https://www.facebook.com/106784111807082/

Ang Paraiso Gazette, Tungkong Mangga, San Jose del Monte (2025)

30/08/2025

🏅🔥 INTRAMURALS 2025: PARAISO PRIDE, PARAISO FIGHT!🔥🏅

ANG SIGAW, HANDA NA BA KAYO?

Muling sisiklab ang diwa ng palakasan at pagkakaisa sa Paradise Farms National High School Intramurals 2025! 🎉✨

Sa pagbubukas ng makukulay na labanan ng mga koponan, mararamdam ang sigaw ng suporta at pagkakaisa mula sa bawat Paradisian. Ang bawat laro at kompetisyon ay hindi lamang laban ng lakas at galing, kundi patunay rin ng disiplina, pangarap at tunay na galing ng Paradisian. 💪🎽🏀

Hatid ng Ang Paraiso Gazette ang espesyal na coverage—mula sa mga highlight ng palaro hanggang sa inspiradong kwento ng mga atleta at koponang magbibigay kulay sa ating Intramurals. 📸📝

Manatiling updated para sa mga larawan, updates, at balitang tiyak na magpapaalala sa atin na sa PFNHS, hindi lang talento ang pinapanday, kundi ang pagkakaisa at Paraiso Pride!🌟

28/08/2025

Maligayang Kaarawan, Rikilyn Deveza!

Mula sa Patnugutan ng Ang Paraiso Gazette, kami ay nagpapasalamat at humahanga sa ipinapakita mong dedikasyon at pagbabahagi ng iyong kaalaman bilang Patnugot sa Pagkuha ng Larawan.🎞️

Sa bawat larawan na nakukunan ng iyong lente ay bumubuo ka ng kuwento ng pag-asa.📷

Nawa ay piliin mong magpatuloy at maging isang inspirasyon sa mga mag-aaral na nais maging isang mamamahayag.

Muli, maligayang kaarawan sa iyo!💚

14/08/2025

🌟 Maligayang Kaarawan, Fiona Antido! 🎂🖋️

Sa bawat guhit ng iyong lapis at bawat kulay na binubuhay mo sa pahina, dama namin ang puso at kaluluwa ng iyong sining. Hindi lang mga linya ang iyong binubuo, kundi mga kwento’t damdamin na nagbibigay saysay at ngiti sa mga mamamahayag ng Ang Paraiso Gazette. 🎨💛

Fiona, salamat sa dedikasyon bilang PATNUGOT NG KARTUN—sa pagtitiyaga, malasakit, at pagkamalikhain na hindi matatawaran. Nawa’y ngayong espesyal mong araw, mapuno rin ng kulay at saya ang iyong taon gaya ng pagpapasaya mo sa iba. 💐✨

Mula sa PATNUGUTAN NG ANG PARAISO GAZETTE, ipinagdiriwang namin hindi lang ang iyong kaarawan, kundi ang kahanga-hangang taong patuloy na gumuguhit ng inspirasyon sa puso ng lahat. ❤️

10/08/2025

[KAMPUS RECAP]

B2BM ng Ang Paraiso Gazette, matagumpay at makabuluhan

Dinaluhan ng mga SPJ students at Staffers ang isang buong linggo ng B2BM ng Ang Paraiso Gazette, mula Hulyo 21-25. Pinangunahan ito ng iba't ibang mga tagapagsalita sa bawat kategorya.

Layunin ng B2BM na maituro sa mga mamamahayag ang mga kategorya sa Journalism. Sa isang buong linggo, dedikasyon at sipag ang nakita sa mga mag-aaral upang matuto kasabay ang natatanging mga talento ng kanilang mga tagapagsanay / tagapagsalita.

Inaasahan ang makabuluhang aplikasyon ng kanilang mga natutuhan sa darating na SBPC at iba pang mga patimpalak. Lubos ang pasasalamat ng APG sa mga sumuporta at patuloy na sumusuporta sa adhikain ng malayang pamamahayag sa modernong panahon.

Isinulat ni: Juliana Cano
Grapikong Disenyo ni: Christel Macalinao

10/08/2025

[KAMPUS RECAP]

Paradisians, nakiisa sa Deworming 2025

Idinaos ang deworming para sa mga mag-aaral mula sa ika- 8, 10 at 12 na baitang nitong Agosto 7, 2025 sa covered court ng Paradise Farms National High School.

Layunin ng libreng gamot pang purga na labanan ang mga bulate sa loob ng tiyan ng mga estudyante para sa mas malusog at mainam na kalusugan at pangangatawan.

Ibinigay ng mga barangay health workers ang nasabing gamot pampurga sa mga estudyante, at inalalayan naman sila nina Gng. Marissa Pedrezuela at Gng. Teresita Gojo Cruz.

