http://www.matanglawin-ateneo.com/

Matanglawin Ateneo, MVP Center for Student Leadership Rm. 201-202, Ateneo de Manila University, Katipunan Avenue, Quezon City (2025)

Q: What is the address?

MVP Center For Student Leadership Rm. 201-202, Ateneo De Manila University, Katipunan Avenue

08/07/2025

PANAWAGAN: Naiulat ang pagpanaw ni G. Richard Maligaya, maintenance personnel ng CTC-SOM at miyembro ng Ateneo Employees and Workers Union (AEWU), matapos ideklarang comatose dahil sa acute subarachnoid hemorrhage na dulot ng ruptured middle cerebral artery (MCA) aneurysm. Ilang araw siyang nanatiling nasa intensive care unit (ICU) ng East Avenue Medical Center bago siya bawian ng buhay nitong Linggo, ika-anim ng Hulyo.

Bunsod ng kaniyang biglaang pagpanaw, higit na kinakailangan ng kaniyang pamilya ang suporta, lalo na sa pagbabayad ng gastusing medikal at sa tuloy-tuloy na pangangailangan ng kanyang asawa, si Gng. Melody Maligaya, kawani ng University Dormitory, na kasalukuyang nagdadalang-tao. Sa panahong ito ng pagluluksa, lumalapit ang kanyang pamilya sa mas malawak na komunidad para sa pinansyal na suporta.

Bukas ang mga sumusunod na account para sa sinumang nais magpaabot ng tulong pinansyal:

China Bank
Maligaya Melody
142202030138

Anumang halaga ay malaking ambag sa patuloy na pangangailangan ng kanyang naiwang pamilya. Sa mga panahong ganito nasusukat ang tunay na diwa ng pagkakaisa, dahil hindi matitinag ang anumang institusyon kung wala ang lakas at serbisyo ng mga manggagawang tagapagtaguyod nito. Panahon itong muling ipahayag ang pagkakaisa at pakikiisa sa mga itinuturing na haligi ng pamantasan.

PAUNAWA NG PATNUGOT: Tinanggal na ang naunang nilistang bank account ni G. Richard mula sa post na ito.

05/07/2025

Ngayon na ang araw na ating inaabangan…

Ang pagdiriwang ng ikalimampung taon ng Matanglawin Ateneo!

Magsama-sama tayo sa pagbibigay-buhay sa mga kuwento kung saan tayo’y tumuka, tumindig, at tumugon sa mga sigaw ng masa. Nagsisilbi itong katunayan na kinakailangan ang mapagpalayang pamamahayag para sa malayang kapwa-Pilipino.

Ngayong gabi, muli nating tuklasin at saksihan ang mga kuwentong bumuhay sa tao, bumuhay sa masa, at bumuhay sa pugad ng Matanglawin.

Kitakits, mga Lawin! 🦅

Sulat ni Cara Alonso
Likha ni Bea Catungal

04/07/2025

"Mata para sa butil ng trigong inaaninag,
Tanglaw na sindi ng posporo sa kamay ng dukha,
Lawin na lumilipad sa palasyong bulok—
Sa harap ng batas at baril, walang takot."

Sa mga dekadang nakalipas, 'di nawawala ang diwa ng Lawing lumilipad sa himpapawid. Batid ni Wilson Lee Flores, isang manunulat ng Matanglawin Ateneo noong 1985-1986, na mayroong banaag ng pag-asa sa mga Lawin—noon, ngayon, hanggang sa kinabukasan.

Basahin dito ang kaniyang buong tula para sa ating selebrasyong pinamagatang, "Matanglawin: Ang mga mata ng bayan."

Tula ni Wilson Lee Flores
Sulat at Likha ni Ris Brioso

04/07/2025

Handa na ba kayong lumipad, mga Lawin? 🦅

Isang araw na lamang bago ang pinakahihintay nating paggunita, ang Mata@50: Mga SingKuwentong Mananatili!

Mula sa mga kuwentong nagpamulat sa atin hanggang sa mga kuwento nating nagpamulat ng iba, sabay-sabay nating balikan at buksan ang mga pahinang puno ng pagtindig, pagmamahal, at pagtugon sa masa.

Muli nating tanawin kung paano tayo tumindig noon at patuloy na tumitindig ngayon para sa kapwa-Pilipino.

Sulat ni Cara Alonso
Likha ni Heyg Garcia

02/07/2025

Paparating na tayo sa exciting part, mga lawin! 👀

Nang dahil sa iyong pagtugon sa boses ng masa, nabuo ang pugad ng Matanglawin Ateneo. Nang dahil sa iyong pagiging kasapi ng Matanglawin, patuloy na yumabong ang pugad nating mahal. Nang dahil sa iyong paninindigan sa katotohanan, mananatiling buhay ang kamalayan ng malayang Pilipino.

Tatlong araw na lamang bago natin balikan muli ang kuwento ng malayang Pilipino sa Mata@50: Mga SingKuwentong Mananatili sa Sabado, ika-5 ng Hulyo!

