Ang SINAG

20/02/2025

🎶 Palaro ni BM AINAH ngayong Huwebes!🎶

Ito ang 𝐄𝐌𝐎𝐉𝐈 𝐓𝐇𝐔𝐑𝐒𝐃𝐀𝐘: 𝐆𝐔𝐄𝐒𝐒 𝐓𝐇𝐄 𝐒𝐎𝐍𝐆! 🎤🧐
Gamit ang emojis sa larawan, hulaan ang tamang awitin/kanta at magkaroon ng pagkakataong manalo ng ₱100 load o GCash! 🎉

Paano sumali?
✅ I-like at i-follow ang ating page.
✅ I-share ang post na ito.
✅ I-comment ang iyong sagot sa ating comment section (Unlimited hula!)
💡 Huwag kalimutan ang at kapag magcocomment at magshashare!

📍 Bukas ito sa lahat ng residente ng bayan ng San Jose, anuman ang edad! Tara na’t makisaya at subukan ang inyong galing sa paghula!🫶✨

18/09/2024

16/09/2024

PANOORIN: Nagbigay aliw ang ilan sa mga barangay officials ng Bubog at mga evacuees matapos ang walang humpay na sayawan. Evacuation Center, nagmistulang Disco Bar sa saya.

🎥: Shiela Ysug

15/09/2024

𝗞𝗮𝗯𝗶-𝗸𝗮𝗯𝗶𝗹𝗮𝗻𝗴 𝗙𝗲𝗲𝗱𝗶𝗻𝗴 𝗣𝗿𝗼𝗴𝗿𝗮𝗺𝘀 𝗮𝘁 𝗽𝗮𝗴𝗯𝗶𝗯𝗶𝗴𝗮𝘆 𝗻𝗴 𝗥𝗲𝗹𝗶𝗲𝗳 𝗚𝗼𝗼𝗱𝘀 𝘀𝗮 𝗕𝗮𝗿𝗮𝗻𝗴𝗮𝘆 𝗕𝘂𝗯𝗼𝗴, 𝗽𝗮𝘁𝘂𝗹𝗼𝘆 𝗻𝗮 𝗶𝘀𝗶𝗻𝗮𝘀𝗮𝗴𝗮𝘄𝗮

Patuloy ang pagsasagawa ng iba't ibang feeding programs at pamamahagi ng relief goods sa mga evacuees sa iba't ibang evacuation centers sa Barangay Bubog. Ang mga aktibidad na ito ay tugon sa patuloy na pangangailangan ng mga residente na apektado ng baha, tulad ng pagkain, tubig, gamot, hygiene kits at iba pa.

Lubos naman ang pasasalamat ng Barangay Officials ng Bubog sa pangunguna ni 𝗞𝗮𝗽𝗶𝘁𝗮𝗻 𝗗𝗼𝗻 𝗔𝗿𝗶𝗲𝘀 𝗘𝘀𝗽𝗶𝗿𝗶𝘁𝘂 sa mga organisasyon at indibidwal na tumulong. Narito ang mga sumusunod:

: 𝙂𝙤𝙫𝙚𝙧𝙣𝙤𝙧 𝙀𝘿 𝙂𝙖𝙙𝙞𝙖𝙣𝙤
: 𝙈𝙚𝙢𝙗𝙚𝙧𝙨 𝙤𝙛 𝙎𝙖𝙣 𝙅𝙤𝙨𝙚 𝙈𝙋𝙎
: 𝙆𝙖𝙗𝙖𝙩𝙖𝙖𝙣 𝙆𝙤𝙣𝙩𝙧𝙖 𝘿𝙧𝙤𝙜𝙖 𝙖𝙩 𝙏𝙚𝙧𝙤𝙧𝙞𝙨𝙢𝙤
: 𝘿𝙞𝙫𝙞𝙣𝙚 𝙒𝙤𝙧𝙡𝙙 𝘾𝙤𝙡𝙡𝙚𝙜𝙚 𝙤𝙛 𝙎𝙖𝙣 𝙅𝙤𝙨𝙚 𝘾𝙝𝙪𝙧𝙘𝙝 𝙖𝙣𝙙 𝙏𝙚𝙖𝙘𝙝𝙚𝙧𝙨
: 𝘽𝙖𝙥𝙩𝙞𝙨𝙩 𝘽𝙞𝙗𝙡𝙚 𝙈𝙞𝙨𝙨𝙞𝙤𝙣 𝘾𝙚𝙣𝙩𝙚𝙧 𝙤𝙛 𝙋𝙖𝙨𝙩𝙤𝙧 𝙍𝙤𝙗𝙚𝙣 𝙂𝙖𝙘𝙞𝙖 𝙈𝙤𝙧𝙖𝙡𝙚𝙨
: 𝙏𝙧𝙞𝙨𝙠𝙚𝙡𝙞𝙤𝙣 𝙤𝙛 𝘽𝙪𝙗𝙤𝙜 𝘾𝙤𝙢𝙢𝙪𝙣𝙞𝙩𝙮 𝘾𝙝𝙖𝙥𝙩𝙚𝙧
: 𝘾𝙤𝙧𝙞𝙣𝙚 𝘾𝙤𝙣𝙫𝙚𝙣𝙞𝙚𝙣𝙩 𝙎𝙩𝙤𝙧𝙚 𝙖𝙣𝙙 𝙑𝙚𝙮 𝙏𝙖𝙥𝙨𝙞𝙡𝙤𝙜
: 𝘼𝙦𝙪𝙖𝙢𝙖𝙣𝙜𝙮𝙖𝙣
: 𝘿𝙤𝙘𝙩𝙤𝙧 𝙕𝙖𝙥𝙖𝙣𝙩𝙖
: 𝙇𝙚𝙤𝙣𝙖𝙧𝙙𝙤 𝘾𝙤𝙧𝙥𝙪𝙯

via Ruzzerh Jake Bacay, Ang SINAG
Photo Courtesy: Ruzzerh Jake Bacay 𝗧𝗿𝗶𝘀𝗸𝗲𝗹𝗶𝗼𝗻 𝗢𝗳 𝗕𝘂𝗯𝗼𝗴 𝗖𝗼𝗺𝗺𝘂𝗻𝗶𝘁𝘆 𝗖𝗵𝗮𝗽𝘁𝗲𝗿 𝗙𝗕 𝗣𝗮𝗴𝗲

15/09/2024

TINGNAN: Kasalukuyang sitwasyon ng mga evacuees sa bawat evacuation center sa Brgy. Bubog.

📷: Ruzzerh Jake Bacay
Brgy. Bubog

15/09/2024

UPDATE: Narito ang kasalukuyang bilang ng mga evacuees sa iba't ibang evacuation center sa Brgy. Bubog.

Purok Relocation Site (Catholic Church)
37 pamilya
102 indibiduwal

Gymnasium
21 pamilya
88 indibiduwal

Health Center
3 pamilya
10 indibiduwal

14/09/2024

TINGNAN | Sa patuloy na pagtaas ng baha dulot ng malakas at walang tigil na ulan ay umabot na hanggang tuhod ang taas ng tubig sa ilang purok sa Brgy. Bubog San Jose Occidental Mindoro.

Photo courtesy | Bubog Scholars
Ang SINAG

23/08/2024

𝗖𝗢𝗠𝗘𝗟𝗘𝗖 𝗦𝗮𝘁𝗲𝗹𝗹𝗶𝘁𝗲 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝘀𝗮 𝗕𝗿𝗴𝘆. 𝗕𝘂𝗯𝗼𝗴, 𝗽𝗶𝗻𝗶𝗹𝗮𝗵𝗮𝗻

Ang pagboto ay karapatan at responsibilidad ng bawat mamayang Pilipino, ito ay ang unang hakbang tungo sa maunlad na komunidad. Kaya naman ngayong ika-23 ng Agosto 2024, ganoon na lamang ang pagpupurtsigi ng mga residente ng Brgy. Bubog na tumungo sa Barangay Hall kung saan isinasagawa ang COMELEC Satellite Registration.

