Pilipinas TODAY.

Pilipinas TODAY. Anong Ganap?

NOT FEELING WELL: DIGONG, 'DI MAKADADALO SA QUAD COMM HEARING. “Unfortunately, despite his keen intention to attend, my ...
22/10/2024

NOT FEELING WELL: DIGONG, 'DI MAKADADALO SA QUAD COMM HEARING. “Unfortunately, despite his keen intention to attend, my client respectfully manifests that he cannot attend the public hearing set on 22 October 2024,” sabi ni Atty. Martin Delgra III, legal counsel ni dating Pangulong Rodrigo Duterte.

Pumayag si dating Pangulong Rodrigo Duterte na dumalo sa susunod na pagdinig ng House Quad Committee at dahil masama ang kanyang pakiramdam ay hindi ito muna mangyayari, abiso ng kanyang legal counsel na si Martin Delgra III.

Ayon kay Delgra, dumating si Duterte sa Davao City nitong Oktubre 17 at natanggap niya ang imbitasyon ng Quad Committee noong sumunod na araw.

Sinabi pa ni Delgra na pumayag si Duterte na magpakita sa ika-siyam na pagdinig ng joint panel upang ihayag ang kanyang panig hinggil sa diumano'y kanyang pagkakasangkot sa extra judicial killings sa ipinatupad na "war on drugs" noong ito ay nakapuwesto pa sa Malacanang subalit nakiusap ito na itakda ang hearing pagkalipas ng Nobyembre 1.

Ang liham ni Duterte, na nilagdaan ni Delgra at may petsang Oktubre 21, 2024, ay naka-address kay Surigao del Norte 2nd District Rep. Robert Ace Barbers, na siya ring chairman ng joint panel.

Idiin din si Duterte ng self-confessed killer na si Leopoldo Tan sa pagpatay ng tatlong Chinese drug lord sa loob ng kanilang piitan sa Davao Prison and Penal Farm noong Agosto 2016.


22/10/2024

HUSTISYA PARA SA MGA BATANG BIKTIMA. Kaugnay ng inaasahang pagharap ni former president Rodrigo Duterte sa mga congressional hearings na nag-iimbestiga sa war on drugs ng kanyang administrasyon, alalahanin natin ang maraming buhay ng mga batang nadamay at napatay sa anti-drug operations ng pulisya.

Ang katahimikan ng kanilang mga kaluluwa at kapayapaan ng kanilang alaala, isama natin sa ating mga panalangin sa Undas na parating. Nawa'y makamit na ng kanilang mga pamilya ang inaasam nilang hustisya.



SINO NGA ULIT ‘YUNG TOXIC? Magkakahalo ang reaksiyon ng publiko sa naging pahayag ni Vice President Sara Duterte na napa...
21/10/2024

SINO NGA ULIT ‘YUNG TOXIC? Magkakahalo ang reaksiyon ng publiko sa naging pahayag ni Vice President Sara Duterte na napagtanto raw niyang “toxic” na ang ugnayan nila ni President Ferdinand Marcos Jr. nang mag-imagine siyang pinupugutan ito dahil lang hindi niya nagustuhan ang biro ng Pangulo sa isang estudyante sa dinaluhan nilang graduation ceremony.

Karamihan sa mga nakarinig sa kuwento niya sa presscon nitong Biyernes, Oktubre 18—kumpleto sa pagmumuwestra ng pananakit habang napapakagat-lagi sa panggigigil—ay nagpahayag ng pagkabahala sa anila’y kakaibang inasal ng Bise Presidente ng bansa, na hindi umano akma sa mataas na posisyong hawak nito sa gobyerno.

Bukod sa pagpapahayag ng kagustuhang saktan ang Presidente, ibinahagi rin ni VP Sara na nagbanta siya sa presidential sister na si Senator Imee Marcos na huhukayin ang labi ng ama nito, si dating pangulong Ferdinand Edralin Marcos Sr., at itatapon iyon sa West Philippine Sea.

Dahil dito, umapela ang ilang kongresista sa Office of the Vice President ngayong Linggo, Oktubre 20, na ikonsidera “seeking professional help” para kay VP Sara para maliwanagan ang mga “katanungan tungkol sa kanyang estado ng pag-iisip at emosyonal na kalagayan.”




Former President Rodrigo Duterte has received an invitation from the House Quad Committee to participate in its hearing ...
21/10/2024

Former President Rodrigo Duterte has received an invitation from the House Quad Committee to participate in its hearing scheduled for October 22, which will address allegations of extrajudicial killings during his administration's campaign against illegal drugs.

