Sulbad News

24/05/2026

Earthquake Information No.1
Date and Time: 25 May 2026 - 02:14 AM
Magnitude = 2.5
Depth = 151 km
Location = 21.00°N, 121.13°E - 078 km N 72° W of Itbayat (Batanes)

https://earthquake.phivolcs.dost.gov.ph/2026_Earthquake_Information/May/2026_0524_1814_B1.html

24/05/2026

🚨 BREAKING

5.6 Magnitude nga linog miigo sa Surigao Del Sur area alas 12:48 sa kadlawon, Mayo 25, 2026.

Ang sentro sa linog namatikdan 27 km North 36° East sa Bayabas, Surigao Del Sur, nga adunay giladmon nga 10 km.

Padayon nga magmatngon ug sundon ang advisories sa mga otoridad.

21/10/2024

𝐏𝐀𝐆𝐏𝐀𝐇𝐈𝐆𝐀𝐘𝐎𝐍 𝐒𝐀 𝐀𝐊𝐀𝐏 𝐕𝐀𝐋𝐈𝐃𝐀𝐓𝐈𝐎𝐍 𝐒𝐀 𝐁𝐑𝐆𝐘. 𝐌𝐀𝐁𝐈𝐍𝐈: 𝟑𝟕𝟕 𝐊𝐀 𝐁𝐄𝐍𝐄𝐏𝐈𝐒𝐘𝐀𝐑𝐘𝐎 𝐀𝐍𝐆 𝐌𝐈𝐓𝐀𝐌𝐁𝐎𝐍𝐆!

Ka Sulbad!

Gipahigayon ang Ayuda para sa Kapos ang Kita Program (AKAP) Validation sa Brgy. Mabini, Tubajon, diin mikabat sa 377 ka mga benepisyaryo ang mitambong gikan sa Brgy. San Vicente, Brgy. Santa Cruz, Brgy. San Roque Diaz, Brgy. Imelda, Brgy. Malinao, Brgy. Navarro, ug Brgy. Roxas.

Ang maong validation gihimo aron ma-validate ang personal nga impormasyon ug mga dokumento sa mga benepisyaryo, ug aron masiguro nga nakasunod sila sa mga criteria nga gi-set sa Department of Social Welfare and Development (DSWD) alang sa AKAP. Kini makatabang usab sa paglikay sa mga problema sama sa duplication of beneficiaries, errors sa mga pangalan o data, ug aron maging transparent ug accountable ang paghatag sa ayuda.

Gipangunahan ang kalihokan sa mga DSWD validators nga sila Jellocel Cueva, Filuchie Guma, Roneljun Bawaan, Marinnie Muñoz, ug Marlon Casido, inubanan ni Congressional Office of Dinagat Islands (CODI) representative Madel Ymata, ug sa Tubajon Municipal Coordinator Mike Uy.

18/10/2024

𝐏𝐀𝐆𝐃𝐔𝐌𝐃𝐎𝐌 𝐒𝐀 𝐊𝐀𝐒𝐀𝐘𝐒𝐀𝐘𝐀𝐍: 𝐈𝐊𝐀-𝟖𝟎 𝐍𝐆𝐀 𝐀𝐍𝐈𝐁𝐄𝐑𝐒𝐀𝐑𝐘𝐎 𝐒𝐀 𝐋𝐎𝐑𝐄𝐓𝐎 𝐋𝐀𝐍𝐃𝐈𝐍𝐆, 𝐆𝐈𝐏𝐀𝐒𝐈𝐃𝐔𝐍𝐆𝐆𝐀𝐍!

Usa ka mahinungdanong adlaw alang sa munisipyo sa Loreto ug tibuok probinsya sa Dinagat Islands, ang ika-80 nga anibersaryo sa Loreto Landing gisaulog gahapon, Oktubre 17, 2024, ubos sa tema nga "We Remember." Ang selebrasyon naghatag og oportunidad sa pag-hinumdom sa kagawasan gikan sa mga kamot sa Japanese Imperial Forces niadtong 1944, panahon sa World War II.

Ang kabaybayonan sa Campintac, diin una giwagay-way ang bandila sa Estados Unidos, nagsilbing ilhanan sa pulong ni kanhing General Douglas McArthur, “I Shall Return.” Ang seremonya puno sa pagtahud, uban sa pag-awit sa National Anthem ug pag-saka sa mga bandera. Ang paghinumdom sa kasaysayan gipangunahan ni Loreto Mayor Doandre Bill A. Ladaga, uban ang mga espesyal nga bisita sama ni Senador Ronald "Bato" Dela Rosa, OIC Schools Division Superintendent Florence Almaden, CESO VI, ug Congressional Office of Dinagat Islands (CODI) District Head, Recci Bacolor. Apil usab ang mga opisyales ug representante gikan sa Provincial Government, Board Members, Municipal Government sa Loreto, ug mga Barangay Officials. Nakighiusa ang mga teaching ug non-teaching staff, mga estudyante sa Loreto District aron maghatud og makalingaw nga dance performances.

