23/10/2025
DSWD-REGIONAL DIRECTOR, GINPATPAT ANG “GUIDELINES” UKON BASEHAN SA PAGHIBALO KUN SIN-O ANG MAKABATON SANG CASH ASSISTANCE SA MGA NAHALITAN SANG BAGYO RAMIL SA CAPIZ
By: Joshua Kenneth Anas | 23 October 2025
Ginpatpat ni Department of Social Welfare and Development (DSWD) Regional Office VI Director Joselito G. Estember ang “guidelines” ukon basehan sa paghibalo kun sin-o ang makabaton sang ayuda sa idalom sang Emergency Cash Transfer (ECT) program sang ahensiya sa mga nahalitan sang malapnagon nga pagbaha nga natuga sang bagyo Ramil sa Capiz.
Ang ECT ukon Emergency Cash Transfer ang programa sang nasambit nga ahensiya para makahatag sang unconditional financial assistance sa mga pamilya nga mahalitan sang mga kalamidad.
P10,000 PARA SA TOTALLY AFFECTED, P5,000 SA PARTIALLY AFFECTED
Ginklaro ni Estember nga indi tanan nga naapektuhan sang bagyo ang makabaton sang bilog nga P10,000 bangud may duha ka kategorya nga balasehan suno diri agud matumod kun sin-o ang totally affected kag partially affected nga mga households ukon pamilya.
Malakip sa Totally Affected (makabaton sang P10,000) ang mga masunod:
• Totally damaged ang ila nga balay ukon 100% nga indi na maistaran bangud sa halit sang bagyo
• Long-term displacement sa mga evacuation centers, buot-silingon, nagtenir sang malawig nga panahon sa evacuation centers bangud indi na maistaran ang ila balay
• May dako nga kapierdihan sa ila palangabuhi-anan ukon masobra 50% ang ila kapierdihan
• May napatay nga miyembro sang pamilya bangud sa kalamidad
Malakip naman sa Partially Affected (makabaton sang P5,000) ang mga masunod:
• Partially damaged ang ila nga balay ukon 50% ukon katunga sang porsyon sini ang indi maistaran bangud sa halit sang bagyo
• Ginbaha ang balay apang bisan ano pa ka dalom, kun ila pa ini nabalikan kag naistaran liwat kag may kagamitan lamang nga nagkalabasa, makabig lang man ini nga partially damaged
• Short-term displacement sa mga evacuation centers ukon nagtenir lamang sa evacuation centers sang indi maglapaw sa 3 ka adlaw
• May minimal nga kapierdihan sa ila palangabuhi-anan ukon indi maglapaw sa 50% ang ila kapierdihan
• May miyembro sang pamilya nga nagmasakit ukon nasamaran sa tion sang kalamidad
INDI KINAHANGLAN ANG VIDEO UKON PICTURE SANG BAHA
Ginklaro naman ni Estember nga indi sang requirement ang video ukon picture sang baha agud pamatud-an sang isa ka indibidwal nga nahalitan ini sang bagyo.
Pahayag sang opisyal, mismo ang mga barangay officials ang dapat nakahibalo kun ano ang lebel sang halit sa ila nasakupan kag kun diin asta ang tubig-baha sa ila lugar.
DAPAT MAY COMMUNITY ASSEMBLY
Gina-obligar naman sang DSWD ang mga barangay councils nga magpatigayon sang Barangay/Community Assembly kun sa diin imbitahan man ang City Social Welfare and Development Office (CSWDO) kag City/Municipal Action Team sang ahensiya.
Diri imbitado dapat ang TANAN NGA PUMULUYO, NAHALITAN MAN UKON WALA, bangud diri ipa-intiendi dapat ang GUIDELINES ukon PAGSULONDAN sa PAGHATAG SANG AYUDA.
Sa amo man nga kahiwatan, dapat ipaathag sa mga pumulutyo ang PROSESO SANG BALIDASYON nga patigayunon.
GINAHULAT NA LANG ANG MASTERLIST
Suno kay Estember, sa karon, ginhatagan nila sang dugang nga kapin lima ka adlaw ang lokal nga gobyerno agud tapuson na ang masterlist para makapatigayon na sang distribusyon sang nasambit nga ayuda.
Yara na suno diri ang P50 milyon nga pondo sang ahensiya sa DSWD Regional Office VI para sa mga nahalitan sang bagyo Ramil sa Western Visayas.
