Faith Center Montalban

12/08/2026

Verse of the day

Matthew 5:44
[44] Ngunit ito naman ang sinasabi ko, ibigin ninyo ang inyong mga kaaway at ipanalangin ninyo ang mga umuusig sa inyo,

Itinuturo ni Jesus sa talatang ito na mahalin natin hindi lamang ang mga taong nagmamahal sa atin, kundi pati ang mga taong hindi natin kasundo o nakasakit sa atin. Ang pagmamahal sa kaaway ay hindi nangangahulugang tama ang ginawa niya, kundi pinipili nating huwag gumanti ng galit, p**t, o paghihiganti. Sa halip, panalangin at kabutihan ang ating tugon. Kapag kaya nating magpatawad kahit mahirap, ipinapakita natin ang tunay na pag-ibig ni Cristo sa ating buhay. Huwag gumanti ng masama sa masama; sa halip, manalangin, magpatawad, at magmahal tulad ni Jesus.

Prayer
Panginoong Jesus, turuan Mo kaming magmahal at magpatawad kahit sa mga taong nakasakit sa amin. Alisin Mo ang galit at sama ng loob sa aming puso, at bigyan Mo kami ng lakas na gumawa ng mabuti at manalangin para sa iba. Nawa’y maipakita namin ang Iyong pag-ibig sa aming buhay. Sa pangalan ni Jesus, Amen.

12/08/2026

✨ FCM Youth Bible Study | John 8

"Then you will know the truth, and the truth will set you free." — John 8:32

In a world filled with confusion, pressure, and distractions, true freedom is not found in doing whatever we want—it is found in knowing and following Jesus Christ. Through His Word, He opens our eyes to the truth, breaks the chains of sin, fear, and doubt, and leads us into a life of purpose and victory.

11/08/2026

Verse of the day

1 John 1:7
[7] Ngunit kung namumuhay tayo sa liwanag, gaya niya na nasa liwanag, tayo'y nagkakaisa at ang lahat ng ating kasalanan ay nililinis ng dugo ni Jesus na kanyang Anak.

Ang talatang ito ay nagtuturo sa atin na bilang mga anak ng Diyos, tinawag tayo upang lumakad sa liwanag—mamuhay nang tapat, may kabanalan, at ayon sa kalooban ng Diyos. Hindi ibig sabihin na wala na tayong pagkakamali. Kapag tayo ay nagkasala, maaari tayong lumapit kay Jesus nang may pagsisisi at pananampalataya, sapagkat ang dugo ni Jesus ang naglilinis sa atin sa lahat ng ating kasalanan. Kaya lumakad tayo sa liwanag at piliin ang tama kahit walang nakakakita. Mamuhay tayo nang may katapatan at huwag itago ang ating mga kasalanan; sa halip, aminin natin at humingi ng tawad sa Diyos. At higit sa lahat, magtiwala tayo sa paglilinis ni Jesus, dahil ang kapatawaran at kalinisan ay hindi dahil sa sarili nating kabutihan, kundi dahil sa ginawa ni Cristo para sa atin. Huwag tayong mamuhay sa dilim ng kasalanan. Lumakad tayo sa liwanag kasama ang Diyos, sapagkat kayang linisin, patawarin, at baguhin ni Jesus ang ating buhay.

Prayer
Panginoon, salamat sa Iyong biyaya at sa paglilinis na aming tinatanggap sa pamamagitan ni Jesus. Tulungan Mo kaming lumakad sa Iyong liwanag, mamuhay nang tapat, at piliin ang tama araw-araw. Patawarin Mo kami sa aming mga kasalanan at baguhin Mo ang aming puso. Gabayan Mo kami upang maging mabuting halimbawa sa iba. Sa pangalan ni Jesus, Amen.

10/08/2026

Verse of the day

Galatians 6:9
[9] Kaya't huwag tayong mapagod sa paggawa ng mabuti sapagkat pagdating ng takdang panahon tayo ay aani kung hindi tayo susuko.

Ang talatang ito ay paalala na huwag tayong sumuko sa paggawa ng mabuti, kahit minsan ay parang walang resulta ang ating ginagawa. Maaaring hindi agad natin makita ang bunga ng ating pagtitiis, kabutihan, paglilingkod, at pananampalataya, ngunit nakikita ng Diyos ang lahat. Magpatuloy ka. Huwag kang susuko. May tamang panahon ang Diyos para sa ani. Ang mahalaga ay manatili tayong tapat at patuloy na gumawa ng mabuti. Huwag mapagod sa paggawa ng mabuti. Ang iyong pagtitiis ngayon ay maaaring maging malaking pagpapala bukas.

Prayer
Panginoon, salamat po sa Iyong salita. Bigyan Mo kami ng lakas na magpatuloy sa paggawa ng mabuti at huwag sumuko sa mga pagsubok. Tulungan Mo kaming magtiwala sa Iyong tamang panahon at manatiling tapat sa Iyo. Sa pangalan ni Jesus, Amen.

09/08/2026

Verse of the day

Luke 6:36
[36] Maging mahabagin kayo tulad ng inyong Ama na mahabagin.

Itinuturo ng talatang ito na bilang mga anak ng Diyos, tinatawag tayo na magpakita ng awa, pag-unawa, at pagpapatawad sa iba, tulad ng ipinapakita ng Diyos sa atin. Hindi ibig sabihin na palagi nating sasang-ayunan ang maling ginagawa ng iba. Sa halip, matuto tayong huwag agad humatol, magpatawad, at tumulong sa nangangailangan. Kung tayo ay nakaranas ng dakilang awa ng Diyos, dapat din nating maipakita ang awa na iyon sa ating kapwa. Ang taong tunay na nakaranas ng awa ng Diyos ay natututong maging maawain din sa iba.

Prayer
“Panginoon, turuan Mo akong maging maawain at mapagpatawad tulad Mo. Tulungan Mo akong magmahal kahit mahirap, at ipakita sa iba ang Iyong kabutihan sa pamamagitan ng aking buhay. Amen.

09/08/2026

Sa kabila ng malakas na ulan at masamang panahon, pinili ng pamilya ng FCM na magtipon, magpuri, at tumanggap ng Salita ng Diyos. Tunay na walang bagyo ang kayang humadlang sa mga pusong uhaw sa presensya ng Panginoon.

Lubos kaming nagpapasalamat kay Pastor Ronald Padilla, na sa kabila ng layo ng kanyang pinanggalingan at ng hamon ng panahon, ay nanatiling tapat at handang maglingkod upang ihatid ang mensahe ng Diyos. Ang kanyang dedikasyon ay isang inspirasyon sa lahat.

Mula sa makapangyarihang Sunday Service, nagpatuloy ang kagalakan sa pagdiriwang ng kaarawan nina Sis Zen Gabrillo Camuta at Bro Jufyl Camuta. Nawa'y patuloy kayong pagpalain ng Panginoon at gamitin para sa Kanyang kaluwalhatian.

At bilang pagtatapos ng araw, sama-sama nating dinalaw at ipinanalangin si Inang Lita War Cagaoan Gamot. Naninindigan tayo sa pangako ng Diyos at nananalig na Siya ang Dakilang Manggagamot.

09/08/2026

08/08/2026

Kahit maulan, simba pa rin tayo bukas!

08/08/2026

"Blessed is the one who perseveres under trial because, having stood the test, that person will receive the crown of life that the Lord has promised to those who love Him." -James 1:12

Faith is not proven when life is easy; faith is proven when we choose to trust God in the middle of the storm. Keep standing, keep believing, and keep loving God. The trial is temporary, but the crown is eternal. By -Bro. Ronald Anober

"