Ang anibersaryo nagpahinumdom sa importansya sa pag-hinumdom sa atong kasaysayan ug pagpasalamat sa mga bayani nga naghatag sa ilang kinabuhi alang sa atong kagawasan. Ang pagsaulog nagpakita sa pagka-solidaryo sa tibuok probinsya, nga nagpasidungog sa tanang nag-sakripisyo alang sa atong kagawasan.

16/10/2024

𝗠𝗔𝗟𝗔𝗠𝗣𝗨𝗦𝗢𝗡𝗚 𝗧𝗨𝗥𝗡𝗢𝗩𝗘𝗥 𝗖𝗘𝗥𝗘𝗠𝗢𝗡𝗬 𝗦𝗔 𝗙𝗢𝗨𝗥-𝗪𝗛𝗘𝗘𝗟 𝗗𝗥𝗜𝗩𝗘 𝗧𝗥𝗔𝗖𝗧𝗢𝗥 𝗣𝗔𝗥𝗔 𝗦𝗔 𝗚𝗘𝗡𝗘𝗥𝗔𝗟 𝗔𝗚𝗨𝗜𝗡𝗔𝗟𝗗𝗢 𝗙𝗔𝗥𝗠𝗘𝗥𝗦 𝗔𝗦𝗦𝗢𝗖𝗜𝗔𝗧𝗜𝗢𝗡

Ka-isla!

Malipayon akong ipaabot ang dakong pasalamat sa Local Government Unit (LGU) sa Libjo ilawom sa pagdumala ni Mayor Melody Llamera-Compasivo, sa malampusong Turn Over Ceremony sa Four-Wheel Drive Tractor didto sa Municipal Convention Center sa Libjo niadtong Setyembre 3, 2024.

Dakong kalipay sa mga benepisyaryo, nga 28 ka miyembro sa General Aguinaldo Farmers Association (GAAFA), ang pagdawat sa Four-Wheel Drive Tractor nga nahimo pinaagi sa paningkamot sa Department of Agriculture - Caraga Office, kauban ang Provincial ug Municipal Agriculture Offices.

Isip suporta sa kalihokan, anaa ang atong opisina sa Congressional Office of Dinagat Islands (CODI) nga girepresentahan sa among House Bill ug Special Projects Liaison Officer, si Manuelito Ravelo.

Ang mga ekwepo usa ka dakong tabang sa paglambo sa produktibidad sa umahan, hilabi na sa pagtrabaho sa yuta sama sa pag-araro ug pagprepara para sa mga tanom. Makatabang usab kini sa pagtipid sa oras ug kusog tungod kay mas epektibo kini kaysa manual nga trabaho.

Padayon natong suportahan ang mga programa nga sama ani, kauban ang suporta sa Department of Agriculture ug uban pang mga ahensya, samtang padayon tang magtrabaho alang sa kaugmaon para sa atong mga mag-uuma ug sa mga sektor sa agrikultura.

BARUG DINAGAT!

16/10/2024

𝐏𝐚𝐠𝐩𝐚𝐥𝐚𝐦𝐛𝐨 𝐬𝐚 𝐏𝐚𝐠𝐛𝐚𝐬𝐚 𝐬𝐚 𝐀𝐮𝐫𝐞𝐥𝐢𝐨 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥 𝐏𝐢𝐧𝐚𝐚𝐠𝐢 𝐬𝐚 𝐏𝐫𝐨𝐣𝐞𝐜𝐭 𝐑𝐞𝐬𝐜𝐮𝐞, 𝐌𝐚𝐠𝐩𝐚𝐝𝐚𝐲𝐨𝐧!

Usa ka malampusong kalihokan ang gipahigayon pinaagi sa Project Rescue (Reading Enhance Skills through Contextualized and Unique Learning Engagement) sa Aurelio Elementary School, nga adunay tema nga "Every page you turn builds your future." Gitutukan niini ang 128 ka mga estudyante gikan sa Grade 1 hangtod sa Grade 3 aron mapalambo ang ilang abilidad sa pagbasa ug pagsabot sa mga basahon.

Gipangulohan ang maong programa ni Principal I Mrs. Rutchel Rincal uban ang suporta ni Faculty President Ruel F. Busio ug uban pang mga magtutudlo sa eskuylahan. Kauban usab ang Barug Dinagat Foundation, nga gi-representahan ni Operation Manager Stephen Ramos, mga representante sa PNP, PCMS Suzette Monencillo, ug PCPL Nelson C. Salibay, ug ang Municipal Health Office (MHO) nga gi-representahan ni Dona Alysa T. Yu. News MPC nga gi-representahan ni Luis Mamali, ug uban pa nga mga opisyales nga aktibo nga nagtudlo ug nagpabasa sa mga bata.