Sulat ni Jules Aranjuez
Likha ni Heyg Garcia

02/07/2025

| Sa likod ng makulay na bandilang patuloy na iwinawagayway ng komunidad ng LGBTQIA+ lalo na tuwing buwan ng Hunyo, nananatiling nakabitin ang tanong: sino ang may kapangyarihang magtakda kung paano dapat umiral ang isang pagkatao? Kanino ba talaga nakasalalay ang pamantayan ng pagiging “tama” o “wasto”?

Sa isang lipunang patuloy na bumabalangkas ng mga kahon—maging sa loob ng mismong komunidad—hindi maikakaila ang mga salitang kumakaltas, ang mga tanong na bumabakas, at ang mga pagtinging pilit nagtatakda kung ano ang nararapat.

Basahin ang buong artikulo rito: https://www.matanglawin-ateneo.com/articles/sa-kahon-ng-bahaghari

Sulat ni Daryll Ledonio
Sining ni Clyde Samson

30/06/2025

ANG PRIDE AY LABAN NG KASARIAN AT KASARINLAN

Tuwing Hunyo, ang mga bandilang bahaghari ay lumilitaw sa mga lansangan bilang sagisag ng pag-asa, ngunit sa bawat kulay nito ay bakas ang pakikibaka na nananatiling matatag. Sa pagwawakas ng Buwan ng Pride, ginugunita ng Matanglawin Ateneo ang alaalang pinagmulan nito na nakaugat sa pakikibaka, at patuloy na pinanghahawakan na hindi natatapos sa buwang ito ang paglaban para sa pagkakapantay-pantay at tunay na kasarinlan ng bawat isa.

Sa panahong lalo pang tumitindi ang krisis pampulitika at pang-ekonomiya, bahagi ng laban ng LGBTQIA+ ang pakikibaka ng mas malawak na hanay ng marhinalisado laban sa pasismo, kapitalismo, at sistemikong pang-aapi. Sa kabila ng patuloy na panawagan mula sa mga progresibong hanay, nananatiling nakabinbin sa Kongreso ang SOGIE Equality Bill. Ngayong araw mismo ay ang pagsapit ng ikatlong taon sa panunungkulan ni Pangulong Ferdinand Marcos Jr., ngunit wala pa ring kongkretong hakbang ang kaniyang administrasyon sa makabuluhang reporma para sa sektor ng LGBTQIA+.

Habang pinipiling ipagkibit-balikat ang tungkulin nitong protektahan ang mga mamamayan, dumarami ang mga biktima ng sistemang manhid sa panawagan ng hustisya. Ang kamakailang pamamaril kay q***r broadcaster Ali Macalintal sa General Santos City, sa gitna ng mismong buwan ng Pride, ay hayagang patunay kung paanong ang mga LGBTQIA+ ay patuloy na sinasalubong ng karahasan sa isang lipunang pinaiiral ng tahimik na kumpiyansa sa impunidad. Hangga’t may baklang pinapaslang at pinagkakaitan ng karapatan, walang lipunang ganap na maituturing na malaya.

Hindi maiaalis ang kasarian sa usapin ng kasarinlan. Sapagkat ang karapatang mabuhay, magmahal, at magpakatotoo ay bahagi ng higit na panawagan para sa kalayaan. Sa bawat pagwagayway ng bandilang bahaghari, isinasabuhay ang kasaysayang isinilang sa pag-aaklas, na pinalakas ng sama-samang paglaban, at hanggang ngayon ay patuloy na isinusulat sa lansangan. Patuloy mang ipinagdiriwang ang kasarinlan sa buwan ng Hunyo, hangga’t may kasariang napag-iiwanan, mananatiling tanong kung para kanino ang kasarinlang ito.

Sulat nina James Caponpon at Regulus Gutierrez

30/06/2025

Isang gabi ng mga alaala. Isang gabi ng paggunita.

Mayroong tinig ang bawat pahina ng kasaysayan. Sa loob ng limampung taon, tumindig ang Matanglawin Ateneo sa mga kuwento ng pakikibaka, pag-ibig, at paninindigan. Ngayon, limang araw na lamang bago natin muling buksan ang mga pahinang ito!

Sa Mata@50: Mga SingKuwentong Mananatili, huwag palampasin ang pagkakataong maging saksi sa pagbabalik-tanglaw ng mga salaysay na nag-iwan ng bakas sa kasaysayan ng publikasyon.

Sulat ni Clyde Samson
Likha ni Heyg Garcia

29/06/2025

MGA LARAWAN: Ibinandera ng LGBTQIA+ community, kasama ang iba’t ibang kaalyadong organisasyon at mga progresibong grupo, ang kanilang mga isinusulong sa malawakang pagmartsa sa LOV3LABAN Pride Festival 2025 nitong Biyernes, ika-28 ng Hunyo, sa University of the Philippines-Diliman (UPD).

Kabilang sa mga pangunahing panawagan ng komunidad sa pamahalaan ang agarang pagpapasa ng SOGIESC Equality Bill na layong itaguyod at ipagtanggol ang karapatan ng mga Pilipino laban sa anumang uri ng gender-based na karahasan, at pagpapatupad ng sapat na serbisyong pangkalusugan para sa mga may HIV.

