https://www.facebook.com/403950772803090/

Talulot ng Rosas - RIS, Poblacion East, Rosario (2026)

25/05/2026

𝐊𝐔𝐌𝐔𝐒𝐓𝐀 𝐤𝐚, 𝐑𝐈𝐒𝐄𝐀𝐍?

Handa ka na ba sa panibagong taon ng pagkatuto? O baka naman hindi pa rin sapat ang naging bakasyon mo at gusto mo pang ma-extend?

Tara na, RISEAN!
Sama-sama nating salubungin ang panibagong taon ng pagkatuto, bagong alaala, bagong kaibigan, at panibagong g**ong ating makikilala.

Bilang pagbungad sa Panuruang Taon 2026-2027. Ipinababatid sa lahat ang iskedyul ng ENROLLMENT:

📌 June 1–5, 2026 — FOR ALL GRADE LEVELS
📌 May 25–28, 2026 — FOR INCOMING GRADE 7 STE
📍 Venue - Grade level designated classrooms and areas:
• Grade 7 — STE Building
• Grade 8 — Marigold–Palawan Building
• Grade 9 — Yakal–Lata Building
• Grade 10 — Dignity–Lata Building
• Grade 11 — SHS Building
• Grade 12 — SHS Building

⏰ Office Hours: 7:30 AM – 4:00 PM

Inaanyayahan ang lahat ng mag-aaral, magulang, at tagapag-alaga na magpatala sa itinakdang araw. Dalhin ang mga kinakailangang dokumento upang maging maayos at mabilis ang proseso ng enrollment.

Kaya naman, ano pang hinihintay niyo? Tara na't mag-enroll bilang unang hakbang sa panibagong taon ng pagkatuto

Ang tanong, nakapag moved on ka na rin ba sa bakasyon mo?

28/02/2026

𝗧𝗜𝗚𝗡𝗔𝗡

TNR, Umarangkada sa DSPC 2026

Nasungkit ng Talulot ng Rosas ang iba't ibang gantimpala sa katatapos lamang na Division Schools Press Conference (DSPC) na may temang “Journalism Against Silence: Campus Voices for Transparency and Accountability," kung saan layunin nitong bigyang halaga ang talento ng bawat journalist sa buong La Union

Ito ay ginanap sa Don Eufemio F. Eriguel Memorial National High School nitong ika-26 at 27 ng Pebrero taong kasalukuyan. Narito ang mga nagsipagwagi sa nasabing kumpetisyon:

Pagsulat ng Lathalain - 2nd Place / RSPC Qualifier
Coach: Juan L. Omapas Jr.
Rochelle G. Olarte
- Danielle C. Cacayuran

Pagwawasto ng Sipi / Copy Editing - 7th Place
Coach: Rachelle S. Pulanco
- Kristel Florence Sanchez

Radio Broadcasting - 2nd Place
Best News Presenter
Coach: Jomari Banut
- Stephen Brian D. Alcantara
- Alessandra Mae B. Baldemor
- Princess Riana C. Fonseca
- Yuhan Laureta
- Hilary Gwyneth F. Nastor
- John Michael Menor
- Ageo Claude F. Lacay

Online Publishing - 4th Place
Coach: Juan L. Omapas Jr.
Ma. Pamela Fleha G. Pimentel
- Gian G. Halog
- Timothy A. Malag
- Krisha A. Quario
- Rheymark G. Guieb
- Angel M. Garcia

TV Broadcasting - 2nd Place
Best News Presenter
Best in Developmental Communication
Coach: Juan L. Omapas Jr.
Ma. Pamela Fleha G. Pimentel
- Khein C. Bantew
- Zed Yury Cordero
- Mergene A. Lusuegro
- Erich Mae I. Soriano
- Shanice Rhose S. Ballao
- Jan Thofer P. Emperador
- Mhariel M. Garcia

Taos-pusong pagbati hindi lamang sa mga nagwagi kundi sa lahat ng lumahok at naging bahagi ng delegasyon. Ang inyong tapang na humarap, magsulat, magsalita, at maglahad ng katotohanan ay isa nang malaking tagumpay.

Sa likod ng bawat medalya at pagkilala ay ang walang sawang pagsasanay, pagtitiyaga, at paninindigan sa katotohanan. Higit pa sa kompetisyon, pinatunayan ng Talulot ng Rosas na ang pamamahayag ay hindi lamang tungkol sa panalo, kundi sa pagbibigay-tinig sa mga isyung dapat marinig.

