Gadgad Press

02/06/2026

𝓡𝓮𝓪𝓭 𝓛𝓸𝓬𝓪𝓵, 𝓡𝓮𝓿𝓲𝓮𝔀 𝓛𝓸𝓬𝓪𝓵 #111 𝓑𝓸𝓸𝓴 𝓖𝓲𝓿𝓮𝓪𝔀𝓪𝔂

𝐊𝐚𝐩𝐚𝐠 𝐇𝐢𝐧𝐝𝐢 𝐋𝐚𝐧𝐝𝐢
𝐧𝐢 𝐂𝐡𝐫𝐢𝐬𝐭𝐢𝐚𝐧 𝐑𝐚𝐲𝐧𝐞𝐫𝐚

📚📚

Giveaway Terms/Mechanics:
👉 Follow Nakita sa Booksale pero Hindi Binili
👉 Follow Gadgad Press
👉 Share this post.
👉 Once done, comment below.

👉𝐖𝐢𝐧𝐧𝐞𝐫𝐬 𝐜𝐚𝐧 𝐤𝐞𝐞𝐩 𝐭𝐡𝐞 𝐛𝐨𝐨𝐤.

👉 𝐌𝐚𝐲 𝐤𝐚𝐩𝐚𝐥𝐢𝐭 𝐧𝐚 𝐫𝐞𝐛𝐲𝐮 𝐧𝐠 𝐥𝐢𝐛𝐫𝐨 (book review) 𝐚𝐧𝐠 𝐩𝐚𝐠𝐤𝐚𝐩𝐚𝐧𝐚𝐥𝐨. Minimum of 300 words in Filipino or English or mixed. Walang susunding format sa rebyu. Ang importante ay orihinal, hindi AI, at hindi kinopya kung saanman.

👉 𝐊𝐚𝐢𝐥𝐚𝐧𝐠𝐚𝐧𝐠 𝐢-𝐩𝐚𝐝𝐚𝐥𝐚 𝐯𝐢𝐚 𝐏𝐌 𝐚𝐧𝐠 𝐫𝐞𝐯𝐢𝐞𝐰 𝟐-𝟑 𝐰𝐞𝐞𝐤𝐬 𝐚𝐟𝐭𝐞𝐫 𝐦𝐚𝐭𝐚𝐧𝐠𝐠𝐚𝐩 𝐚𝐧𝐠 𝐥𝐢𝐛𝐫𝐨. Pwede akong magbigay ng extension kung kinakailangan. Basta sabihan lang ako (via PM). I-baban sa Page ang hindi makakasubmit ng rebyu at hindi na makasasali sa future giveaways.

👉 Five (5) winners. Random ang pagpili sa winner, gamit ang Facebook Random Comment Picker. Iaanunsyo ang winner sa 𝐉𝐮𝐧𝐞 𝟏𝟎.

👉Open to PH residents only. The winner must be willing to share their shipping details for shipping purposes.

👉𝐁𝐚𝐰𝐚𝐥 𝐬𝐮𝐦𝐚𝐥𝐢 𝐚𝐧𝐠 𝐦𝐚𝐲 𝐮𝐭𝐚𝐧𝐠 𝐩𝐚 𝐧𝐚 𝐫𝐞𝐯𝐢𝐞𝐰.

