Gawad Bagong Bagani

14/05/2025

HULI MAN DAW AT MAGALING NAIHAHABOL DIN!!!

Sa wakas ay matutuloy na po ang outreach project ng United Royal Houses of the Philippines (URPH) sa pakikipagtulungan ng Kiwanis International QC Diliman Light Bearers para sa programang PAG-IBIG AT KALINGA SA KATUTUBO kung saan iikot ang lahat ng bumubuo ng Gawad Bagong Bagani sa pangunguna ng URPH at ng Kalinangan TV upang magbigay ng serbisyong pangkalusugan at pang-edukasyon.

Maraming salamat sa patuloy na pagtitiwala sa Gawad Bagong Bagani!

PAG-IBIG AT KALINGA SA KATUTUB**G DUMAGAT REMONTADO

Bukas, ilan sa mga batang Dumagat Remontado ang mapapaligaya ng Kiwanis International QC Diliman Light Bearers sa pakikipagtulungan ng Kalinangan TV, Gawad Bagong Bagani ng United Royal Houses of the Philippines, Hotel Sogo, at mga bumubuo ng Mother's Day Dance Cup program.

Maraming salamat po sa lahat ng mga nagsusuporta sa Kalinangan TV lalo na sa mga nagpapalagay ng kanilang mga patalastas sa aming mga bidyo at websites. Dahil sa pagtangkilik niyo sa Kalinangan TV at Poloin Digital Marketing Services, nagagawa naming makatulong sa mga organisasyong tulad ng Kiwanis International QC Diliman Light Bearers sa kanilang mga programang pangkawanggawa.

Sa mga nais makatulong sa adbokasiyang ito ng Kalinangan TV i-klik lang ang "call now" sa baba...

21/01/2025

LUNGSOD QUEZON HAKOT AWARD SA 2024 GAWAD BAGONG BAGANI.

Humakot ng pagkilala sa katatapos lang na 2024 Gawad Bagong Bagani ang Lungsod Quezon. Kahapon, Lunes, Enero 20, 2025 pormal nang naiabot ni Baron Rjhay Laurea, tagapangulo ng Gawad Bagong Bagani, ang mga pagkilalang natanggap ng Lungsod Quezon na kinabibilangan ng mga sumusunod:

BAGANI NG BAYAN:
1. Mayor Joy Belmonte
2. National Economic Protectionism Association

BAGONG BAGANI:
1. Pamahalaang Lungsod Quezon
2. Congressman Arjo Atayde
3. Councilor Dorothy "Doray" Delarmente
4. Councilor Bernard Herrera
5. G. Vladimir Estocado
6. Quezon City Photo Club

KAMPILAN NG BAGONG BAGANI:
1. Councilor Charm Ferrer

16/01/2025

DOBLENG PAGKILALA PARA KAY SENADOR RAMON "B**G" REVILLA, JR.

Dobleng pagkilala ang natanggap ni Senador Ramon "B**g" Revilla, Jr., sa Gawad Bagong Bagani matapos nga na kilalanin siya bilang KAMPILAN NG BAGONG BAGANI noong Disyembre 2024 bilang isang mambabatas na nagsulong ng mga batas na nangangalaga sa ating katutubong kultura, sining, tradisyon, pamanang lahi at kasaysayan. Nauna na siyang ginawaran ng pagkilala bilang isang aktor noong 2020 kung saan kinilala siyang BAGONG BAGANI sa kanyang pagganap sa mga karakter na nagpapamalas ng pagkamakabayan at patriotismo. Pormal na iniabot ni Baron Rjhay E. Laurea, tagapangulo ng Gawad Bagong Bagani at kinatawan ng United Royal Houses of the Philippines ang mga PLAKE NG PAGKILALA kasama ang Kalinangan TV Team.


**gRevillaJr

16/01/2025

BARANGAY STO. CRISTO SA LUNGSOD QUEZON WAGI BILANG KAMPILAN NG BAGONG BAGANI.