𝗜𝘀𝗶𝗻𝘂𝗹𝗮𝘁 𝗻𝗶 | Krisha Andrea Quario

09/02/2026

𝗔𝗡𝗨𝗡𝗦𝗬𝗢

Inaanyayahan namin ang mga interesadong mag-aaral na maging bahagi sa TNR TV Broadcasting Team para sa mga katungkulang:
• ANCHOR
• FIELD REPORTER

Aming inaanyahan, lalaki o babae man na:
• Maayos at presentable sa harap ng kamera
• Mahusay sa pagsulat ng balita
• Malinaw at kumpiyansa sa pananalita

Ipakita ang iyong kakayahan at maging bahagi ng pangkat na naghahatid ng tama at napapanahong impormasyon. Sumali na at maging boses ng kampus!

📍 Para sa mga interesado, maaaring magtungo sa Audio-Visual Room (3rd Floor, STE Building) mula Lunes, Pebrero 9, 2026 hanggang Miyerkules, Pebrero 11, 2026.

11/01/2026

Eskwela Press 2026, Matagumpay na Ginanap sa RIS

Binigyang-pansin ang mga campus journalists sa katatapos na Eskwela Press: Pagsasanay sa Pamamahayag 2026, na pinangunahan nina Ginang Armi Valdez, Master Teacher I at OIC-Head Teacher ng Filipino Department sa Junior High School, at Ginoong Jessie Andrada, OIC-Assistant School Principal ng Elementary Department at Head Teacher III ng English Department. Katuwang nila sina Ginoong Juan Omapas Jr. at Binibining Rochelle Olarte, bilang School Paper Advisers (SPA) ng Talulot ng Rosas (TNR), at sina Ginoong John Laroya at Binibining Jonella Derilo, SPA ng The Rosebud.

Dinaluhan naman ito ng mga mamamahayag, manunulat, litratista, kartonista at mga ilustrador mula sa TNR at The Rosebud, na ginanap sa Auditorium, Audio/Visual Room, at Library ng Rosario Integrated School nitong ika-8 hanggang 9 ng Enero.

Layunin ng pagsasanay na ito na hasain ang kakayahan ng bawat mag-aaral sa maayos at epektibong pagpapahayag ng mga pangyayari sa loob at labas ng paaralan.

𝗜𝘀𝗶𝗻𝘂𝗹𝗮𝘁 𝗻𝗶 | Krisha Andrea Quario
𝗠𝗴𝗮 𝗟𝗮𝗿𝗮𝘄𝗮𝗻 | Myles Laureta, Alexi Imperio, Gabriel Halog, Kacey Gamit, Kimberly Rivera, Kris Apilado, Kurt Calub, John Menor, Marian Panelo, Marinelle Soriano, Rhea Santos, Trisha Sapitula

05/12/2025

La Union Ipinagdiriwang ang Pamana sa Grand Cañao; Rosario Nagkamit ng Ikalawang Pwesto

Nitong ika-16 ng Nobyembre, nagpakitang gilas ang Rosario Integrated School sa katatapos na Grand Cañao na ginanap sa Convention Center sa Sevilla, Lungsod ng San Fernando, bilang pagdiriwang ng kultura at pamana ng mga katutubong komunidad ng La Union.

Layunin din nitong bigyang halaga ang iba't ibang tribo at kultura na nagmula hindi lamang sa La Union kundi sa buong Pilipinas at paigtingin ang pagkakaisa ng mga ito.

Kabilang dito sina Abby Escarcha, Febe Anne H. Esperanza, Zyra Joelle Ricanor, Mary Ann Batallang, Janmel estebar, Julius Leithan Santos, Deanver Baguyos, Jezel Basco, Yzza Jessieca Palma, Adiel Nicole Aguirre, Ayexia Maiquez, Sachi Elisabelle Dela Cruz, Hannalee Galera, Akia Mille Garcia, Erich Mae Soriano, Danah Jean Isit, Shanice Rhose Ballao, Jhan Marcus Royola, Rodcon Jhul Arquitola, Czyrelle Jade Pasag, Rhon Vianz Macayan, Aaron Myles M. Laureta, Dhenmark Asprer, Von Jacob Saliw-an, Joven Fuentes, John Michael Menor, at Jhonzen C. Ysit, sa pangunguna nina G. Denver Diocares at Gng. Armi Valdez

Sa kanilang presentasyon, itinanghal nila ang sayaw na Manmanok—isang tradisyunal na sayaw mula sa Bago Tribe ng Kalinga. Ang sayaw na ito ay ibinatay sa galaw ng mga manok sa kanilang panliligaw, kung saan ang makukulay na kumot ay nagsisilbing simbolo ng balahibo ng mga ito. Ang sayaw ng Manmanok sa kabuuan ay sumasagisag sa pagmamahalan at pagkakaisa.

