Ronda Balita Probinsya

Ronda Balita Probinsya Media News Company / News and Current Affairs

17 PINOY SEAFARERS NAKALIGTAS SA PAG-ATAKE NG HOUTHI REBELS SA RED SEAKinumpirma ng Department of Migrant Workers (DMW) ...
08/07/2025

17 PINOY SEAFARERS NAKALIGTAS SA PAG-ATAKE NG HOUTHI REBELS SA RED SEA

Kinumpirma ng Department of Migrant Workers (DMW) na nasa ligtas na kondisyon ang labingpitong Filipino seafarers at dalawa (2) pang crew ng isang bulk carrier matapos makaligtas sa pag-atake ng Houthi rebels habang naglalayag sila sa Red Sea malapit sa Hodeidah, Yemen.

Ayon kay Migrant Workers Secretary Hans Leo J. Cacdac nangyari ang insidente noong July 6 kung saan habang naglalayag ang Liberian flag vessel na MV Magic Seas inatake sila ng mga rebeldeng sakay ng maliliit na bangka na armado ng automatic weapons at rocket propelled gr***de.

Nagawa namang makaganti ng putok ng apat na security team ng barko kaya natakasan nila ang mga rebelde.

Sinabi ni Cacdac na patuloy ang pakikipag-ugnayan ng DMW sa Licensed Mining Agency ng barko at sa iba pang ahensya ng pamahalaan para mapauwi ng bansa ang mga Pinoy seafarers.

Pansamantala silang namamalagi sa isang hotel sa Djibouti sa East Africia kasama ang iba pang dayuhang crew ng barko.

Ulat ni Donabelle Dominguez-Cargullo ( News Flash PH )

TAX AMNESTY IDINEKLARA SA MAYNILA; MGA NEGOSYANTENG MAY UTANG SA BUWIS HINDI NA SISINGILIN NG PENALTYNilagdaan ni Manila...
08/07/2025

TAX AMNESTY IDINEKLARA SA MAYNILA; MGA NEGOSYANTENG MAY UTANG SA BUWIS HINDI NA SISINGILIN NG PENALTY

Nilagdaan ni Manila City Mayor Isko Moreno ang Executive Order na nagpapatupad ng tax amnesty sa mga negosyante sa lungsod na mayroong utang sa buwis.

Sa ilalim ng ordinansa, hindi na sisingilin ng penalty, surcharge, at interest ang mga delinquent tax payer hanggang December 31, 2025.

Ayon sa alkalde nauunawaan ng City LGU ang kalagayan ng mga business owner na maaaring mayroong mga pinagdadaanan gaya ng mahinang kita sa Negosyo na sinasabayan pa ng hirap ng buhay dahil sa pagtaas ng presyo ng bilihin.

Ulat ni Donabelle Dominguez-Cargullo

Dahil sa maigting na mga hakbang upang labanan ang ilegal na droga, ang Bureau of Corrections (BuCor) sa ilalim ng lider...
08/07/2025

Dahil sa maigting na mga hakbang upang labanan ang ilegal na droga, ang Bureau of Corrections (BuCor) sa ilalim ng liderato ni Director General Gregorio Pio P. Catapang Jr. ay nakakumpiska ng 3,648.0268 na gramo ng methamphetamine hydrochloride o shabu at 60.3141 gramo ng cannabis mula sa mga operating prison and penal farm sa bansa magmula nang umupo siya sa puwesto sa nakalipas na tatlong taon.

Base sa datos ng Bucor, sinabi ni Catapang na ang mga nakumpiskang ilegal na droga ay sakop ng Oktubre 2023 hanggang sa kasalukuyan mula sa lima sa pitong OPPF sa bansa kabilang ang New Bilibid Prison – 2166.2705 grams ng shabu at 58.6001 ng cannabis; Sablayan Prison and Penal Farm (SPPF) – 26.7488 grams ng M**h ; Leyte Regional Prison – 8.7621 grams ng M**h; Davao Prison and Penal Farm – 410.2696 grams ng M**h at 1.7140 ng cannabis; at San Ramon Prison and Penal Farm – 1032.7887 grams ng M**h.

Via News Flash PH

08/07/2025

PANOORIN: Ilog sa tabi ng Robinson’s Las Piñas, umapaw na ngayong gabi dahil sa tuloy-tuloy na malakas na pag-ulan.

