Matanglawin Ateneo

Matanglawin Ateneo Opisyal na Pahayagang Pangmag-aaral ng Ateneo de Manila. Para sa malaya at mapagpalayang pamamahayag.

'PH NOT FOR SALE'MGA LARAWAN: Mariing nanindigan ang mga multisektoral na grupo sa kabila ng marahas na pagharang at pag...
10/09/2026

'PH NOT FOR SALE'

MGA LARAWAN: Mariing nanindigan ang mga multisektoral na grupo sa kabila ng marahas na pagharang at pag-aresto ng mga kapulisan sa ikinasa nilang iglap-protesta laban sa Pax Silica ngayong Huwebes, ika-10 ng Setyembre, sa Grand Hyatt Hotel sa Bonifacio Global City, Taguig.

Hindi bababa sa 27 na raliyista ang sugatan sa nangyaring gitgitan ayon sa grupong Kalikasan People’s Network for the Environment.

Isinabay ng mga grupo ang kanilang protesta sa nagaganap na Luzon Economic Corridor (LEC) Investors Forum sa loob ng hotel upang tutulan ang mga proyektong naglalaan ng malaking oportunidad para sa mga dayuhang kumpanya sa bansa.

Dumalo rin si Pangulong Ferdinand Marcos Jr. sa naturang forum, na higit pang nagpatindi sa panawagan ng mga grupo na itigil ang pagiging sunud-sunuran ng administrasyon sa imperyalistang U.S., at pananamantala sa lupaing ninuno at likas-yaman ng bansa.

Kuha nina Cheska Parungao, Gabriel Calica, at Marty Apuhin

10/09/2026

PANOORIN: Marahas na hinarangan ng mga kapulisan ang mga mamamahayag na kinukuhanan ang kilos-protesta sa labas ng Grand Hyatt Hotel sa Bonifacio Global City, Taguig ngayong Huwebes, ika-10 ng Setyembre.

Matapos ipaliwanag na mamamahayag ang mga naturang indibidwal, pinagbantaan ng mga kapulisan na “obstruction of justice” ang pagdodokumento at binalaang kakasuhan ang mga ito.

Kabilang sa pinagbantaan ang mga mamamahayag ng Matanglawin Ateneo na kinukuhanan ang naturang protesta, kung saan lumalabag ang mga kapulisan sa Campus Journalism Act of 1991 (RA No. 7079) na nagbibigay karapatan sa mga mamamahayag laban sa institutional censorship.

PAGLILINAW NG PATNUGOT: Binagalan ang bidyo upang bigyang-diin ang insidenteng naganap.

Kuha ni Gabriel Calica

I HANGGANG DISYEMBRE na lamang ang ibinigay na palugit ng pamahalaan sa mga katutubo ng Gitnang Luzon na sapilitang pa...
10/09/2026

I HANGGANG DISYEMBRE na lamang ang ibinigay na palugit ng pamahalaan sa mga katutubo ng Gitnang Luzon na sapilitang paaalisin sa kanilang mga lupaing ninuno upang bigyang-daan ang pagpapatayo ng Pax Silica at iba pang proyekto ng pamahalaan at malalaking korporasyon.

Sa isang panayam ng Matanglawin Ateneo kahapon, ika-9 ng Setyembre, ibinunyag ni Rika Torres, kinatawan ng Mansaway, lokal na organisasyon ng mga Ayta, na walang natanggap na anumang abiso ang mga apektadong pamayanan bago ilunsad ang mga nasabing proyekto.

Kaugnay nito, wala rin umanong konkretong plano ang pamahalaan hinggil sa malilipatan ng mga katutubong komunidad na muling nahaharap sa banta ng relokasyon matapos ang mga naunang proyekto tulad ng New Clark City.

“Gusto yata ng gobyerno na magkalat kaming katutubo sa lansangan… ilegal ang ginawa sa amin dahil wala pa po[ng] court order ng writ of demolition ex*****on. Dinemolish na po kami, nilagyan na po kami ng sangkaterbang security na galing po sa Reserved Army, mga private security,” hayag ni Torres.