Lubos ang pasasalamat ng mga mag-aaral para sa libreng gamot na siyang malaking tulong para sa kapakanan ng kanilang kalusugan. Mula sa isang mag-aaral sa ika-12 na baitang na si Mica Hinandoy, nakiisa siya sa deworming dahil sa benepisyong kaakibat nito.

Inaasahan ang magandang resulta ng programa sa kalusugan ng bawat Paradisian.

Isinulat ni: Elmer Clarence Closa
Grapikong Disenyo ni: Fiona Antido
Mga kuhang larawan nina: Juliana Cano, Rikilyn Deveza at Chloie Evangelista.

10/08/2025

Seminaryo sa Bullying, Inorganisa sa PFNHS
‎
‎Magdudulot ng sakit ang bawat maling pagkilos. Layunin ng programang LOGOUT HATE na may temang “Empowering Teens Against Cyberbullying” na paigtingin ang kamalayan ng kabataan laban sa bullying. Pinangunahan ito ng PFNHS Interactive Club, katuwang ang Rotary Club of San Jose del Monte, na isinagawa sa covered court ng Paradise Farms National High School (PFNHS), ngayong Agosto 6, 2025.
‎
‎Inumpishan ang programa sa pamamagitan ng panimulang panalangin na sinundan ng pag-awit ng Pambansang Awit at School Hymn. Nagbigay ng mainit na pambungad na pananalita si G. Marlon A. Diaz, Head Teacher III ng Edukasyon sa Pagpapakatao (ESP), na sinundan naman ng mensahe mula kay Gng. Apolonia “Polly” Llamera-Lio, Presidente ng Rotary Club.
‎
‎Ayon kay Gng. Polly, lubos ang kanilang pasasalamat sa buong paaralan sa pagbibigay ng pagkakataon sa kanilang organisasyon na makapaghatid ng tulong at serbisyo para sa kapakanan ng mga mag-aaral.
‎
‎Inilahad ni G. John Ray D. Quizon ang mga negatibong epekto ng iba't ibang anyo ng bullying sa mga kabataan, lalo na sa mga mag-aaral. Idiniin niya kung ano ang dapat gawin kapag nakaranas ng bullying. Aniya, “Hindi puwede na kapag nabiktima kayo ng bullying ay mananahimik lang kayo.” Dagdag pa niya, “Lahat tayo dapat magtulong-tulong para mabawasan ang pambubully.”
‎
Gayunpaman, tinalakay ni Gng. Zaira Patricia Baniaga ang epekto ng cyberbullying sa kabataan at kung paano ito dapat harapin. Paalala niya, “Lagi n’yong tandaan na hindi naman totoo na walang gustong tumulong sa inyo.” Giit pa niya, “Habang bata pa, iwasan n’yong pag-usapan ang buhay ng ibang tao,” bilang babala laban sa pagiging sanhi ng pambu-bully.
‎
‎Samantala, ipinahayag ni Gng. Rhea Terencio, Head Adviser ng Interactive Club, ang kanyang pangwakas na pananalita bilang opisyal na pagtatapos ng programa, “Sana sa pagtatapos ng programang ito, kayo ay mas naging mulat sa bullying,” aniya. Sinundan ito ng paggawad ng mga sertipiko sa mga naging tagapagsalita at miyembro ng Rotary Club.

09/08/2025

[ BALITA NGAYON ]

Idinaos ang deworming para sa mga estudyanteng grade 8, 10 at 12, nitong Huwebes, (Agosto 7) sa covered court ng Paradise Farms National High School.

Layunin ng libreng gamot pang purga na labanan ang mga bulate sa loob ng tiyan ng mga estudyante.

Ibinigay ng mga barangay health workers ang nasabing gamot pampurga sa mga estudyante, at inalalayan naman sila nina Gng. Marissa Pedrezuela at Gng. Teresita Gojo Cruz.

🎥: Shantle Ramos, Juliana Cano, Rikilyn Deveza
✍🏻: Elmer Clarence Cosa

07/08/2025

[ BALITA NGAYON ]

‎Magdudulot ng sakit ang bawat maling pagkilos. Layunin ng programang LOGOUT HATE na may temang “Empowering Teens Against Cyberbullying” na paigtingin ang kamalayan ng kabataan laban sa bullying. Pinangunahan ito ng PFNHS Interactive Club, katuwang ang Rotary Club of San Jose del Monte, na isinagawa sa covered court ng Paradise Farms National High School (PFNHS), ngayong Agosto 6, 2025.
‎

📸: Jhewelle Arellano, Shawn Cuevas
✍🏻: Michelle Repollo, Lovie Distajo

04/08/2025

𝐎𝐚𝐭𝐡 𝐓𝐚𝐤𝐢𝐧𝐠 𝐂𝐞𝐫𝐞𝐦𝐨𝐧𝐲, 𝐈𝐝𝐢𝐧𝐚𝐨𝐬 𝐬𝐚 𝐏𝐅𝐍𝐇𝐒

Idinaos ang Oath Taking Ceremony ng bawat club at organisasyon ngayong ika-apat ng Agosto, 2025 sa covered court ng Paradise Farms National High School.