29/04/2026

𝘙𝘦𝘢𝘥 𝘓𝘰𝘤𝘢𝘭, 𝘙𝘦𝘷𝘪𝘦𝘸 𝘓𝘰𝘤𝘢𝘭 #103 | 𝘉𝘰𝘰𝘬 𝘙𝘦𝘷𝘪𝘦𝘸 #331 | 𝘙𝘦𝘣𝘺𝘶 𝘯𝘪 𝘑𝘰𝘴𝘩𝘶𝘢 𝘚𝘢𝘳𝘯𝘰

𝐏𝐫𝐨𝐭𝐞𝐬𝐭𝐮𝐥𝐚 𝐚𝐭 𝐈𝐛𝐚 𝐏𝐚𝐧𝐠 𝐊𝐨𝐧𝐭𝐫𝐚-𝐇𝐞𝐠𝐞𝐦𝐨𝐧𝐢𝐲𝐚
𝐧𝐢 𝐁𝐢𝐥𝐥𝐲 𝐈𝐛𝐚𝐫𝐫𝐚

📚📚📚

Sa tinipong mga isinulat ni Ibarra noon pang 2016-2023, pinapaksa ang karanasan ng pinakabatayang sektor ng ating lipunan.
Ipinaranas sa 52 tula ang buhay ng mga magsasaka, mangingisda, manggagawa, kabataan, estudyante, at maralitang tagalungsod. Katunggalian nila ang hegemoniya o ang panlipunan, pangkultura, ideolohikal, o pang-ekonomiyang impluwensyang dulot ng isang naghaharing grupo.

Nagsisimula ang koleksyon sa “Sa Iyo ang Daigdig” na pumapaksa sa pagiging inosente. Sa gitna, lumulukso-lukso ang mga tula – sa mga “Lumad sa Lungsod” at ang kwento ng kanilang pag-alis mula sa kinagisnan nilang lupa dulot ng militarisasyon at paninira sa likas-yaman, hanggang sa “Tatlumpung Taon” na pag-alaala sa Mendiola Massacre. Tatapusin ang koleksyon ng mala-manipestong “Tagapaglikha ng Kasaysayan.”

Guide ko sa pagbabasa ang “Paano nga ba inilalarawan ng manunulat ang buhay at ang lipunan?” Vividly violent, violently vivid ang ginagalawang mundo ng koleksiyon ni Ibarra. Tinalakay niya ang pinakamaiinit na usapin gaya ng mga panloloko at pandarahas noong Batas Militar, jeepney phaseout, agawan ng mga isla sa West Philippine Sea, desaparecidos, political detainees, Malisbong Massacre, Endo, mga demolisyon sa lungsod, at pang-aagaw sa mga lupain ng mga magsasaka’t katutubo.

Kahit na payak ang mga talinghaga at may gaang ang wika ng Protestula, may ilan akong puna. Una, sa ilang mga tula (hal. “Nang Dahil sa Pag-igib”), pilit ang tugmaan. Nag-free verse na lang sana ang manunulat. Ikalawa, may mga parang matulaing prosa (hal. “Isang Umaga”) na mas maayos kung iba ang pagkaka-structure ng mga taludtod. Ikatlo, may pagka-didactic at motherhood statements na dating ang mga tula.

May binabagayan din ang inilathala ni Billy Ibarra at ng Gadgad Press. Kung akademiko ang mambabasa, baka hanapan niya ng estetika ng tula ang koleksyon. Baka ma-bore siya dahil paulit-ulit ang ilan sa mga paksa at paraan ng paglalahad sa mga paksa sa aklat. Ngunit para sa mga lumalaban sa lansangan at picket line, walang pretensyon at walang takot ang paglalahad ni Ibarra sa mga saknong at taludtod.

Simple lang, sinasalamin ng mga paulit-ulit na paksa at pagpapaksa ng 55 pahinang gawa ni Ibarra ang siklo ng karanasan ng mga nasa pinakabatayang sektor ng lipunan, ang siklong ninanais ng awtor na mawakasan na.
Maganda rin ang pabalat na idinisenyo ni C.L. Balagoza. Makikita rito ang likhang sining ni Resty Cruz Flores na isang kamao sa harapan at isang itak o tabak sa likuran ng pabalat. Na parang inaanyayahan ang mga tapang nating basahin ang Protestula.

--

24/04/2026

Walang bibitaw sa buong araw na talakan!

14/04/2026

Pagbati sa University of Rizal System Antipolo Campus-Kolehiyo ng Edukasyon at Kapulungang Filipino sa kanilang unang book talakayan. Nagagalak ang Gadgad Press na nakasama sa mga aklat na inyong tinalakay ang Protestula at iba pang kontra-hegemoniya ni Billy Ibarra. Maraming salamat sa inyong pagtangkilik sa aming munting publishing.

