https://www.facebook.com/336755026849718/

Baskog Radyo

Home
Philippines
Roxas City
Baskog Radyo

Baskog Radyo. Your source of everything interesting. Feed your mind all things baskog.
(1)

12/12/2025

RRAF MARKETING (DECEMBER 12, 2025)

12/12/2025

ELECTION PROTEST SA SIGMA

𝗛𝗲𝗮𝗿𝗶𝗻𝗴 𝘀𝗮 𝗘𝗹𝗲𝗰𝘁𝗶𝗼𝗻 𝗣𝗿𝗼𝘁𝗲𝘀𝘁 𝘀𝗮𝗻𝗴 𝗦𝗶𝗴𝗺𝗮, 𝗹𝗶𝘄𝗮𝘁 𝗡𝗮𝗮𝘁𝗿𝗮𝘀𝗮𝗿; 𝗕𝗮𝗴-𝗼 𝗻𝗴𝗮 𝗺𝗮𝗻𝗱𝗼 𝘀𝗮𝗻𝗴 𝗥𝗧𝗖 𝗕𝗿𝗮𝗻𝗰𝗵 𝟮𝟭 𝗴𝗶𝗻𝗽𝗮𝗴𝘂𝘄𝗮

Mambusao, Capiz — Liwat nga naatrasar ang pagpadayon sang election protest case nanday Christopher Vincent “Cris” Andaya vs. Dante Rizal Eslabon matapos gin-aprubahan sang Regional Trial Court, Branch 21, Mambusao, ang mosyon sang protestee (Dante Rizal Eslabon) para sa postponement sang gintalana nga hearing sang Disyembre 11, 2025.

Sandig sa Court Order nga ginpirmahan ni Presiding Judge Rommel L. Leonor, ginkanselar ang hearing kun sa diin ginalauman kuntani nga pagabuksan ang mga balota halin sa isa ka barangay sa Sigma bilang kabahin sang recount.

Ginpasugtan sang korte ang hinyo sang kampo ni Mayor Dante Eslabon, nga ipaiway anay ang hearing kag pasugtan siya nga magsumiter sang nagakaigo nga pleading kaangut sang ginahambal nga kulang si Cris Andaya sang factual kag evidentiary basis para sa recount.

𝗠𝗴𝗮 𝗶𝗺𝗽𝗼𝗿𝘁𝗮𝗻𝘁𝗲 𝗻𝗴𝗮 𝗕𝗮𝗵𝗶𝗻 𝘀𝗮𝗻𝗴 𝗖𝗼𝘂𝗿𝘁 𝗢𝗿𝗱𝗲𝗿:

Approved ang Motion for Postponement ni Mayor Eslabon.

Ginkanselar ang hearing sang Disyembre 11

Magapabilin ang pre-scheduled trial sa Enero 8, 2026 bilang pagsunod na hearing date

Ginpasugtan si Mayor Eslabon nga magsumiter sang motion ukon
pleading tuhoy sa balasehan sang recount

Gintagaan sang 10 ka adlaw ang protestee para magsumiter halin sa pagkabaton sang order

10 ka adlaw man ang ginhatag sa protestant, nga si Cris Andaya, para magsumiter sang comment ukon opposition

Ang election protest ang kaangut sang karera para sa pagka-alkalde sang Sigma, Capiz, kun sa diin si Mayor Dante Eslabon ang nagdaug sang 106 nga abanse nga boto batuk kay Andaya sa eleksyon sang Mayo 2025.

Ginalauman nga mangin importante ang masunod nga hearing sa Enero 8, kun sa diin mahimo matumod ang mangin direksyon sang kaso matapos ang pagsumiter sang duha ka bahin sang ila nga mga pleadings.

12/12/2025

NUMERO SANG MGA PINOY NGA WALA SANG TRABAHO, NAGTIMBUOK SA KAPIN 2-M SADTONG OKTUBRE 2025 - PSA

Nagtimbuok sa 2.54 million ang numero sang mga Pinoy nga wala sang trabaho ukon negosyo sadtonf Oktubre subong nga tuig.