Kinilala ang Barangay Sto. Cristo ng Lungsod Quezon bilang KAMPILAN NG BAGONG BAGANI ng Gawad Bagong Bagani at ng United Royal Houses of the Philippines bunsod ng mga naging programa at polisiya na ipinatupad nito na nagsusulong ng katutubong kultura, sining, tradisyon, at pamanang lahi. Ang PLAKE NG PAGKILALA ay iginawad ni Baron Rjhay E. Laurea, tagapangulo ng Gawad Bagong Bagani, at tinanggap ni PB Mac Navarro at ng buong Sangguniang Barangay.

16/01/2025

PUNONG BARANGAY VICTOR "JUN" FERRER, JR., ISA SA GINAWARAN NG PAGKILALANG BAGONG BAGANI NGAYONG 2024. Kamakailan ay tinanggap ni Bishop Fernando Lee, staff ni PB Victor "Jun" Ferrer, Jr., ng Barangay Bahay Toro, Lungsod Quezon, ang pagkilalang BAGONG BAGANI na iginawad ng Gawad Bagong Bagani at ng United Royal Houses of the Philippines noong Disyembre 2024. Ang liaison officer ng Gawad Bagong Bagani at Kalinangan TV na si Arvy Mallapre ang nag-abot ng pagkilala.

16/01/2025

PLAKE NG PAGKILALA NG PREMYADONG AKTRES NA SI GLAIZA DE CASTRO, NAIBIGAY NA SA KANYANG PAMILYA MATAPOS NG 4 NA TAON.

Sa wakas ay naiabot na sa pamilya ng aktres na si Glaiza de Castro ang kanyang PLAKE NG PAGKILALA bilang BAGONG BAGANI na kanyang natamo noong 2020 GAWAD BAGONG BAGANI dahil na rin sa pagganap niya bilang mga bayaning sina Gregoria de Jesus at Gabriela Silang, gayundin ang iba pang pagganap niya bilang Binayaan sa seryeng "Amaya" at Pirena sa 'Engkatadia'. Tinanggap ng kanyang ina na si Cristy Galura ang plake mula kay Baron Rjhay E. Laurea na tagapangulo ng Gawad Bagong Bagani at kinatawan ng United Royal Houses of the Philippines.

16/01/2025

GAWAD BAGONG BAGANI NAGPASALAMAT SA GREAT EASTERN HOTEL

Nagpahayag ng kanilang taos pusong pasasalamat ang pamunuan ng Gawad Bagong Bagani sa Great Eastern Hotel sa napakagandang serbisyo at suportang ibinigay nito sa katatapos lamang na 2024 Gawad Bagong Bagani Gabi ng Parangal. Bunsod nito, iniabot ni Baron Rjhay E. Laurea, tagapangulo ng Gawad Bagong Bagani ang KATIBAYAN NG PASASALAMAT sa itinakdang kinatawan ng hotel sa isinagawang programa noong Disyembre 15, 2024.

26/12/2024

PAGBATI sa BINI_ph na itinalagang BAGONG BAGANI matapos makakuha ng 91% kabuuang puntos sa IKA-4 NA GAWAD BAGONG BAGANI!

26/12/2024

PAGBATI sa SB19 na itinalagang BAGONG BAGANI matapos makakuha ng 78% kabuuang puntos sa IKA-4 NA GAWAD BAGONG BAGANI!

26/12/2024

PAGBATI sa ALAMAT na itinalagang BAGONG BAGANI matapos makakuha ng 75% kabuuang puntos sa IKA-4 NA GAWAD BAGONG BAGANI!

26/12/2024

PAGBATI sa EAT BULAGA ng TVJ PRODUCTIONS na itinalagang BAGONG BAGANI matapos makakuha ng 95% kabuuang puntos sa IKA-4 NA GAWAD BAGONG BAGANI!

26/12/2024

PAGBATI sa LUNGSOD QUEZON na itinalagang BAGONG BAGANI matapos makakuha ng 93% kabuuang puntos sa IKA-4 NA GAWAD BAGONG BAGANI!