Dagdag dito, idinetalye rin ng kinatawan ang iba’t ibang kaso ng demolisyon, pagbaha, banta sa seguridad, at kawalan ng hanapbuhay na kinakaharap ng mga katutubo dulot ng mga itinayong minahan sa mga naturang bahagi ng Luzon.

Patuloy naman ang pakikiisa ng iba’t ibang samahan upang ipaglaban ang karapatan ng mga katutubo at kondenahin ang patuloy na pangangamkam sa mga lupaing ninuno.

Sulat ni Psalm Arriola

10/09/2026

PANOORIN: Tatlong paralegal ang ilegal na inaresto sa gitna ng iglap-protesta na ginanap sa Grand Hyatt Hotel sa Bonifacio Global City, Taguig kasabay ng pagbubukas ng Luzon Economic Corridor (LEC) Investment Forum ngayong Huwebes, ika-10 ng Setyembre.

Natukoy ang mga indibidwal na sina Jona Yang at Mara Peralta kasama ang estudyante ng Unibersidad ng Pilipinas-Diliman na si Kenneth Castro. Naaresto ang tatlo habang nagpapaabot ng tulong sa mga nagpprotesta at kalaunang dinala sa Taguig City Police Station.

Samantala, dalawa pang paralegal ang hiwalay na inaresto sa loob ng Taguig City Police Station. Kinilala ang mga ito bilang sina Daya Juliano and RC Placido na magsisilbi sanang legal counsel nina Yang, Castro at Peralta. Estudyante rin ng UP Diliman si Placido.

Nagtipon ang ilang mga multisektoral na grupo sa harapan ng hotel bilang pagtutol sa pagpupulong ng mga dayuhang negosyante at opisyal ng gobyerno na maaaring mamuhunan sa mga malawakang imprastraktura na nais ilunsad sa Pilipinas, kabilang na ang proyektong Pax Silica.

Ang kaganapang ito ay patuloy na sinusubaybayan ng Matanglawin Ateneo.

Kuha ni Gabriel Calica

| MANANATILING ONLINE ang mga undergraduate na klase ngayong Huwebes, ika-10 ng Setyembre, kasunod ng abiso ngayong ma...
09/09/2026

| MANANATILING ONLINE ang mga undergraduate na klase ngayong Huwebes, ika-10 ng Setyembre, kasunod ng abiso ngayong madaling araw ng Malacañang na ilipat sa alternatibong modalidad ang mga klase sa National Capital Region at iba pang lalawigan dahil sa inaasahang malakas na pag-ulan dulot ng habagat.

Ayon sa inilabas na memorandum ng Office of the Vice President for Higher Education kagabi, awtomatikong ililipat sa online ang mga klase sa oras na magdeklara ng kanselasyon ng face-to-face ang Malacañang o lokal na pamahalaan.

| MAGIGING ONSITE ang mga undergraduate na klase bukas, ika-10 ng Setyembre, habang walang abiso ng suspensiyon mula s...
09/09/2026

| MAGIGING ONSITE ang mga undergraduate na klase bukas, ika-10 ng Setyembre, habang walang abiso ng suspensiyon mula sa Malacañang o lokal na pamahalaan.

Ayon sa pahayag ng Office of the Vice President for Higher Education nitong gabi, sa oras na magdeklara ng kanselasyon ng onsite na mga klase, awtomatikong ililipat sa online ang mga undergraduate na klase.

Samantala, sa pagkakataon na parehong suspendido ang face-to-face at online na mga klase, susundin ng pamantasan ang anumang direktiba ng pamahalaan.

| MANANATILING ONLINE ang mga undergraduate na klase ngayong Miyerkules, ika-9 ng Setyembre, ayon sa inilabas na anuns...
09/09/2026

| MANANATILING ONLINE ang mga undergraduate na klase ngayong Miyerkules, ika-9 ng Setyembre, ayon sa inilabas na anunsyo ng Office of the Vice President for Higher Education dahil sa malakas na pag-ulan dulot ng habagat.

