြီးဖြစ်လာလဲ။ အဲလိုမျိုးလေး တချက်လောက်တိတိကျကျလေးပေါ့နော်။

Raymond: အော် အင်း(ရယ်လျှက်) band စခဲ့တာတော့ 2005 Jan (ခဏခဏလည်းရှိပါပြီ.ပြောရတာ။Jan ၂၀ ပေါ့နော် အဲဒီတုန်းက စဖွဲ့ဖြစ်တယ် ကျွန်တော်တို့ Unplugged ရှိုးလေးမှာ စ တီးဖြစ်တာ။ စ တီးဖြစ်ပြီးတော့ ဒီလိုပဲ ဟို လိမ်ဖယ်လိမ်ဖယ်နဲ့ပဲ အခုအခုဆိုရင်တော့ ကျွန်တော်တို့ဟို အတွဲခွေ ၃ ၄ ခွေနဲ့ ငြိမ်ငြိမ်လေးတင်နေတဲ့အခြေအနေပေါ့နော် ရောက်နေပါပြီပေါ့။

V: ဘယ်လိုပဲပြောပြော အကိုတို့ကလေ အောင်မြင်လာပြီလို့ပြောလို့ ရပါတယ် အင်တာဗျူး တိုင်းမှာလဲ တွေ့နေရတယ်။ အခွေတော်တော်များများမှာလဲ ပါနေရတယ်ပေါ့နော်။ ဒီလိုမျိုးအောင်မြင်လာဖို့ အတွက် အကိုတို့ရဲ့ကြိုးစားအားထုတ်မှု လေးလဲ တစ်ချက်လောက်ပြောပြပေးပါအုံး ?

Raymond: ကြိုးစားအားထုတ်မှုကတော့ ဘယ်လိုပြောရမလဲ သိပ်ပြီးတော့ ကျွန်တော်တို့ struggle အရမ်းလုပ်စရာတော့မလိုဘူး ဘာကြောင့်လဲ ဆိုတော့ အကုန်လုံးက music ကိုဝါသနာပါလာပြီးသားပဲလေ။ ဒီအလုပ်လုပ်ရရင်ပျော်နေတယ်ဆိုတော့ ဒီအလုပ်နဲ့့ပတ်သက်ပြီးတော့ ကြိုးစားအားထုတ်မှုတော့ရှိတာပေါ့။ ဥပမာ သီချင်း ၁ ပုဒ် ဖန်တီးတဲ့နေရာမှာ ကျွန်တော်တို့ပြီးစလွယ် မလုပ်ဖူးပေါ့နော် သေသေချာချာလေး အကုန်လုံး band သား သုံးယောက်လုံး တိုင်ပင်ပြီး သေချာလုပ်ကြတယ်....ဆိုတာတီးတာကအစ ရေးတာက အစ ပေါ့ ။ အဲ့ပိုင်းမှာ အားစိုက်ပြီး ကျန်တဲ့ အပိုင်း ကတော့ သိပ်တော့ အရမ်းကြီးအားစိုက်စရာမလိုဘူး။

PhoeLone: အဓိက က ကျွန်တော်တို့ ကိုယ်လုပ်တဲ့ ဂီတအပေါ်မှာ ရိုးရိုးသားသားလုပ်ခဲ့တာတစ်ခုက..

Raymond: ပျော်တယ် ပျော်တယ်။ လုပ်တာကပျော်တဲ့အတွက်ပေါ့နော်။ သိပ်ပြီးတော့ မပင်ပန်းဘူးပေါ့။

V: ဘယ်လိုပဲပြောပြောလေ အကိုတို့က band အသစ်ဆိုတော့ အခက်အခဲတွေလဲ ရှိမှာပဲ။ အဲ့ဲဒီအခက်အခဲတွေကရော။

Raymond: အခက်အခဲလေးတွေကတော့ ရှိတယ်ပေါ့။ ဒါပေမဲ့ ဒီ ကျွန်တော်တို့band တွေ မှ မဟုတ်ပါဘူး။ဒီလောက ထဲ စ၀င်တဲ့ လူတွေ ရှိကြမှာပဲ။ ဥပမာ လူမရှိပဲနဲ့လူ ၁ ယောက်မှ မရောက်သေးပဲနဲ့ စတ်ိတ်ပေါ်တက်ရတာတို့ ပြီးတော့ ဘယ်လို ပြောရမလဲ နဲနဲလေး အဆိုတော်တွေနဲ့ ပတ်သက်ပြီး role လေးနဲနဲအဲခွဲခံရတော့တို့ အဲဒါလေးတွေတော့ ရှိမှာပေါ့။ လူတိုင်းလဲ ကြုံရမှာပေါ့။ ဘယ်အလုပ်ပဲလုပ်လုပ်လေ ဒီလိုမျိုးဟာလေးတွေတော့ ကိုယ်ကဒီဥစ္စာထဲကို ကြာတော့ ကြာပြီပေါ့။ ၅ နှစ်လောက်ရှိပြီ ဆိုပေမဲ့ music အနေနဲ့ကော ကျွန်တော်တို့ သွားချင်တဲ့ ပုံစံအနေနဲ့ အသစ် ဖြစ်နေတာပေါ့။ အဲလို အခက်အခဲလေးတွေတော့ရှိတာပေါ့။ လူလက်ခံနိုင်ဖို့လေ။

