Capiz Balita

Capiz Balita Mga Balita nga dapat nyo mahibaluan,Bisan diin kaman,Ang balita nagaguwa bisan ginahipsan.

09/06/2026

First day of School
First day kiss dayun
Hidlaw-Hidlaw ah..

đź“· CTTO




BABAYE, NALIPONG SA SUMBAG SANG LALAKI; BEMBANG NGA TRANSAKSYON NAPURNADA, LUYAG SANG BABAYE SA AIRCON NGA KWARTO APANG ...
08/06/2026

BABAYE, NALIPONG SA SUMBAG SANG LALAKI; BEMBANG NGA TRANSAKSYON NAPURNADA, LUYAG SANG BABAYE SA AIRCON NGA KWARTO APANG GINDALA SIYA SANG LALAKI SA PAYAG-PAYAG

Nasal-an nga naholdapan ang babaye matapos nalipong kag nadula sa iya paghinakop ang iya bag nga may cellphone, 300 pesos nga cash kag iban pa nga gamit.

Suno sa Iloilo City Police Station 2, indi holdap ang natabu kundi naugot ang lalaki sa dis-ayri sang babaye nga iya gintransaksyon nga magpakalam-kalam kag bulngon ang kauhaw sa unod.

Suno sa kapulisan, natabu ang insidente takna alas 7:40 sang Sabado sang gab-i, Hunyo 6, sa Brgy. Banuyao, La Paz, Iloilo City.

Nagtransaksyon ang duha ka persona sadtong duha ka adlaw na ang nakalipas paagi sa online page nga 'Iloilo Walker' kag nagkompormehanay nga magpahulom sila nga duha sa lodging house.

Nagasakay ang lalaki sa motorsiklo, ginhapit ang babaye sa distrito sang Jaro, kag nagpadulong sa Brgy.Banuyao, La Paz. Ginhapitan nila ang payag-payag nga mangin arena sang ila sambuwa.

Natingala ang babaye tungod nga lodging house ang ila gin-istoryahan apang payag-payag ang ila natup-an. Indi luyag sang babaye nga mangin bangkilng ang iya balhas kag basi may miron samtang sila nagapaturong-turong gani wala siya nagpasugot.

Tungod sa dis-ayri sang babaye, kag wala sang paawasan ang madugay na nga gintipon sang lalaki, ang iya kahidlaw nangin kaugot, ginsumbag sini ang babaye kag nalipong.

Tungod sini, wala sang may naholdapan, may yara lang sang naugot tungod napaslawan, kag agud nga maka-iskor ang lalaki, gintapungol niya ang babaye.



08/06/2026

MATANAO NATIONAL HIGH SCHOOL SA MATANAO, DAVAO DEL SUR,NARUMPAG SA MAKUSOG NGA LINOG

Yara sa guwa sang eskwelahan ang tanan nga indibidwal sang natabo ang pag tay og..Gilayon nga nagresponde ang emergency services.

Courtesy: Matanao National High School




BANA GIN-ARADO ANG BALAY MATAPOS NAHIBALU-AN NGA BULAGAN SANG IYA ASAWA Gin-arado sang isa ka bana ang ila puluy-an gami...
06/06/2026

BANA GIN-ARADO ANG BALAY MATAPOS NAHIBALU-AN NGA BULAGAN SANG IYA ASAWA

Gin-arado sang isa ka bana ang ila puluy-an gamit ang backhoe matapos nahibalu-an nga bulagan sya sang iya asawa nga sa Pennsylvania.

Suno sa report, hubog ang suspek sang ginpahog niya nga gub-on ang balay. Wala ini ginsapak sang asawa, apang nakibot siya sang gintuman gid sang bana ang pahog kag gin-arado ang likod nga bahin sang balay samtang yara sa sulod siya kag ang duha nila ka anak.

Matapos ang insidente, nagsulod ang bana, nagkuha sang gym bag, kag naglakat. Gilayon man sia nga gindakup sang otoridad kag yara na sa kustodiya.

Nagapangatubang subong ang suspek sang mga kaso nga damage to property, reckless endangerment, kag disorderly conduct.




