11/02/2026
Ngem nu kn dakami ay henerasyon nan umali am, safe ka🤪
Nan iSagada they also "ungos" their fellow iSagada. Id kasin iman nan milaan nan kadangyan sandey ado ado nan sanikuwa na, ado san payew ya buwag da, isunga adi da kayat ay nan an ak da et umasawa is baken da kaparpareho. Si amami ad kasin iman, maid payew da is ado ado, maid buwag da is ado ado. Nin asawa da ama isken ina mi, they were both young, nakitee da isnan baey da ikit ken alitao mi(mother side). Adyan da iman si ama mod kasin. Tiyempo di panangan, nan naay ikit mi et teken nan muli na. Men ipakpak na pay nan bakkong sin kandilo nu men gao is makan. Mu mangmangan da iman et teken san samul i na, ta iiiilan na siya. Isunga nan ikkan et ama mi ad kasin, umey umuna id baey da inana et mangan pay una sapay umey kenda katugangan na. Ngem inan anusan ama mi di.
That time et wadan usang ay anak da, san manong mi. Wadan nangyari et san inuy a mi, men ag aga kanu, ay sasakwangen ama mi, isudsud na kanu ken inan ama mi mu into et kanuy mentean da. Imbag ta wadan naasi ay great granffather mi sin father side, kanana ken ama mi "Umey kayo et isdi sin dumangna ay baey, wadan agamang isdi, nanapno, umanay nan tetee isdi is k***n yo." Ay aye pay di unga is nakalikna si kagtudi. Isunga malagip ko id kaungak, mu umey kami mangan id baey da katugangan ama mi, sabali nan mukiyat na. Malagip ko metlang, anjan mi ay maseyep id baey da, ulay man mu nakaseyep kami, bumangon kami men ag-aga ta sumaa kamit. San ikit mi ay dey nauyong, san alitao mi et basta giginek. Ngem nan adik malipatan ay inbaga na ken ama mi, et nan kanu idilam os ama mi adi umanay nan usay palanggan os idilam-os na isnan lupa na ay dampilak. 🤣🤣🤣 Ap-aptik baw si ama mi, menngitit ngem baken met dadlon pangit. Anina. Mamao pao pay ta way iyey na kenda katugangan na. Nu es en mensama et itapi na san kuwa da, ulay malabilabi siya saa. Siyan inik ikkan ama mi di, enggana masiken kami. Nu menronda si ama mi et waday maila na is kaiw sin igid di kalsa danut patingen ta iyey na id baey da katugangan na. Siya nan gapo ay nachallenge si ama mi, danet eesten. Nasiken kami baw et medjo medjo inmun unina ngem aye pay dis ligat ama mi.
My grandparents died years ago, may they rest in peace.
Siyan istolyan ama mi di. Ay ay Ando ando et, ituloy ko kuma ngem usto sa, tay nu sudukek at pay enggana is mapseng. Mangan tako et manet tay hungry nan person🥰