Binuweltahan ng tinaguriang "Young Guns" ng Kamara si Vice President Sara Duterte sa diumano'y dahil sa diumano'y pag-in...
21/10/2024

Binuweltahan ng tinaguriang "Young Guns" ng Kamara si Vice President Sara Duterte sa diumano'y dahil sa diumano'y pag-insulto nito kay Pangulong Ferdinand Romualdez Marcos Jr. kung saan inamin niya na minsan ay naisip niyang pugutan ito dahil sa sama ng loob.

Bukod dito, nagbanta rin si VP Sara sa press conference nitong Biyernes, Oktubre 18, na ipahuhukay niya ang mga labi ng ama ni PBBM na si dating Pangulong Ferdinand Edralin Marcos Jr. at ipakakalat ito sa West Philippine Sea bunsod ng hindi diumano pagtupad sa pangako sa kanya ng Presidente, tulad ng pagpapagamit ng presidential plane.

“Walang matinong tao ang makakaisip, lalo’t gagawa, ng ganitong klaseng pahayag. Nakababahala ang antas ng kawalan ng katinuan sa kanyang mga salita,” ayon kay House Assisttant Majority Leader at Zambales 1st Disttrict Rep. Jay Khonghun.

Sinegundahan ni House Assistant Majority Leader at La Union 1st District Rep. Paolo Ortega V ang naging sentimiyento ni Khonghun sa pangambang magdulot ng panganib ang ginawang pagbabanta diumano ni Duterte kay Pangulong Marcos.

“Ang ganitong uri ng marahas at nakakatakot na mga pahayag ay hindi katanggap-tanggap mula sa kahit sino, lalo na sa isang nakaupong Bise Presidente. Malinaw na may malalaking katanungan tungkol sa kanyang estado ng pag-iisip at emosyonal na kalagayan,” ani Ortega.

“We urge the Office of the Vice President to consider seeking professional help for Vice President Duterte, as this behavior is deeply concerning and could have serious consequences for our nation’s leadership,” dagdag niya.



Naulila sa murang edad, lumipat si Rosas sa Estados Unidos noong 1979 sa tulong ng isang Jewish na may-ari ng warehouse ...
21/10/2024

Naulila sa murang edad, lumipat si Rosas sa Estados Unidos noong 1979 sa tulong ng isang Jewish na may-ari ng warehouse na nakilala niya sa Pilipinas.

Upang mabayaran ang kabaitang ito, nagtrabaho si Rosas bilang isang dishwasher sa isang lokal na restaurant sa Seattle na tinatawag na "The Turf," na pag-aari ng Jewish.

Pagkatapos ng ilang dekada ng dedikasyon at katapatan sa kanyang trabaho, ipinagkatiwala na ng Jewish owner kay Rosas ang restaurant noong 2001.

Noong 2008, nang nahirapan ang The Turf na makakuha ng mga customers dahil sa bagsak ang ekonomiya ng lungsod, nagpasiya si Rosas na i-rebrand ang restaurant bilang "Ludi's," isang pagpupugay kay "Aling Ludi," isang matalik na kaibigan ng kanyang ina na nag-aalaga sa kanya noong siya ay naulila.

Tinuruan din ni Aling Ludi si Rosas kung paano magluto, at ibinahagi ang kanyang mga sikretong recipe na naging bahagi ng tagumpay ng kaniyang restaurant.

Noong kasagsagan ng COVID-19 pandemic, maraming mga kainan ang nagsara, at kabilang sa mga ito ang isang kainan na pag-aari ng kaibigan ni Rosas. Tinanggap niya ang alok na magbukas ng bagong branch ng Ludi sa 120 Stewart Street sa Seattle.

Para kay Rosas, higit pa sa anumang pinansiyal na tagumpay at pag-ahon sa buhay ang kanyang paglalakbay, dahil ito ay tungkol sa patuloy na paggawa ng kabutihan sa mga nakapaligid sa kanya.

Partikular na inimbitahan ng Quad Comm si dating pangulong Rodrigo Duterte sa susunod na pagdinig sa Martes, Oktubre 22,...
21/10/2024

Partikular na inimbitahan ng Quad Comm si dating pangulong Rodrigo Duterte sa susunod na pagdinig sa Martes, Oktubre 22, “to provide valuable insights and shed light on the issues under discussion particularly on extra-judicial killings.”

Una nang sinabi ng dating Presidente na handa siyang humarap sa pagdinig ng Quad Comm kung iimbitahan siya ng komite.
Ilang buwan nang nag-iimbestiga ang Quad Comm sa pinaniniwalaang magkakaugnay na mga illegal na aktibidad na konektado sa illegal drugs, extrajudicial killings, at Philippine offshore gaming operator (POGO).

