01/09/2026
BALITANG LOKAL | π’ππππππ‘π§ππ π ππ‘ππ’π₯π’, ππ¦ππ‘πππππππ π‘π π¦π π¦π§ππ§π π’π πππππ ππ§π¬ πππππ π¦π π ππππͺππππ‘π π£ππ‘π¦πππ π‘π πππππππ§
Isinailalim na sa State of Calamity ang buong lalawigan ng Occidental Mindoro dahil sa malawakang pinsalang idinulot ng magkakasunod na weather disturbance at pinalakas na Southwest Monsoon o Habagat.
Ang hakbang ay kasunod ng rekomendasyon ng Provincial Disaster Risk Reduction and Management Council (PDRRMC), na pinamumunuan ni Governor Eduardo B. Gadiano at sa deklarasyon ng Sangguniang Panlalawigan, matapos umabot sa mahigit β±2 bilyon ang paunang pagtataya sa pinsala sa imprastraktura, kabuhayan, mga proyekto, suplay ng kuryente at iba pang sektor sa lalawigan.
Kabilang sa mga pangunahing tinamaan ng kalamidad ang mga komunidad, sakahan at palaisdaan, mga kalsada at tulay, flood-control at iba pang imprastraktura, gayundin ang mga kabuhayang naapektuhan ng matagal at malalakas na pag-ulan.
Bago ang province-wide declaration, ilang bayan na sa Occidental Mindoro ang nauna nang nagdeklara ng kani-kanilang State of Calamity. Kabilang dito ang Sablayan, Paluan, Abra de Ilog at Mamburao, matapos makapagtala ng malawakang pagbaha, pinsala sa imprastraktura at pagkawala ng kabuhayan.
Sa Sablayan, tinatayang β±1.4 bilyon ang pinsala matapos maapektuhan ang lahat ng 22 barangay. Humigit-kumulang 67,200 residente o 66 porsiyento ng populasyon ng bayan ang naapektuhan ng mga weather disturbance mula Agosto 5 hanggang 20.
Samantala, sa Abra de Ilog, nasa β±69.07 milyon ang naitalang pinsala, kabilang ang β±27.9 milyon sa agrikultura, β±25.34 milyon sa imprastraktura, β±8.4 milyon sa mga kabahayan at β±7.44 milyon sa mga water system.
Layunin ng State of Calamity na mapabilis ang pagtugon ng pamahalaang panlalawigan sa mga pangangailangan ng mga apektadong residente, kabilang ang relief assistance, rehabilitation at recovery efforts, gayundin ang pagkukumpuni ng mga nasirang imprastraktura at pagbabalik ng kabuhayan ng mga magsasaka, mangingisda at iba pang sektor.
Ang deklarasyon ay naganap habang patuloy na binabantayan ang epekto ng Habagat at iba pang weather disturbance sa bansa. Sa pinakahuling ulat ng Office of Civil Defense ngayong Setyembre 1, umabot na sa 34 ang nasawi at milyon-milyong Pilipino ang naapektuhan ng pinagsamang epekto ng mga bagyong Luis, Maymay at Neneng at ng Habagat.
Patuloy naman ang koordinasyon ng Provincial Government, PDRRMO, mga municipal government at iba pang ahensya upang matugunan ang agarang pangangailangan ng mga komunidad at maisulong ang rehabilitasyon at pagbangon ng buong Occidental Mindoro.
SOURCE: PGO Occidental Mindoro, Sangguniang Panlalawigan