Ang programa nagalangkob sa regular nga pagbasa matag Biyernes sa hapon sulod sa usa ka oras, nga gidumala sa mga School Reading Coordinators. Si Miss Diana Rose B. Pagente nagdumala sa English segment, samtang si Mrs. Angelyn O. Cabasan mao ang School Reading Coordinator alang sa Filipino.

Subay sa tumong nga magpabilin ang epekto sa programa, usa ka Pledge of Commitment ang gipahigayon, diin nagsaad ang mga partisipante nga magpadayon ang suporta hangtod matapos ang tuig sa eskwela 2024-2025.

Dako ang nakita nga epekto sa mga estudyante, diin ang ilang mga abilidad sa pagbasa ug pagsabot miuswag pag-ayo. Ang maong proyekto nagpakita sa gahom sa panaghiusa ug dedikasyon sa pagtukod sa mas hayag nga kaugmaon alang sa kabataan pinaagi sa edukasyon.

15/10/2024

𝐋𝐞𝐠𝐚𝐥 𝐂𝐚𝐫𝐚𝐯𝐚𝐧 𝐆𝐢𝐩𝐚𝐡𝐢𝐠𝐚𝐲𝐨𝐧 𝐬𝐚 𝐋𝐮𝐧𝐠𝐬𝐨𝐝 𝐬𝐚 𝐁𝐚𝐬𝐢𝐥𝐢𝐬𝐚, 𝟐𝟑𝟎 𝐊𝐚 𝐁𝐞𝐧𝐞𝐩𝐢𝐬𝐲𝐚𝐫𝐲𝐨 𝐍𝐚𝐤𝐚𝐝𝐚𝐰𝐚𝐭 𝐨𝐠 𝐒𝐞𝐫𝐛𝐢𝐬𝐲𝐨

Ka Sulbad! Gipahigayon ang Legal Caravan sa lungsod sa Basilisa kaniadtong Septiyembre 12, 2024 didto sa Brgy. Roma, diin halos 100 ka benepisyaryo gikan sa Brgy. Sering, Brgy. Roma, Brgy. Montag, ug Brgy. Cortes, Basilisa ang nahatagan og serbisyo. Kaniadtong Oktubre 10-11, kapin sa 130 ka benepisyaryo usab ang nakadawat og libreng legal nga serbisyo, diin 74 ka benepisyaryo ang nakadawat og serbisyo sa Brgy. Melgar, samtang 60 ka benepisyaryo ang nahatagan og serbisyo sa Brgy. Imee, Brgy. Poblacion, Brgy. Coring, ug Brgy. Roxas.

Ang kalihokan gidumala ni Atty. Shierly Coquilla Ba-ad, Legal Consultant sa Congressional Office of Dinagat Islands (CODI), uban sa suporta gikan sa Public Attorney's Office (PAO) nga sila Atty. Geramer Vere Durato ug Sec.Olimpio Buico Jr. Uban usab sa ilang serbisyo ang mga representante sa lokal nga administrasyon, lakip na sila Elma E. Bero (MCR), Vicente G. Sibla, Jonaly C. Borinaga, Jessel P. Patriarca, Christian C. Patriarca (Admin Aides), ug si Angel S. Pombo, Coordinator sa Birth Registration, ug ang mga opisyales sa Barangay Local Government Unit sa nasangpit nga mga barangay.

Ang mga serbisyong gihatag naglakip sa legal nga tambag, birth registration, ug uban pang mga serbisyo nga gikinahanglan sa komunidad. Ang kalihokan nagpakita sa seryoso nga paningkamot sa opisina ni Cong. Alan Uno Ecleo aron mahatagan og hustong suporta ang mga residente sa ilang legal nga panginahanglanon.

14/10/2024

09/10/2024

KAPIN SA 1000 KA DINAGATNON NAGHIUSA KANG INCUMBENT REP. ECLEO SA PAG-FILE SA RE-ELECTION

Labaw sa 1,000 ka Dinagatnon ang nakiusa kang incumbent Cong. Alan 1 B. Ecleo sa iyang pag-file para sa re-election isip Representative sa Lone District sa Dinagat Islands. Kauban niya si Vice Governor Benglen Ecleo ug gubernatorial candidate Lamberto "Sonny" Llamera.

“Na-overwhelm ko sa suporta sa akong mga kauban nga Dinagatnon,” ingon ni Ecleo, nga nagpakita nga ang ilang trabaho aron maangat ang Dinagat Islands ginasaligan sa katawhan.

Si Ecleo, ang Provincial Chair sa LAKAS-CMD Party, nagplano nga ipadayon ang desisibong pagdumala sa lokal nga gobyerno. Nagsaad siya nga maghatag pa og daghang trabaho, panginabuhian, ug imprastruktura sa iyang ikatulong termino.

08/10/2024