V: ဟုတ် အကိုတို့ရဲ့လေ ပွဲတော် အခွေထဲမှာပါတဲ့ အချိန်တန်ရင်ဆိုတဲ့ သီချင်းလေးကိုလေ တော်တော်များများလဲ ကြိုက်ကြတယ်ရှင့်။ ဒါပေမဲ့ အဲဒီ့ MTV ထဲမှာ ပြန်ကြည့်တော့ အကိုတို့က ငယ်ငယ်လေးပဲ ရှိသေးသလိုပဲ ဆိုတော့ အချိန်တန်ရင် ဆိုတဲ့ သီချင်းက အကိုတို့ရဲ့ပွဲဦးထွက် သီချင်းများလား မသိဘူး။
Raymond: အဲသီချင်းက ပွဲ ဦးထွက်တော့ မဟုတ်ဘူး။ အဲသီချင်းကဟိုဟာ ဒုတိယမြောက်ပေါ့နော်။ ဒုတိယမြောက် albumမှာပါတဲ့ သီချင်းလို့ပြောလို့ရတယ်။ ခု တီးတာက ကျွန်တော်တို့ဘာလာလာ ထဲမှာ ပါတဲ့ သီချင်းကို အရင်လုပ်တာ အရင်လုပ်ပြီးတော့မှ တီးပြီးတော့မှကျွန်တော်တို့ အဲဒီ့အချိန်တန်တော့ ဆိုတဲ့ သီချင်းက ကျွန်တော်တို့ပွဲတော် ရှိုးလုပ်မယ်။ ငါတို့တီးကြမယ် ဆိုတော့ ရေးလိုက်တာပေါ့နော်။ အဲဒီ့ပွဲလုပ်ခါနီး ကိုရေးပြီးတော့ တီးဖြစ်လိုက်တာ။ အဲတုန်း က 4Lone ရယ် ကျွန်တော်ရယ် တူတူပဲကို ကျောင်းက တူတူပဲဆိုတော့ ဟိုဟာလောက်ပဲ ရှိအုံးမယ်။ ၈ တန်းပေါ့ ၊၈ တန်းနှစ်အတွင်းမှာထင်တယ်။ ၈တန်းအပြီး လောက်မှ 2005 နှစ်ကုန်ပိုင်းလောက်ပေါ့နော်။

V: ဘာလာလာထဲက ခွေဆိုတောလေ့ ငါ့အပြစ်နဲ့ငါ သီချင်းလား တစုံတရာ လားမသိဘူး။

Raymond: ဘာလာလာ ထဲကသီချင်း ၂ ပုဒ်လုံး က အကုန် မတိမ်းမရိမ်းလုပ်တာပေ့ါ။ အဲငါ့အပြစ်နဲ့ငါကော တစုံတရာကော အချိန်တန်ရင်ပြီးမှ မဟုတ်ဘူး။ အချိန်တန်ရင်မတိုင်ခင်..

V: အော် ဟုတ်ဟုတ် အကိုတို့ရဲ့လေ ဟို underground မှာ ပျံ့နေတဲ့ သီချင်းလိုပေါ့နော်။ မင်းနဲ့နီးဖို့ဆိုတဲ့ သီချင်းက အဲ့သီချင်းလေးက တော်တော်လေး လဲ ပျံ့ပြီး တော်တော်လေး လဲ ကောင်းပါတယ်ရှင့်။ အဲသီချင်းလေး အကြောင်းလေး လဲတစ်ချက်လောက်ပြောပြပေးပါအုံး။
Raymond: အဲသီချင်းလေး က ကျွန်တော်ဟိုဟာ နာဂစ် ဖြစ်တုံးထင်တယ်။ နာဂစ်ဖြစ်ပြီးတော့ သိပ်မကြာပါဘူး အဲမှာ အဲသီချင်းလေး ရေးဖြစ်တာပါ။ ရေးဖြစ်တာ အဲတုန်းက Retro ပုံစံလေး သီချင်းပုံစံလေး Cold Play တို့ပါတို့ အဲသီချင်းလေးနဲနဲနားထောင် ပြီး ကျွန်တော်တို့လုပ်လာတာ ဒီ modern rock အပိုင်းမှာဆိုရင် ဒီအနှေး ထဲမှာဆိုရင်ဟို cord frame နားထောင်တာတွေများလာပြီး နဲနဲလေး ညည်းလာတယ်။ ဒီကောင်ကြတော့ နဲနဲလေး အကွန့်လေးနဲ့ပုံစံ ရိုးရိုးလေး နဲ့သွားတယ်။ Drum ဆိုလဲ down-beat လေးနဲ့သွားတယ်ပေါ့နော်။ စာသားရိုးရိုးလေး နဲ့ဒီဘက် retro ဘက်ရောက်တဲ့ music မျိုးလေး အဲ အဲပုံစံလေး လုပ်ကြည့် ချင်တယ်ဆိုပြီးတော့ ကျွန်တော်တို့ရေးလိုက်တာပါ။

V: တခြား band တွေနဲ့အဲလို တွဲထွက်မဲ့လေ ဟို ဘာလာလာ တို့လို ဟာလိုပေါ့။ အဲလိုမျိုးခွေတွေကောရှိသေး လား မသိဘူး။
Raymond: ဟုတ်ကဲ့ ရှိပါတယ် ကျွန်တော်တို့အခု ဒီ 2010 (၁) ရက်နေ့က ထွက်တဲ့သမိုင်းသစ်ဆိုတဲ့ ခွေရှိပါတယ် သမိုင်းသစ် အခွေရယ်။ သမိုင်းသစ် ကတော့ အဖွဲ့ ၆ ဖွဲ့ပေါ့။ Temper Level8,Drive ရယ်, Idiots,Reason,Wanted ရယ် Offkeys ရယ်… ၆ ဖွဲ့။အဲ ပြီးတော့ ကျွန်တော်တို ခု လုပ်နေတာပေါ့နော်။ လုပ်နေဆဲ အခွေလေး ၁ ခွေ ရှိပါတယ်။ ကျွန်တော်တို့ GIR ဆိုပြီး နာမည်ပေးထားတာ ကို G latt အကြမ်းမျဉ်းပေါ့။ ကို G latt , Reason ပြီးတော့ ကျွန်တော်တို့ Idiots ပေါ့ ၃ ဖွဲ့။

V: ဒီ အခွေ မှာကော အကိုတို့သီချင်းက ဘယ်နှပုဒ်လောက်ပါမလဲ မသိဘူး။
Raymond: သမိုင်းသစ် ထဲမှာ ကျွန်တော်တို့သီချင်း ၂ ပုဒ်ပါတယ် ၂ ပုဒ်ပေါ့နော်။
V: ဟို အသစပြဲလား မသိဘူး။
Raymond: အသစ် ၊ အသစ်၂ ပုဒ် ပြီးတော့။ GIR ထဲမှာကြတော့ ကျွန်တော်တို့ ၁ဖွဲ့ကို ၄ ပုဒ်လောက်ဖြစ်မယ်။