82-ANYOS NGA AMAY NAPATAY KAY GINLAMPUSAN SANG KAHOY SA ULO SANG TATLO KA BESES SANG IYA 43-ANYOS NGA ANAKArestado ang 4...
06/06/2026

82-ANYOS NGA AMAY NAPATAY KAY GINLAMPUSAN SANG KAHOY SA ULO SANG TATLO KA BESES SANG IYA 43-ANYOS NGA ANAK

Arestado ang 43-anyos nga tricycle driver matapos mapatay ang iya 82-anyos nga amay sa tunga sang ila pagbaisay sa Badian, Cebu

Suno sa Badian Municipal Police Station, natabu ang insidente takna alas 10:30 sang aga sa Purok Dao, Barangay Taytay.

Ginkilala ang suspek nga si Climaco Libron, samtang ang biktima amo ang iya amay nga si Nemecio Libron nga isa ka mangunguma.

Sa pauna nga imbestigasyon, nagluntad ang mainit nga pagbaisay sa tunga sang mag-amay tubtob nga ginpudyot sang suspek ang kahoy kag ginlampos sa ulo sang biktima sang tatlo ka beses.

Napatay didto mismo ang tigulang bangud sa naagom nga kasamaran.

Wala man nagbatu ang suspek sang maabtan kag dakpon sang mga kapulisan sa ila balay.

Nahunong na ang suspek sa Badian Municipal Police Station kag nagapangatubang sang kaso nga parricide.

May duda ang kapulisan nga madugay na nga may lain sang buot ang suspek sa iya amay umpisa sa iya pagkabata.



BABAYE, NAGBIYA SA IYA TRABAHO AGUD I-BREASTFEED ANG 36-ANYOS NGA NOBYONangin viral ang isa ka babaye matapos ginreport ...
06/06/2026

BABAYE, NAGBIYA SA IYA TRABAHO AGUD I-BREASTFEED ANG 36-ANYOS NGA NOBYO

Nangin viral ang isa ka babaye matapos ginreport nga nagbiya sa iya trabaho agud nga iya mapa-dede ukon breastfeed ang iya 36-anyos nga boyfriend nga full-time bilang kabahin sang ginatawag nga “adult breastfeeding relationship.”

Nagpalayo sa iya trabaho si Jennifer Mulford, isa ka bartender sa Atlanta, agud nga magpokus sa pag-induce sang lactation kag pagmentinar sang istrikto nga routine sang feeding kag pumping kada duha ka oras agud mangin manami ang ila relasyon.

Suno sa iya, ang tuyo indi lamang pisikal kundi emosyunal, tungod nagapati siya nga ang proseso magatuga sang mabakod nga kaantanan sa tunga nila.

Madasig nga naglapta sa online ang istorya, nagpukaw sang kuryusidad, pakamalaut, kag debate, nga may madamo nga naga-kwestyon sa relationship boundaries samtang ang iban ginpangapinan ini bilang private choice sa tunga sang consenting adults.



LALAKI, NAGPANGLINGLING SA MALE DORMITORY; MGA BRIEF SANG TENANT, IYA NGA GINPANGKAWATGinapangita na sang mga otoridad a...
06/06/2026

LALAKI, NAGPANGLINGLING SA MALE DORMITORY; MGA BRIEF SANG TENANT, IYA NGA GINPANGKAWAT

Ginapangita na sang mga otoridad ang lalaki nga nakita sa CCTV sa isa ka male dormitory sa Cebu nga nagahimo sang kabastusan kag nangawat man sang pila ka personal nga gamit gikan sa mga tenant.

Suno sa report, pila ka beses na kuno nga nagpabalik-balik ang suspek sa nasambit nga dormitory agud manglingling sa nanari-sari nga unit.

May pila ka tenant na nga nagsita sa iya bangud sa makaduluda niya nga paglibot sa lugar, apang ginpamilit niya nga may kakilala kuno siya sa sulod.

Nasakam man sa CCTV ang pagpanglingling sang suspek kon sa diin naaktuhan siya nga nakaluslos ang pantalon sa sulod sang isa ka unit.

