Matanglawin Ateneo

Matanglawin Ateneo Opisyal na Pahayagang Pangmag-aaral ng Ateneo de Manila. Para sa malaya at mapagpalayang pamamahayag.

D’ DEVILE ES HIRRRAA!Descended from the rare line of beauty queens👸💅 shining ✨shimmering ✨splendid✨Singkuwenta na ang lo...
27/11/2025

D’ DEVILE ES HIRRRAA!

Descended from the rare line of beauty queens👸💅

shining ✨
shimmering ✨
splendid✨

Singkuwenta na ang lola mo!

Maaari nang makakuha ng pisikal na kopya ng “May Pakpak ang Baklita: Singkuwenta na ang Lola Mo!” ang zine para sa ginintuang anibersaryo ng Matanglawin Ateneo. Dumaan lamang sa opisyal na stands ng publikasyon sa Leong Hall, Xavier Hall, MVP, EDSA Walk, at Sec Walk upang mabasa ang natatanging kuwentong hatid ng lola niyo! 📓

Kaiingat kayo! Mapanghamon ang pantalon😉👖

Disenyo ni Jakob Semilla

TINGNAN: Nagsagawa ng ‘Run For Justice’ ang mga ilang mamamahayag, estudyante, at media workers noong Linggo, ika-23 ng ...
25/11/2025

TINGNAN: Nagsagawa ng ‘Run For Justice’ ang mga ilang mamamahayag, estudyante, at media workers noong Linggo, ika-23 ng Nobyembre, as University of the Philippines Diliman, bilang paggunita sa ika-16 na taong anibersaryo ng Ampatuan massacre.

Sa pangunguna ng National Union of Journalists in the Philippines (NUJP), nagsuot ng mga panawagan ang mga peryodista habang tumatakbo. Kabilang sa mga ito ang paggiit sa matagal nang pinagkakait na hustisya para sa mga naging biktima ng pagpaslang at sa kanilang mga pamilya, at ang kultura ng impunidad na nagiging sanhi ng patuloy na paglabag sa press freedom at karapatang pantao.

Kuha ni Marty Apuhin

| Nakatakdang idagdag ang gradong “A-” o 3.75 QPI sa bagong grading system na inilatag ng Undergraduate Education para...
23/11/2025

| Nakatakdang idagdag ang gradong “A-” o 3.75 QPI sa bagong grading system na inilatag ng Undergraduate Education para sa darating na T.P. 2027–2028. Ibinunyag ni Dr. Maria Luz Vilchez, Vice President for Higher Education (VPHE), ang planong ito sa isang pagpupulong kasama ang mga kinatawan ng Sanggunian nitong Biyernes, ika-21 ng Nobyembre.

Wika niya, layon nitong gawing mas magaan ang paglipat ng mga mag-aaral mula Undergraduate patungong Graduate School ng pamantasan. Kasama rin dito ang pagtugon sa malaking agwat na kinakatawan ng gradong A (92-100) at gawing realistiko ang paglalarawan sa mga grado ng mga estudyante.

Nakatakda itong isailalim sa test run ngayong semestre, ngunit lininaw naman ng VPHE na hindi mabibilang ang sistemang ito sa mga marka ng mga mag-aaral ngayong taong panuruan.

Binanggit din ni Vilches na ang mga planong ito ay mananatiling bukas sa konsultasyon mula sa komunidad ng Higher Education, at ilalabas ang memorandum matapos itong ganap na maaprubahan.

Nananatiling madilim na sugat sa kasaysayan ng pamamahayag sa mundo ang Ampatuan Massacre. Noong ika-23 ng Nobyembre, 20...
23/11/2025

Nananatiling madilim na sugat sa kasaysayan ng pamamahayag sa mundo ang Ampatuan Massacre. Noong ika-23 ng Nobyembre, 2009, tinambangan at pinagbabaril ng mga armadong grupo ang sinasakyan ng mga kaanak ni Esmael Mangudadatu, kasama ang mga tagasuporta at mamamahayag na sumusubaybay sa kaniyang paghahain ng kandidatura. Kalaunan nagdeklara ng batas militar ang administrayong Arroyo sa probinsiya ng Maguindanao at Sultan Kudarat upang mapanatili umano ang kapayapaan sa lugar, ngunit makaraang bumaba siya sa puwesto noong 2010 ay hindi pa rin natugunan ang lumalawig na politikal na suliranin sa Mindanao.

