Botsoy Obienda Capiz Views & News TV

03/10/2026

VEHICULAR INCIDENT NAG-LUNTAD SA PANITAN, CAPIZ, ISA P*TAY

P*tay ang isa ka persona matapos nakabunggo ang iya single nga motor sa isa ka traysikol sa Brgy. Agkilo, Panitan, Capiz Alas 2:50 sang maga aga Oct 3, 2026

Ginkilala ang drayber sang single nga motor kay Paulo 33-anyos, samtang ang drayber naman sang traysikol ginkilala kay Joe 42-anyos, sakay niya sini si Lyn 46-anyos, lunsay residente sang Brgy. Cogon, Panay, Capiz.

Sa inisyal nga imbestigasyon nagabyahe ang duha ka mga imbolbado sa kapareho nga direksyon halin sa Brgy. Concencia, Panitan, Capiz, padulong sa Town Proper sang Panitan. Pag-abot sa Brgy Agkilo, aksidente nga nabungguan ni Paulo ang traysikol ni Joemer sa likod nga porsyon, rason sang iya pagkatumba sa sementado nga karsada. nakaagum si Paulo sang kasamaran sa nagkalain-lain mga parte sang iya lawas. Gindala ini siya sa Bailan District hospital sang Panitan MDRR apang gindeklarar nga DOA Samtang ang drayber naman sang traysikol kalakip ang iya pasahero gindala sa RMPH para sa nagakaigo nga pagbulong sa na angkon nga kasamaran.

Sa karon ang traysikol kag motor yara sa kustodiya sang Panitan MPS.

03/10/2026

SINGLE NGA MOTOR KAG TRAYSIKOL IMBOLBADO SA AKSIDENTE SA PANITAN, CAPIZ

IMBOLBADO sa vehicular accident ang single nga motor kag traysikol alas 7:55 sang aga Oktobre 2, 2026 sa Brgy. Cogon, Panitan, Capiz.

Ginkilala ang driver nga biktima kay John 43-anyos, sakay niya sini ang isa ka menor de edad, lunsay residente sang Brgy. Talasa, Panay, Capiz.

Samtang ang driver/suspek ginkilala kay JP 23-anyos, residente sang Brgy. Tincopon, Panitan, Capiz.

Basi sa inisyal nga imbestigasyon pareho nga nagamaneho ang duha ka driver sang ila nga motor halin sa Panitan Proper padulong sa Bailan, apang pag-abot sa Brgy. Cogon aksidente nga nabungguan ni JP ang motor ni John, resulta sa pagkatumba sang motor ni John sa karsada. Nakaagum ini sila sang kasamaran kag gindala sang MDRRMO sa Roxas Memorial Provincial Hospital samtang si JP gindala sang iya pamilya sa Bailan District Hospital para sa nagakaigo nga pagbulong.

Ang mga motor nga imbolbado yara sa kustodiya sang Panitan MPS.

02/10/2026

AMERICAN NATIONAL KAG DUHA KA KAUPOD, PILASON SA NAGLUNTAD NGA VEHICULAR ACCIDENT SA PONTEVEDRA, CAPIZ

Pilason ang isa ka American National kag duha sini kakaupod matapos aksidente nga nabungguan sang isa man ka salakyan sa Brgy. Jolongajog, Pontevedra, Capiz, Oktobre 2, 2026.

Ginkilala ang mga biktima kay Greg 71-anyos, American National ang iya mga pasahero nga sanday; Leone
68-anyos kag ela, 69-anyos. Lunsay residente sang Brgy. Cabungahan, Maayon, Capiz.
Samtang ang driver/suspek ginkilala kay Jas 25-anyos, soltero, residente sang Brgy. Ondoy Ivisan, Capiz kag pasahero nga si Lyn 47-anyos residente sang amo man nga Barangay.

Suno sa imbestigasyon sang kapulisan, nagabyahe si Gre padulong sa direksyon sang Pres. Roxas sang hinali lang ini nga ginbunguan ni Jas nga nagabyahe sa kasugata nga direksyon matapos nga nag-overshoot ini sa linya sang Amerikano.

Madasig man nga nagresponde ang Pontevedra Emergency Response Team (PERT) kag gindala sanday Greg kag duha sini ka pasahero sa Bailan District Hospital agud madapatan sang nagakaigo nga pag bulong. Samtang nakaagum man sang minor nga mga kasamaran si Jas kag pasahero sini.

