27/08/2026
BARANGAY KAGAWAD BERINO SANG BRGY ILAWOD, DAO NAGSUNGKA SANG ISA KA UNIT SANG ARMAS NGA SUNGKA MAN SA IYA SANG IYA CONSTITUENT SA ILA BARANGAY
Si Hon. Mario A Beriño, Barangay Kagawad sang Poblacion Ilawod, Dao, Capiz, boluntaryo nga nagsungka sang isa (1) ka unit sang 20-gauge homemade pistol kay PSSg Gavin S Gonzales, Investigator sang Dao Municipal Police STATION. sa idalum sang ledirato ni PMAJ REY C DORDAS, OFFICE IN-CHARGE
Dao Municipal Police Station
Ang nasambit nga armas luthang ang ginturn-over sa Barangay Kagawad sang concerned constituent nga nagpamalibad nga magbuyagyag sang iya identity.
Ang ginsungka nga armas luthang yara na sa kustodiya ni PSSg Leo Jeremy Estorninos, FESAGS PNCO, para sa nagakaigo nga dokumentasyon kag disposisyon antes ini i-turnover sa Capiz Provincial FESAGS, Camp Teodorico C. Apil, Roxas City.
Ang Project CAPeace-Tawhayan isa ka inisyatibo sang PNP nga nagatuyo sa pagpabaskog sang partisipasyon kag kooperasyon sang komunidad sa pagmentinar sang kalinong kag katawhay paagi sa pag-engganyo sa mga indibidwal kag komunidad nga boluntaryo nga i-turn over ang mga loose, unregistered, ukon unauthorised fi****ms sa kapulisan. Ang proyekto nagatinguha sa pagtapna sang sayop nga paggamit sang mga armas luthang, pagnubo sang presensya sang mga loose fi****ms sa mga komunidad, kag pag-amot sa isa ka mas luwas kag mas malig-on nga palibot.
Ang boluntaryo nga pagsungka sang pusil nagapakita sang importansya sang kooperasyon sang komunidad kag responsable nga pag-atipan sang pusil sa pagtapna sang mga insidente nga may kaangtanan sa pusil kag pagmentinar sang kalinong kag seguridad.
Ang aktibidad kabahin sang padayon nga pagtinguha sang Dao MPS sa pag-engganyo sang boluntaryo nga pagsungka sang mga loose fi****ms kag masiguro ang nagakaigo nga dokumentasyon, safekeeping, kag disposisyon sini suno sa nagaluntad nga mga polisiya kag pamaagi sang PNP.
Ang Dao MPS nagapabilin nga komitido sa pagtrabaho sing tingob upod sa komunidad sa pagpasanyog sang paghidait, seguridad, kag kaluwasan sang publiko.
"Bagong PNP para sa Bagong Pilipinas: Serbisyong Mabilis,Tapat at Nararamdaman"
"Kon may emerhensya, magtawag sa 911"
Via:DAO MPS
