92.5 Radyo Birada FM

Directions

92.5 Radyo Birada FM The way to right wrongs is to turn the light of truth upon them. -Ida B. Wells

DOPPO, NAGPAHINUMDOM SA KALUWASAN SA MGA KABATAAN!Nagpahinumdom ang Davao Oriental Police Provincial Office (DOPPO) sa p...
30/09/2026

DOPPO, NAGPAHINUMDOM SA KALUWASAN SA MGA KABATAAN!

Nagpahinumdom ang Davao Oriental Police Provincial Office (DOPPO) sa publiko kalabot sa mga lakang aron maprotektahan ang mga kabataan isip kabahin sa Safer Cities Initiatives.

Apil sa mga pahinumdom ang paglikay sa mga dili kaila ug delikadong sitwasyon, dili pagpaambit og personal nga impormasyon online, ug pagsumbong sa ginasaligang tiguwang kung makabati og risgo o dili komportable.

Giawhag usab ang publiko nga i-report ang bullying, pagpangabuso ug pagpahimulos sa mga bata.

Sumala sa DOPPO, apil sa mga krimen batok sa kabataan ang pisikal o mental nga pagpangabuso, child exploitation, online sexual exploitation ug pagpasagad.

Giawhag ang publiko nga magpabiling mabinantayon ug ireport gilayon sa pinakadool nga buhatan sa kapulisan ang bisan unsang gidudahang kaso. Alang sa emergency, mamahimong mutawag sa 911.

Via | PNP Davao Oriental Police Provincial Office - DOPPO




MATI CPS, NAGLUSAD OG LIBRENG SAKAY ALANG SA KOMUNIDAD!Nagpahigayon karong adlawa, Setyembre 30, 2026 ang Mati City Poli...
30/09/2026

MATI CPS, NAGLUSAD OG LIBRENG SAKAY ALANG SA KOMUNIDAD!

Nagpahigayon karong adlawa, Setyembre 30, 2026 ang Mati City Police Station (Mati CPS) og Libreng Sakay aron matabangan ang mga residente nga nanginahanglan og masakyan padulong sa ilang mga destinasyon.

Apil sa mga nakabenepisyo niini ang mga estudyante, empleyado, senior citizens ug uban pang commuters.

Sumala sa Mati CPS, kabahin kini sa ilang pagpaningkamot nga mapadool sa komunidad ug makahatag og serbisyo gawas sa pagmintinar sa kalinaw ug kahapsay.

Gisiguro sa buhatan nga padayun kining mahimong andam nga mutabang ug magserbisyo sa mga katawhan sa Mati.

Via | Mati Pcr




SUBANGAN MUSEUM, GIILA ISIP 'LOCAL MUSEUM OF THE YEAR'!Giila ang Davao Oriental Subangan Museum isip "Local Museum of th...
30/09/2026

SUBANGAN MUSEUM, GIILA ISIP 'LOCAL MUSEUM OF THE YEAR'!

Giila ang Davao Oriental Subangan Museum isip "Local Museum of the Year" sa unang ang MUSEO: Natatanging Gawad ng Museum Foundation of the Philippines.

Gipangusgan sa pasidungog ang ambag sa Subangan sa pag-atiman, pagpakita ug pagpakatag sa kasaysayan ug kulturang kabiling DAvao Oriental pinaagi sa mga koleksyon, eksibisyon ug programang pang-edukasyon.

Ang pormal nga paghatag sa pasidungog nakatakda karong Oktubre 22, 2026, sa National Museum of the Philippines - Museum of Natural History.

Apil sa gihatagag pag-ila ang Provincial Tourism Office sa pagdumala ni Provincial Tourism Officer Atty. Lovella Fe Tacder, kauban si Museum Administrator Lyrna Padohinog, sa pagpatuman sa mga programa ug operasyon sa Subangan Museum.

Via | Provincial Government of Davao Oriental




CONGRESSMAN CHEENO ALMARIO, MISUGYOT NGA PATAS-AN SA P350K ANG TAX-FREE INCOME!Ginaduso sa Kongreso ni Davao Oriental Di...
30/09/2026

CONGRESSMAN CHEENO ALMARIO, MISUGYOT NGA PATAS-AN SA P350K ANG TAX-FREE INCOME!

Ginaduso sa Kongreso ni Davao Oriental District II Representative Cheeno Miguel Almario ang sugyot nga isaka gikan sa P250,000 hangtud sa P350,000 ang tinuig nga income threshold nga dili pahamtangan og buhis.

Tumong sa sugyot nga mapadako ang net income sa low-to middle-income earners ug self-employed professionals taliwala sa padayun nga pagsaka sa presyo sa mga nag-unang palaliton.

Sumala ni Congressman Cheeno Almario, makatabang ang tax relief aron makabaton og mas dakong kita ang mga pamilya alang sa ilang nag-unang panginahanglanon ug mapakusog ang ilang purchasing power.

Via | Congresman Cheeno Miguel Almario




RESIDENTE SA TARRAGONA, NAGPATABANG KANG MAYOR ALMARIO!Midangop sa buhatan ni Mati City Mayor Joel Mayo Almario ang usa ...
30/09/2026

RESIDENTE SA TARRAGONA, NAGPATABANG KANG MAYOR ALMARIO!

Midangop sa buhatan ni Mati City Mayor Joel Mayo Almario ang usa ka residente gika nsa Brgy. Ompao, Tarragona human nadiskubrehan niini nga gigamit ang iyang ngalan ug litrato sa mga peke nga Facebook account.