V: အော် ၄ပုဒ်ပေါ့ နော်။ ဟုတ် Idiots 2ဟို သီချင်းလုပ်တဲ့ အပိုင်းလေးတွေလဲ နဲနဲ မေးမယ်နော်။ အကိုတို့သီချင်းတွေလုပ်တဲ့ အခါမှာ own tune တွေ ပဲလုပ်တာလား ဒါမှမဟုတ် copy ကောလုပ်လားမသိဘူး။
Raymond: ကျွန်တော်တို့ own tune ပဲ လုပ်ပါတယ် own tune ကို တတ်နိုင်သမျြှဖြစ်အောင်ကို ပိုပြီးတော့ ကြိုးစားပြီးလုပ်ကြပါတယ်
PhoeLone: ဒီနေရာမှာ နဲနဲ ဟိုဟာ ကျွန်တော်တို့ကို မေးနေကြမေးခွန်းလေး၁ခု ရှိတာပေါ့ .. အဲဒီ့အရင်တုန်းက မျက်နှာမသစ်ကြသူများ ဆိုတဲ့ အခွေထဲမှာ Raymond ဆိုထားတဲ့ သီချင်း ၁ပုဒ်ရှိတယ် အဲဒါသူက The Calling သီချင်းပေါ့နော်။ အဲဒါကို သူ က copy ဆိုထားတာ။

V: အော် ဟုတ်နားထောင်ဖူးပါတယ်
PhoeLone: အင်း အဲသီချင်းကို ဆို နားထောင်ကြတဲ့လူတွေက ဒါ Idiots သီချင်းပေါ့နော် အဲလိုလာလာမေးကြတယ် , Idiots copy လုပ်တာလား အမှန်ကတော့ မဟုတ်ဘူးဗျ အမှန်က ခွေစီစဉ်တဲ့ လူက Raymond ကို Idiots နဲ့တွေ့ပြီးတော့ သူကနောက်ပိုင်းကြတော့ Raymond က Idiotsက ဆိုပြီး ထဲ့လိုက်တာ အမှန်ကတော့ Raymond က အဲသီချင်းဆိုတုန်းက Idiots ကိုမလုပ်ရသေးဘူး အဲဒါကြောင့် Idiots copy လုပ်သလိုမျိုး ထင်သွားတာ။
Raymond: အဲဒီတုန်းက သီချင်းကလဲ ဆိုချင် ကလေး ကလဲဖြစ် ၈ တန်းပဲ ရှိသေးတာကိုး ဆိုချင်တဲ့အခါကြတော့ ဘာမှ မစဉ်းစားရသေးပဲ လုပ်လိုက်တာ အဲမှာ နောက်ပိုင်းကြတော့မှ အဲဒီ့ဥစ္စာက ကျွန်တော် ၈ တန်းနှစ်မှာ လုပ်တယ်,ထွက်လာတော့ ကျွန်တော်တို့ပွဲတော် ပြီးတော့မှ ကျွန်တော်တို့ ပြန်ထွက်လာတယ် ဆိုတော့ အချိန် ကဟနေတယ် အဲချိန်မှာ Idiots က copy လုပ်တယ်လို့ထင်သွားကြတယ်။ ဒါပေမဲ့ နောက်ပိုင်းမှာလဲ ကျွန်တော်တို့လုပ်ဖို့လုံး၀အစီအစဉ် မရှိပါဘူး။ copy ကတော့။
V: ဟုတ်ကဲ့။ ဒီလိုမျိုး own tune တွေလုပ်တဲ့။ အခါမှာရော အကိုတို့က studio သွားပြီးတော့ အသံ သွင်း တာ နောက်တီးတာက အစပေါ့နော် အဲလိုမျိုးတွေ သွားသွင်းတာ ဒါမှ မဟုတ် Fruity Loop တို့လို software တွေ ပဲ သုံးလား။
Raymond: ကျွန်တော်တို့ကြတော့ rock band ကျွန်တော်က ဘယ်လိုပြောမလဲ Acoustic ပေါ့နော် Acoustic ဆိုတာ ကျွန်တော်တို့ လိုက်တီးရတဲ့music ပေါ့ data တွေလဲပေါတီးတတ်ရတယ်။ Fruity Loop တို့ဘာတို့ ကြမသုံးဘူးလားဆိုတော့ သုံးတယ် ဘယ်လို နေရာမျိုးတွေလဲ ဆိုတော့ကျွန်တော်တို့ ဟို ဥပမာ sequence ပါမယ် ဗျာ။ သီချင်း ၁ ပုဒ်မှာ ဒီ Drum တွေနေရာမှာ တချို့ဥစ္စာလေးတွေ ကျွန်တော်တို့ rock bandတွေလိုပဲ sequence နဲနဲလေး ပါမဲ့ဥစ္စာလေး ရှိမယ်။ အဲဒါလောက်ပါပဲ ကျွန်တော်တို့ သုံးလဲ အခွေ ၁ ခွေလုံးမှာ ၁ ဘား ၂ ဘားထက်မပိုပါဘူး။
4Lone : Fruity သုံးတတ်တဲ့ နေရာတွေဆိုတာလဲ ခုနကအဲဒီ့ ပြောသွားတဲ့ underground မှာပြန့်သွားတဲ့ မင်းနဲ့နီးဖို့တို့ ဘာတို့ဆို ဒါ tempo version တွေလို့ပြောလို့ရတယ်။ အဲကောင်တွေဆိုရင်တော့ ဟိုိုသီချင်းစပ်တဲ့လူက Raymond ဖြစ်တဲ့ အတွက် သူ့ခေါင်းထဲက ဟာကိုသူက အကုန်လုံးချထုတ်တဲ့အခါမှာ အကုန်လုံး နားထဲမှာပေါ်အောင်လို့သူက FruityLoop ကိုအဲလောက်တော့ သုံးပါတယ်။

V: ဟုတ်ကဲ့ အကို တို့ဒီ rock music အကိုတို့ဆိုရင် တော့ modern rock ခေါ်မှာပေါ့နော်။ အဲလိုမျိုးမှာ band ၁ခုနဲ့၁ခုက ချပြမဲ့ ပုံစံ မတူဘူးလို့သိရတယ်ရှင့်။ အကိုတို့ကကော အကိုတို့ကိုယ်ပိုင် ပရိသတ် ကိုချပြမဲ့ပုံစံ ရှိပြီလား မသိဘူးရှင့်။
Raymond: ဟုတ်ကဲ့ ကျွန်တော်တို့ ချပြမဲ့ပုံစံ ကပေါ့။ Idiots ပုံစံ ပဲ ဖြစ်သွားမယ် ထင်တယ်။ဘာကြောင့်လဲ ဆိုတော့ တီးတဲ့ လူတွေကလဲ band သဘောတရားက ဒီလိုပဲလေ။ ကျွန်တော်တို့ ကျွန်တော် band မှာတီးနေတဲ့ လူတွေကလဲ ၁ခြားလူတွေနဲ့ မတီးဘူး။ ဟို permanent ပေါ့နော် လိုက်မတီးဘူး။ ကျွန်တော်ကိုယ်တိုင်ကလဲ ၁ ခြားလူတွေနဲ့ မဆိုဘူးဆိုတော့လဲ ဟိုကျွန်တော်တို့ကြိုက်တဲ့ ဥစ္စာနဲ့လဲ တူတယ်ဆိုတော့ ပြန်ထွက်လာတဲ့ Form ကလဲ ဟို တူမှာပါ။ ၁ ချို့ဟာလေးတွေပေါ့နော်။ ကျွန်တော်တို့ကြိုက်တဲ့ ဥစ္စာလေးတွေ တူမှာပါ။ Idiots ရဲ့form လေးတွေဖြစ်သွားမှာပါ။

