Radyo Natin Oncast

03/08/2025

03/08/2025

Indi pagtuguti ang manubo nga resistensya kag ang madulom nga panit nga magpahinay sa imo sa paghatag sa imo lawas sang suporta nga kinahanglan sini paagi sa Xanthone Vit Cee!

03/08/2025

HALOS 600 NGA KASO SANG LEPTOSPIROSIS , NARECORD SANG HULYO

Nakarecord ang Department of Health (DOH) sang 569 nga kaso sang leptospirosis sa Pilipinas halin Hulyo 13 tubtub 31.

Naka eksperyensya man ang pungsod sang pagbaha bangud sa sunod-sunod nga bagyo kag hangin nga Habagat sa nakaligad nga bulan.

Makuha ang nasambit nga sakit sa pag-ubog sa baha kag kontaminado nga ihi sang ilaga kag iban pa nga sapat.

𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗮𝘀, 𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗼.

03/08/2025

SYUDAD SANG SAGAY, GINPASIDUNGGAN ANG MGA BLOOD DONORS KAG PARTNERS SA GINHIWAT NGA 2024 LOCAL SANDUGO AWARDING CEREMONY

Ginpasidunggan sang lokal nga gobyerno sang Sagay ang mga blood donors, community partners, kag mga barangay bilang pagkilala sa ila wala untat nga suporta sa voluntary blood donation program sang syudad.

Ginpatigayon ang 2024 Local Sandugo Awarding Ceremony sa Sagay City Gymnasium, sadtong Hulyo 31, 2025.

Ang tuigan nga kahiwatan, gin-organisar sang City Health Office (CHO) kag ginapangunahan nanday Mayor Leo Rafael Cueva, Vice Mayor Narciso Javelosa Jr., City Health Officer Dr. Oscar Jimenea, kag sang CHO medical team

Ang Sandugo Award nagakilala sa mga indibidwal, lokal nga gobyerno, institusyon, kag organisasyon para sa ila padayon nga suporta sa boluntaryo nga mga programa sa pagdonar sang dugo nga wala sing bayad.

Ang Top 10 Performing Barangays para sa 2024 National Voluntary Blood Services Program amo ang; Puey, Lopez Jaena, Tadlong, Poblacion 2, Rafaela Barrera, Poblacion 1, Colonia Divina, Baviera, Maquiling kag Old Sagay.

Ginhatagan man sang pasidungog ang mga blood partner sang syudad nga amo ang; Dalusan-MVKO Masonid Lodge, Sagay Water District, 79th Infantry (Masaligan) Battalion, LODIFI Hospital, Alfredo E. Marañon Sr. Memorial District Hospital kag Batch 1997 sang Sagay National High School.

Ginpasidunggan man si Romar Gonzales sang Brgy. Baviera sa paglab-ot sang makahalawat-hawat nga 100 ka mga donasyon sang dugo, kon sa diin siya ang pinakamataas sa tanan nga mga Blood Galloners.

Ginkilala man ang iban pa nga mga multi-time donors gikan sa nagkalain-lain nga barangay, sa diin madamo ang nakadonar sang kapin sa 30, 40, ukon bisan 70 ka beses.

Gindayaw man sang CHO ang mga barangay nga nakalab-ot sa ila annual blood collection targets.

Si Pedro Marande, nga isa ka kilala nga donor sang dugo gikan sa Brgy. Paraiso, nagsiling nga ang pagdonar sang dugo isa ka makaalayaw nga eksperyensya, bangud sa proseso, nagaluwas ka sang mga kabuhi.

Sa pagtapos sang kahiwatan, naghatag sang mensahe si Dr. Keisha Yvonne Tampus, Medical Officer IV, sa diin nagpabutyag ini siya sang daku nga pagpasalamat sa tanan nga nagdonar sang dugo, mga lideres sang barangay, mga opisyales sang syudad, kag sa grupo sang CHO.

