https://www.facebook.com/106784111807082/

Ang Paraiso Gazette, Tungkong Mangga, San Jose del Monte (2025)

15/10/2025

PFNHS, Earthquake Preparedness Orientation: "Kampante ang May Alam"

Paradise Farms National High School (PFNHS) – Bilang bahagi ng kanilang programang pangkaligtasan, matagumpay na idinaos ng PFNHS ang Orientation on Earthquake Preparedness noong Oktubre 14, 2025. Layunin ng aktibidad na itaas ang antas ng kamalayan at kahandaan ng mga mag-aaral sa pagharap sa mga sakuna, partikular na ang lindol.

Pinangunahan ni Ma’am Marissa Pedrezuela ang programa bilang Master of Ceremony. Nagbukas ang programa sa isang taimtim na panalangin na pinangunahan ni Ma’am Jane Tuan. Sa kanyang pambungad na pananalita, binigyang-diin ni Ma’am Rossana Delante, Grade 10 Curriculum Chairman, ang temang "Kampante ang may alam," na nagmula sa mensahe ni Dingdong Dantes.

Nagbahagi si Sir Joseph Batingan ng mga kritikal na impormasyon tungkol sa evacuation routes, hazard maps, at ang paggamit ng hazardhunter.ph upang matukoy ang antas ng kaligtasan ng isang lugar. Binigyang-diin niya na, “We can’t tell the hazard around us,” kaya’t mahalaga ang pagiging handa sa lahat ng oras.

Kasunod nito, nagbigay si Sir Jackie Camitoc ng Basic Life Support at First Aid Training. Ipinaliwanag niya ang kahalagahan ng agarang pagtugon sa mga nasugatan o nahihilo sa panahon ng lindol, at nagpakita ng mga praktikal na paraan ng pagtulong at mga nararapat gawin sa oras ng kalamidad.

Nagpahayag ng pasasalamat si Ma’am Shiela Gonzales, TLE Teacher III, at pinuri ang inisyatiba ng paaralan. Ibinahagi rin ni Ma'am Emmyteddy Diaz ang kanyang personal na karanasan at ang kahalagahan ng mga ganitong pagsasanay.

Isa sa mga dumalo, si Ma'am Andrea Santos, English 8 Teacher, ay nagbahagi ng kanyang natutunan: “Kanina, natutunan ko ang tamang ‘duck, cover, hold.’ Mag-ready po tayo para mai-share itong information na ‘to, para hindi lang tayo ang may alam ng mga gagawin sa panahon ng sakuna.”

Nagbigay rin ng paalala sina Sir Marlon Ocampo, TLE Head, at Ma’am Lurleen Tatel, na nanawagan sa lahat na isabuhay at ipalaganap ang mga kaalamang natutunan sa orientation.

Sa kanyang inspirasyonal na mensahe, sinabi ng Principal na, “Walang perpektong tao sa una,” bago ginawaran ng sertipiko sina Sir Joseph Batingan at Sir Jackie Camitoc. Ang programa ay nagtapos sa isang closing prayer na pinangunahan ni Ma’am Jeaz D.C. Campano, PhD. at sinundan ng isang group picture na sumisimbolo sa pagkakaisa at kahandaan ng PFNHS sa anumang sakuna.

Isinulat at dinisenyo ni Jseinelle Paquera ang balita, kasama ang mga kuha ni Rikilyn Deveza at Jseinelle Paquera.

14/10/2025

SAN JOSEÑO, MAGING HANDA SA LINDOL!

ALAMIN ANG MGA LIGTAS NA LUGAR
sa loob ng bahay, paaralan, o opisina. Siguraduhin na alamin ang evacuation plan ng inyong lugar.

ALAMIN KUNG MATIBAY ANG BAHAY
Sumunod sa National Building Code upang maiwasan ang pagkakaroon ng mga depektibo at mahinang klase ng gusali.

FAULT LINE
Alamin kung ang inyong bahay ay nakatayo sa isang fault line.