Sa ika-16 nitong anibersaryo, nananatili itong tanda na noon pa man ay talamak na ang panganib na kinahaharap ng midya sa kamay ng mga mapang-abuso sa kapangyarihan. Nakikiisa ang Matanglawin Ateneo sa paggunita sa mga mamamahayag na pinaslang habang ginagawa ang kanilang gampanin na maghatid ng katotohanan. Ilang pagbabago na ang ipinangako ng mga sumunod na administrasyon, ngunit isinasantabi pa rin ang kaligtasan ng mga mamamahayag sa bansa. Mapanganib pa rin ang lipunan para sa mga mamamahayag na hanggang ngayon ay kailangan makipagbuno sa banta ng kapahamakan bago maihatid ang katotohanan sa bayan.

Gayunman, nananatiling ulyanin ang lipunan sa trahedyang lumapnos sa ating kalayaan. Pare-parehas na apelyido pa rin ang nagpipiyesta sa pamahalaan, sa kabila ng sandamakmak na kabalahuraan na nabunyag ng mga tagapagtaguyod ng katotohanan. Sinasamantala ang kapalpakan ng ating politikal na sistema, na lalong tumitibay sa ilalim ng pasistang tunggalian ng rehimeng Marcos at Duterte.

Sa ganitong pagkakataon dapat tumanglaw ang pakikibaka para sa katarungan, lalo kung pilit na binabaon sa limot ang katotohanang magpapalaya sa lipunang iginapos sa huwad na ideya ng kaunlaran. Hindi sapat ang pag-alala, dapat itong magmitsa ng pagkilos upang makamit ang hustisya, pananagutan, at tunay na proteksyon para sa mga tagapagtaguyod ng katotohanan.

Basahin ang buong artikulo mula sa sinupan:

Nasa Pag-alaala ang Paglaya
Mula sa Matanglawin Tomo 35, Blg. 3 (2010)
https://www.matanglawin-ateneo.com/mga-isyu

TINGNAN: Maingay na ginambala ng mga nakilahok sa protesta ang harap ng Sta. Maria Della Strada Parish sa Katipunan Aven...
21/11/2025

TINGNAN: Maingay na ginambala ng mga nakilahok sa protesta ang harap ng Sta. Maria Della Strada Parish sa Katipunan Avenue, ngayong ika-21 ng Nobyembre, upang patuloy na labanan ang korupsyon sa pamamagitan ng isang noise barrage at candle-lighting.

Bilang bahagi ng pakikiisa sa White Friday Protest, kagyat na ipinanawagan sa programa ang patuloy na paniningil at pananagot sa mga sangkot sa katiwalian ng flood control projects.

Kuha ni Regulus Gutierrez

CATRIONA GRAY, DI KA MUNA MAGPAPAHINGA THIS YEAR💃 | Miss Universe o Miss U-reverse? 👑 🔄Kung naguluhan sa tila baligtad ...
21/11/2025

CATRIONA GRAY, DI KA MUNA MAGPAPAHINGA THIS YEAR💃

| Miss Universe o Miss U-reverse? 👑 🔄

Kung naguluhan sa tila baligtad na pag-anunsiyo ng nanalo sa katatapos lamang na Miss Universe 2025, isang matulis na paralelismo ang ihinahatid ng artikulong "Miss U-Reverse" sa pinakabagong Zine ng Matanglawin.

Sa pahina ng “Miss U-Reverse,” ang entablado ng Barangay Nina Kawan ay nagiging lunsaran, hindi lamang ng ganda, kundi pati na rin ng isang sistemang binaluktot ng mga nakaupo sa puwesto. Ipinakikita nito na sa laro ng kapangyarihan, kung sino pa ang may bitbit na hungkag na plataporma ay siya pang itinatanghal na reyna.

Saksihan ang buong pagrampa at kumuha na ng kopya ng ika-50 Zine ng Matanglawin, “May Pakpak ang Balita: Singkuwenta na ang Lola Mo!” sa loob ng pamantasan.

📖 BASAHIN ang buong artikulo rito: https://www.matanglawin-ateneo.com/articles/miss-u-reverse

Sulat nina Roleene Danielle Noo at Samantha Mikaela Legaspi

MGA LARAWAN: Binaha ng mahigit 1,500 mag-aaral mula sa iba’t ibang pamantasan ang tarangkahan ng Mendiola upang magkasa ...
21/11/2025

MGA LARAWAN: Binaha ng mahigit 1,500 mag-aaral mula sa iba’t ibang pamantasan ang tarangkahan ng Mendiola upang magkasa ng mobilisasyon kontra katiwalian ngayong National Day of Walkout, ika-21 ng Nobyembre.