Video courtesy: Lance Didal

UNANG SESYON NG BATANGAS SP INABOT NG MAHIGIT LIMANG ORASUmabot sa mahigit limang oras ang mainitang sagutan sa pagitan ...
07/07/2025

UNANG SESYON NG BATANGAS SP INABOT NG MAHIGIT LIMANG ORAS

Umabot sa mahigit limang oras ang mainitang sagutan sa pagitan ni Batangas vice-governor Dodo Mandanas at mga kaalyadong board member ni Governor elect Vilma Santos Recto sa unang araw ng session ng Sangguniang Panlalawigan ng Batangas.

Bagama't tinalo ni Dodo Mandanas si Lucky Manzano sa pagka bise gobernador ng Batangas, nakuha naman ng kampo ni Governor Vi ang majority sa bumubuo ng mga board members sa Sangguniang Panlalawigan.

Sa unang araw palang ng session, ramdam na ramdam na ang tension sa pagitan ng presiding officer at mga bokal nang mapag usapan palang ang Internal Rules and Procedures (IRP).

Ilang beses na nag-deny si Mandanas sa panukala ni 6th district BM Bibong Mendoza na aprubahan na ora mismo ang bagong Internal Rules and Procedures kahit hindi pa nabibigyan ng kopya ng dokumento ang ibang board members.

Dahil doon, inakusahan ni 5th District BM Jun Berberabe si Mandanas na nagmamanipula ng session at umiiwas umano na daanin sa botohan o majority vote ang naturang usapin.

Nanindigan naman si Mandanas na pinaiiral lamang nya ang rule of law batay narin sa Local Government Code at hindi basta ang kagustuhan ng mayorya.

Ayon sa batas, binibigyan ng hanggang 90-days ang committee para mag amyenda, magdagdag o magbawas at mag apela sa mabubuong bagong internal rules and procedures na gagamiting bibliya ng Sanguniang Panlalawigan.

Via Front page News Online

TOM TAWAG SA AKIN, HINDI VICE MAYOR O MAYOR'Inihayag ni Cebu City Vice Mayor Tomas Osmeña noong Huwebes, Hulyo 3, 2025, ...
07/07/2025

TOM TAWAG SA AKIN, HINDI VICE MAYOR O MAYOR'

Inihayag ni Cebu City Vice Mayor Tomas Osmeña noong Huwebes, Hulyo 3, 2025, ang kanyang pagnanais na sirain ang tradisyon at hierarchy sa City Hall, simula sa kung paano niya gustong harapin at katawanin.

"Ayokong mabitin o mai-install ang aking larawan o portrait sa legislative building," sabi ni Osmeña sa mga mamamahayag. “Ayokong tawagin akong mayor o vice mayor o sir—tawagin mo na lang akong Tom.”

Binigyang-diin din ni Osmeña na walang magiging sagradong baka sa ilalim ng kanyang pamumuno.

"I am not one of them. I am a public servant," Osmeña said. | 📸 EHP.

Via Sunstar Cebu

DAVAO CITY, PINAKALIGTAS NA LUGAR SA PILIPINAS — WORLD TRAVEL INDEXItinanghal ang Davao City bilang ikalawa sa “Safest C...
07/07/2025

DAVAO CITY, PINAKALIGTAS NA LUGAR SA PILIPINAS — WORLD TRAVEL INDEX

Itinanghal ang Davao City bilang ikalawa sa “Safest Cities in the Philippines for Travelers”, batay sa inilabas na ranking ng World Travel Index ngayong 2025.

Nakakuha ang lungsod ng score na 80.73%, kasunod ng Dumaguete City sa Negros Island na nakakuha naman ng score na 81.36%.

07/07/2025

SUSPENDIDO ANG LISENSYA NG ISANG CONTENT CREATOR

Nasuspinde ang driver’s license ng isang content creator matapos niyang kunan ang sarili niyang pagmamaneho ng sports car sa kahabaan ng EDSA.

Ang vlogger, na kinilalang si Josh Mojica, ay nahuling gumagamit ng kanyang cellphone habang nasa hawak ang manibela, isang paglabag sa trapiko na nag-udyok sa Land Transportation Office (LTO) na mag-isyu sa kanya ng show cause order.