13/04/2026

📖 𝐁𝐎𝐎𝐊 𝐓𝐀𝐋𝐀𝐊𝐀𝐘𝐀𝐍 📖
𝙆𝙖𝙢𝙥𝙪𝙨 𝘽𝙤𝙤𝙠 𝙏𝙖𝙡𝙖𝙠𝙖𝙮𝙖𝙣: 𝙈𝙜𝙖 𝙈𝙖𝙣𝙪𝙣𝙪𝙡𝙖𝙩 𝘽𝙞𝙡𝙖𝙣𝙜 𝙈𝙖𝙣𝙡𝙞𝙡𝙞𝙠𝙝𝙖

📣 𝗞𝗶𝗹𝗮𝗹𝗮𝗻𝗶𝗻 | 𝗠𝗴𝗮 𝗣𝗮𝗻𝗮𝘂𝗵𝗶𝗻𝗴 𝗧𝗮𝗴𝗮𝗽𝗮𝗴𝗯𝗮𝗵𝗮𝗴𝗶

Kaakibat ng pagdiriwang sa Buwan ng Panitikan na may temang, “𝗕𝗲𝗸ë𝘁 𝗣𝗮𝗻𝗶𝘁𝗶𝗸𝗮𝗻: 𝗣𝗮𝗻𝗶𝘁𝗶𝗸𝗮𝗻 𝗻𝗴 𝗞𝗮𝘁𝘄𝗶𝗿𝗮𝗻 𝗮𝘁 𝗞𝗮𝗹𝗶𝗸𝗮𝘀𝗮𝗻,” inimbitahan ang mga kagalang-galang na mga panauhing tagapagbahagi na sina 𝗚. 𝗥𝗼𝗺𝗺𝗲𝗹 𝗕𝗼𝗻𝘂𝘀, 𝗕𝗯. 𝗞𝗶𝗺 𝗗𝗲𝗿𝗹𝗮 at 𝗚. 𝗕𝗶𝗹𝗹𝘆 𝗜𝗯𝗮𝗿𝗿𝗮. Abangan ang isang makabuluhang talakayan tungkol sa masusing pagsusuri, pag-unawa at pagpapahalaga sa mga akdang sinulat ng mga nabanggit na awtor.

Samahan kami sa darating na 𝗔𝗯𝗿𝗶𝗹 𝟭𝟰, 𝟮𝟬𝟮𝟲 (𝟴:𝟬𝟬 𝗡𝗨 - 𝟭𝟭:𝟯𝟬 𝗡𝗨) sa 𝗨𝗻𝗶𝘃𝗲𝗿𝘀𝗶𝘁𝘆 𝗼𝗳 𝗥𝗶𝘇𝗮𝗹 𝗦𝘆𝘀𝘁𝗲𝗺 - 𝗔𝗻𝘁𝗶𝗽𝗼𝗹𝗼, 𝗖𝗢𝗘 𝗙𝗶𝗲𝗹𝗱.

Kita-kits! Makidalo at ipakita ang aktibong partisipasyon sa iba't ibang aktibidad sa paggunita sa Buwan ng Panitikan. 🤝🤎






✍️: Justine Nicole Olchondra
🖼: Justine Nicole Olchondra & Eunice Alyson Lucena

03/04/2026

𝘉𝘰𝘰𝘬 𝘙𝘦𝘷𝘪𝘦𝘸 #320 | 𝘙𝘦𝘣𝘺𝘶 𝘯𝘪 𝘔𝘢𝘳𝘬 𝘑𝘢𝘺𝘴𝘰𝘯 𝘙𝘢𝘮𝘢𝘭𝘦𝘴

𝐊𝐚𝐩𝐚𝐠 𝐇𝐢𝐧𝐝𝐢 𝐋𝐚𝐧𝐝𝐢
𝐧𝐢 𝐂𝐡𝐫𝐢𝐬𝐭𝐢𝐚𝐧 𝐑𝐚𝐲𝐧𝐞𝐫𝐚

📚📚📚

Kung tutuosin, nalaman ko lang kung patungkol saan itong mga tula sa Kapag Hindi Landi nang simulan ko na itong basahin. Sa kabila ng pink nitong pabalat at magkahawak-kamay na pares, lumalayo na pala ang mga tula sa pagroromansa.

