87.5 XFM Negros Segundo Distrito

06/09/2026

BANTAY MERKADO | Sitwasyon sa Sagay Public Market sini nga adlaw Dominggo Setyembre 6,2026

04/09/2026

DSWD NAGHATAG SANG EMERGENCY CASH AID SA RSSI-AFFECTED FARMERS SA SAGAY

Ginpatigayon subong, Setyembre 4, 2026, sa Sagay City Gymnasium ang paghatag sang Emergency Cash Transfer (ECT) sang Department of Social Welfare and Development (DSWD) para sa mga RSSI-affected farmers.

Ini ang ginbug-usan sang 24 ka Brgy sa syudad sang Sagay kag may yara sang 1,196 ka binipisyaryo kag kada isa ang nakabaton sang P10,325

Ang ayuda pinansyal ginhatag para makabulig sa mga mangunguma nga naapektuhan sang RSSI.

Kabahin ini sang padayon nga programa sang DSWD sa paghatag sang bulig sa mga pumuluyo nga nagakinahanglan.

Nagtambong sa payout si Sagay City Mayor Leo Rafael Cueva, Congressman Alfredo 'Thirdy' Marañon, Former Mayor sang banwa sang Manapla nga si Manolette Escalante kag iban pa nga mga opisyal sang gobyerno.

Ini ang gintambungan man mismo ni DSWD-NIR Regional Director Arwin Razo.

Nagbulig man sa pagfacilitate sa amo nga aktibidad ang mga katapo sang Sagay Agriculture Office nga ginapangunahan ni City Agriculturist Julie Delima.

04/09/2026

04/09/2026

SAGAY SCHOOLS DIVISION, NAGPATIGAYON SANG KICK-OFF PARA SA NATIONAL TEACHERS’ MONTH

Pormal nga ginpatigayon sang Sagay Schools Division ang kick-off sang National Teachers’ Month sini nga Biyernes, Setyembre 4 nga magatapos sa Oktubre 5, nga amo ang World Teachers’ Day.

Suno kay Schools Division Superintendent Dannie Clark Uguil, ginsugdan ang selebrasyon paagi sa motorcade sa palibot sang Sagay City kaina sang aga agud ipahibalo sa publiko nga opisyal nga nagsugod na ang Teachers’ Month.

Pagkatapos sang motorcade, ginpatigayon naman ang kick-off ceremony sa Division Office.

Sa bilog nga bulan sang Setyembre tubtob Oktubre 5, may yara sang nagkalain-lain nga aktibidad ang mga eskwelahan sa Sagay para sa paghatag pagkilala kag pagpasalamat sa mga manunudlo kag non-teaching personnel sa ila serbisyo.

Ginpahayag ni Uguil nga ginpreparar man ang mga aktibidad sa Oktubre 2, agud indi na maapektuhan ang klase sa Oktubre 5 nga amo ang World Teachers’ Day.

Sa amo nga adlaw, ginapaabot nga makapahuway kag makapangalipay ang mga manunudlo bangod ini ang ila espesyal nga adlaw.

Kabahin man sa selebrasyon ang annual Harvest of Excellence ukon Gawad Sigay sa Oktubre 2, kun sa diin pasidunggan ang mga outstanding teachers kag non-teaching personnel sang Sagay City.

Suno sa Division Office, may yara sang kapin 2,000 ka teaching kag non-teaching personnel sa bilog nga Sagay City.

Ginpahayag man ni Uguil nga ini nga selebrasyon ginpatigayon sa suporta ni Congressman Alfredo “Thirdy” Marañon III kag sang lokal nga gobyerno sang Sagay nga ginapangunahan ni Mayor Leo Rafael Cueva kag Vice Mayor Narciso Javelosa Jr.

04/09/2026

VAT SA SYSTEM LOSS CHARGE SANG KURYENTE, GINAPAT-OD NGA KUHAON SANG BIR

Ginaandam na sang Bureau of Internal Revenue ukon BIR ang pagtangtang sang Value-Added Tax ukon VAT sa system loss charge nga yara sa balayran sa kuryente sang mga konsumidor.

Suno sa BIR, paagi sini mahimo nga bisan gamay magnubo ang kabug-aton sang bayranan sa kuryente.

Ini kasunod sang resolusyon sang Energy Regulatory Commission ukon ERC nga nagakilala sa system loss charge bilang government-mandated pass-through cost. Buot silingon, ini nga bayad indi income sang mga generation company, NGCP kag mga utility nga nagapanagtag sang kuryente.

Suno kay BIR Commissioner Charlito Martin Mendoza, indi dapat patawan sang VAT ang bahin sang kuryente nga nadula sa transmission ukon distribution system kag wala man nagalab-ot sa mga balay ukon negosyo.

Magapagwa ang BIR sang Revenue Memorandum Circular para sa pagpatuman sini matapos ang 15 ka adlaw halin sa pagpublikar sang ERC resolution.

Una na man nga gintangtang sang BIR ang output VAT sa iban nga government-mandated charges sa kuryente, lakip ang Lifeline Subsidy kag Green Energy Auction Allowance.

04/09/2026

3 PATAY, LAKIP ANG SUSPEK SA PAGPANGTIRO SA APARTMENT BUILDING SA MINNEAPOLIS

Tatlo ka tawo ang ginreport nga napatay, lakip ang suspek, matapos ang pagpangtiro sa isa ka apartment building sa Minneapolis.

Suno sa mga otoridad, nakabaton sila sang tawag gikan sa isa sa mga biktima nga yara sa apartment building sa 15 E. Grant St.

Gilayon nga nagkadto ang kapulisan sa lugar. Pag-abot nila, nagbaylohanay sang lupok ang mga pulis kag ang suspek.

Tatlo man ka pulis ang napilasan sa insidente kag gindala sa ospital. Stable naman ang ila kahimtangan.

Wala pa maathag kon ano ang natabo sa suspek kag kon ano ang iya motibo sa pagpangtiro.

Nagapadayon pa ang imbestigasyon sang mga otoridad para mahibaluan ang bug-os nga detalye sang insidente.

04/09/2026

THAILAND, GINPA-NUBO ANG VISA-FREE STAY PARA SA MGA TURISTA

Ginpa-nubo sang Thailand ang ginalawig sang pagtinir nga wala sang visa para sa mga turista gikan sa labaw 60 ka pungsod, lakip ang United States, China kag mga pungsod sa European Union.

Sugod Setyembre 15, 30 ka adlaw nalang ang pwedi pagtinir sang mga turista nga visa-free sa Thailand, halin sa kinaandan nga 60 ka adlaw.

Suno sa gobyerno sang Thailand, ginhimo ini nga pagbag-o agud mapunggan ang krimen kag iligal nga mga negosyo nga gina-link sa pila ka mga foreigner nga ginakabig nga nagagamit sing sala sang visa-free privilege.

Apang may lain nga patakaran para sa mga turista halin Peru, Brazil kag South Korea, nga pwede gihapon makatinir sa Thailand nga wala sang visa tubtob 90 ka adlaw.

Pwede man magpangayo sang extension ang mga turista kon gusto nila palawigon pa ang ila pagtinir, pero ini magadepende sa pag-usisa kag pag-apruba sang mga immigration officer.

Ginaaligar sang Thailand nga paagi sa sini nga pagbag-o mapabakod ang pagmonitor sa mga nagasulod sa ila pungsod samtang padayon gihapon nga ginapalambo ang turismo.