Magayak na binabati ng buong pamunuan, g**o, at kapwa mag-aaral ang delegasyon ng Rosario Integrated School sa kanilang natatanging tagumpay at sa karangalang dala nila hindi lamang sa paaralan kundi sa buong bayan ng Rosario.

𝗜𝘀𝗶𝗻𝘂𝗹𝗮𝘁 𝗻𝗶 | Pia Bacani
𝗠𝗴𝗮 𝗟𝗮𝗿𝗮𝘄𝗮𝗻 | Mula kanila G. Denver Diocares at Gng. Armi Valdez

01/11/2025

𝗣𝗔𝗡𝗜𝗧𝗜𝗞𝗔𝗡

Sa Bawat Sindi ng Kandila, Nabubuhay ang Alaala

Tuwing sumasapit ang buwan ng Nobyembre, muling nagiging makulay at makahulugan ang bawat sementeryo sa bansa. Ang mga kandila ay nagliliwanag, ang mga bulaklak ay bumabango, at ang mga alaala ng ating mga mahal sa buhay na yumao ay muling nabubuhay sa ating mga puso. Ngayong Undas 2025, hindi lamang ito isang araw ng pagdadalamhati, kundi isang panahon ng paggunita, pasasalamat, at pagmamahal.

Ang Undas ay bahagi ng kulturang Pilipino na hindi kailanman naglalaho. Sa kabila ng modernong panahon, nananatiling buhay ang tradisyon ng pagdalaw sa sementeryo, pag-aalay ng dasal, at pagbabahagi ng kwento tungkol sa mga pumanaw. Sa bawat sindi ng kandila ay naroon ang pag-asang patuloy nating kasama ang ating mga mahal sa buhay—hindi man sa pisikal na anyo, ngunit sa diwa at alaala.

Ngunit higit sa pagpunta sa sementeryo, ang Undas ay paalala ng kahalagahan ng buhay at pamilya. Habang inaalala natin ang mga nauna sa atin, tayo rin ay pinaaalalahanang pahalagahan ang mga taong nasa paligid pa natin. Sapagkat gaya ng apoy ng kandila, ang buhay ay maikli at marupok—ngunit kayang magbigay-liwanag hangga’t ito’y nasusunog.

Ngayong 2025, marami sa atin ang bumabalik sa mga sementeryo matapos ang mga taong puno ng pagsubok at pagbabago. Ang bawat bulaklak na iniaalay ay simbolo ng pagmamahal na walang hanggan, at ang bawat dasal ay mensahe ng pag-asa at kapatawaran. Sa gitna ng katahimikan ng puntod, natatagpuan natin ang kapanatagan—isang tahimik na pagyakap mula sa mga alaala ng kahapon.

Sa huli, ang Undas ay hindi lamang tungkol sa kamatayan, kundi tungkol sa buhay na iniwan nila sa ating puso. Sa bawat pag-alala, nabubuhay silang muli—sa ating mga kwento, sa ating mga panalangin, at sa ating patuloy na pag-ibig.

Isinulat ni Timothy Malag
Layout ni Gian Halog

31/10/2025

Isang Boto, Isang Pagbabago

Sa bawat pangalan na nakalista sa talaan ng mga rehistradong botante, may kasamang kuwento ng pag-asa at pananagutan. Baka isa ka na ro’n, o baka ito na ang pagkakataon mo para maging bahagi ng pagbabago. Binuksan na ng Commission on Elections (COMELEC) ang voter registration, isang panawagan para gamitin ang pinakamakapangyarihang sandata ng mga mamamayan: ang karapatang bumoto.

Isipin mo ito, sa bawat taong nagpaparehistro, may isang hakbang patungo sa mas magandang kinabukasan. Kapag bumuto ka, hindi lang pangalan ang isinusulat mo sa balota, kundi ang pag-asa mo para sa mas maayos na gobyerno. Nagsisimula ito sa bawat mamamayang may malasakit, sa bawat hakbang papunta sa tanggapan ng COMELEC, at sa bawat boto ng may tiwala at paninindigan. Ang pagboto ay simbolo ng pag-asa, at sa bawat taong bumoboto, muling nabubuhay ang pag-asang magkakaroon tayo ng mas maunlad, mas maayos, at mas makatarungang lipunan.

