02/07/2025
79TH IB NAGPABAKOD SANG ITDS SA BARANGAY BANDILA, TOBOSO PINAAGI SA KAMPANYA SANG KALINONG
Pinaagi sa padayon nga pagpaninguha sa pagpahibalo sa kalinong, katawhayan, kag kauswagan sa mga barangay, ginpangunahan sang 79th Infantry "Masaligan" Battalion ang isa ka aktibidad para sa pagpasangkad sang Integrated Territorial Defense System ukon ITDS sa Barangay Bandila, Toboso.
Ginpangunahan ini sang Masaligan Mobile Community Support and Sustainment Program Team, nga nag-isa sa mga katapo sang kasoldadohan, kapulisan, LGU sa banwa sang Toboso, kag mga opisyal sang Barangay.
Tinutuyo sang aktibidad ang pag-empower sa mga miyembro sang ITDS agud mangin epektibo nga masabat ang pamahog sang insurhensya kag kriminalidad.
Ginpangunahan ni 1LT Ariel De Guzman, Company Commander sang Bravo Company, 79IB, ang nasambit nga team-building kag capability enhancement session angut sa ITDS, ini kabahin sa ila nga pagpaandam kag pagpakig-upod sa lokal nga seguridad.
Nalakip ang sa Civil Military Operations Office nga nanday 1LT Dan Carlo S. Samoza PA kaupod man si 1LT Fevie Fajardo PA.
Ginapangunahan man sini ang information campaign sa Insurgency Awarenes, kalakip na ang Enhanced Comprehensive Local Integration Program ukon ECLIP kag ang Amnesty Program sang Gobyerno.
Ang duha ka importante nga programa nga sarang makabulig para sa mga anay katapo sang rebeldeng hublag nga gusto na magbalik sa sabak sang gobyerno.
Ang aktibo nga partisipasyon sang Philippine National Police, 1st NOCPMFC, kag ang iban pa nga ahensya nga nagpakita sang ila suporta kag bulig agud malikawan ang ginamo kag masiguro ang malinong nga kumonidad sa Norte nga bahin sang Negros.
Photo via 79th Infantry Battalion
Ini nga balita gina dul-ong sang:
๐Mabakal sa Clinica De Alternativo Sagay Branch Sa Likod Sang Blood Check Laboratory K5 News FM Broadcast Complex, Brgy. Poblacion 1, Sagay City, Negros Occ.
Ka-K5 Roel C. Pineda
