03/07/2026
NAGPULONG ANG MGA SENADOR SA DILI PA MAGSUGOD ANG IMPEACHMENT TRIAL NI SARA DUTERTE
Nagpulong ang tanang mga senador sa usa ka caucus niadtong Biyernes, Hulyo 3, 2026, aron pinal nga andamon ang mga lakang sa dili pa opisyal nga molingkod ang Senado isip Impeachment Court alang sa paghusay sa kaso ni Vice President Sara Duterte karong Lunes, Hulyo 6.
Gipangulohan ni Senate President Sherwin Gatchalian ang majority bloc, samtang sila Senador Robin Padilla ug Senadora Loren Legarda maoy mitambong isip mga representante sa minority bloc sa briefing nga gihimo sa Senate lounge.
Matod ni Senador Erwin Tulfo, ang maong tigom nagtutok sa paglatid sa proseso sa impeachment trial ug sa hustong han-ay sa mga panghitabo aron hapsay nga madumala ang maong makasaysayanong proseso.
Usa sa labing importante nga hisgutan mao ang pagpili sa presiding officer, tungod kay ubos sa bag-ong giusab nga mga lagda sa Senado, gitugotan na ang mga senator-judges nga mopili og usa sa ilang kauban aron mangulo sa impeachment trial.
📸 Migz Zubiri/Facebook