DROP, COVER, and HOLD
Kung lumindol, gawin ang “DROP, COVER, and HOLD”. Magtago sa ilalim ng matibay na mesa at humawak sa paa nito. Manatiling nasa loob ng bahay hanggang sa matapos ang pagyanig at siguraduhing ligtas bago lumabas ng bahay.

AFTERSHOCK
Maging alerto sa mga aftershock o mga muling pagyanig.

EVACUATE
Lumikas patungo sa Evacuation Center kung may babala mula sa Pamahalaang Barangay o City Disaster Risk Reduction and Management Council (CDRRMC).

FALL HAZARD
Kung nasa labas ng bahay, lumayo sa mga gusali, puno, poste, at sa mga bagay na maaaring bumagsak.

PAALALA:
Kung nasa Evacuation Center, bumalik lamang sa bahay kapag may anunsyo na ng CDRRMC, Pamahalaang Barangay, at iba pang lokal na awtoridad.

08/10/2025

🥉PAGBATI!
Mula sa malawak na hardin ng mga pangarap, sumibol ang inyong tagumpay—isang testamento ng husay at dedikasyon!

Taos-pusong pagbati sa mga manunulat ng Paradise Farms National High School! Ang inyong tinta ay nagningning nang pagkatayog-tayog, naghatid ng karangalan at nagpakita ng galing ng PFNHS—ika-3 pwesto sa Online Publishing (Filipino Category) sa Division Schoosl Press Conference!

Kahit nahuli man ang aming balita, ang aming paghanga'y hindi nagpahuli, at lalong tumindi! Patuloy ninyong kulayan ang mundo ng mga salita, at ipagmalaki ang inyong tagumpay!

06/10/2025

Sa likod ng tagumpay ng bawat campus journalist na bumubuo sa paraiso, nariyan ang mga g**ong tagapag sanay na handang mag sumikap na maturuan at mahasa ang kaalaman ng bawat mag-aaral. Hindi lang aral ang inyong ibinibigay, kundi pag-asa at gabay na kaakibat patungo sa inklusibong kinabukasan ng bawat manunulat at mamamahayag.

Mula sa patnugutan ng Ang Paraiso Gazette bumabati kami ng maligayang kaarawan ng mga g**o sa ating bayani sa publikasyon. Ang inyong walang sawang pag lilingkod ay hindi malilimutan, at maisusulat hanggang sa dulo ng hangganan.

Grapikong disenyo ni: Fiona Antido

03/10/2025

World Teachers Day ’25, Ginunita sa PFNHS

Pagdiriwang ng World Teachers Day 2025 sa Paradise Farms National High School (PFNHS) idinaos kasama ang mga magigiting na g**o at mga mag-aaral sa PFNHS Covered Court nitong Oktubre 2, 2025.

Pinasimulan ang selebrasyon sa pamamagitan ng panalangin, pagkanta ng Pambansang Awit, at PFNHS School Hymn na pinangunahan ng PFNHS Music Club. Pagkatapos nito, pormal na pinaupo sa entablado ang mga pinuno ng bawat departamento bilang tanda ng pagkilala sa kanilang pamumuno at serbisyo.

Nagbahagi ng makabuluhang mensahe si Punong-Guro Ma’am Jeaz DC. Campano, kung saan kanyang isinalaysay kung paanong buong pusong minamahal at ginagabayan ng mga g**o ang kanilang mga mag-aaral. Binigyang-diin niya: “Nawa ay piliin niyo palagi na maghasik ng mga buto para sa mga mag-aaral, na katulad din natin ay dumadaan sa mga pagsubok.”

Pinangunahan nina Maxine Brigola (BKD President) at Rhyza Charlize Galo (PFNHS SSLG President) ang programa, na nagbigay-daan sa makukulay na pagtatanghal ng mga mag-aaral tulad ng SPFL Nihonggo Presentation sa pamumuno ni Ma’am Venus Lucas, SPA Paraiso Dance na pinangunahan nina Sir Jay Ar Cuevas at Maam Cielo Blance, Spoken Poetry ni Trisha Kate Pacifico, at PFNHS Orpheurodite na pinamunuan ni Maam Jenelyn Apilan.