Nagkaisa ang mga pamantasan sa ilalim ng Youth Rage Against Corruption (YRAC), na binubuo ng mga hanay na One Taft, One Intramuros at One U-Belt. Kalaunan, nagkasalubong ang naturang mga estudyante at organisasyon sa kahabaan ng Legarda mula sa walkout na isinagawa nila mula sa kani-kanilang paaralan.

Bagaman agad na sinalubong ng mga kapulisan at ng kanilang mga barikada, hindi nagpatinag ang mga estudyante upang ipukol ang kanilang hinaing laban sa naghaharing dinastiya ng mga Marcos at Duterte na anila’y pangunahing salarin sa lumalawig na katiwalian at pagkakamkam sa kaban ng bayan.

Kuha ni Gabriel Calica

21/11/2025

PANOORIN: Mula Zen Garden at Mendiola, ipinagpatuloy ng mga mag-aaral ng Pamantasang Ateneo de Manila, kabilang ang hanay ng iba’t ibang civil society organizations at miyembro ng simbahan, ang pakikiisa sa Nationwide Walkout Against Corruption sa tarangkahan ng Sta. Maria Della Strada Parish ngayong gabi ng Biyernes, ika-21 ng Nobyembre.

Kuha ni Regulus Gutierrez

TINGNAN: Sabay-sabay na lumabas ang mga mag-aaral ng Pamantasang Ateneo de Manila mula sa kani-kanilang mga silid-aralan...
21/11/2025

TINGNAN: Sabay-sabay na lumabas ang mga mag-aaral ng Pamantasang Ateneo de Manila mula sa kani-kanilang mga silid-aralan at nagtungo sa Zen Garden upang makiisa sa Nationwide Walkout Against Corruption ngayong Biyernes, ika-21 ng Nobyembre.

Bitbit ng mga estudyante ang panawagang panagutin ang mga sangkot sa korapsyon at ang kawalan ng agarang aksyon ng administrasyon sa umiiral na mga anomalya sa pamahalaan, kabilang na ang pangungurakot sa pondo ng bansa at ang talamak na red-tagging sa mga estudyante.

Kabilang sa mga nakiisa sa programa sina Kalipunan ng Damayang Mahihirap (Kadamay) Secretary General Mimi Doringo, Kabataan Partylist Representative Renee Co, at Anti-Corruption Leader na si Kiko Aquino Dee na kaniya-kaniyang nagbigay ng mensahe na humihimok sa mga kabataan na makiisa sa pakikibaka upang matamo ang tunay na hustisya para sa sambayanang Pilipino.

Kuha ni Regulus Gutierrez

21/11/2025

PANOORIN: Sunod-sunod na truck ng bumbero ang rumatsada bandang 3:30 ng hapon sa harapan ng tarangkahan ng Mendiola, matapos maiulat ang sunog na sumiklab sa 3rd Street ng Mendiola, Manila ngayong Biyernes, ika-21 ng Nobyembre.

Kasalukuyang nakataas ang sunog sa ikalawang alarma, ngunit sa ngayon, wala pang nakalap na impormasyon sa kung anong uri ng establisyemento ang tinutupok ng apoy.

Kuha ni James Caponpon

21/11/2025

NGAYON: Kinumpol ng daan-daang estudyante mula sa iba’t ibang pamantasan ang kahabaan ng España upang makiisa sa National Day of Walkout Against Corruption ngayong Biyernes, ika-21 ng Nobyembre.

Nakatakdang tumungo ang mga estudyante sa tarangkahan ng Mendiola upang kundenahin ang lantarang katiwalian ng gobyerno na nagkakait sa maunlad na kinabukasan ng mga kabataan.

Kuha ni James Caponpon

NGAYON: Nagsagawa ng isang strike vote ang mga miyembro ng Ateneo de Manila Employees and Workers Union (AEWU), sa gabay...
21/11/2025

NGAYON: Nagsagawa ng isang strike vote ang mga miyembro ng Ateneo de Manila Employees and Workers Union (AEWU), sa gabay ng kawani ng Department of Labor and Employment (DOLE), ngayong Biyernes, ika-21 ng Nobyembre, sa Union Office sa University Dormitory Basement.

Ito ay kaugnay ng reklamong “unfair labor practice” laban sa administrasyon, na nag-udyok sa unyon na maghain ng notice of strike noong ika-23 ng Oktubre.

Kuha ni James Caponpon

Address

MVP Center For Student Leadership Rm. 201-202, Ateneo De Manila University, Katipunan Avenue
Quezon City
1108

Telephone

+63284266001

Website

Alerts

Be the first to know and let us send you an email when Matanglawin Ateneo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Matanglawin Ateneo:

Shortcuts

Share

Category