V: ဟုတ်ကဲ့ အခု ဒီလက်ရှိပေါ့နော်။ music လောက အပေါ် music industry ခေါ်မှာပေါ့။ အဲပေါ်မှာ အကိုတို့ရဲ့အမြင်လေး ကိုလဲ ၁ချက်လောက် ပြောပပေးပါအုံး။
Raymond: ဟို music လောကကတော့ ဘယ်လိုပြောရမလဲ ဆိုတော့ နဲနဲတော့ ရွဲနေပြီ ( ဟီး )။ နဲနဲရွဲနေပြီ ဆိုတာ ကျွန်တော်တိုိ့ု ခုလိုအားသွန် ခွန်စိုက်လုပ်မဲ့လူတွေ ရှိလာလို့။ ရှိရင်တော့ မပြောတတ်ဘူး။ ဒီခိုးကူးတွေဘာတွေ ကလဲ တော်တော် များနေပြီဆိုတော့ အဓိက က ဒါပဲ။ ကျွန်တော်တို့ income က အရမ်းနဲ နေပြီဗျာ။ income အရမ်းနဲ တဲ့ အတွက်ကို ဟို တကယ်တမ်း အားစိုက်လုပ်မဲ့ လူတွေက တဖြည်းဖြည်း နဲသွားကြပြီ။ သိပ်ပြီးတော့ အငတ်ခံပြီးမလုပ်နိုင်ကြဘူး။ အဲတော့ ကျွန်တော်တို့ ခန့်မှန်းလို့ရသလောက်တော့ ဒီခိုးကူးတွေပဲ ပျောက်မလား။ music လောကပဲ ပျက်မလား။ (ဟီး ) ၁ ခုခုတော့ ပျောက်ရမယ်။ ( ဟီးဟီး ) အဲလို မျိုး ဖြစ်နေတယ်။

V: ဟုတ်ကဲ့ ဒီ ရှိုးပွဲတွေ အကြောင်းနဲနဲ မေးချင်ပါတယ် ရှင်။ ခုနောက်ပိုင်းပေါ့နော် hip hop တွေနဲ့့ဒီ rock ရှိုးတွေလုပ်ကြတဲ့ အခါမှာ hip hop ရှိုးတွေဘက်က ပိုပြီး ပွဲ စည်သလို ဖြစ်နေတယ်ပေါ့နော်။ rock ရှိူးတွေမှာလဲအဲလိုသူ့ပရိသတ်နဲ့သူ အခိုင်အမာ ရှိပေမဲ့ ဒါပေမဲ့ hip hop ရှိုးနဲ့ ယှဉ်လိုက်လို့ရှိရင် hip hop ရှိူးက ပို များနေသလို ဖြစ်နေတယ်။ အဲဒါလေးနဲ့့ ပက်သက်ပြီးတော့လဲပြောပြပါဦး။
Raymond: အဲ ၁ ခု ကတော့ ငြင်းစရာမရှိပါဘူး။ ဘာကြောင့်လဲ ဆိုတော့ ဟို hip hop ကလဲဒီအချိန်မှာ ပိုပြီးတော့ လူကြိုက်များနေပြီ။ music က အကုန်လုံးနဲ့ လည်း match ဖြစ်နေပြီဆိုတော့ အားပေးတဲ့ပရိသတ်က များတယ်။ သိပ်မဆန်းပါဘူး ကျွန်တော့တို့rock ကျတော့ နည်းနည်းဆူတာလည်း ပါတယ်။ ပြီးတော့လက်ခံနိုင်တဲ့ သူနည်းသေးတယ်ဆိုတော့လေ ဒါကတော့ဖြစ်မှာပါ။
4Lone: ဒီ modern rock ပိုင်းပေါ့့နော်။အဲဒီ I.C တို့ဘာတို့သူတို့ rock ကျတော့ပေါ့နော် သူတို့ကတော့ သူတို့ပရိတ်သတ်နဲ့ သူတို့ အခိုင်အမာရှိပြီးသားဆိုတော့။
Raymond: သူတို့ကတော့ ပရိသတ်ဒီမှာအများဆုံး ဖြစ်နေတာပေါ့နော်။

V: အဲ့တာဆို အစ်ကိုတို.ပြောချင်တဲ့သဘောက ဒီပန်.(ခ်)တို. ဘာတို.ဖက်ပါ ရောပြီးပါတာပေါ့နော်။ ဘာလို့လဲဆိုတော့ အစ်ကိုတို.က ရှိုးလ်လုပ်လို့ရှိရင် ပန့်(ခ်)တို့၊ emo တို့၊ modern rock တို့က တစ်ခါတည်း ပေါ့နော်။
4Lone: အင်းပေါ့ လူတွေကအခုက modern rock ဆိုတာကိုပဲ သူတို.ကကောင်းကောင်းမမြင်ကြသေးဘူးဗျ။ သူတို့က ပရိတ်သတ်နားလည်တာက နှစ်ကန့်ရှိမယ်။ IC လုပ်တဲ့ Rock ရယ် အမ် ကျန်တဲ့ဟာက ဆူရင် ပန့်(ခ်) အဲ့လိုဖြစ်သွားကြတယ်။ အဲ့ခါကျတော့ ကျွန်တော်တို့က ကြားညှပ်သွားတယ်ဗျ။ အမှန်ကတော့ ကျွန်တော်တို့လဲ လိုင်းသတ်သတ်လေးပဲ ဖြစ်ချင်တာ။