Ayon sa panayam kay Ms. Abby Gorospe, casual employee ng COMELEC San Jose, ang satellite registration ay ang pagtungo ng opisina sa bawat barangay upang maghatid ng serbisyong pagpaparehistro sa mga edad-18 pataas na hindi pa nakakarehistro, bukod sa pagpaparehistro, maaari ring magpa-transfer kung nakaparehistro na sa ibang lugar, pwede ring mag-apply para sa correction kung may nais i-tama sa record ng COMELEC at magpa-reactivate sa satellite registration.

Sa pahayag ng Punong Barangay na si Kapitan Don Aries Espirito, mahalaga ang satellite registration dahil isang karapatan ang bumoto, "Karapatan ng bawat Pilipino na pumili na ng maihahalal nila sa darating na eleksyon", hinihikayat din ng punong barangay ang mga residente ng Barangay Bubog na magparehistro.

Isa sa mga tumungo sa satellite registration ngayong araw ang kabataang si Jhon Menard Sollegue ng IPC Village, aniya, mahalaga ito, dahil mahalaga ang makaboto.

Layunin din ng satellite registration ang makapagbigay ng serbisyo sa mga mamamayan na walang kakayahang pangpinansyal na tumungo sa mismong opisina ng COMELEC upang magparehistro.

Kristina Benoza, Ang SINAG

06/08/2024

𝗘𝘀𝘁𝗲𝗿𝗼, 𝘀𝗲𝗻𝘁𝗿𝗼 𝗻𝗴 𝗖𝗹𝗲𝗮𝗻-𝗨𝗽 𝗗𝗿𝗶𝘃𝗲 𝘀𝗮 𝗕𝗮𝗿𝗮𝗻𝗴𝗮𝘆 𝗕𝘂𝗯𝗼𝗴

Isinagawa noong ika-3 ng Agosto 2024, ang Simultaneous Kalinisan (Estero) Activity sa Barangay Bubog na dinaluhan ng mga residente at opisyal ng barangay. Ang aktibidad na ito ay bahagi ng kampanya ng barangay laban sa dengue. Nagsimula ito ng alas-sais ng umaga, na pinangunahan ni Barangay Captain Don Aries Espiritu at Barangay Kagawad Charlie Ligaya, kasama ang iba pang miyembro ng Sangguniang Barangay, Sangguniang Kabataan at mga boluntaryong residente.

Sa kanyang pahayag, binigyang-diin ni Kagawad Charlie Ligaya, ang pinuno ng Komite sa Kalusugan, ang kahalagahan ng kalinisan sa kapaligiran bilang isang epektibong hakbang upang labanan ang pagkalat ng dengue. "Kapag malinis ang ating mga kanal at kapaligiran, maiiwasan natin ang pagdami ng lamok na nagdadala ng dengue. Ang simpleng aktibidad na ito ay may malaking kontribusyon sa ating kaligtasan," ani Ligaya. Ang dengue ay isang sakit na dulot ng lamok na Aedes aegypti, at ang mga lugar na may naipong tubig ay nagiging pugad ng mga ito.

Samantala, sinabi ni Barangay Captain Don Aries Espiritu na ang nasabing aktibidad ay hindi lamang para sa pagsugpo ng dengue kundi para rin sa pagpapabuti ng kalagayan ng buong komunidad. "Isa itong magandang aktibidad dito sa aming barangay, lalo na ngayong umuulan at bumabaha. Sa pamamagitan ng sama-samang pagkilos, hindi lang dengue ang maiiwasan kundi pati na rin ang iba pang mga sakit na dulot ng maruming kapaligiran," dagdag ni Espiritu. Pinuri rin niya ang kooperasyon ng mga residente at hinikayat ang lahat na ipagpatuloy ang pagsuporta sa mga ganitong gawain.

Nagtulong-tulong ang mga residente sa paglilinis ng mga estero at kanal, tinanggal ang mga bara at mga basurang maaaring pagmulan ng sakit. Ang aktibidad na ito ay bahagi ng mas malawak na kampanya ng barangay upang panatilihing malinis at ligtas ang kanilang komunidad. Sa pamamagitan ng mga ganitong gawain, umaasa ang pamunuan ng Barangay Bubog na patuloy na magiging aktibo ang kanilang mga kabarangay sa pagtataguyod ng isang malusog at maayos na kapaligiran.

Ruzzerh Jake M. Bacay, Ang SINAG