Napagtanto ko, matapos ang unang parte, na ang mga tula rito ay tila lagusan patungo sa kaisipan ng may-akda. Isa itong salamin kung pano siya mag-obserba at magbigay ng kahulugan sa bawat detalye ng buhay—kanya mang sariling danas o ng iba.

Ang pagtula ni Christian Raynera ay parang bunga ng nagtalik na pagsasalaysay at pagtutula. Manghang-mangha ako rito sapagkat ito yung matagal ko nang uri ng tula na gusto maisulat, at dito, sa wakas, nakita ko rin kung pano ito tahimik na pumupukaw ng damdamin. Ang makapagkuwento at hayaan ang mambabasa na magkaroon ng kaniyang pansariling kahulugan, ganito ko rin gustong tumula.

Napakalapit sa akin ng unang parte nitong koleksyon na "Kay Jimmy Sr.". Siguro nga, tungkol talaga itong libro sa kapag hindi na landi ang umiiral sa atin. Dahil pagkatapos ng paglalandi, nabubuo kalaunan ang pagmamahal, at ang pagmamahal, nagbubunga ng mas marami pang pagmamahal. Marahil, kapag taglay na natin itong pagmamahal, magkakaroon na rin tayo ng espasyo para sa mga bagay na likas na nasa labas ng ating personal na danas. Lalo na ngayon, mas importanteng makisangkot tayo sa hindi mabilang na delubyong dulot ng kapwa tao rin sa kinabibilangang mundo.

May oras para maglandi-landi, pero kailangan rin nating malagpasan ito, mag-obserba sa lipunan, at tanungin ang sarili: Sa aling klaseng lipunan magbubunga ng mas marami pang pagmamahal ang mga pagmamahal na nabuo na natin ngayon?

at ang mas mahalaga: Anong pwede nating gawin upang maisakatotohanan ang lipunang ito?

---

26/03/2026

RESPONDE!

---



Responde
Normal Wilwayco
Gadgad Press

"Paano nga ba natin haharapin ang mga paksang mas madaling iwasan kaysa pag-usapan? Paano bubuksan ang mata ng kamalayan sa mga katotohanang masakit tanggapin — sa karahasan, kasakiman, at sa unti-unting pagguho ng ating mga muwang? Maraming paraan upang gawin ito, ngunit para sa akin, bilang isang mambabasa, isa sa pinakamatapang at pinakamabisang daluyan ang panitikan.

Ito ang malinaw na iginiit ng Responde ni Normal Wilwayco — na ang literatura ay hindi lamang salamin ng lipunan, kundi isa ring instrumento upang guluhin, gisingin, at hamunin ang ating pananahimik. Sa koleksyong ito ng labindalawang maikling kuwento, wala itong pag-iwas sa realidad. Sa halip, buong tapang nitong inilalantad ang iba’t ibang mukha ng karahasang dinaranas ng mga nasa laylayan.

Unang nailathala noong 2007, tinatalakay ng mga kuwento ang mga temang umiikot sa droga, kahalayan, pangarap na nauwi sa wala, at iba pang anyo ng pagkasira — ng katawan, ng dangal, ng pag-asa. Ngunit higit pa sa mga indibidwal na trahedya, malinaw ang mas malalim na ugat na pinag-uugatan ng lahat: ang sistemikong kahirapan at talamak na korapsyon na tila paulit-ulit na bumibigo sa mamamayan.