V: အော် ဟုတ်ကဲ့ပါရှင်။ အမ် rocker တွေနဲ့ rapper တွေနဲ့ယှဉ်တဲ့အခါမှာ အမ် ဘယ်လိုပြောမလဲ rapper တွေက underground မှာ သီချင်းအသစ်တွေ ပိုပြီးတော့ ဖြန့်ဖြစ်တယ်ပေါ့နော်။ အဲ့လို ပိုပြီးတော့ သူတို့သီချင်းအသစ်တွေ ပိုပြီးတော့ ရတယ်ပေါ့။ သမီးတို့ဖတ်က ကြည့်ရင် ဆိုတဲ့ခါကျတော့ အဲ့ဒီrockerတွေဘက်က သီချင်းတွေကျတော့ underground မှာ သိပ်မတွေ.ရဘူး။ ရှားတယ် တော်တော်ကြီးရှားပါတယ်ရှင့်။ ဆိုတော့ အဲ့တာလေးနဲ့ ပက်သက်ပြီးတော့ကော အစ်ကိုတို.အမြင်လေး။
Raymond: ပြောရမယ်ဆို ခုဏက ပုံစံအပိုင်းနဲ့လဲဆိုင်တယ်။ ဘာလိုလဲဆိုတော့ ဟို တစ်ခုရှိတာပေါ့ေ နာ် rock ကကျတော့ ဟို ကျွန်တော်တို့ စရိတ်များတယ်(ရယ်လျှက်)။ rock ဒီ တစ်ပုဒ်လုပ်ဖို့ကို Drumer ဒီ Drum တီးဖို့ရှိမယ်၊ guitar တီးဖို့ စရိတ်ရှိမယ် ၊ studio စရိတ်တွေပေါ့နော် (ဟုတ်ကဲ့)။ ပြီးတော့ ဟို ကျန်တဲ့ဟာတွေလဲတော်တော်များပါတယ်။ ဟိုပြီးတော့ hiphop ကကျတော့ ကျွန်တော်တို့ ဟို စရိတ်ပိုင်းနဲ့ ဟိုဟာဖြစ်ကြည့်လို့ရှိရင် ဟို နဲနဲလေးချုံ့မယ်ထင်တယ်။ ဟို တစ်ယောက်ထဲနဲ့ ဖြစ်သွားနိုင်တယ်လေ။ ကျွန်တော်တို့ ဒီ Demo လုပ်တယ်ဆိုတာကအဓိကက ဟို ဒီသီချင်းကို ပရိတ်သတ်ထဲ ကြားထဲ အနည်းအကျင်းနဲ့ဖြန့်ကြည့်မယ်။ ဟို ကိုယ့်သီချင်းလေး လူသိသွားအောင်လ့်ို အဲ့လိုလုပ်တဲ့အတွက် ဟို အဲ့လောက် အကုန်အကျ များသွားမယ် ဆိုရင်တော့ သိပ်အဆင်မပြေဘူးပေါ့နော်။ ကျွန်တော်တို.ကျတော့ ဟို အဲ့တာကြောင့် ဟို ခုဏကမေးတဲ့အထဲမှာ Fruity Loop တွေဘာတွေသုံးလားဆိုတာ ကျွန်တော်တို.ကျတော့ အဲ့ Demo လေးလုပ်လို.ရှိရင် Fruity Loop တွေဘာတွေသုံးတယ်။ ဂစ်တာကကျတော့ ဟ ို တတ်နိုင်သလောက် group တွေဘာတွေတီးတယ်ပေါ့နော်။ အဲ့တာ အဲ့အပိုင်းနဲ့ဆိုင်မယ်ထင်တယ်။ ပြီးတော့ ခုဏကပြောသလို လူကြိုက်များတဲ့ ဂီတဖြစ်တဲ့ အတွက် HipHop က လည်း လူကြိုက်များမှာပဲ လုပ်တဲ့သူကလဲ များတာကိုး။

V: ဟုတ်။ ဒီ idiots ထဲက ကို Raymond က J-Me နဲ့ကို J-Me နဲ့သီချင်းနှစ်ပုဒ်လောက် ဆိုထားတယ်လို့ သိရပါတယ်။ကို J-Me ရဲ့ album မှာ အဲ့တာ ဘယ်လိုလုပ်ဖြစ်သွားပြီးတော့ ဘယ်ချိန်တုန်းက လုပ်ဖြစ်သွားတယ် ဆိုတာလေးလဲ ပြောပြပေးပါဦး။

Raymond: အဲ့တုန်းက ကျွန်တော် ဘာအခွေထဲမှာမှ သီချင်းမဆိုရသေးဘူး။ ၇တန်းနှစ် ၈တန်းနှစ်လောက်မှာပဲ အင်းဟုတ်တယ် အဲ့ဒီအပိုင်းမှာ။

V: The calling ဆိုတဲ့အချိန်ပဲပေါ့။

Raymond: The calling ကနောက်မှဆိုတာ။ အင် အဲ့တုန်းက ဦးအောင်ကိုလတ်ကြီးက ကျွန်တော့ရဲ့ အမေကို လာဆက်သွယ်လာတယ် သူတို.ကလဲ အလုပ်အတူတူ လုပ်ဖူးတယ်ဆိုတော့။ အဲ့ J-Me က Featuring ခေါ်ဆိုချင်လို့တဲ့ သူက ကျွန်တော့ အသံကို ဘယ်မှာကြားဖူးတာလဲ ဆိုတော့ ခြင်ဆေးခွေကြော်ငြာ (ရယ်လျှက်) အဲ့ ခြင်ဆေးခွေကြော်ငြာတစ်ခုမှာ ကျွန်တော်ဆိုတာကို သူကြားပြီးတော့ အဲ့တာခေါ်ဆိုချင်လို့ဆို။

V: ခြင်ဆေးခွေ ကြော်ငြာမှာကြိုက်သွားတာပေါ့။

Raymond: ပြီးတော့ အဲ့မှာသူနဲ့ တူတူဆိုတာ rap နဲ့ အဲ့တော့ J-Me နဲ့တွေ.ပြီးတော့ သူက နှစ်ပုဒ်ရှိတယ်ပေါ့နော် ဆိုမလားဆိုတာနဲ့ ဆိုဖြစ်သွားတာ။

V: အဲ့လိုဆိုတဲ့အခါကျတော့လေ စိတ်ထဲမှာ အဲ့တုန်းက ဘယ်လိုပဲပြောပြော idiots လဲမဖြစ်သေးဘူး။ ဘာလဲမဖြစ်သေးဘူးဆိုတော့လေ။ အဲ့ hiphop ဖက်ကို အဲ့လို ကြိုက်တယ်လို့ ရှိဖူးလား။