Inilabas ang anunsyo kasunod ng abiso ngayong umaga ng Pamahalaang Lungsod ng Quezon na suspindihin ang face-to-face na klase sa lahat ng antas sa mga pampubliko at pribadong paaralan dahil sa naturang kondisyon ng panahon.

Kasalukuyang inaantabayanan ng Matanglawin Ateneo ang mga susunod na hakbang ng pamunuan hinggil sa mga estudyanteng nakapasok na sa kampus ngayong umaga.

| NAKATAKDANG MAGBALIK-ONSITE ang mga undergraduate na klase bukas, ika-8 ng Setyembre, habang walang abiso na inilala...
08/09/2026

| NAKATAKDANG MAGBALIK-ONSITE ang mga undergraduate na klase bukas, ika-8 ng Setyembre, habang walang abiso na inilalabas ang Malacañang o lokal na pamahalaan hinggil sa suspensyon ng klase.

Ayon sa pahayag ng Office of the Vice President for Higher Education, sa oras na magdeklara ng kanselasyon ng onsite na mga klase, awtomatikong ililipat sa online ang mga undergraduate na klase.

Samantala, sa pagkakataon na parehong suspendido ang face-to-face at online na mga klase, susundin ng pamantasan ang anumang direktiba ng pamahalaan.

Basahin ang anunsiyo sa SERVIRE: https://www.facebook.com/share/1BkdwTLy1E/?mibextid=wwXIfr

TINGNAN: Inilunsad ng Sama-samang Artista para sa Kilusang Agraryo (SAKA) at kaalyadong mga kultural na grupo ang art ex...
08/09/2026

TINGNAN: Inilunsad ng Sama-samang Artista para sa Kilusang Agraryo (SAKA) at kaalyadong mga kultural na grupo ang art exhibit na “ALL CAPS: Art, Land & Labor: Creatives Against Pax Silica” noong ika-6 ng Setyembre, sa Sampaguita Projects, Quezon City.

Tampok sa mga nakapaskil na likhang-sining ang mga panawagan hinggil sa pagtutol sa mga banta sa lupa, kabuhayan, komunidad at kalikasan.

Kasabay nito ang paglulunsad ng Artist Unite Against Pax Silica (AUPAX) network, na parehong naglalayong makiisa sa pakikibaka ng mga katutubong Aeta sa Tarlac para sa kanilang lupaing ninuno laban sa proyektong Pax Silica.

Mananatiling bukas ang eksibit hanggang Sabado, ika-11 ng Setyembre.

Kuha ni Cheska Parungao

| MULING BUBUKSAN ng Ateneo Commission on Elections (COMELEC) ang Sanggunian Special Elections 2026 para sa Kinatawan ...
08/09/2026

| MULING BUBUKSAN ng Ateneo Commission on Elections (COMELEC) ang Sanggunian Special Elections 2026 para sa Kinatawan ng RGLSOSS sa darating na Lunes, ika-14 ng Setyembre, matapos manatiling bakante ang naturang posisyon sa dalawang nagdaang botohan.

Matatandaang ibinasura ng Ateneo Student Judicial Court ang mosyon ng komisyon na punan ang bakanteng posisyon sa pamamagitan ng pagtatalaga ng isa sa mga course representatives ng paaralan, na anila’y labag sa karapatan ng mga mag-aaral na makapaghalal ng kanilang kinatawan.

Kasabay nito, bubuksan na rin sa nasabing petsa ang 2026 Freshmen Elections para sa paghalal ng mga kinatawan ng kanilang kurso.

Magaganap ang botohan ng parehong 2026 Freshmen at 2nd Special Elections mula ika-14 hanggang ika-16 ng Oktubre.

Basahin ang bagong anunsiyo ng Ateneo COMELEC: https://www.facebook.com/share/p/1dMpAeSKZr/

Address

Ateneo De Manila University, Katipunan Avenue
Quezon City
1108

Telephone

+63284266001

Website

Alerts

Be the first to know and let us send you an email when Matanglawin Ateneo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Matanglawin Ateneo:

Shortcuts

Share

Category