DSWD-REGIONAL DIRECTOR, GINPATPAT ANG “GUIDELINES” UKON BASEHAN SA PAGHIBALO KUN SIN-O ANG MAKABATON SANG CASH ASSISTANCE SA MGA NAHALITAN SANG BAGYO RAMIL SA CAPIZ
By: Joshua Kenneth Anas | 23 October 2025
Ginpatpat ni Department of Social Welfare and Development (DSWD) Regional Office VI Director Joselito G. Estember ang “guidelines” ukon basehan sa paghibalo kun sin-o ang makabaton sang ayuda sa idalom sang Emergency Cash Transfer (ECT) program sang ahensiya sa mga nahalitan sang malapnagon nga pagbaha nga natuga sang bagyo Ramil sa Capiz.
Ang ECT ukon Emergency Cash Transfer ang programa sang nasambit nga ahensiya para makahatag sang unconditional financial assistance sa mga pamilya nga mahalitan sang mga kalamidad.
P10,000 PARA SA TOTALLY AFFECTED, P5,000 SA PARTIALLY AFFECTED
Ginklaro ni Estember nga indi tanan nga naapektuhan sang bagyo ang makabaton sang bilog nga P10,000 bangud may duha ka kategorya nga balasehan suno diri agud matumod kun sin-o ang totally affected kag partially affected nga mga households ukon pamilya.
Malakip sa Totally Affected (makabaton sang P10,000) ang mga masunod:
• Totally damaged ang ila nga balay ukon indi na maistaran bangud sa halit sang bagyo
• Long-term displacement sa mga evacuation centers, buot-silingon, nagtenir sang malawig nga panahon sa evacuation centers bangud indi na maistaran ang ila balay
• May dako nga kapierdihan sa ila palangabuhi-anan ukon masobra 50% ang ila kapierdihan
• May napatay nga miyembro sang pamilya bangud sa kalamidad
Malakip naman sa Partially Affected (makabaton sang P5,000) ang mga masunod:
• Partially damaged ang ila nga balay ukon 50% ukon katunga sang porsyon sini ang indi maistaran bangud sa halit sang bagyo
• Ginbaha ang balay apang bisan ano pa ka dalom, kun ila pa ini nabalikan kag naistaran liwat kag may kagamitan lamang nga nagkalabasa, makabig lang man ini nga partially damaged
• Short-term displacement sa mga evacuation centers ukon nagtenir lamang sa evacuation centers sang indi maglapaw sa 3 ka adlaw
• May minimal nga kapierdihan sa ila palangabuhi-anan ukon indi maglapaw sa 50% ang ila kapierdihan
• May miyembro sang pamilya nga nagmasakit ukon nasamaran sa tion sang kalamidad
INDI KINAHANGLAN ANG VIDEO UKON PICTURE SANG BAHA
Ginklaro naman ni Estember nga indi sang requirement ang video ukon picture sang baha agud pamatud-an sang isa ka indibidwal nga nahalitan ini sang bagyo.
Pahayag sang opisyal, mismo ang mga barangay officials ang dapat nakahibalo kun ano ang lebel sang halit sa ila nasakupan kag kun diin asta ang tubig-baha sa ila lugar.
DAPAT MAY COMMUNITY ASSEMBLY
Gina-obligar naman sang DSWD ang mga barangay councils nga magpatigayon sang Barangay/Community Assembly kun sa diin imbitahan man ang City Social Welfare and Development Office (CSWDO) kag City/Municipal Action Team sang ahensiya.
Diri imbitado dapat ang TANAN NGA PUMULUYO, NAHALITAN MAN UKON WALA, bangud diri ipa-intiendi dapat ang GUIDELINES ukon PAGSULONDAN sa PAGHATAG SANG AYUDA.
Sa amo man nga kahiwatan, dapat ipaathag sa mga pumulutyo ang PROSESO SANG BALIDASYON nga patigayunon.
GINAHULAT NA LANG ANG MASTERLIST
Suno kay Estember, sa karon, ginhatagan nila sang dugang nga kapin lima ka adlaw ang lokal nga gobyerno agud tapuson na ang masterlist para makapatigayon na sang distribusyon sang nasambit nga ayuda
Yara na suno diri ang P50 milyon nga pondo sang ahensiya sa DSWD Regional Office VI para sa mga nahalitan sang bagyo Ramil sa Western Visayas.