Kaangay ini sang 5% nga pagtaas, buot silingon yara sa 50 halin sa 1,000 nga indibidwal ang wala sang trabaho ukon negosyo sa nasambit nga period.

Mas mataas ang nabakhag nga unemployed sadtonf Oktubre ikumparar sa 1.97 million nga nabalhag nga unemployed individuals sadtong Oktubre sang nakaligad nga tuig.

Sa press briefing sang nakaligad nga adlaw, Martes, sa Labor Force Survey sadtong Oktubre, ginpaathag ni Philippine Statistics Aurhority (PSA) USec. kag National Statistician Claire Dennis Mapa nga ang pagtaas sang unemployed individuals sa pungsod sadtong nakaligad nga bulan ang bangud sang indi pagka-absorve sa trabaho sang iban nga nagpartisipar sa labor market.

Sa year-on-year, suno sa PSA chief, nadugangan sang 576,000 ang numero sang wala sang trabaho ukon negosyo, samtang yara sa 463,000 naman ang nadugang nga nag-angkon sang trabaho.

Ginpaathag man sang PSA chief nga nakaapekto ang magpaigo sang bagyo sadtong Oktubre sa pagtimbuok sang numero sang wala sang trabaho.

Apang, ginapahayag nga nakit-an sang pagtaas sang employment sa sektor sang agrikultura sadtong Oktubre ikumpara sadtong Hulyo kon sa diin ginlaslasan sang mabaskog nga bagyo ang pungsod.

Sa agricultural kag forestry, nagsaka sa 1.87 million ang nag-angkon sang trabaho base sa quarter-on-quarter kon sa diin pinakadako nga nagbulig diri amo ang pagpananom sang palay bangud ang peak season sang rice farming ang sa ulihi sang kwarter sang tuig. Nagsunod ang pagtanom sang mais kag hog farming.

DYOP 102.5 FM
UNA SA SERBISYO
BASKOG RADYO!

12/12/2025

NEWS UPDATE | SUSPEK SA PAGPATAY SA IYA EX-GIRLFRIEND, NAPASAKAAN NA SANG KASO NGA MURDER

Napasaka na sa korte ang kaso batuk sa suspek sa pagpatay sa iya ex-girlfriend sa sulod sang isa ka lodging house sa syudad sang Roxas.

Base sa pagpakig-angut sang Baskog Radyo News Team kay Police Lieutenant Colonel Ricardo Jomuad, Jr., hepe sang Roxas City Police Station, ginpasaka na sa korte ang kaso nga murder batuk sa suspetsado.

Samtang, nagapabilin sa gihapon nga naka-hospital arrest ang 23-anyos nga suspek bangud padayon nga ginamonitor ang iya medikal kondisyon matapos ginaalegar nag-inom ini sang hilo sa ilaga pagkatapos niya makumiter ang nasambit nga krimen.

Mahibaluan nga natabo ang krimen sadtong Disyembre 9, kon sa diin nasapwan gid lamang ang 18-anyos nga biktima sa sulod sang hulot sang isa ka lodging house sa syudad sang Roxas nga wala sang alinto kag sang gindala ini sa ospital gindeklarar ini nga patay.

DYOP 102.5 FM
UNA SA SERBISYO
BASKOG RADYO!

11/12/2025

MAAYONG BASKOG (DECEMBER 12, 2025)

11/12/2025

BASKOG SA BALITA (DECEMBER 12, 2025)

11/12/2025

LOKAL | LUWAS NGA PAGSELEBRAR SANG PASKWA KAG BAG-ONG TUIG, TINGUB PWERSA NGA GINAKAMPANYA SANG DOH, PNP, KAG BFP SA CAPIZ

Tingub pwersa nga ginakampanya sang Department of Health, Philippine National Police, kag Bureau of Fire Protection, Capiz ang luwas nga pagselebrar sang Paskwa kag pagsaulog sang bag-ong tuig.

Pinaagi sa ginpatigayon nga press conference nga gintambungan nanday Mr. Joeffrey Espiritu sang DOH-Capiz, PCPT Merry Chris Dela Cruz kag PLTCOL Francisco Paguia sang CPPO, SFO1 Joenel Cortez kag SFO1 Junemar Galve sang BFP Capiz, ginpasiguro sang mga ini nga pagapasangkaron nila ang kampanya 'Oplan Iwas Paputok' agud masiguro ang luwas nga pagselebrar sang paskwa kag bag-ong tuig.

