31/07/2026
๐ฃ๐๐๐๐๐ง๐ | PAGOD, SAKRIPISYO, TAGUMPAY: 20 TVL-CSS Learners ng RIS, PASADO sa NC II
Pinatunayan ng 20 Grade 12 TVL-CSS learners ng Rosario Integrated School (RIS) ang kanilang kahandaan matapos makapasa sa NC II Assessment na isinagawa noong Hulyo 22 at 23, 2026 sa Northern Horizon Training and Assessment Center Inc., sa pangangasiwa ng kanilang adviser na si Sir Jeric Dulay.
Hinati sa dalawang batch ang mga mag-aaral upang maisagawa ang pagtatasa. Sampung learners ang kabilang sa unang batch na sumailalim noong Hulyo 22, habang sampu naman ang ikalawang batch na sumailalim noong Hulyo 23.
Sa kabila ng maikling panahon ng paghahanda, nakamit ng lahat ng 20 mag-aaral ang tagumpay matapos ang masinsinang pagsasanay na isinagawa bago ang itinakdang pagtatasa.
Ayon kay Sir Jeric Dulay, naging hamon ang paghahanda dahil Hunyo 30 lamang naaprubahan ng Technical Education and Skills Development Authority (TESDA) ang kanilang mga slot, ilang linggo bago ang assessment.
Dahil sampung mag-aaral lamang ang kayang pagsabayin sa computer laboratory, hinati sa dalawang pangkat ang mga kalahok. Kinailangan ding magsagawa ng pagsasanay mula umaga hanggang hapon, na kung minsan ay umaabot hanggang alas-sais ng gabi. Naglaan din ng oras para sa pagsasanay tuwing Sabado at Linggo upang mapaghanda ang lahat ng mag-aaral.
โRush talaga yung nangyari pero feeling ko lahat naman ng hirap at sakripisyo namin at ng mga students namin worth it naman, kasi pumasa naman lahat,โ ani Sir Jeric Dulay.
Samantala, para kay Kenjie Dulay, kabilang sa unang batch, mahalaga ang pagiging handa, disiplinado, at paggalang sa mga tagasuri upang maging matagumpay sa pagtatasa.
โYung pinakamahalagang natutunan ko is yung kailangan talagang ready sa pagpunta sa assessment, kasi kung hindi kayo ready mahihirapan talaga kayo doon. Tsaka yung self-discipline din, tapos kapag kinakausap ka ng assessors is kailangan talaga ng respect,โ pahayag ni Kenjie Dulay.
Binigyang-diin naman ni Sir Jeric ang kahalagahan ng NC II bilang pagkilala at pagpapatunay sa kasanayang taglay ng mga mag-aaral. Para sa mga nais nang magtrabaho matapos ang senior high school, maaari itong magsilbing mahalagang dagdag na kwalipikasyon sa paghahanap ng trabaho.
Hindi lamang sa lokal na trabaho maaaring maging kapaki-pakinabang ang sertipikasyon. Ayon kay Sir Jeric, maaari rin itong maging isa sa mga hinahanap na katibayan ng kasanayan para sa mga nagnanais magtrabaho sa ibang bansa. Sa ganitong paraan, ang NC II ay nagsisilbing baon ng mga mag-aaral sa pagharap sa mga oportunidad matapos ang kanilang pag-aaral.
Sa kabila ng siksik na oras ng paghahanda, naging bunga ng pagtutulungan, disiplina, at patuloy na pagsasanay ang matagumpay na resulta ng 20 learnersโisang tagumpay na nagpapatunay sa kakayahan ng mga TVL-CSS learners ng RIS.
Inaasahan namang magkakaroon pa ng panibagong NC II Assessment para sa iba pang TVL-CSS learners ng RIS, bagamaโt wala pang itinakdang petsa. Sa susunod na pagtatasa, patuloy na mahahasa ang kanilang mga kasanayan at mabibigyan ng panibagong pagkakataon ang mas maraming mag-aaral na makamit ang sertipikasyong maaaring magsilbing susi sa kanilang mga susunod na hakbang at oportunidad sa hinaharap.
1st batch:
Aguilar, Louie Jay D.
Apilado, Kris Charles B.
Basco, Cyrel James S.
Basco, Lorenz C.
Cabutotan, Fernando
Casia, Alexi Lorraine D.
Corpuz, Wilnard Gregg H.
Costales, Crystal B.
Ducusin, Joze Ghavrelle Louise P.
Dulay, Kenjie T.
2nd batch:
Esguerra, Zach
Justimbaste, Russell
Labaddan, Clifford
Lascaรฑas, John
Martinez, Justine
Prescador, Dej Dranreb
Villanueva, Hilario
Dacanay, Romelyn
Nisperos, Princess
Rosalin, Jasmine
๐๐๐ถ๐ป๐๐น๐ฎ๐ ๐ป๐ถ | Lyka May Gonzales
๐๐ฎ๐๐ผ๐๐ ๐ป๐ถ | Amirah Danniella Fernandez