Raymond: Hiphop ကတော့ ကြိုက်ပါတယ်။ အခုလဲကြိုက်ပါတယ်။

V: မဟုတ်ဘူးလေ ဟို rock band အလိုက်ကို မပြောင်းပဲနဲ့ပေါ့နော်။ ဒီ rapper အဲ့လိုမျိူးစိတ်တွေဘာတွေရှိဖူးလား။

Raymond: အဲ့လိုမျိုးတော့ မရှိပါဘူး မဟုတ်ဘူး။ ငယ်ငယ်တုန်းကတော့ rapper လုပ်ဖူးတယ်။ rapper လုပ်ဖူးတယ်ဆိုတာ ကျွန်တော်တို သင်္ကြန်တွေဘာတွေသွားလို့ရှိရင် အဲ့ခေတ်တုန်းက ဝတ်စရာမရှိဘူး rapper အင်္ကျီပဲ ဝတ်စရာရှိတယ်။

PhoeLone: ကျွန်တော်တို့ Rocker အကျီင်္က ကျွန်တော်တို့ body နဲ့မတော်ဘူး ခင်ဗျ (ရယ်လျက်)။

Raymond: အဲ့လိုမျိူးတော့ ဖြစ်တော့ ဖြစ်ဖူးတာပေါ့နော်။ ငယ်ငယ်တုန်းက အဝတ်အစားဝယ်တဲ့အခါ ဒါပေမဲ့ ခုဏကပြောသလို ကျွန်တော်တို့က vocal သမားတစ်ယောက်ဖြစ်တဲ့အတွက် ဒီဖက် melody ပိုင်းမှာ ပိုပြီးစိတ်ဝင်စားတယ်။ music ပိုင်းနဲ့ အဲ့လို တီးရတာ ခက်ရတာ စိတ်ဝင်စားတဲ့အတွက် အဲ့လိုမျိုးတော့ မစဉ်းစားဖူးဘူး။

V: အဲ့ဆို အစ်ကိုက ကိုJ-Meနဲ့ပေါ့နော်။ ဆက်ပြီးလုပ်ဖို.ရှိသေးလားမသိဘူး သီချင်းတွေ။
Raymond: J-Me နဲ့ကတော့ ဟို နောက်ပိုင်းတော့။

4Lone: လုပ်ဖြစ်မယ် မလုပ်ဖြစ်ဘူးတော့ မသိဘူး ပြောထားတာတော့ရှိတယ်။ ကျွန်တော်တို့ band ကတီးပြီး သူ့Rap metal ပုံဆန်မျိုးပေါ့။ ပြောတော့ ပြောထားတာ ရှိတယ်။ ပြောတယ်ဆိုတာက ကျွန်တော်တို့ ဟို confirm မလုပ်ရသေးဘူးပေါ့နော်။ အချင်းချင်း ဒါ idea စဉ်းစားရုံလောက်ပဲရှိပါသေးတယ်။ အခုလဲ cancel ဖြစ်ဖို.က ရာခိုင်နှိုန်းများသွားပါပြီ ဒီလိုပြောလိုက်တဲ့အတွက် (ရယ်လျက်)။

Raymond: လုပ်တော့လုပ်ချင်တယ်။ ဟို rock နဲ့ကောင်းကောင်းမွန်လေး ပေါ့နော်။ သေသေချာချာ အားစိုက်ထုတ်ပြီးလုပ်ကြည့်ချင်တယ်။ အဲ့ rap metal ပုံစံမျိုးပေါ့နော်။ နောက် pumpin တွေ ဘာတွေနဲ့ J-Me ကိုလဲပြောထားတယ် သူလဲ သူ.အလုပ်နဲ့သူရှုပ်နေတာ ဖြစ်တဲ့အတွက် လုပ်ဖြစ်မလုပ်ဖြစ်သိပ်မသေချာဘူးပေါ့နော်။

V: Rap Metal ဆိုတော့လေ ဟို အဲ့လို ပရိတ်သတ်ကြီးတွေ မျက်လုံးထဲမှာမြင်နေအောင်လို့ အဲ့လိုမျိုးလုပ်ထားတဲ့ သီချင်းရှိလားမသိဘူး။

Raymond: ကျွန်တော်တို့ ရှိတော့ရှိပါတယ်။ သိတော့ သိကြမှာပါ။ ဒီ ဒီထဲမှာဆို ဒီအသိုင်းအဝိုင်းထဲမှာဆို Limp Bizkit, Linkin Park, something တစ်ခုခုပေါ့။ တခြားဟာတွေ kids rock ဆိုတာတွေလဲရှိပါတယ်။

V: အော် ဟုတ်ကဲ့။ဟို ဒီ rocker တွေနဲ့ rapper တွေမှာပေါ့နော်။ rocker တွေ rapper တွေပဲလဲမဟုတ်ပါဘူး။ punk တို့၊ emo တို့ အကုန်တူတူပါပဲ။ ဒီ music အပ်ါဆွဲလမ်းပြီးတော့ပေါ့နော်။ ကွိုင် တက် ကျတာပဲ။ သူများ music ကကောင်းတယ် ကိုယ့် music က ကောင်းတယ်။ သူများ music က မကောင်းဘူး၊ ကိုယ့် music က မကောင်းဘူး၊ အဲ့မျိုးဟာတွေနဲ့ပက်သက်ပြီးတော့ အစ်ကိုတို့ရော ဘာများပြောချင်သေးလဲမသိဘူး။

Raymond: ကျွန်တော်ကတော့ ဘာမှမပြောချင်ပါဘူး။ ကိုယ်လုပ်ရင်တော့ ကိုယ်ကောင်းကြမှာပဲ။ ဟဲဟဲ အဲ့လိုပဲ ဟို သူ့ဟာနဲ့သူ လုပ်ကြတာပဲ။ အရည်အချင်းရှိတဲ့သူက ကောင်းကြတယ်၊ အရည်းအချင်းမရှိတဲ့သူကမကောင်းကြဘူး။ music နဲ့တော့ မဆိုင်ပါဘူး။ လုပ်တဲ့ ပုဂ္ဂိုလ် နဲ့ပဲဆိုင်ပါတယ်။