Tampok din ang Intermission Number ng iba’t ibang estudyante na naghandog ng awiting “Salamat”, habang ang “Mr. Kupido” naman ay inawit ng mga SSLG Officers na pinangunahan nina Grizzly Jhazz Militante at Nhyl Galicia. Kasama rin sa mga tampok na pagtatanghal ang Euphonyka musical performance at isang masiglang Dance Flash Mob mula sa iba’t ibang baitang.

Bilang pagtatapos, nagbahagi rin ng kanilang mga salita ng pasasalamat at inspirasyon ang mga head teachers ng bawat departamento, na muling nagpatunay ng kanilang malasakit at paninindigan sa tungkulin bilang gabay ng kabataan.

Ang buong selebrasyon ay nagsilbing taos-pusong pagpupugay sa mga g**o ng PFNHS—mga huwarang patuloy na nagtatanim ng kaalaman, disiplina, at pagmamahal para sa kinabukasan ng mga mag-aaral.

ISINULAT NI: Michelle Ann G. Repollo
MGA KUHANG LARAWANG AT GRAPIKONG DISENYO NI: Rikilyn Deveza

01/10/2025

"Empowering educators with AI! 🧠 Big thanks to Dr. Jeaz DC. Campano for leading our re-orientation on the AI-Powered Performance Reporting System (APRS) for G8 and G10 teachers. "

28/09/2025

Maligayang Kaarawan, EIC! 🍀💚

Ngayong kaarawan ng aming Punong Patnugot na si Juliana Gail Cano, hindi lang taon niya ang ating binibilang, kundi pati ang mga alaala at kwento na kaniyang iniukit sa loob ng limang taon sa pamamahayag at serbisyo sa Ang Paraiso Gazette.

Sa aming Punong Patnugot na laging busy kaka-interview tuwing may coverage, kakakuha ng mga larawan at puyat sa paggawa ng mga balita, at umiidulo kay Jeon Wonwoo, bilang mamamahayag sa loob ng 5 taon at Punong Patnugot sa loob ng 2 taon, naging tinig, gabay, at inspirasyon ang kaniyang serbisyo sa Ang Paraiso Gazette. Ang kaniyang panulat ay nagbigay-buhay sa mga pahina, at ang kaniyang pamumuno ay nagturo ng tapang at malasakit.

Ngayong huling taon niya bilang bahagi ng ating pahayagan, higit naming ipinagdiriwang hindi lamang ang kanyang kaarawan, kundi ang pamana ng inspirasyon na kanyang iiwan sa bawat mamamahayag.

Maligayang Kaarawan, Ate Jana / Juliana! Ang huling kabanata mo rito ay magsisilbing simula ng mas marami pang kwento sa hinaharap.

Mula sa Ang Paraiso Gazette, dalangin namin ang kasiyahan ng iyong buhay at katuparan ng iyong mga dalangin at pangarap.

28/09/2025

‎MALIGAYANG KAARAWAN, ABRIA KIM MADARANG!
‎
‎Isang mainit na pagbati ng pagpupugay sa iyo bilang ilaw at gabay sa larangan ng pamamahayag. Sa bawat salitang iyong pinapanday at bawat siping iyong pinagyayaman, naitataguyod mo ang dangal ng katumpakan at maalindog mong wikang naililimbag. Ang iyong masususing kaisipan ay nagsisig**o na ang mga balitang inilalathala ay makatotohanan, malinaw, at marangal.
‎
‎Sa iyong kaarawan, nawa’y gantimpalaan ka ng higit pang karunungan at inspirasyon upang ipagpatuloy ang tungkulin mong maging tagapangalaga ng kawastuhan. Nawa’y manatili kang bukal ng sigasig at huwarang inspirasyon para mapalaganap ang tinig ng kaayusan.

