01/06/2026
π‘ππ, ππππ£ππ§ππͺππ ππ‘π π£πππ ππ π£ππ₯π¦π’π‘ππππππ ππππ‘ππ¨π§ π¦ππ‘π π¦ππ‘ππ§π π¦ππ’π’π§ππ‘π
Ginkumpirmar ni National Bureau of Investigation (NBI) Director Melvin Matibag nga nagpagwa na sang subpoena ang ahensya batok sa pila ka mga personalidad may kaangtanan sa imbestigasyon sa natabo nga pagpangluthang sa Senado kag pagpalagyo ni Sen.Ronald βBatoβ dela Rosa.
Kalakip sa mga ginpatawag sang NBI amo sanday suspended Senate Sergeant-at-Arms Mao Aplasca, Pasay City chief of police Joselito De Sesto, deputy chief of staff ni Sen. Robin Padilla nga si Jean Robles, kag tiyo sang senador nga si Virgilio Carino.
Suno kay Matibag, importante nga usisaon ang papel sang nasambit nga mga indibidwal agud mahibaluan ang posible security lapses kag kun bala may salabton sa insidente.
Dugang pa sang NBI nga tuyo sang mga subpoenas nga makakuha sang maathag nga testimonya kag ebidensya nga makabulig sa pagtipon sang maid-id nga report angut sa kinagamo nga nagluntad.
Ang insidente sang pagpangluthang sa Senado, suno sa iya, nagtuga sang daku nga kahadlok sa publiko kag nagbukas sang mga pamangkot nahanungod sa kahandaan sang pwersa sang seguridad sa sulod sang national legislature.
Sa subong, padayon pa ang imbestigasyon sang NBI kag ginpasalig ni Matibag nga wala sang sin-o man nga hilaway sa liability kun mapamatud-an ang kapabayaan ukon involvement sa insidente.
Ginhatagan pagtamod sang ahensya nga ang resulta sang imbestigasyon ang igasumiter sa Department of Justice para sa nagakaigo nga aksyon batok sa mga mapamatud-an nga responsable.
(Mga Katropa, paki-like sang amon nga pageππ)
Ang ini nga balita ginadul-ong sa inyo sang:
ππ
π πππ.π ππ¨π±ππ¬ ππ’ππ² πππ©π’π³
ππ²: ππ | JUNE 01, 2026
