16/10/2025
LANTAWA!
NA AB-AB NGA DUTA SA BRGY. POBLACION, PILAR!
Ang pamilya Badana ga pangayo bulig sa mga opisyales matapos gina amat-amat kaon sang tubig halin sa Sibala River ang ila panimalay.
Ang Sibala River nga nahamtang dira sa may tulay sa Brgy. Poblacion kag ang gwa sini pakadto sa lawod sang Pilar. Pero nag obra sang iya kaugalingon nga alagyan ang tubig sa wala nga bahin kon maghalin ka sa tulay pakadto sa duta sini sang Badana Family.
Suno kay Desiree Badana-Munoz, ma sobra na 2,000 square meters ang ging kaon sang tubig sa ila nga 6,000 square meters nga duta.
Plano tani ni Desiree kag sang iya mga utod, ipartida nila ang duta sa ila mga himata pero apang nagakahangawa siya kay kon magdalum ang tubig kag magbaha nagadako ang ab-ab sang duta.
Naghinyo na sila sang bulig sa Department of Public Works and Highways (DPWH) pero wala gihapon nahatagan sang solusyon hasta subong.