"Ginalauman namon nga madamo pa nga mga Sagaynon ang ma-inspire nga mag-intra sa sini nga programa sa masunod nga mga tinuig," siling ni Tampus.

Photo's from I Love Sagay

𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗮𝘀, 𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗼.

03/08/2025

03/08/2025

ELECTION OFFICER SA SYUDAD SANG SAGAY, NAGAPAABOT NGA PAHIMUSLAN SANG MGA PUMOLOYO ANG TYANSA NGA MAKA PAREHISTRO

Nagapaabot si Election Officer Atty. Ryan Deldo sang Commision on Elections (Comelec) Sagay, nga pahimuslan sang mga pumoloyo ang tyansa nga maka parehistro bangud 10 lamang ini ka adlaw.

Madumduman nga nagsugod na ang registration para sa Barangay kag Sangguniang Panlungsod (SK) Elections, sadtong Agosto 1 kag ini magatakop sa petsa 10.

Suno kay Deldo, nagalaum siya nga ang mga pumoloyo nagikan sa 25 ka Barangay sa syudad sang Sagay nga luyag magparehistro, magkadto sa gingamit nga lugar nga amo ang Tali-ambong.

Ginapahanumduman man ni Deldo ang mga "first time registrant" nga magdala sang Birth Certificate kag ID.

𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗮𝘀, 𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗼.

02/08/2025

MASS ANTI-RABIES VACCINATION PARA SA MGA IDO KAG KURING, NATALANA NGA IPATIGAYON SA BARANGAY TABA-AO, SAGAY

Gin-anunsyo sang Sagay City Veterinary Office (CVO) nga may patigayunon sila nga mass anti-rabies vaccination para sa mga ido kag kuring sa Barangay Taba-ao, syudad sang Sagay, bwas nga adlaw, Lunes, Agosto 4.

Para sa mga pamangkot, makig-angot sa inyo Barangay Paraveterinarian/Health Worker/Midwife ukon sa CVO Sagay page.

𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗮𝘀, 𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗼.

02/08/2025

READ: Yari ang opisyal nga pahayag sang Integrated Bar of the Philippines angut sa desisyon sang Korte Suprema nga ideklarar nga unconstitutional ang impeachment complaint batok kay Vice President Sara Duterte.

via DZRH

𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗮𝘀, 𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗼.

02/08/2025

LOOK: Nakatabok na sa International Date Line halin sa Central Pacific Basin ang Tropical Depression kag kabahin na sang Western Pacific Basin.

Ang tsansa nga makasulod ini sa Philippine Area of Responsibility (PAR) manubo kag wala ginalauman nga makaapekto sa pungsod.

Ginalauman nga magapadayon ini sa pagluya sa masunod nga mga inadlaw.

via PWS/PSU

𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗮𝘀, 𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗼.

02/08/2025

WEATHER UPDATE| Ang Negros Occidental may magal-umon nga kalangitan tubtub kon kaisa magal-umon nga may pag-ulan ukon pagpanaguob tuga sang Localized Thunderstorm, sini nga Domingo, Agosto 3.

Nagaapekto naman ang Hangin Habagat sa Northern Luzon.

Mahinay tubtob kasarangan ang huyop sang hangin nagikan sa Bagatnan-nakatundan pakadto sa Bagatnan-sidlangan nga bahin.

Gamay tubtob kasarangan ang balod sa kadagatan nga magadangat sa 0.6 tubtob 2.1 metros ang kataason.

Nagbutlak ang adlaw kaina las 5:36 sang aga kag ini magatunod las 6:12 sa gab-i.

via PDRRMO Negros Occidental

𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗮𝘀, 𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗼

02/08/2025

Sugod alas 2:00 sang kaagahon subong nga adlaw, Agosto 3, wala sang Low Pressure Area (LPA) nga ginabantayan para sa pagporma sang tropikal nga bagyo.

via PAGASA

𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗮𝘀, 𝗨𝗻𝗮 𝘀𝗮 𝗣𝗶𝗹𝗶𝗽𝗶𝗻𝗼.