Naging pagkakataon din ang martsa para sa pandaigdigang adhikain, kung saan kanilang kinondena ang pagpatay at pag-atake sa mga trans at q***r activists, gayundin ang giyera ng Israel laban sa Iran at genocide sa Palestine, na anila ay bahagi ng malawakang pagtindig para sa katarungan at pantay na karapatang pantao.

Dinagsa ang naturang aktibidad, kung saan tinatayang nasa 250,000 ang dumalo sa pagtitipong pinamunuan ng Pride PH, UP Diliman, at Pamahalaang Lungsod ng Quezon.

Sulat ni James Caponpon
Kuha nina Bea Frago at Gabriel Calica

28/06/2025

Isang linggo na lamang bago ang muling pagbuhay ng kuwento ng malayang Pilipino! 🦅

Tayo na't balikan natin ang pinagmulan ng Matanglawin Ateneo, tunghayan ang mga napagdaanan nito, at sariwain ang mga adhikaing nagbigay-buhay dito—ang mamulat at magpamulat sa mga isyung laganap sa ating lipunan, at ang paglingkuran ang ating kapwa Pilipino.

Halina’t maging saksi sa mga kuwentong hinubog ng limang dekadang pamamayagpag ng publikasyon sa Mata@50: Mga SingKuwentong Mananatili!

Sulat ni Clyde Samson
Likha ni Heyg Garcia

28/06/2025

MGA LARAWAN: Nagtipon ang ilang multisektoral na grupo, sa pangunguna ng Bahaghari, upang ilunsad ang kauna-unahang Stonewall Philippines protest sa kahabaan ng Recto sa Maynila, nitong Huwebes, ika-26 ng Hunyo.

Ginunita ng mga dumalo ang ika-31 anibersaryo ng Stonewall Manila, ang kauna-unahang Pride March sa Asya-Pasipiko noong 1994, na hango sa naging Stonewall Uprising sa Estados Unidos. Bitbit nila ang panawagan para sa agarang pagpapasa ng SOGIESC Bill at iba pang mga repormang nagsusulong sa pantay na karapatan ng LGBTQ+ Community.

“Hangga't nananatili ang diskriminasyon at karahasan, mananatili ring nakasentro ang Stonewall Philippines sa paggunita ng Pride bilang protesta,” ani Reyna Valmores Salinas, Tagapangulo ng Bahaghari.

Nagtamo ng mga sugat at pasa ang mga raliyista matapos harangin ng mga kapulisan ng Manila Police District (MPD) sa harapan ng University of the East-Manila gamit ang mga barikadang may barbed wire.

Sa isang panayam, nabanggit ni Annika Torres, kinatawan ng League of Filipino Students-Katipunan, na nasa pito ang kinailangang magpatingin matapos magkasugat mula sa pagtanggal ng barbed wires at pamamalo ng mga pulis.

“Unang linya kasi kami nung nagkagitgitan…kaya may puwang sila [mga pulis] noon na mamalo at mambatok ng mga shield nila…ta’s yung ibang mga kasama mula sa ibang orgs ay ginamitan ng mga baton. Nagkabukol ako sa baba kasi nasiksik ako sa police shield nang naka tingala,” ani Torres.

Sa isang facebook post, nabanggit naman ni Valmores na nagkaroon siya ng sugat sa kaniyang hita nang harangin din ng mga kapulisan. Gayunman, iginiit niya na hindi nasayang ang kaniyang pagtindig para sa LGBTQ+ community lalo pa sa panahon na kailangan ng magsasalita at lalaban upang itaguyod ang karapatang dapat ay iginagalang ng gobyerno.

Sulat ni James Caponpon
Kuha ni Marty Apuhin

26/06/2025

Hindi sapat ang tumingin. Kailangang tanungin kung para saan at kanino ang pagtingin. 🪶👁️

Bilang Punong Patnugot ng Matanglawin Ateneo noong 1995-1996 at kasalukuyang Tagapayo ng pahayagan, batid ni Dr. Anne Lan K. Candelaria na ang pagiging lawin ay hindi natatapos sa pagtanaw lamang sa mga bitak ng lipunan. Ito rin ay patuloy na pagharap sa sariling pananagutan—isang paalalang ang laban natin sa Matanglawin ay hindi lamang para sa sarili, kung hindi lagi’t laging para sa kapwa. 🦅

Sa Mata@50: Mga SingKuwentong Mananatili, bibigyang-pugay natin ang mga tinig na humubog sa publikasyon—mga tinig na hindi kailanman umiwas tumingin, lalo na sa panahon ng panggigipit.

Sulat ni Clyde Samson
Likha ni Justine Evora

Matanglawin Ateneo

08/07/2025

05/07/2025

04/07/2025

04/07/2025

02/07/2025

02/07/2025

30/06/2025

30/06/2025

29/06/2025

28/06/2025

28/06/2025

26/06/2025

Address

Telephone

Website

Alerts

Contact The Business

Shortcuts

Share

Category