18/09/2025
ANTI-PABEBE BILL, GIDUSO NI SENADOR ROBIN PADILLA
Miduso og usa ka balaudnon si Senador Robin Padilla nga mao ang Senate Bill No.1300 o ang Anti-Pabebe Act of 2025.
Tumong sa maong balaudnon para tudloan og sayo ang mga tinun-an gikan sa kindergarten ngadto na sa K12 pinaagi sa pag-integrate sa praktikal nga mga kahibalo sa kinabuhi, values formation og environmental awareness.
Pipila sa mga aktibidad nga gisugyot sa senador nga itudlo sa kabataan mao ang:
-basic nga agrikultura ug pagpanguma
-panahi ug basic textile mending
-Basic nga pagluto ug food safety practices
-panimalay ug mga kahanas sa pag-atiman sa kaugalingon (sama sa paglimpyo ug pagbadyet)
-mga kalihokan sa kinaiyahan nga nakabase sa komunidad (sama sa mga clean-up drive ug pag-recycle)
-pagpamanday
Sumala ni Atty. Rudolf Philipp Jurado, chief of staff ni Padilla, ang pulong nga “pabebe” nagtumong sa pamatasan nga sobra ka arte, og dali ra masuko nga usa ka kinaiya nga kasagarang makita karon sa kabataan nga anaa pirmi sa internet. Gipakita usab ang kaimportante sa balaodnon, tungod kay daghan sa kabatan-onan karon ang mas anad sa social media kaysa sa tinuod nga kasinatian sa kinabuhi.
