News Flash PH, Rodriguez (2025)

19/09/2025

BRICE HERNANDEZ NAG-TELL ALL SA ICI

Humarap sa pagdinig ng Independent Commission for Infrastructure si dating assistant district engineer ng Department of Public Works and Highways Brice Hernandez.

Ayon kay ICI Special Adviser Benjie Magalong, nag-“tell all” at walang itinago si Hernandez sa kaniyang pagharap sa komisyon.

Sinabi ni Magalong na “very cooperative” si Hernandez ay sinagot ang lahat ng mga tanong nang malaya at walang pagkukubli.

Tingnan ng buong detalye sa comment section.

19/09/2025

DPWH EMPLOYEES INATASANG MAKIPAGTULUNGAN SA IMBESTIGASYON NG ICI

Inatasan ni Department of Public Works and Highways Secretary Vince Dizon ang lahat ng empleyado ng ahensya na ibigay ang kanilang full cooperation sa imbestigasyon ng Independent Commission for Infrastructure o ICI.

Ito ay para makatulong at mapabilis ang isinasagawang sa imbestigasyon ICI sa anomalya sa flood control projects.

Sa memorandum ni Dizon, inatasan ang lahat ng DPWH employees na gawing available ang lahat ng dokumento at impormasyon na kakailanganin ng ICI.

Kung kinakailangan ang kanilang testimonya ay inatasan din silang humarap sa pagdinig.

Tingnan ng buong detalye sa comment section.

19/09/2025

LUXURY CAR NI BRICE HERNANDEZ ISINUKO SA ICI

Boluntaryong isinuko ni Engr. Brice Hernandez sa Independent Commission on Infrastructure o ICI ang isa sa kaniyang mga luxury cars.

Ayon kay ICI chairperson Andres Reyes Jr. ang pagsuko ni Hernandez sa nasabing sasakyan ay "sign of good faith" at pagpapakita ng kahandaan na makipagtulungan sa komisyon.

Ang isinukong sasakyan ang GMC na unang tinukoy ni Hernandez sa senate hearing na nagkakahalaga ng 10 million pesos.

Sinabi ng ICI na nakatakda ring isuko ni Hernandez ang iba pang niyang luxury cars gaya ng Ferrari, Lamborghini at iba pang mamahaling motorsiklo.

Tingnan ng buong detalye sa comment section.

19/09/2025

LABOR ATTACHÉ MACY MONIQUE MAGLANQUE PAUWI NA NG BANSA PARA MASAGOT ANG UGNAYAN SA FLOOD-CONTROL

Inaasahang darating na sa bansa sa susunod na mga araw si Labor Attaché Macy Monique Maglanque matapos ang utos na recall ng Department of Migrant Workers.

Si Maglanque ay nabanggit sa privilege speech ni Sen. Panfilo Lacson kaugay sa flood-control projects dahil sa kuneksyon niya sa MBB Global Properties.

Ayon kay DMW Secretary Hans Leo Cacdac, matapos nilang ilabas ang recall order kay Maglanque mula sa Los Angeles ay naghain pa ito ng Motion for Reconsideration.

Pero ayon kay Cacdac, ibinasura ng DMW ang mosyon ni Maglanque kaya inaasahan nilang agad na itong bibiyahe pauwi ng bansa.

Tingnan ng buong detalye sa comment section.

19/09/2025

RELEASE NG WHITE BEEP CARDS TULOY NA BUKAS, SEPT. 20

Tuloy na ang pag-imprenta at pagpapalabas ng White Beep Cards para sa mga estudyante, senior citizens at PWDs bukas, Sept. 20.

Ayon sa Department of Transportation, simula alas 10:00 ng umaga bukas, maaari nang mag-apply ng White Beep Cards ang mga estudyante, PWDs, at seniors para automatic nang makakuha ng 50 percent discount sa LRT-1, LRT-2 at MRT-3.

Magsasagawa di ng on-the-spot printing ng White Beep Cards.

Ayon sa DOTr, maaaring magpunta sa kahit anong istasyon ng tren at magpakita ng requirements gaya ng student ID o enrollment certificate, senior citizen ID at PWD ID.

Tingnan ng buong detalye sa comment section.

19/09/2025

P9.7M NA HALAGA NG ILLEGAL V**E PRODUCTS NAKUMPISKA SA BINONDO

Nakumpiska ng mga tauhan ng Criminal Investigation and Detection Group- Manila District Field Unit katuwang ang Department of Trade and Industry ang mahigit 9.7 million na halaga ng illegal v**e products sa sinalakay na warehouse sa Binondo, Maynila.

Sa nasabing operasyon, nadakip ang isang Chinese National na si Lu Yao – may-ari ng warehouse at ang Pinoy na trabahador na si alyas “Nardo”.

Nakumpiska mula sa warehouse ang 168 master boxes at 7,100 na piraso ng assorted v**e products.

Ayon sa CIDG, ilegal ang pagbebenta ng v**e products ng mga suspek dahil wala itong taglay na packaging health warnings at hindi rin ito nakasunod sa product requirement ng DTI.

Tingnan ng buong detalye sa comment section.

19/09/2025

OFW LOUNGE SA NAIA T1 BUBUKSAN MULI; PAGKAIN PARA SA MGA OFW HINDI NA LANG LIMITADO SA LUGAW AT PANSIT

Bubuksan na muli sa mga susunod na araw ang OFW Lounge sa NAIA Terminal 1.

Pansamantala itong isinara para mas palakihin ang pwesto at palawakin pa ang serbisyo.

Sa press briefing ng Department of Migrant Workers sa muling pagbubukas ng OFW Lounge sa NAIA Terminal 1, magkakaroon na ng serbisyo ang OWWA na e-Card printing.