V: အမ် အဝတ်အစား ခုဏကပြောသလိုပေါ့နော်။ တော်တဲ့ အကျီမရှိဘူးဆို အခုကောရှိပြီလား။

Raymond: အခုက ကျွန်တော်တို့ နဲနဲ ပေါ်လာပါပြီ။

PhoeLone: extra small လေးတွေပေါ်လာပြီ (ရယ်လျှက်)။

V: ဟုတ်ကဲ့ အစ်ကိုတို့ အဲ့လိုမျိုးပဲ အမြဲဝတ်လား။ တစ်ချို့ဆိုရှိတယ်လေ၊ rapper တွေဆိုရင် အကျီအပွ၊ဘောင်းဘီအပွ ဝတ်မှ အကြပ်တွေဝတ်လို့ရှိရင် အာ မင်းကဘာလဲ။ လိုင်းကြောင်တာလား ဘာလားဆိုပြီးအဲ့လိုပြောတယ်။ အစ်ကိုတို.ကကော အဲ့လိုမျိုးတွေရှိလား။

Raymond: ကျွန်တော်တို.က အဲ့ဒီ culture ပေါ်မှာ သိပ်ပြီးတော့ အားမစိုက်ဘူးဗျ။ နဲနဲတော့ ရှိတာပေါ့။ rocker လိုနေချင်တယ်၊ rocker လိုထိုင်ချင်တယ်။ ဒါက တစ်စိပ်တစ်ပိုင်းတော့ရှိတာပေါ့ နဲနဲပါးပါး ဝတ်ချင်စားချင် ဒါပေမဲ့ အဲ့ဒီဖက်တော့ သိပ်ပြီးတော့ အရေးမစိုက်ပါဘူး။ ကျွန်တော် ရှိုးပွဲတွေဘာတွေမှာ တစ်ခါတစ်လေ အနွေးထည်နဲ့တက်ပြီး ဆိုချင်လဲဆိုတာပဲ music က အဓိကပဲပေါ့နော်။ အဲ့ဒီဖက်ကိုသိပ်အရေးမပေးဘူး။

V: အစ်ကိုတို.ရဲ့ ဟို All time favorite artist အမြဲတမ်းကြိုက်နေတဲ့ artist ကောရှိလားမသိဘူး

PhoeLone : Aerosmith

V: ကို Raymond ကကော။Raymond: Staind

V: ကိုဂျပန် .. စဉ်းစားကြည့်ပါလား …

Japan: အများကြီးဆိုတော့ ပြောရခက်နေတယ်။

V: အော်ဟုတ်။ ဟုတ်ကဲ့ ဆိုတော့ အခုတစ်လောကော ဘာသီချင်းတွေ နားထောင်ဖြစ်နေလဲမသိဘူး။

Raymond: ကျွန်တော်ကတော့ အခု အဲ့ဒီ Creed ရဲ့ Full Circle တော်တော်မိုက်တယ်။ အဲ့ album လေး ၊ တော်တော်ကြိုက်နေတယ်။ band တော်တော်များများက အဟောင်းတွေက သိပ်ထပ်မထွက်လာကြတော့ ဒီဖက်ပိုင်း band တွေလဲ သိပ်မနားထောင်ဖြစ်ဘူး။ အဲ့တော့ အခုထွက်လာတဲ့ အခုခွေလေးတော်တော်ကြိုက်တယ်။ အခု တစ် band လုံးပဲထင်တယ် အဲ့ခွေကိုတော်တော်နားထောင်ဖြစ်ပါတယ်

PhoeLone: ဟုတ်၊ new year ကတော့ dance music တွေတော့ တော်တော်နားထောင်တယ်။

V: ဟုတ်ကဲ့ ကျေးဇူးတင်ပါတယ်။ personal ဆန်တဲ့ မေးခွန်းလေးတွေ မေးမယ်နော်။ အစ်ကိုတို့က အမြဲတမ်း ဒီ music ကိုပဲ ဇောက်ချလုပ်သွားတော့မှာလား။ မအောင်မြင်ရင်ကော၊ အောင်မြင်ပြီးသွားတဲ့ အထိကော ဒီ music ကိုပဲ လုပ်သွားတော့မှာလား။ ဒါမှမဟုတ် နိင်ငံခြားကိုပဲထွက်ပြီးတော့ ပညာသင်ခရီးတွေဘာတွေသွားမလား၊ စီးပွားရေးဖက်တွေကော လိုင်းပြောင်းဖို့ရှိလား။ နဲနဲလေး အဲ့တာလေးလဲ ပရိသတ်ကြီး သိအောင်ပြောပြပေးပါဦး။

Raymond: ကျွန်တော်ကတော့ ဟို ဘယ်လိုပြောရမလဲ ပြောရရင်လဲ ကိုယ့်ပေါင်ကိုလှန်ထောင်းသလိုပဲ။ ကျွန်တော် music က လွဲပြီးဘာမှမလုပ်တတ်ဘူး(ရယ်လျက်)။ အဲဒီအတွက်ကြောင့် ဘာအစီအစဉ်မှမရှိပါဘူး။ ကျွန်တော် music ပဲလုပ်မှာပါ။ music Idiots 4အောင်မြင်သည် မအောင်မြင်သည်ဆိုတာထက် အခုဟာက ထီထိုးနေရသလိုပါပဲ။ ဘယ်ချိန်ထပေါက်မလဲဆိုတာလဲ မသိဘူး မပေါက်ဖို့ကလဲ ရာခိုင်နှိုန်းက တော်တော်များနေတယ်။ music ကလွဲပြီးလဲတခြားဟာ မလုပ်တတ်တဲ့အတွက် အဲ့တာပဲ လုပ်ဖြစ်ဖို့များပါတယ်။

V: မအောင်မြင်မချင်းပေါ့။

Raymond: မအောင်မြင်မချင်းတော့ မပြောတတ်ဘူးဗျ။

PhoeLone: အဲ့လိုလဲမဟုတ်သေးဘူးထင်။

အခုတလော ကိုတွတ်ကို လွမ်းလို့ အင်တာဗျူးအဟောင်းတွေပဲ ပြန်ရှာဖတ်နေမိတယ်…

22/08/2026

"Music ဖန်တီးတာကအစ IDIOTS သီချင်းကို IDIOTS Band နဲ့ တီးမှ IDIOTS သီချင်းအတိုင်း ကြားရမှာ။ တခြား Band နဲ့ တခြားလူဆိုလို့ရှိရင် အဲ့ဒီအသံ လုံးဝမထွက်စေရဘူး။ အာမခံတယ်။

