Trina Firmalo-Fabic

15/10/2026

PAGGALANG SA MGA TAONG MAY KAPANSANAN, PANANAGUTAN NG BAWAT ISA

Ang bullying, pangungutya, at diskriminasyon ay nakasasakit at nagiging hadlang sa kanilang pantay na pakikilahok sa komunidad. Bawat isa ay may papel sa pagbuo ng isang ligtas, magalang, at inklusibong lipunan.

Ang mga Romblomanong may kapansanan na nakaranas ng bullying o diskriminasyon ay maaaring direktang magsumbong sa Provincial Persons with Disability Affairs Office (PDAO) upang humingi ng tulong at gabay.

Mahalagang paigtingin ang kamalayan sa paggalang sa dignidad at karapatan ng mga taong may kapansanan.

Sama-sama nating kilalanin ang kanilang kakayahan, igalang ang kanilang karapatan, at tiyaking naririnig ang kanilang mga hinaing.

15/10/2026

Kinagagalak po nating ibalita na mayroon na tayong bagong backhoe loader para sa pampublikong gamit sa isla ng Tablas, na binasbasan ngayong araw sa PGR Tablas Extension Office.

Alam po natin na sa tuwing may bagyo o sakuna, malaking hamon ang kakulangan sa heavy equipment, lalo na kapag may landslide at aberya sa ating mga provincial road. Hangad natin ang mabilis na pagtugon at kaligtasan para ating mga kababayan, kaya malaking tulong ang kagamitang ito sa iba’t ibang pangangailangan ng ating mga komunidad.

Simula last year, mayroon na tayong dalawang road roller, dalawang dump truck, at ngayon ay dalawang backhoe loader para sa Sibuyan at Tablas. May paparating pa po tayong na boom truck at grader para rin sa Tablas. Partikular rin natin tinutugunan ang problema sa kalsada sa Alcantara at Santa Fe, kaya, nakalaan ang pondo mula sa Local Government Support Fund (LGSF) para sa landslide-prone na bahagi ng Barangay Comod-om sa Alcantara.

Nag-request din tayo ng pondo kay Senator Erwin Tulfo para sa susunod na taon sa pagpapabuti ng kalsada mula Hacienda Guinhayaan patungo sa apat na barangay sa Santa Fe—Danao Sur, Danao Norte, Guinbirayan, at Guintigbasan. May nakalaan ding pondo para sa bahagi ng pagsasaayos ng Santa Fe Provincial Road.

Paunti-unti man, tuloy-tuloy po ang ating pagkilos at pagsisikap. Bawat dagdag na gamit at proyektong natatapos ay hakbang sa mas mabilis na pagtugon sa mga sakuna, at mas ligtas at maginhawang paglalakbay para sa bawat isa.Salamat sa ating PDRRMO, PEO, BAC, at sa lahat ng naging bahagi ng pagkuha ng kagamitang ito.

Mas marami pa tayong magagawa sa ating pagtutulungan, para sa ikauunlad at kapakanan ng ating lalawigan.

14/10/2026

📢 PUBLIC ADVISORY | LIBRENG SERBISYONG DENTAL

Ang San Andres Municipal Hospital (SAMH) ay magkakaloob ng libreng serbisyo sa pagpapabunot ng ngipin para sa mga mamamayang nangangailangan ng serbisyong dental.

Ang Dental Services ay isasagawa ni Dr. Frederick M. Blanco, Part-Time Consultant Dentist, sa pamamagitan ng pakikipag-ugnayan ng Provincial Health Office (PHO) at sa suporta ng ating Gobernador, Hon. Trina Alejandra Q. Firmalo-Fabic, para sa pagbibigay ng serbisyong dental sa ating mga kababayan.

📅 Petsa: Oktubre 15–16, 2026 (Huwebes at Biyernes)
🕙 Oras: 10:00 AM – 3:00 PM
📍 Lugar: San Andres Municipal Hospital (SAMH)

Inaanyayahan ang lahat ng interesadong magpabunot ng ngipin na magtungo sa SAMH sa itinakdang petsa at oras. Ang bawat pasyente ay sasailalim muna sa pagsusuri ng dentista upang matukoy kung maaari at ligtas na maisagawa ang pagpapabunot.

Taos-pusong pasasalamat sa Provincial Health Office at sa ating Gobernador, Hon. Trina Alejandra Q. Firmalo-Fabic, sa patuloy na pagsuporta sa mga programang naglalayong mailapit ang serbisyong pangkalusugan sa ating mga kababayan.

14/10/2026

Sir Pong de Luna, Head of Tablas Sub-Office and Sir Willard Mortos, Provincial Planning and Development Coordinator, represented the province at the event.

14/10/2026

Last week, ipinaabot natin ang stand ng Probinsya ng Romblon tungkol sa mga panukalang batas na kasalukuyang nakahain sa Kongreso na naglalayong protektahan ang Verde Island Passage.

https://www.facebook.com/share/v/18PsDQafw4/?mibextid=wwXIfr

14/10/2026

https://www.facebook.com/share/p/183iS6wWtS/?mibextid=wwXIfr

14/10/2026

Sa ating Management Committee Meeting kahapon October 13, tinalakay natin ang disiplina at attendance ng mga kawani, pagpapahusay ng mga sistema sa opisina, kapakanan at pagkilala sa ating mga empleyado, paghahanda sa ‘Very Strong El Niño,’ at pagpaplano para sa mga natitirang gawain ngayong taon.

Mahalagang malinaw ang ating mga tungkulin, bukas ang komunikasyon, at magkakaugnay ang pagkilos ng bawat tanggapan. Kasabay ng pagpapaalala sa ating pananagutan bilang mga lingkod-bayan, patuloy din nating binibigyang-halaga ang kapakanan at ambag ng ating mga kawani.

Sa bawat planong ating binubuo at sistemang pinapahusay, iisa ang ating layunin: mas mabilis, maayos, at maaasahang serbisyong mararamdaman ng bawat Romblomanon.

14/10/2026

13/10/2026

Maligayang kaarawan po kay Lola Eleutria M. Mendoza sa kanyang ika-100 na kaarawan! 🎉