Kaya habang nagpapahinga o naghihintay ang mga OFW, maaari na silang magpa-imprenta ng kanilang e-Card.

Maliban dito, sinabi ni OWWA Administrator Patricia Yvonne Caunan na hindi na lamang lugaw at pansit ang pagkaing ihahain sa lounge para sa mga OFW dahil magkakaroon na din ng special meal para sa breakfast, lunch at dinner.

Tingnan ng buong detalye sa comment section.

19/09/2025

MGA PINOY PINAYUHANG IPAGPALIBAN MUNA ANG PAGBIYAHE PATUNGONG NEPAL

Inabisuhan ng Department of Foreign Affairs ang mga Pinoy na ipagpaliban muna ang pagbiyahe sa Nepal.

Sa inilabas na pahayag, sinabi ng DFA na patuloy na binabantayan ang sitwasyon ng mga Pinoy sa Nepal sa pamamagitan ng embahada ng Pilipinas sa New Delhi at konsulada sa Kathmandu.

Sinabi ng DFA na sa ngayon walang napaulat na Pinoy na naapektuhan ng kaguluhan sa Nepal at bagaman mayroon nang nabuong interim government sa nasabing bansa ay patuloy na pinag-iingat ang mga Filipino Community doon.

Tingnan ng buong detalye sa comment section.

19/09/2025

DOTR INIHIHIRIT ANG DAGDAG-PONDO PARA SA MODERNIZATION PROGRAM, SERVICE CONTRACTING PROGRAM

Tiniyak ni ng Department of Transportation ang dagdag na budget para sa Public Transport Modernization Program o PTMP at Service Contracting Program o SCP sa taong 2026.

Ayon kay DOTr Secretary Giovanni Lopez tugon ito sa utos ni Pangulong Ferdinand Marcos Jr. na gawing prayoridad ang kapakanan ng mga driver at operator sa pamamagitan ng pagpapatupad ng modernization program.

Ayon kay Lopez, hinihiling na ng DOTr sa Kongreso na dagdagan ng 3 billion pesos ang budget para sa SCP.

Patuloy din ang pagsusulong ng DOTr na dagdagan ang 1.2 billion pesos ang budget para sa PTMP upang matulungan pa ang mga driver at operator na nag-consolidate na, at mahikayat ang mga natitira pa na lumahok na rin sa programa.

Tingnan ng buong detalye sa comment section.

19/09/2025

VILLANUEVA, ESTRADA HINDI PA LUSOT SA ISYU NG INSERTIONS SA 2023 AT 2025 BUDGET

Hindi pa tuluyang lusot na sina Senators Joel Villanueva at Jinggoy Estrada sa usapin ng daan-daang milyong pisong insertions sa General Appropriations Acts para sa 2023 at 2025.

Ayon kay Senate President Pro Tempore Panfilo “Ping” M. Lacson ang pagpapahintulot sa dalawang senador na harapin ang kanilang mga accuser ay hindi nangangahulugang nalinis na sila.

Sa pagdinig ng Blue Ribbon Committee noong Huwebes, sinabi ni Lacson na nakita ang P600 milyon na nakalaan umano para sa flood control projects sa Bulacan sa Unprogrammed Funds ng 2023 GAA, na iniuugnay ni Hernandez kay Villanueva.

Ani Lacson, ang P600 milyon ay nakita sa dokumentong galing kay Sen. Sherwin Gatchalian at nakasama sa mga slide na kaniyang iprinisinta.

Tingnan ng buong detalye sa comment section.

19/09/2025

ORGANIZERS NG IKAKASANG MGA PROTESTA SA SEPT. 21 PINULONG NG M**A

Nakipagpulong ang Metropolitan Manila Development Authority sa mga organizers ng ikakasang malawakang kilos protesta laban sa korapsyon na gaganapin sa Setyembre 21, 2025, araw ng Linggo.

Sinabi ni MMDA Chairman Atty. Don Artes, batay sa programa ng iba’t ibang grupo, ang mga lalahok sa protesta ay magmumula sa iba't ibang lugar sa Metro Manila, magmamartsa, at magtitipon sa EDSA People Power Monument, EDSA Shrine, at mayroon din sa Luneta.

Ang MMDA ay magdedeploy ng mga kawani para sa traffic management, crowd control, at emergency response.

Sa EDSA People Power Monument, plano ng MMDA na magbukas ng zipper lane sa bahagi ng White Plains Avenue sakaling kailanganin at gagamitin ang bahagi ng Temple Drive bilang parking area.

Tingnan ng buong detalye sa comment section.

19/09/2025

DAGDAG SAHOD SA MGA MANGGAGAWA SA CALABARZON APRUBADO NA

Aprubado na ang 25 pesos hanggang 100 pesos na dagdag sahod sa mga minimum wage earners sa Calabarzon.

Ayon sa National Wages and Productivity Commission, simula sa October 5, 2025 ay P550 haggang P600 na ang minimum na sweldo sa mga manggagawa sa non-agriculture na nasa component cities at first-class municipalities sa Region IV-A. Habang P525 naman para sa mga manggagawa sa agriculture sector.

Sa mga nasa reclassified first-class municipalities at sa second to fifth class municipalities naman, hahatiin sa dalawa ang pagbibigay ng wage hike.

Para sa mga manggagawa sa reclassified first-class municipalities magiging P510 na ang minimum wage simula Oct. 5 at magiging P550 sa Apr. 1, 2026.

Tingnan ng buong detalye sa comment section.

News Flash PH

19/09/2025

19/09/2025

19/09/2025

19/09/2025

19/09/2025

19/09/2025

19/09/2025

19/09/2025

19/09/2025

19/09/2025

19/09/2025

19/09/2025

Address

Telephone

Website

Alerts

Contact The Business

Shortcuts

Share

Category