03/08/2026
LIMA KA INDIBIDWAL, ARESTADO SA GINKASA NGA ANTI-ILLEGAL GAMBLING OPERATION
Panay, Capiz—Dakop sa akto sang mga Katapo sang Panay Municipal Police Station sa pagpanguna ni Police Captain Eric. B. Deocampo ang mga Lima (5) ka indibidwal samtang nagapatigayon ang mga ini sang Illegal nga Bulang sa Brgy. Pawa, Panay, Capiz sadtong Agosto 2.
Suno kay Police Capt. Deocampo, Hepe sang Panay MPS nga may mga concern citizens nga naga direkta message sa iya, gani ginkasa nila ang operasyon kag nagresulta sa pagdakop sa mga suspetsado.
Narekober naman sa lugar nga ginbulangan sang mga suspetsado ang P2,030 nga cash, isa ka coin purse, isa ka kahon sang tari nga may unod nga 15 ka tari, isa ka bayong para sa bulang kag anum ka buhi nga pangbulang nga manok.
Gindala ang mga naaresto sa Panay Municipal Police Station agud sa dokumentasyon kag posibly nga pagapasakaan sila sang kaso bangud sa paglapas sa Presidential Decree 449 ukon Cockfighting Law, nga gin-amendar sang PD 1602. (Vinz Deocampo)
