09/03/2026
5 Bagay na kinakaharap ng ating mga Pastor, na hindi nila sinasabi sa atin.
1. ANG LABANAN ANG LONELINESS
Kakaiba ang lungkot na nararamdaman ng isang Pastor. Marami silang kakilala, pero kakaunti ang tunay na kaibigan. Marami rin sa kanila,napalayo sa kanilang pamilya o kamag-anak ~ dahil mas pinili ang kanilang ministry or calling. Hindi nila basta maibuhos ang kanilang bigat sa miyembro dahil ayaw nilang maging katitisuran o "burden." Madalas, sila ang takbuhan ng lahat, pero pag-uwi nila, wala silang makausap tungkol sa sarili nilang sugat. Sila ang nakikinig sa breakdown ng iba, habang sila mismo ay nag-iisa sa kanilang "silent tears."
2. ANG BIGAT SPIRITUAL WARFARE PARA SA KANILA AT SA KANILANG PAMILYA
Ang Pastor ang pangunahing target ng kaaway. Kapag tinamaan ang pastol, magkakawatak-watak ang mga tupa. Kinakaharap nila ang matinding atake hindi lang sa kanilang isipan, kundi pati sa kanilang asawa at mga anak. Ang pressure na magkaroon ng "perfect family" ay nakakasakal. Masakit para sa isang Pastor na habang nagliligtas siya ng ibang pamilya, ang sarili niyang pamilya ay tila pinupuntirya ng gulo.
3. ANG PAKIKIBAKA SA DEPRESYON AT BURNOUT
Akala ng marami, hindi nade-depress ang Pastor dahil "malapit sila sa Diyos."Ang mga Pastor ay napapagod din~pisikal, emosyonal, at espirituwal. Ang burnout ay totoo. Minsan, gusto na nilang sumuko, pero itutuloy pa rin nila ang sermon dahil alam nilang may mga taong naghihintay ng pag-asa mula sa kanila, kahit sila mismo ay tila wala nang maibigay.
4. ANG SAKIT NG PAGTATAKSIL AT KRITISISMO
Wala nang mas sasakit pa sa isang Pastor kaysa sa makitang ang taong ipinanalangin niya, dinalaw sa ospital, at tinulungan sa oras ng kagipitan ay siya ring sisira sa kanya sa likod. Ang mga maling akusa at masasakit na salita mula sa sarili niyang kawan ay mas matalas pa sa anumang espada. Hindi nila ito sinasabi, pero bawat miyembrong lumilisan nang walang paalam o naninira ng puri ay nag-iiwan ng malalim na pilat sa kanilang puso.
5. ANG TAHIMIK NA PAG-AALALA SA PINANSYAL AT BUKAS
Hindi lahat ng Pastor ay sagana. Marami sa kanila ang tahimik na nag-aalala kung paano pag-aaralin ang mga anak, paano babayaran ang mga bayarin, o ano ang kakainin bukas~habang ipinapanalangin nila ang "provision" para sa ibang tao. Ang kanilang sakripisyo ay madalas na hindi nakikita, at ang kanilang pangangailangan ay madalas na nakakalimutan dahil akala ng lahat, "okay lang si Pastor."
~
Ang Pastor mo ay hindi Diyos; siya ay isang tao na pinili ng Diyos. Hindi siya gawa sa bakal; siya ay gawa sa laman at dugo na nasasaktan at napapagod din. Ang bawat "Amen" mo ay mahalaga, pero ang iyong panalangin at pagkalinga para sa kanya ay mas higit na kailangan.
Huwag nating hintayin na mawala sila o bumagsak bago natin sila pahalagahan. Ang Pastor na nag-aalaga sa iyong kaluluwa ay kailangan din ng kalinga.
Sa susunod na makita mo ang iyong Pastor, huwag ka lang humingi ng panalangin. Magtanong ka, "Pastor, kumusta ka po talaga? Ipinapanalangin kita." Ang simpleng pagkilala sa kanilang pagkatao ay sapat na para bigyan sila ng lakas na magpatuloy.
Follow like and share!
