21/08/2026
๐๐๐๐๐ก๐๐ฃANS | Opisyal na Balita ng ANS
๐ฅ๐ผ๐๐น๐ฒ๐ฎ๐ป: ๐๐ป๐ถ๐๐๐ฎ๐๐ถ๐ฏ๐ผ๐ป๐ด ๐ฃ๐ฎ๐ป๐ด๐ธ๐ฎ๐น๐ถ๐ธ๐ฎ๐๐ฎ๐ป ๐ฎ๐ ๐๐ฎ๐น๐๐๐๐ด๐ฎ๐ป ๐ป๐ด ๐๐ฎ๐ฏ๐ฎ๐๐ฎ๐ฎ๐ป
Pormal na nilagdaan noong ika-4 ng Agosto 2026 ang Memorandum of Agreement (MOA) para sa pagpapatupad ng RoClean Wastewater Treatment Plant Project sa ATTIF Building, Barangay Dalipe, isang inisyatibong naglalayong maglinis at muling magamit ang wastewater mula sa Antique National School (ANS).
Nilalayon ng kasunduan sa pagitan ng Pamahalaang Panlalawigan ng Antique at Republika ng Slovenia na magtayo ng pasilidad na magpoproseso ng wastewater mula sa tatlong palapag na gusali ng ANS upang muling magamit sa paaralan.
Ayon kay Deputy and Acting Ambassador Dragan Barbutovski ng Republika ng Slovenia, gagamitin sa proyekto ang makabagong teknolohiya ng Slovenia upang mabawasan ang banta sa kalusugan at mapangalagaan ang kapaligiran. Ang inisyatibong ito ay binuo ng mga nangungunang kumpanya sa water management sa Slovenia, katuwang ang embahada at tanggapan ni Senator Loren Legarda, kung saan napili ang ANS bilang pangunahing benepisyaryo.
โWe want to showcase Slovenian technology that is going to produce clean water from the sewage of the school... We really hope that we are going to influence you, as a young generation, to be in a healthier environment,โ pahayag ni Barbutovski.
Samantala, binigyang-diin ni Mayor Paul Joseph โPJโ Untaran ng San Jose de Buenavista ang malaking bentahe ng proyekto sa pagtitipid ng paaralan. Ipinaliwanag niya na ang wastewater mula sa gusali ng ANSโna naglalaman ng humigit-kumulang 600 mag-aaralโay dadaan sa ibaโt ibang proseso upang magamit muli. Ang matitipid na pondo ay maaaring ilaan sa iba pang pangangailangan ng mga mag-aaral.
โThis project is one of the ways that we can encourage our young learners from doing their part, especially when it comes to safeguarding our environment,โ ayon kay Untaran. Umaasa siyang sa pamamagitan ng proyektong ito, magtutulungan ang lahat upang pangalagaan at protektahan ang kapaligiran.
Inihayag naman ni Gobernador Paolo S. Javier sa pagpupulong na ang proyekto ay paunang hakbang lamang para sa pangangalaga ng kalikasan. Hinamon din niya ang mga lokal na pinuno at komunidad na unahin ang kalinawan at pananagutan upang maging huwaran sa buong rehiyon ng Antique.
โThis MOA is only the beginning. Success will depend on our continued cooperation, transparency, and commitment to care for this project as our own... Let us work hand in hand to ensure this plant serves its purpose well, that it benefits our communities and our people, and that it becomes a model of sustainable development not just in Antique, but across the region,โ giit ni Javier.
Ikinasiya ng administrasyon ng ANS ang panukalang proyekto dahil sa inaasahang pakinabang nito sa paaralan, partikular sa pagpapanatili ng malinis na kapaligiran, pagtitipid sa paggamit ng tubig, at pagtataguyod ng pangangalaga sa kalikasan para sa kapakinabangan ng mga mag-aaral at ng buong komunidad ng paaralan.
Sa pamamagitan ng pag-angkla ng proyekto sa komunidad, layunin ng pamahalaang panlalawigan na matiyak na ang RoClean ay maghahatid ng pangmatagalang benepisyo sa kapaligiran, kalusugan, at ekonomiya ng mga susunod na henerasyon ng Antiqueรฑo.
Dumalo rin sa kaganapan sina Sangguniang Panlalawigan Members Kamila Rose Dimamay, Alfie Niquia, Fernando Corvera, Vince Piccio, at Ricky Lavega; Vice Mayor Cris John Banusing II kasama ang Sangguniang Bayan; ANS Principal IV Roger A. Jomolo; at Marnie Payne bilang kinatawan ni Congressman Antonio Agapito Legarda.
Ulat ni ๐๐น๐ถ๐ฎ๐ป๐ฎ ๐๐๐ฐ๐ถ๐น๐น๐ฒ ๐๐น๐ฎ๐ถ๐ฟ๐ฒ ๐๐๐๐ฒ๐น๐น๐ฒ๐ป๐ฎ
Larawan kuha ni ๐๐๐ฎ๐ป ๐๐๐๐ฎ๐ฟ๐ถ๐๐ฎ at ๐ฃ๐ฟ๐ผ๐ฏ๐ถ๐ป๐๐๐ฎ ๐ป๐ด ๐๐ป๐๐ถ๐พ๐๐ฒ