Sa isang pahayag na inilabas noong Hulyo 7, kinumpirma ni Mojica ang insidente at humingi ng paumanhin sa publiko.

Si Mojica ay isa ring entrepreneur na kilala sa kanyang mga produkto ng kangkong chip.

📹Josh Mojica/Facebook

HIV Cases sa 8 Bayan sa Quezon, NaitalaSa inilabas na datos ng Provincial Health Office nangunguna ang Bayan ng Infanta ...
07/07/2025

HIV Cases sa 8 Bayan sa Quezon, Naitala

Sa inilabas na datos ng Provincial Health Office nangunguna ang Bayan ng Infanta na may pinakamataas na kaso sa HIV.

Batay sa datos mula sa DOH RESU 4A (1987–Pebrero 2025), umabot sa 40 ang kaso ng HIV sa bayan ng Infanta, ang may pinakamataas na bilang sa mga bayan sa REINA at POGI.

Sinundan ito ng Real (25), Polillo (15), General Nakar (4), at Burdeos (3), habang ang mga isla ng Panukulan (3), Patnanungan (2), at Jomalig (1) ay nakapagtala rin ng kaso.

Ayon sa ulat, karamihan sa mga kaso sa lalawigan ng Quezon ay nagmula sa male-to-male sexual contact.

Una ng inihayag ni Mayor L.A. Ruanto na hinihikayat nito ang kanyang mga kababayan na magpasuri dahil libre naman ang programa ng Kapitolyo dito, wala rin aniyang dapat ikabahala dahil itinatago ang pagkakilanlan nito alinsunod sa konstitusyon ng ating saligang batas.

Via Ronda Balita Probinsya ni JR Narit

CLUSTERING NG KASO NG HFMD NAITALA SA ISANG PAARALAN SA QUEZON CITYNagsagawa ng case investigation at active case findin...
07/07/2025

CLUSTERING NG KASO NG HFMD NAITALA SA ISANG PAARALAN SA QUEZON CITY

Nagsagawa ng case investigation at active case finding ang mga opsiyal ng disease surveillance ng district 5 sa Quezon City kaugnay ng naitalang clustering ng kaso ng Hand, Foot, and Mouth Disease (HFMD) sa Rosa Susano Elementary School sa Barangay Gulod sa nasabing lungsod.

Nagsagawa rin ng specimen collection ang mga surveillance officer sa mga batang nakitaan ng sintomas ng HFMD sa Brgy. Sta Monica, Gulod at Novaliches Proper.

Matapos ang koordinasyon sa paaralan at pamunuan ng barangay Gulod ay nagsagawa naman ng disinfection sa mga silid-aralan, wash area, canteen, banyo at paligid nito.

Sa kasalukuyan, wala ng bagong kaso ng HFMD ang naiulat sa paaralan at karatig na lugar ngunit patuloy pa ring pinaaalalahanan ang mga g**o at magulang na gawin ang mga angkop na pag-iingat upang maiwasan ang sakit.

Ulat ni Donabelle Dominguez-Cargullo ( News Flash PH )

1 SA 3 NASUGATAN SA PAGSABOG SA PAGAWAAN NG BALA SA MARIKINA CITY, PUMANAW NA Pumanaw na ang isa sa tatlong nasugatan s...
07/07/2025

1 SA 3 NASUGATAN SA PAGSABOG SA PAGAWAAN NG BALA SA MARIKINA CITY, PUMANAW NA

Pumanaw na ang isa sa tatlong nasugatan sa pagsabog na naganap sa pagawaan ng bala sa Brgy. Fortune, Marikina City.

Ayon kay Marikina City Chief of Police Col. Geoffrey Fernandez, pumanaw ang isa sa mga biktima 5:15 ng hapon ng Lunes, July 7 sa Amang Rodriguez Hospital matapos magtamo ng malubhang sugat sa kaniyang dibdib dahil sa pagsabog.

Ang dalawa pang biktima na nasugatan sa kamay ang isa at ang isa naman ay nasugatan sa mata ay kapwa ginagamot pa

Ulat ni Donabelle Dominguez-Cargullo

Address

Quezon City
1008

Telephone

+639950874995

Website

Alerts

Be the first to know and let us send you an email when Ronda Balita Probinsya posts news and promotions. Your email address will not be used for any other purpose, and you can unsubscribe at any time.

Shortcuts

Share

Category