Lahat na mga kinatawang estudyanteng lider na pinili ng kanilang mga kapwa-paradisians at club adviders ay buong tapang at paninidigan na ipinahayag ang kanilang panunumpa sa kani-kanilang mga posisyon.

Nagsilbi bilang opisyal na pagkilala ang naigsagawang programa para sa mga kabataang mag-aaral na maglilingkod ngayong taong panuruan ng 2025-2026.

Bilang bahagi ng programa, nagpahayag ng mga mensahe sina Allysa Nicole Aragon, 2024-2025 SSLG President, Rhyza Charlize Galo, 2025-2026 SSLG President, Sir Nelson Galicia, SSLG Adviser, at Ma'am Jeaz DC. Campano PhD, Principal lll.

Nawa, ang lahat ay kumilos nang may integridad, maging matapat sa kanilang mga tungkulin, at maging inspirasyon para sa mga susunod na lider ng paraalan.

🖼️: Kiervey Legion, Tagapamanihala
✍️: Paulene Tiongco, Ikalawang Patnugot

04/08/2025

[ BALITA NGAYON ]

Nitong umaga, ikaapat na araw ng Agosto, pormal na nanumpa ang mga piling mag-aaral ng Paradise Farms National High School para sa Mass Oath Taking Ceremony. Pormal na pinagtibay ang kanilang mga responsibilidad at panunumpa nitong umaga. Nagbigay rin ng inspirasyonal na mensahe ang butihing punongguro na si Jeaz DC. Campano, PhD, Rhyza Charlize Galo (Newly Elected SSLG President) at Allysa Aragon ( Former SSLG President). Inaasahan ang progresibong pamumuno sa Paraiso sa loob ng isang buong taon.

📸: Shawn Cuevas, Kiervey Legion
✍🏻: Juliana Cano

03/08/2025

BALITA | Nutrition Month 2025, ipinagdiwang sa PFNHS

Tampok ang makukulay na kasuotan para sa selebrasyon ng buwan ng nutrisyon na ginanap sa Covered Court ng Paradise Farms National High School nitong unang araw ng agosto, taong kasalukuyan.

🎥: Shawn Cuevas, Patnugot ng Grapikong Disenyo
✍️: Juliana Cano, Punong Patnugot

02/08/2025

Buwan ng Nutrisyon, Idinaos sa Paradise Farms NHS

Ipinagdiwang ng Paradise Farms National High School ang Buwan ng Nutrisyon ngayong Agosto 1, 2025 sa temang “Food at Nutrition Security Maging Priority! Sapat na Pagkain Karapatan Natin!” na tampok ang makukulay na kasuotan, masisiglang patimpalak, at aktibong pakikilahok ng mga mag-aaral mula sa iba't ibang baitang.

Masigla ang naging simula ng programa sa pamamagitan ng pagrampa ng mga mag-aaral mula sa Baitang Siyam na suot ang kanilang malikhaing kasuotan na nagpapakita ng kahalagahan ng nutrisyon. Sabayan ito ng hiyawan at sigawan ng tuwa mula sa mga kapwa mag-aaral na buong pusong sumuporta sa kanilang mga kinatawan.

Kabilang sa mga patimpalak ang Poster Making Contest, kung saan itinanghal na kampeon si Akira Enriquez mula sa Grade 8 Francisca Aquino, habang sa Quiz Bee, nasungkit ng Grade 7 Fernando Amorsolo ang unang pwesto. Sa Essay Writing Contest, namayagpag ang kinatawan mula sa Grade 10 Rizal na nagtamo ng unang gantimpala.

Ang mga patimpalak ay hinusgahan nina Sir Marlon A. Diaz, Sir Edwin Casera, at Sir Marlon Ocampo na nagpahayag ng kanilang paghanga sa talento, dedikasyon, at pagkamalikhain ng mga kalahok.

Sa pagsasara ng programa, binigyang-diin sa closing remarks ang kahalagahan ng tamang nutrisyon, hindi lamang sa pisikal na kalusugan kundi pati na rin sa pangkalahatang pag-unlad ng bawat mag-aaral.

Sa kabuuan, naging matagumpay at makabuluhan ang selebrasyon—isang paalala na ang sapat na pagkain at nutrisyon ay hindi lamang pangarap kundi isang karapatang dapat igiit at isabuhay.

Ang Paraiso Gazette

30/08/2025

28/08/2025

14/08/2025

10/08/2025

10/08/2025

10/08/2025

09/08/2025

07/08/2025

04/08/2025

04/08/2025

03/08/2025

02/08/2025

Address

Website

Alerts

Shortcuts

Share

Category