Brgy Dallangayan Oeste

07/10/2026

Good day po ka brgy! Para sa kaalaman po ninyo na lahat po ng mga hihiram ng lamesa at upuan po sa brgy ay libre po wala pong charge ang paghihiram. Pero pag may nasira po or nawala na isang upuan ay 100pesos each po ang charge o multa namin sainyo. Libre na po namin pinagamit at responsibility nyo po na ingatan yung mga upuan at lamesa po. Maraming salamat po

04/10/2026

PHILIPPINE ARMY CONDUCTS COMMUNITY RESPONDERS ENHANCEMENT TRAINING

Isinagawa ng Philippine Army ang Community Responders Enhancement Training para sa mga Barangay Officials at Personnel ng Barangay Dallangayan Oeste.

Layunin ng pagsasanay na mapalawak ang kaalaman at kahandaan ng ating mga barangay responders sa pagtugon sa mga emergency, sakuna, at iba’t ibang sitwasyong nangangailangan ng mabilis at maayos na aksyon.

Maraming salamat sa Philippine Army sa pagbabahagi ng kaalaman at pagsasanay para sa mas ligtas, handa, at matatag na komunidad. 🇵🇭

Barangay Dallangayan Oeste — Laging Handa, Laging Naglilingkod!

02/10/2026

♻️ SOLID WASTE MANAGEMENT MEETING 🌿

Isang makabuluhang pagpupulong kasama sina CENRO Head Sir Valmar Valdez at Sir Larry Salas Jr., kasama ang ating Punong Barangay at mga Barangay Officials, upang pag-usapan ang mga mahahalagang usapin at hakbang para sa mas maayos at epektibong Solid Waste Management sa ating barangay.

Kabilang sa mga tinalakay ang:

🗑️ Garbage Fee Collection – maayos at transparent na sistema ng pangongolekta ng garbage fees.

🚛 Garbage Collection – regular na pangongolekta at paghakot ng basura upang maiwasan ang tambak at kalat.

📅 Schedule at Trips ng Garbage Trucks – pag-aayos ng iskedyul at truck trips para mas maging episyente ang garbage collection.

♻️ Status ng MRF Fund ng Barangay – pagtalakay sa kasalukuyang kalagayan ng pondo at wastong paggamit nito para sa mga pangangailangan at programa ng MRF.

🏗️ MRF Management – mga suhestiyon at tips mula sa CENRO upang mapabuti ang operasyon, maintenance, segregation, at pamamahala ng MRF.

📜 Pag-update ng Solid Waste Management Ordinance – pagtalakay sa mga kinakailangang pagbabago at pag-update sa barangay ordinance upang maging mas angkop sa kasalukuyang sistema, pangangailangan, at mga umiiral na patakaran sa solid waste management.

💡 Nagbigay rin ng mahahalagang tips at rekomendasyon ang CENRO upang mas maging organisado, sustainable, at maayos ang pagpapatupad ng ating mga programa.

Patuloy ang koordinasyon at pagtutulungan ng ating Punong Barangay, Barangay Officials, at CENRO para sa isang malinis, maayos, disiplinado, at responsableng barangay. 💚♻️

29/09/2026

Mga ka brgy! Para sa mga Asong naka kalat sa kalsada maghuhuli po ulit kami pasensyahan po tayo ulit. Tubusin nyo nalang po sa City Pound ang Aso ninyo kung mahuli magbayad po kayo 1,000Pesos. Salamat po

28/09/2026

PAALALA MULA SA BARANGAY DALLANGAYAN OESTE OFFICIALS

Huwag matakot magsalita. Kung ikaw ay nakakaranas ng pang-aabuso, pananakit, pananakot, pambabastos o anumang uri ng karahasan, lalo na laban sa kababaihan at mga bata, may karapatan kang humingi ng tulong at proteksyon.

MAGSUMBONG. MAG-REPORT. HUWAG MANAHIMIK.

Maaaring lumapit sa Barangay VAWC Desk o sa mga Barangay Officials upang maiparating ang inyong problema at mabigyan ng nararapat na tulong at gabay.

Hindi ka nag-iisa. Ang barangay ay handang makinig, tumulong at protektahan ang bawat biktima.

27/09/2026

SUNDAY BARANGAY KALINISAN DAY | 💪🧹

Linggo man, tuloy ang serbisyo! Sama-samang naglinis ang mga barangay officials at personnel sa Zone 2. Kasama sa gawain ang paglilinis ng paligid, paglipat ng solar streetlights, pag-repair ng mga streetlights, at paghakot ng mga nakolektang damo at basura gamit ang barangay truck. 🚛💡

Malinis na kapaligiran, ligtas na komunidad, sama-samang pagkilos!

Para sa Dallangayan Oeste TULOY TULOY ANG SERBISYONG PUBLIKO! 🇵🇭

25/09/2026

CONGRATULATIONS, BARANGAY DALLANGAYAN OESTE! 🏆💉

Taos-pusong pagbati sa ating barangay sa pagkakatanggap ng MR SIA 2026 Certificate of Commendation matapos makamit ang 97.81% vaccination coverage sa Measles-Rubella Supplemental Immunization Activity.

Pagkilala at pasasalamat kanila

Punong Barangay Jurick Minong,
Ma’am Jenelyn Martinez, Midwife,
Kagawad Francis Hufalar Committee on Health

at sa ating masisipag na BHWs sa kanilang walang pagod na pagsisikap na mabakunahan at maprotektahan ang mga bata ng ating barangay.

Ang parangal na ito ay bunga ng pagkakaisa, malasakit at sama-samang paglilingkod para sa kalusugan ng bawat bata. ❤️

24/09/2026

Congratulations, Chinery Alexis M. Tadifa, 🎓💙

On behalf of the Barangay, we are truly proud of your achievement. Your hard work and dedication have paid off. May you continue to inspire others and reach greater heights!

Congratulations on passing the Psychometrician Licensure Examination! 👏✨
To God be the highest glory! 🙏💙

19/09/2026

📋 REGULAR BARANGAY SESSION | 2027 BUDGET PREPARATION

Isinagawa ang regular session ng Barangay Council, na pinangunahan ni Punong Barangay Jurick Minong, bilang bahagi ng patuloy na paghahanda at pagpaplano para sa Barangay Budget Year 2027.

Tinalakay ng Punong Barangay at mga miyembro ng Barangay Council ang mga kinakailangang programa, proyekto, serbisyo at prayoridad ng barangay upang matiyak na ang pondo ay magagamit nang maayos, responsable at para sa kapakanan ng mga mamamayan.

Maayos na pagpaplano ngayon, mas maayos na serbisyo bukas. ❤️🫰

15/09/2026