Kaya’t kung ikaw ay nasa tamang edad na, huwag nang mag-atubili pa. Tumayo, magparehistro, at maging inspirasyon sa iba. Sa iyong isang boto, may pag-asang mabuo ang isang bansang mas maunlad, mas patas, at mas makatao. Tandaan, ang pagbabago ay nagsisimula sa’yo — sa isang desisyong kumilos, bumoto, at maniwalang kaya nating baguhin ang kinabukasan.

Saan magpaparehistro:
Pumunta sa pinakamalapit na COMELEC office sa inyong lungsod o munisipyo.

Huwag palampasin, simulan na! Boto mo, boses mo, laban mo!

𝗜𝘀𝗶𝗻𝘂𝗹𝗮𝘁 𝗻𝗶 | Aaliyah Joy Turqueza
𝗟𝗮𝘆𝗼𝘂𝘁 𝗻𝗶 | Gian Halog

30/10/2025

TVL at STEM, Namayagpag sa SHS Men’s 5x5 at 3x3 Basketball Tournament 2025

Nagliyab ang hardcourt ng Rosario Sports Center noong Oktubre 2, 8, at 10, 2025 sa dalawang kapanapanabik na torneo ng Senior High School Boys’ Basketball — ang 3x3 at 5x5, bilang bahagi ng Intramurals 2025 na may temang “Igniting the Spirit: Challenge, Compete, Conquer.”

Sa kategoryang 5x5, mainit na nagtagisan ang TVL at HUMSS sa laban para sa kampeonato. Sa matinding sagupaan, nanaig ang TVL Strand sa iskor na 54–48, upang masungkit ang gintong medalya at titulong kampeon ng torneo.
Hindi rin nagpahuli ang STEM Strand matapos talunin ang ABM/GAS sa laban para sa tanso, sa iskor na 73–69.

Ibinahagi ni Coach Paolo Lachica Boado ng TVL Men’s Team ang kanyang kasiyahan:“Syempre masaya, lahat ng nanalo masaya. Nabawasan din ‘yung stress ng mga bata at nasunod ‘yung sportsmanship na sinasabi.”

Samantala, sa 3x3 Basketball, ipinamalas ng STEM Strand ang matinding bilis at depensa matapos talunin ang HUMSSsa iskor na 21–9, dahilan upang makuha ang gintong medalya.

Nakamit ng HUMSS ang pilak, habang TVL naman ang tanso matapos pataubin ang ABM/GAS sa iskor na 21–12.
Ayon kay Reign Cyrus B. Palaruan, captain ball ng STEM Men’s Team:“Hindi lang lakas o bilis ang puhunan sa laro, kundi tiwala sa isa’t isa. Kaya namin napagtagumpayan dahil bawat isa ay handang magsakripisyo para sa koponan.”

Sa kabuuan, TVL at STEM ang nangibabaw sa larangan ng kalalakihan — patunay ng kanilang dedikasyon, disiplina, at pagkakaisa bilang isang koponan.

𝗜𝘀𝗶𝗻𝘂𝗹𝗮𝘁 𝗻𝗶 | Timothy Malag
𝗠𝗴𝗮 𝗟𝗮𝗿𝗮𝘄𝗮𝗻 | Alexi Imperio, Gabriel Halog, Marinelle Soriano, Marian Panelo

30/10/2025

HUMSS, Nanguna sa SHS Women’s Basketball Tournament 2025

Nagliyab ang hardcourt ng Rosario Sports Center noong Oktubre 2 sa tampok na laban ng Senior High School 3x3 at 5x5 Basketball sa Intramurals 2025. Hatid nito ang kapanabik na bakbakan mula sa iba’t ibang strand, na nagbigay ng kulay at sigla sa buong palaro.

Hindi nagpahuli ang mga kababaihan sa mga kaganapan ng Intramurals 2025, kung saan parehong 5x5 at 3x3 Basketball ang nagpakitang-gilas ang mga atleta mula sa iba’t ibang strand.

Sa kategoryang 5x5, nagsagupaan ang HUMSS at STEM para sa gintong medalya. Sa ipinakitang liksi at disiplina, nanaig ang HUMSS Girls sa iskor na 29–12.

Nakamit ng STEM ang pilak, habang TVL ang nag-uwi ng tanso matapos ideklarang default win laban sa ABM/GAS na hindi nakarating sa oras ng laro.

Sa 3x3 Basketball, muling namayani ang HUMSS Strand matapos talunin ang STEM sa dikit na laban na nagtapos sa iskor na 6–5.