Aaminin ko: hindi naging madali para sa akin ang pagbabasa ng koleksyong ito. Bilang isang babae, may mga bahaging mabigat dalhin at mahirap sikmurain. Walang satisfying na resolusyon ang mga kuwento. Walang katarungang ibinibigay sa dulo upang pagaanin ang loob ng mambabasa. Sa halip, ang iniaalok ay isang bukas na sugat, isang sitwasyong hinahayaan kang tumitig, kahit masakit. At marahil, iyon mismo ang punto: sapagkat sa tunay na buhay, hindi rin naman laging may malinaw na wakas o agarang hustisya.

Sa kabuuan, ang Responde ay hindi madali, ngunit mahalagang akda sa kasalukuyang panahon. Kung isa kang mambabasang handang harapin ang madilim at masalimuot na bahagi ng ating lipunan, iyong hindi naghahanap ng maginhawang pagtatapos, maaari itong maging makabuluhang karanasan para sa iyo. Sapagkat sa tamang mambabasa, ang ganitong uri ng akda ay hindi lamang binabasa; ito’y pinagninilayan, dinadala, at sana, isinasabuhay ang mga tanong na iniiwan nito."

— Kat on the Jellicoe, Feb 2026

Responde
Normal Wilwayco
Gadgad Press

"Paano nga ba natin haharapin ang mga paksang mas madaling iwasan kaysa pag-usapan? Paano bubuksan ang mata ng kamalayan sa mga katotohanang masakit tanggapin — sa karahasan, kasakiman, at sa unti-unting pagguho ng ating mga muwang? Maraming paraan upang gawin ito, ngunit para sa akin, bilang isang mambabasa, isa sa pinakamatapang at pinakamabisang daluyan ang panitikan.

Ito ang malinaw na iginiit ng Responde ni Normal Wilwayco — na ang literatura ay hindi lamang salamin ng lipunan, kundi isa ring instrumento upang guluhin, gisingin, at hamunin ang ating pananahimik. Sa koleksyong ito ng labindalawang maikling kuwento, wala itong pag-iwas sa realidad. Sa halip, buong tapang nitong inilalantad ang iba’t ibang mukha ng karahasang dinaranas ng mga nasa laylayan.

Unang nailathala noong 2007, tinatalakay ng mga kuwento ang mga temang umiikot sa droga, kahalayan, pangarap na nauwi sa wala, at iba pang anyo ng pagkasira — ng katawan, ng dangal, ng pag-asa. Ngunit higit pa sa mga indibidwal na trahedya, malinaw ang mas malalim na ugat na pinag-uugatan ng lahat: ang sistemikong kahirapan at talamak na korapsyon na tila paulit-ulit na bumibigo sa mamamayan.

Aaminin ko: hindi naging madali para sa akin ang pagbabasa ng koleksyong ito. Bilang isang babae, may mga bahaging mabigat dalhin at mahirap sikmurain. Walang satisfying na resolusyon ang mga kuwento. Walang katarungang ibinibigay sa dulo upang pagaanin ang loob ng mambabasa. Sa halip, ang iniaalok ay isang bukas na sugat, isang sitwasyong hinahayaan kang tumitig, kahit masakit. At marahil, iyon mismo ang punto: sapagkat sa tunay na buhay, hindi rin naman laging may malinaw na wakas o agarang hustisya.

Sa kabuuan, ang Responde ay hindi madali, ngunit mahalagang akda sa kasalukuyang panahon. Kung isa kang mambabasang handang harapin ang madilim at masalimuot na bahagi ng ating lipunan, iyong hindi naghahanap ng maginhawang pagtatapos, maaari itong maging makabuluhang karanasan para sa iyo. Sapagkat sa tamang mambabasa, ang ganitong uri ng akda ay hindi lamang binabasa; ito’y pinagninilayan, dinadala, at sana, isinasabuhay ang mga tanong na iniiwan nito."

— Kat on the Jellicoe, Feb 2026