ဒါက unique ဖြစ်အောင် လုပ်ထားတာပါ။ Band ဆိုတဲ့ အနှစ်သာရ အဓိက အဲ့ဒါပဲ။ ဘယ်လိုပဲ တူအောင် ဆိုနိုင်ပါစေ မူရင်းကတော့ မူရင်းပဲ။ ဒါတော့ ခံစားမှုနဲ့လည်း ဆိုင်တာပေါ့။ Chester နဲ့ ဘယ်လိုပဲ တူအောင် တုဆိုနိုင်ပါစေ။ Chester ကတော့ Chester ပါဘဲ။"

- ရေမွန် (IDIOTS)

22/08/2026

သူတို့ကျေးဇူးကြောင့် ရော့ခ်ဂီတကို အရူးအမူး ခံစားတတ်လာတာလို့ ဆိုရမယ်။ အများကြီးမှ အများကြီးပဲ ချရေးရင် ကုန်မှာမဟုတ်ဘူး။ ကျနော်အတွက် အထိမိဆုံးကတော့ Pink Floyd ပဲ။ လက်လှမ်းမှီသလောက် ချရေးကြည့်မယ်။

Led Zeppelin, Deep Purple, Black Sabbath, AC/DC, Aerosmith, Guns N’ Roses, KISS, Van Halen, Queen, The Rolling Stones, The Who, Scorpions, Bon Jovi.

ဟက်ဗီမက်တယ်မှာဆို Metallica, Iron Maiden, Judas Priest, Megadeth, Slayer, Anthrax, Motörhead, Pantera, Dio နဲ့ Dream Theater တို့ပေါ့။

အော်ဒါနေးသစ်မှာဆို Pearl Jam, Soundgarden, Alice in Chains, Radiohead, Muse, The Cranberries, The Offspring. နူးမက်တယ်မှာတော့ Korn တို့ Limp Bizkit တို့ Deftones တို့ Evanescence တို့ပေါ့။

မက်တယ်ကော်မှာဆို Trivium ရယ် Bring Me the Horizon နဲ့ Bullet for My Valentine က မပါမဖြစ်ဘဲ။ ပန့်ရော့ခ်မှာဆို Green Day, The Ramones, S*x Pistols, The Clash, Blink-182, Sum 41, MCR လည်း ဒီထဲထည့်လိုက်မယ်။

Post Grunge မှာတော့ Three Days Grace, Breaking Benjamin, Seether, 3 Doors Down တို့ကို ကြွေတယ်။ ကျန်သေးတယ် အများကြီးပဲ။ ပြည်တွင်းမှာဆို Emperor တို့ Antibiotics တို့ Fever 109 တို့ Drive တို့ Velocity တို့ နားထောင်ဖြစ်တယ်။ အပန်းမကြီးရင် လူငယ်ဘဝမှာ ကိုယ်ကြီးပြင်းလာခဲ့တဲ့ Band တွေ ရှိရင်လည်း ရေးပေးသွားပါဦး။

ဆက်ရန်…

22/08/2026

ပြည်တွင်းဝိုင်း Reason တို့ရဲ့ "My Cherry" လို့အမည်ရတဲ့ သီချင်းအသစ်တစ်ပုဒ် မကြာခင် ထွက်လာဖို့ ရှိပါတယ်။ MV ကတော့ အဆိုတော် အောင်လ ကိုယ်တိုင် သရုပ်ဆောင်ထားပါတယ်။ စာသားတွေအရတော့ အောင်လ ရေးတာပဲ ဖြစ်မှာပါ။

သူ့ရဲ့ ဖြစ်ရပ်မှန် သီချင်းအသစ်တစ်ပုဒ်လို့ ပြောပါတယ်။ တစ်ဆက်ထဲ ထွက်လာရင် မဖြစ်မနေ အားပေးကြဖို့ လက်တို့လိုက်ပါရစေ။ သီချင်းထုတ်စက်ကတော့ သီချင်းထုတ်စက်ပါပဲ။ တစ်နှစ်ထဲမှာ စီးရီးတစ်ခွေတောင် ထုတ်လို့ရနေပြီ။ ဘာဖြစ်ဖြစ် မိုက်တယ်။

22/08/2026

သွားနှင့်တော့ ကိုကိုင်ဇာရေ…

ကျွန်တော်တို့ ချစ်ရတဲ့ တေးရေး/ တေးဆို ကိုင်ဇာ ယနေ့ ညနေပိုင်း ရန်ကုန်မြို့ရဲ့ ဝီတိုရိယဆေးရုံမှာ ဆေးကုသမှာ ခံယူနေစဉ် ကွယ်လွန်ခဲ့တာလို့ သိရပါတယ်။ ကျွန်တော်တို့ လူငယ်ဘဝတွေမှာ သူ့သီချင်းတွေနဲ့ လွတ်ကင်းတဲ့သူ မရှိသလောက်ပါပဲ။

သူကွယ်လွန်ချိန််မှာ အသက် (၆၅) နှစ်ပါ။ ကိုကိုင်ဇာရဲ့ စျာပနာကို စီစဉ်နေဆဲဖြစ်လို့ နီးစပ်ရာ မိသားစုထံမှ သိရရင် ထပ်မံကြေညာပေးပါမယ်။ အိမ်တော်မှာ ငြိမ်ချမ်းစွာ အနားယူပါ ဦးညီ။

22/08/2026

ပြည်တွင်း ဝါရင့်အဆိုတော် ကိုင်ဇာ အဆုတ်ထဲပိုးဝင်ပြီး ဒီနေ့ အသက် (၆၅) နှစ်အရွယ်မှာ ကွယ်လွန်ခဲ့ပါတယ်။ ဦးညီ ကွယ်လွန်ကြောင်း ကြားသိရတဲ့အတွက် များစွာ စိတ်မကောင်းဖြစ်ရပါတယ်။ စိတ်ကူးယဉ်မင်းသား၊ အရမ်းလွမ်းနေပြီ၊ မနိုးပါစေနဲ့မိုးရယ် စတဲ့ ဘယ်တော့မှ မသေဆုံးတဲ့ သီချင်းတွေ ဖန်တီးပေးခဲ့လို့ ကျေးဇူးပါ။

ကောင်းရာသုကတိလားပါစေ ဦးညီ 😔
Thank you for the music!

Rock Music World

23/08/2026

23/08/2026

23/08/2026

23/08/2026

22/08/2026

22/08/2026

22/08/2026

22/08/2026

22/08/2026

22/08/2026

Address

Website

Alerts

Shortcuts

Share

Category

Listing takedown request