Sa separado nga kuha sang CCTV, nakita nga may pila ka bitbit ang suspek samtang nagagwa sa nasambit nga dormitory.

Pagduda sang pila ka tenants, ang lalaki nga nasiplatan sa CCTV amo ang nagakuha sang pila nila ka personal nga gamit, partikular na ang ila mga underwear.

Ginpaidalom na sa underservailance ang palibot sang dormitory samtang ginahibalo pa ang personalidad sang suspek.



LALAKI NGA NURSE NGA MAY 2 KA ANAK, GINWIGIT SA HIGAD SANG DALAN NGA MAY 13 KA PILAS; BIKTIMA, GINPUTOS SANG MOTORCYCLE ...
06/06/2026

LALAKI NGA NURSE NGA MAY 2 KA ANAK, GINWIGIT SA HIGAD SANG DALAN NGA MAY 13 KA PILAS; BIKTIMA, GINPUTOS SANG MOTORCYCLE COVER KAG GINHIGTAN SANG PACKAGING TAPE ANG MAGTIMBANG NGA TIIL

Nakabaton sang tawag sa cellphone gikan sa concerned citizen ang Duty Municipal Tactical Operations Center (MTOC) ng Bangued Municipal Police Station (MPS) sadtong Hunyo 3, 2026, takna alas 6:20 sang aga tuhoy sa pagkasapo sang isa ka bangkay sa Sitio Linasin, Barangay Zone 1, Bangued, Abra.

Gilayon nga nagresponder ang mga tinawo sang Bangued MPS agud usisaon ang nasambit nga impormasyon.

Sa inisyal nga imbestigador, nahibaluan nga ang bangkay sang biktima nagahaplak sa kilid sang alagyan. Ang lawas sini nakaputos sa isa ka motorcycle cover kag transparent nga plastik, samtang ang magtimbang nga tiil nakahigot gamit ang packaging tape. Nasapwan man sa kilid sang bangkay ang isa ka asul nga Honda XRM 125 nga motorsiklo nga may plaka nga 4002 AM.

Bangud sa kahimtangan sang insidente, gilayon nga nagpangayo sang bulig ang imbestigador sa Scene of the Crime Operatives (SOCO) para sa husto nga pagproseso sang crime scene.

Kasunod sini, naghiwat sang maid-id nga forensic examination ang mga tinawo sang Abra Provincial Forensic Unit sa pagpanguna ni PCPT Ryan Dave Castillo.

Base sa inisyal nga resulta sang pag-usisa, nakaagom ang biktima sang 13 ka buno sa ibabaw nga bahin sang likod, tangkugo, wala nga abaga, kag wala nga bahin sang sentido.

Nakilala ang biktima nga si Tam-Jay Camunay Colet, lalaki, yara sa husto nga edad, isa ka registered nurse, kag tumandok sa Barangay Tumalip, Licuan-Baay, Abra, nga nagapuyo karon sa Zone 7, Bangued, Abra.

Nakumpirmar ang iya personalidad paagi sa Professional Regulation Commission (PRC) Identification Card nga narekober gikan sa iya bulsa.

Padayon ang ginahiwat nga imbestigasyon kag follow-up operations agud matumod ang bug-os nga hitabu, makilala ang mga may kahilabtanan sa krimen, kag mahibaluan ang motibo sa likod sang insidente.



BODYGUARD SANG VICE MAYOR, NADAKPAN KAUPOD ANG IYA KABIT SA SULOD SANG LODGING HOUSENadakpan nga nagakubo-kubo nga daw u...
06/06/2026

BODYGUARD SANG VICE MAYOR, NADAKPAN KAUPOD ANG IYA KABIT SA SULOD SANG LODGING HOUSE

Nadakpan nga nagakubo-kubo nga daw uhaw nga pato ang bodyguard ang vice mayor sa sulod sang lodging house kaupod ang ginasiling nga iya kabit.

Suno sa report, si alyas Mark,31-anyos, bodyguard ni Malapatan Vice Mayor Jean Delos Santos, sa probinsya sang Sarangani.