Sa huling pagdinig ng komite nitong Oktubre 11, ibinunyag ni retired police colonel Royina Garma na inutusan siya ni Duterte na ipatupad ang “Davao Model” sa buong bansa noong 2016, o ang pagkakaroon ng cash reward sa mga pulis na makakapatay ng drug suspect.

Sa isang panayam ng SMNI kamakailan, itinanggi ni Duterte ang ibinulgar ni Garma at inulit na haharap siya sa imbestigasyon ng Kamara o ng Senado sakaling ipatawag siya.

“I would be happy to appear in both upper and the lower house of Congress,” sinabi ni Duterte sa SMNI. “And because there are many person scalled or about to be called, baka may ibang tao pang mag-ano. Kung ito lang naman, it's all about me, eh, 'di ako na lang. Bakit pa ‘yung ibang tao? Ako na mismo ang tawagin nila.”





Hinamon ni House Assistant Majority Leader at La Union Rep. Paolo Ortega ngayong Sabado, Oktubre 19, si Vice President S...
21/10/2024

Hinamon ni House Assistant Majority Leader at La Union Rep. Paolo Ortega ngayong Sabado, Oktubre 19, si Vice President Sara Duterte na tumestigo under oath at diretsahang sagutin ang lalong dumadaming katanungan tungkol sa umano’y maling paggamit sa milyun-milyong pisong confidential funds, kabilang ang P16 milyon na ginastos sa mamahaling renta ng 34 safehouses sa loob ng 11 araw noong 2022.

Ang nasabing paggastos sa pera ng taumbayan ay base sa mga dokumentong pirmado ni VP Sara at isinumite sa Commission on Audit (COA).

Matatandaang ilang beses nang tumanggi si VP Sara na ipaliwanag o idetalye sa Kamara ang P125-million confidential funds na ginastos ng Office of the Vice President (OVP) sa loob ng 11 araw noong Disyembre 2022.

“If there’s nothing to hide, she should testify under oath. This is public money, and the Filipino people deserve transparency and accountability. No more evasions, no more squid tactics,” sabi ni Ortega.

Setyembre 18 nang nilabag ni VP Sara ang rules and traditions ng Kongreso nang tumanggi siyang mag-take ng oath para magsabi ng katotohanan tungkol sa paggastos niya ng confidential funds.




Di ba mas safe kung dumerecho na lang? 🤔📷 Marky Manzano-Visor
11/09/2023

Di ba mas safe kung dumerecho na lang? 🤔

📷 Marky Manzano
-Visor

17/08/2023

Salamat Pilipinas Today!
Nagdulot ng ibayong saya sa mga bata ng Barangay Namayan, Mandaluyong City, at biyaya sa kanilang mga magulang, ang unang outreach activity ng Pilipinas Today, katuwang ang social media influencer na si Rendon Labador at ang corporate social responsibility arm ng PT, ang Pilipinas Today Foundation.

Mula sa Pilipinas Today, maraming salamat sa mga taga-Barangay Namayan sa pagkakataong makapaglingkod at makapagbigay-kasiyahan. Layunin naming makapaghatid ng tulong sa mga nangangailangan sa aming munting paraan.

Read More:
https://pilipinastoday.org/?p=2157



Sa loob lang ng ilang buwang pagsailalim sa high-focused ultrasound treatment sa University of the Philippines-Philippin...
20/07/2023

Sa loob lang ng ilang buwang pagsailalim sa high-focused ultrasound treatment sa University of the Philippines-Philippine General Hospital (UP-PGH), nawala ang involuntary muscle spasms o panginginig ng katawan nina Rodolfo Lubis, 68, at Boyet Cabiles, 57, kapwa may Parkinsons.

Ang high-focused ultrasound machine—na nabili ng PGH sa tulong ng pagpopondo ni Senator Sonny Angara, chairman ng Senate Finance Committee—ay nag-iisa lang sa bansa at pangalawa sa Southeast Asia, ayon kay PGH Director Dr. Gap Legaspi.

“I told him (Senator Sonny), in one of our private conversations, that they (X-linked Dystonia Parkinsonism patients) should be treated in the Philippines. And lo and behold, we got a funding for that. And now it is servicing Filipino patients who could not afford this treatment,” ani Legaspi.


Stay fresh, kahit hindi naliligo.
20/07/2023

Stay fresh, kahit hindi naliligo.



Address

Quezon City

Telephone

+9611566850

Website

Alerts

Be the first to know and let us send you an email when Pilipinas TODAY. posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pilipinas TODAY.:

Shortcuts

Share

Category