Nakamit ng STEM ang pilak, habang ABM/GAS naman ang tanso matapos ideklarang panalo kontra TVL dahil sa default.

Ibinahagi ni Coach Bernadette Padang ng HUMSS Girls’ Team ang kanilang naging paghahanda:“Syempre teamwork, at confident ako na kayang-kaya ng mga HUMSS ang championship na ‘yon kasi marami silang preparation for at least three days.”

Sa pagtatapos ng palaro, HUMSS Girls ang naghari sa hardcourt — isang patunay na sa palakasan, ang tunay na lakas ay nagmumula sa tiwala, pagsasanay, at pagkakaisa ng bawat manlalaro.

𝗜𝘀𝗶𝗻𝘂𝗹𝗮𝘁 𝗻𝗶 | Timothy Malag
𝗠𝗴𝗮 𝗟𝗮𝗿𝗮𝘄𝗮𝗻 | Alexi Imperio, Gabriel Halog, Marinelle Soriano

30/10/2025

HUMSS at STEM, Namayani sa Esports Finals ng RIS Intramurals 2025!

Nagsimula noong Oktubre 1, 2025, sa gilid ng Sports Plaza Center, ang mainit na laban sa Mobile Legends: Bang Bang (MLBB) Tournament bilang bahagi ng RIS Intramurals 2025, kung saan ipinamalas ng mga manlalaro mula sa iba’t ibang strand ng Senior High School ang kanilang husay, diskarte, at determinasyon sa larangan ng esports.

Ipinakita ng mga lalaking manlalaro mula sa HUMSS strand ang kanilang kahusayan matapos nilang patumbahin ang STEM strand sa kampeonato ng kategoryang pangkalalakihan. Sa una at pangalawang laro, nagtala ang HUMSS ng labinsiyam (19) na kills at labing-isang (11) death, dahilan upang masig**o ang kanilang puwesto sa final round.

Samantala, sa laban ng STEM strand kontra TVL strand, agad namang umarangkada ang STEM matapos makapagtala ng dalawampu’t tatlong (23) kills at tatlong (3) death sa unang round. Bagaman sinubukang bumawi ng TVL sa sumunod na laban, nanaig pa rin ang determinasyon ng STEM na nagtapos sa tatlumpu’t tatlong (33) kills at tatlumpu’t isang (31) death, dahilan upang sila ang makaharap ng HUMSS sa championship.

Sa huling sagupaan, nagpakitang-gilas ang dalawang koponan sa bilis, diskarte, at koordinasyon. Sa kabila ng mahigpit na laban, tuluyang pinatunayan ng HUMSS strand ang kanilang galing matapos talunin ang STEM sa iskor na tatlong (3) panalo at isang (1) talo, dahilan upang masungkit nila ang kampeonato.

Hindi rin nagpahuli ang STEM strand sa kategoryang pambabae, matapos nilang masungkit ang tagumpay sa unang MLBB Women’s Tournament ng RIS Intramurals 2025. Sa isang best-of-five series laban sa HUMSS, pinatunayan ng STEM ang kanilang lakas at samahan nang walisin ang kalaban sa iskor na 3–0.

Ayon kay Alessandra Mae Baldemor, isa sa mga manlalaro ng STEM, “Sig**o, ang sikreto talaga ng pagkapanalo namin ay ‘yung connection at pagkakaibigan na nabuo namin bilang team. Kahit marami kaming pinagdaanan at kulang sa practice, nagtiwala pa rin kami sa isa’t isa at ipinakita namin ‘yung teamwork namin sa laro.”

Isang makasaysayang laban ang nagtapos sa Intramurals 2025, kung saan parehong HUMSS at STEM ang nagningning sa larangan ng esports—patunay na ang tunay na tagumpay ay bunga ng tiwala, pagkakaisa, at pusong palaban!

𝗜𝘀𝗶𝗻𝘂𝗹𝗮𝘁 𝗻𝗶𝗻𝗮 | Audrey Palaruan, Shawn Maligsa
𝗠𝗴𝗮 𝗟𝗮𝗿𝗮𝘄𝗮𝗻 | Kimberly Rivera, Marinelle Soriano, Rhea Lyn Santos, Trisha Sapitula

Talulot ng Rosas - RIS

25/05/2026

28/02/2026

09/02/2026

11/01/2026

05/12/2025

01/11/2025

31/10/2025

30/10/2025

30/10/2025

30/10/2025

Address

Website

Alerts

Shortcuts

Share

Category