Suno kay PLTCOL Francisco Paguia, pagmonitoron nila ang mga nagapabaligya sang palupok agud siguruhon nga may yara ang mga ini sang permit agud legal nga magbaligya sang palupok.

Ginpahayag man ni PCPT Merry Chris Dela Cruz, istrikto nga ginadumilian ang paggamit sang 'improvised nga boga' rason mas ginapasangkad pa nila ang ila kampanya kag koordinasyon sa mga barangay agud iga-mobilize nila ang mga Barangay Tanod nga amo ang magasaway kag magpangkumpiskar sang ginadumilian nga boga kag igaturn-over sa kapulisan para sa pagpangwasak.

Bangud suno kay Mr. Joeffrey Espiritu sang DOH-Capiz, sadtong nakaligad nga tuig nakabalhag sang 32 ka nga kaso sang firecrackers related injuries sa probinsya.

Samtang, suno kay SFO1 Joenel Cortez sang BFP Capiz, may yara sila sang ginapatuman nga "Oplan Paalala Iwas Paputok" kon sa diin ginamanduan ang tanan nga unit sang bombero nga magpatigayon sang fire truck visibility, pagpanagtag sang flyers ilabi na sa mga transport terminal, pampubliko nga lugar kag malls, kag 24/7 nga pagdeploy sang mga personnel sa mga lugar nga ginabaligyaan sang palupok.

Panugyan naman sang mga otoridad sa publiko nga likawan ang paggamit sang mga ginadumilian nga palupok sa baylo magamit na lamang sang alternatibo nga pampagahod agud mangin luwas kag malipayon ang pagselebrar sang paskwa kag bag-ong tuig.

DYOP 102.5 FM
UNA SA SERBISYO
BASKOG RADYO!

11/12/2025

LOKAL | TIYANGGE, GINSULOD SANG KAWATAN SA BRGY. INZO, ROXAS CITY, KAPIN P6-K NGA CASH NATABAN

Natigayon nga nataban ang kapin P6500 nga kwarta matapos ginsulod sang kawatan ang isa ka tiyangge sa Barangay Inzo, Roxas City.

Suno sa pagpakig-angut sang Baskog Radyo News Team sa tag-iya sang tiyangge, pasado alas-3 kagaina sang aga nakabugtaw ang biktima kag iya nakit-an ang ginaalegar suspek nga si alyas 'chubby' nga nagapaguwa sa gate.

Ginkakibot gid lamang sang biktima pagka-aga sang iya gincheck ang iya bag nga wala na ang iya kwarta nga nagabalor sang kapin P6,500.

Dugang pa sang biktima nga gindala man sang suspek ang adoptor sang charger sang cellphone nga Iphone

Ginaalegar pa sang biktima na madamo naman nga mga pumuluyo ang nabiktima sang nasambit nga kawatan sa ila lugar.

Kaangtanan sini, ginpakamaayo nalang sang biktima nga magparekord sa kapulisan angut sa nasambit nga insidente.

Ginpaaligmat naman sang biktima ang iban pa nga pumuluyo sa ila lugar natuhoy sa nasambit nga insidente agud indi mabiktima sang kawatan.

DYOP 102.5 FM
UNA SA SERBISYO
BASKOG RADYO!

11/12/2025

BASKOG IN THE MORNING (DECEMBER 11, 2025)

11/12/2025

RRAF MARKETING (DECEMBER 11, 2025)

Address

3rd Floor, Arcenas Building, Roxas Avenue, Capiz
Roxas City
5800

Website

facebook.com

Alerts

Be the first to know and let us send you an email when Baskog Radyo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Baskog Radyo:

Shortcuts

Want your business to be the top-listed Media Company in Roxas City?

Baskog Radyo

12/12/2025

12/12/2025

12/12/2025

12/12/2025

11/12/2025

11/12/2025

11/12/2025

11/12/2025

11/12/2025

11/12/2025

Address

Website

Alerts

Contact The Business

Shortcuts

Share

Category