Ang suspek nga si alyas Mark residente sang Barangay Labangal, General Santos City. Samtang, ang iya kabit ginkilala kay alyas Joan, 32-anyos.

Suno sa report, nagpangayo sang bulig si Ryan, nga bana ni alyas Joan, matapos iya mahisayran nga nagsulod ang iya asawa kag kerido sini sa lodging house rason nga gilayon nga ginkadtuan sang mga otoridad nga nagresulta sa pagkadakop sa mga suspek.

Ginpahayag Vice Mayor Delos Santos nga indi sila pagpalampason ang ginhimo sang iya bodyguard agud nga mahatagan sang leksyon ang mga nasambit nga mga suspek.

Ginpabutyag pa sang bise mayor nga angay manabat sa kasuguan ang mga natungdan tungod sa sala nga ila nabuhat.

Suno pa sa iya, nakibot na lamang siya matapos nga mahisayran nga nadakpan ang duha sulod sang lodging house.



19-ANYOS NGA BABAYE ,GINBUNO SANG 42-ANYOS NGA TRICYCLE DRIVER PATAYArestado ang 42-anyos nga tricycle driver matapos gi...
03/06/2026

19-ANYOS NGA BABAYE ,GINBUNO SANG 42-ANYOS NGA TRICYCLE DRIVER PATAY

Arestado ang 42-anyos nga tricycle driver matapos gintudlo sa pagpatay sa 19-anyos nga babaye nga nasapwan nga patay sa kahilamunan sa Sitio Cangcaya, Brgy. Poblacion, Alcoy, Cebu,

Ginkilala sang Alcoy Police ang suspek nga si alyas Degak nga nadakpan matapos matultulan paagi sa Global Positioning System (GPS) sang isa ka tablet nha ginapatihan ginapanag-iyahan sang biktima nga si alyas Jeani nga residente sang Sitio Panagikan, Barangay Tapon, Dalaguete.

Tungod may GPS ang tablet sang biktima, natultulan ini sa Barangay Balud Dalaguete kag nahibaluan nga ginbaligya ini sang suspek sa isa ka nagahingalan kay Januar Herauda nga nagbuyagyag nga ang tablet ginbaligya sa iya sang suspek na tricycle driver.

Matapos matumod nga siya ang nagbaligya, may isa pa nga nagtestigo nga si Danilo Avila nga nakita niya nga mismo ang suspek ang nagamaneho sang tricycle nga ginsakyan sang biktima sadtong Mayo 23. Wala na nakabalibad ang suspek.

Suno kay Police Major Jose Nilo Abello, hepe sang Alcoy Police Station, naaresto sa hot pursuit ang suspek kag iya gin-ku ang pagpatay sa biktima paagi sa pagbuno kag gintudlo pa niya kon sa diin niya gintago ang kutsilyo nga gingamit sa krimen.

Ginbuyagyag ni Abello nga kilala nga drug personality ang suspek kag may report man nga sadto pa may gintuyo man nga himuslan nga mga babaye sa ila lugar apang wala nagmadinalag-on bangud napunggan sang mga tawo.

Ulihi nga nakita nga buhi ang biktima sadtong Mayo 23 samtang sakay sa tricycle sang suspek. Ang live-in partner sini nga American national nga si Lane Todd Patrick ang nag-report sa kapulisan matapos madula ang babae sang pila ka adlaw.

Samtang gin-aku sang suspek ang pagpatay, mabudlayan naman ang kapulisan nga kumpirmahon kon ginhimuslan man ang biktima bangud yara sa “state of decomposition” ang lawas sini sang masapwan takna alas 8:00 sang aga.

Ipaidalom sa autopsy ang bangkay sang biktima agud matumod ang iban pa nga detalye kaangot sa insidente. Nagapangatubang ang suspek sa kaso nga murder.



Address

Poblacion Street Roxas City
Roxas City
5800

Website

Alerts

Be the first to know and let us send you an email when Capiz Balita posts news and promotions. Your email address will not be used for any other purpose, and you can unsubscribe at any time.

Shortcuts

Share

Category