Sa karon, yara sa idalom sang kustudiya sang Pontevedra MPS si Jas kalakip ang duha ka salakyan nga imbolbado sa aksidente para sa nagakaigo nga disposisyon.

02/10/2026

PAGPAHAYAG NI KAPITAN DOMINADOR BURATA SANG BRGY. ILAWOD PONTEVEDRA, CAPIZ NAHANUNGOD SA BACKGROUND NI JUVY, ANG NANGIN SUBJECT SA GINPATIGAYON NGA SEARCH WARRANT SANG TINALIKDAN NGA SETYEMBRE 30, 2026.

02/10/2026

SUNOG NAGLUNTAD SUBONG GID LAMANG NGA HAPON SA BRGY COGON, PANAY, CAPIZ, OKTOBRE 2, 2026

📹 CTTO

02/10/2026

ARMAS KAG DRUGA NAKUHA SA GIN-IMPLEMENTAR NGA SEARCH WARRANT SA TAPAZ, CAPIZ

Arestado ang isa ka subject, samtang
at large naman ang isa ka subject sa ginpatigayon nga Search Warrant, takna alas 10:08 sang gab-i, Oktobre 1, 2026 sa Tapaz, Capiz.

Ginkilala ang subject sang Search Warrant kay Padyo 47-anyos, arestado kag residente sang Brgy. San Nicolas, Tapaz, Capiz kag Badey 21-anyos at large, residente man sang amo nga barangay.

Gin-isyu ang Search Warrant ni HON. ROMMEL L. LEONOR, Executive Judge RTC, 6th Judicial Region, Branch 21, Mambusao, Capiz. Ginpetsahan Setyembre 25 2026 sa pagbayolar sang R.A 10591 kag R.A 9165.

Nakuha ang mga masunod:
1 unit cal.45
2 magazines of cal.45
11 live ammunitions of cal.45
1 long barreled 12 gauge sh***un loaded with live ammunitions
6 sachets sang gina-suspetsahan shabu
Nagabalor sang Php 272K

Sa karon, yara sa idalom sa kustudiya sang Tapaz MPS ang nasambitan nga naaresto.

02/10/2026

SI ALYAS "PAJO" NGA SUBJECT SANG SEARCH WARRANT SA BARANGAY SAN NICOLAS, TAPAZ, CAPIZ, GULPI LANG NAG-ALA "THE FLASH" KAG KUMARIPAS DALAGAN SAMTANG GINAHIWAT ANG PAG-SEARCH SA IYA PULUY-AN. TUYO TANI NIYA MAG-BIDA SA "FAST AND FURIOUS" PERO MAS MADASIG ANG MGA KAPULISAN-WALA PA KAABOT SA FINISH LINE, TIKLO NA LIWAT.

📹 MICHAEL DENOSTA INOSLAY

02/10/2026

01/10/2026

SITWASYON SA GWA SANG COVERED GYM SA BANWA SANG TAPAZ, SANG NAGLUNTAD ANG STABBING INCIDENT ALAS 11:05 SANG GAB-I, SETYEMBRE 30, 2026

🎥CTTO

01/10/2026

AKTIBO NGA CAFGU SUSPETSADO SA PAGPANGBUNO SA BANWA SANG TAPAZ

Aktibo nga CAFGU suspetsado sa pagpamuno sa Poblacion, Tapaz, Capiz alas 11:05 sang gab-i, Setyembre 30, 2026.

Ginkilala ang mga biktima kay James 19-anyos, residente sang Brgy Tabon, Tapaz, Capiz kag isa ka menor de edad. Samtang ang suspek ginkilala kay Rex, 20-anyos, residente sang San Francisco, Tapaz, Capiz katapo sang CAFGU.

Suno sa imbestigasyon
sang kapulisan natabo ang insidente pagkatapos mag gwa ang grupo sang biktima kag suspek. Nag-ugat ang krimen sa isa ka kinagamo sa gwa sang covered gym sa diin hinali lang ginbuno sang suspek nga si Rex si James sa tuo nga bahin sang iya nga tiyan. Sa amo man nga tion ang upod nga minor nga biktima ang ginbuno man sang isa ka Child in Conflict with the Law (CICL) ukon minor nga suspek sa wala nga bahin sa idalom-tyan.

Madasig nga gindala ang mga biktima sa Tapaz District Hospital para sa nagakaigo nga pagbulong..

Gilayon nga nadakpan ang suspek samtang ang CICL naman nga suspek ginturn-over sa MSWD para sa nagakaigo nga disposisyon.