Pinaagi sa Affidavit of Denial, giklaro sa residente nga wala siyay kalabotan sa mga account nga "Ash LY" ug "LY Ash", nga matud pa nag-post og death threats batok sa mayor.

Gihimakak usab niya nga siya ang mihimo, nagkontrol o naghatag og pagtugot sa paggamit sa iyang hulagway sa mga nahisgutang account.

Via | CITY OF MATI




MATI CITY, GIILA ISIP KEY LGU AWARDEE SA 8TH ENVIRONMENT SUMMIT 2026!Giila ang City Government of Mati isip usa sa mga k...
29/09/2026

MATI CITY, GIILA ISIP KEY LGU AWARDEE SA 8TH ENVIRONMENT SUMMIT 2026!

Giila ang City Government of Mati isip usa sa mga key Local Government Unit (LGU) awardees sa 8th Environment Summit 2026 tungod sa mga programa niini alang sa pag-atiman sa kinaiyahan ug sustainable development.

Gipahigayon sa Department of Environment and Natural Resources - Environmental Management Bureau Region XI ang awarding ceremony niadtong Setyembre 25, 2026 sa SM City Davao Ecoland.

Gihatagan sa pag-ila ang mga modernong community-driven practices sa City Environment and Natural Resources Office (City ENRO) sa ecological solid waste management ug padayun nga pagpatuman sa mga programang pangkinaiyahan.

Sumala sa syudad, pamatood ang maong pag-ila sa padayun nga pagduso sa environemntal sustainability alang sa mga residente sa Mati.

Via | City ENRO - CITY OF MATI




DENR XI UG MATI CITY, NAGKAHIUSA ALANG SA GREEN DEVELOPMENT!Nagkahiusa ang Department of Environment and Natural Resourc...
29/09/2026

DENR XI UG MATI CITY, NAGKAHIUSA ALANG SA GREEN DEVELOPMENT!

Nagkahiusa ang Department of Environment and Natural Resources (DENR) XI ug mga opisyal sa Mati City aron pakusgon ang pag-atiman sa kinaiyahan ug sustainable development.

Sa courtesy call nga gitambungan nila DENR XI Regional Executive Director Atty. Ma. Mercedes Dumagan, 2nd District Representative Cheeno Miguel Almario ug Mati City Mayor Joel Mayo Almario, gihisgutan ang pagpang-apud apud og DENR-grown seedlings sa mga tulunghaan, barangay ug pampublikong lugar.

Gihisgutan usab ang paggamit sa mga nasakmit nga forest products ug giant bamboo alang sa paggama og muwebles ug livelihood opportunities, ingon man usab ang pagpakusog sa bamboo ug forest-based industries.

Gihisgutan usab ang mga development project sa Mati City, apil ang Mati Airport ug Fish Port, samtang gisiguro sa DENR XI ug PENRO Davao Oriental ang padayun nga koordinasyon aron maduso ang pag-lambo nga dili makompromiso ang kinaiyahan ug natural nga bahandi.





MGA EMPLEYADO SA LGU SA CARAGA, NAKADAWAT OG LIBRENG SERBISYONG PANGLAWAS!Gihatagag-prayoridad sa lokal nga panggamhanan...
29/09/2026

MGA EMPLEYADO SA LGU SA CARAGA, NAKADAWAT OG LIBRENG SERBISYONG PANGLAWAS!

Gihatagag-prayoridad sa lokal nga panggamhanan ang panglawas sa mga empleyado pinaagi sa mobile laboratory services.

Apil sa mga libreng serbisyo nga gihatag ang blood chemistry, chest X-ray, electrocardiogram (ECG) ug ultrasound.

Tumong sa programa nga matabangan ang mga empleyado nga mamonitor ang ilang kahimtang sa panglawas aron padayun silang makahatud og mas maayong serbisyo publiko.





29/09/2026

BIRADA KOMENTARYO!




PEOPLE'S ADMINISTRATION CIVIC CENTER, ITUKOD SA CITY HALL COMPOUND SA MATI!Gipahigayon kagahapong adlawa, Setyembre 28, ...
29/09/2026

PEOPLE'S ADMINISTRATION CIVIC CENTER, ITUKOD SA CITY HALL COMPOUND SA MATI!

Gipahigayon kagahapong adlawa, Setyembre 28, 2026 ang groundbreaking ceremony alang sa itukod nga People's Administration Civic Center sa City Hall Compound sa Mati City.

Sumala kang Mati City Mayor Joel Mayo Almario, magsilbi kining multi-purpose venue alang sa mga community event ug evacuation center matag dunay kalamidad.

Nagsugod ang pagpangandam sa proyekto niadtong Agosto 24 pinaagi sa soil exploration aron masiguro ang kalig-on sa mahimong pundasyon sa bilding. Ipahigayon usab ang konstruksyon og pa-phase ug magsugod karong tuiga.

Mitambong sa groundbreaking sila Vice Mayor Lorenzo Rabat, mga myembro sa Sangguniang Panlungsod, ug mga opisyal ug empleyado sa Mati City LGU.

Via | CITY OF MATI




Address

Gerona Bldg. Brgy. Manikling
San Isidro
8209

Website

Alerts

Be the first to know and let us send you an email when 92.5 Radyo Birada FM posts news and promotions. Your email address will not be used for any other purpose, and you can unsubscribe at any time.

Shortcuts

Share

Category