18/09/2025

[ NAPURNADANG PANALO ]

Alas, nagpaalam sa FIVB World Championship matapos ang 5-set thriller

Hindi man nakapasok sa Round of 16, nag-iwan ng matinding bakas ang Alas Pilipinas sa prestihiyosong 2025 FIVB Men’s World Championship matapos ang limang set na bakbakan kontra Iran, 2-3 (25-21, 21-25, 25-17, 23-25, 20-22), sa Mall of Asia Arena nitong Setyembre 18.

Sa kabila ng pagkatalo, ipinakita ng ating mga manlalaro na ang tapang at pusong Pilipino ay hindi kayang sukatin ng puntos, kundi isang laban na tatatak sa kasaysayan at sa puso ng bawat Pilipino, at nagsilbing simula ng mas maliwanag na bukas para sa Philippine men’s volleyball.

#

Disenyo at Isinulat ni: Jeann Athena Mendoza

16/09/2025

MEN’S VOLLEYBALL [DAY 1]

Grade 9, Sumungkit ng Panalo Kontra Grade 12

Winasiwas ng Grade 9 Men’s Volleyball Team ang Grade 12 sa sagupaan ng Intramurals nitong Setyembre 8, 2025 na pinatiklop sa iskor na 20–11 at 21–13 sa covered court ng Paradise Farms National High School (PFNHS) sa ilalim ng paggabay nina Coach Jane Cabacang Andales at Coach Elenita Toledo Gravador.

Sa paglamon ng Grade 9 Men’s Volleyball Team sa Grade 12 na 2–0 sweep na pinakita ang matikas na depensa sa pamamagitan ng maayos na serving, passing, at pagtutulungan sa mga intense rallies, nagpakita ito ng determinasyon na nagdala sa kanila sa hindi matawarang tagumpay.

Ayon kay Ron Leonard Metin, ang team ay lumagablab sa training, warm-up, at drills. "Ang teamwork ang nagpapatibay sa amin, lalo na sa intense rallies," aniya. Sa pre-game, tumakbo sa isipan ng bawat-isa ang kapakanan ng pangkalahatan.

Dagdag pa ng miyembro nito "Masaya kasi hindi kami nahirapan at maraming sumuporta," saad ni Venice Lepalam.

Malaki ang ambag ng kanilang mahigpit na rumaragasang depensa ang nagsilbing tagapigil sa opensa ng katunggali.

Tuluyang pinulbos ng Grade 9 ang Grade 12 at nasungkit ang panalo sa mainit na laban na may puntos na 21-13.

ISINULAT nina: Trisha Kate Pacifico, Shantle Mae Ramos, at Chia Legion

16/09/2025

[ GIRLS VOLLEYBALL SEMI-FINALS] (2ND DAY)

G12, sinelyuhan ang kanilang pwesto tungo sa huling laban

Pinangunahan ng Grade 12 Girls Volleyball Team ang kanilang panalo matapos talunin ang Grade 8 sa iskor na 2–0, nitong Setyembre 9, 2025, sa Paradise Farms National High School (PFNHS) Covered Court.

Lumaban nang matindi ang Grade 8 sa unang set, kung saan ilang ulit na naging tabla ang laban, ngunit nanaig ang Grade 12 at nagtapos sa iskor na 21–19.

Bumawi ang Grade 8 sa ikalawang set at nakalamang sa simula, subalit nakabawi agad ang Grade 12 at tuluyang nagtapos sa panalo, 21–16, para makuha ang kabuuang tagumpay.

Ipinakita nina Sam Flores, pinuno ng koponan ng Grade 12, at Dianna Hilario, pinuno ng koponan ng Grade 8, ang tapang at samahan ng kani-kanilang grupo na nagbigay ng inspirasyon sa mga g**o at mag-aaral na nanood.

Umusad ang Grade 12 patungo sa susunod na yugto ng Intramurals 2025 na may baong kumpiyansa at determinasyon upang ipaglaban ang korona.
#

ISINULAT NI: Michelle Ann G. Repollo

Ang Paraiso Gazette

15/10/2025

14/10/2025

08/10/2025

06/10/2025

03/10/2025

01/10/2025

28/09/2025

28/09/2025

18/09/2025

16/09/2025

16/09/2025

Address

Website

Alerts

Shortcuts

Share

Category